|
نفس القطارات والسكك يوم مقبلة ويوم مدبرة وانا عمري 12 سنة
|
رحلة العمر رحلة دائما ما تكون مليئة بالاحداث مرة حلوة ومرة مرة ،، كثير منا مرت به مثل هذه الايام، أرجو التمعن في رائعة عقد الجلاد عطبرة وقراءتها بهدوء واسترخاء لاسترجاع جزء من ذاكرة ذلك الزمن الزمان كان جميل والناس الرائعين البيقابلوك في المحطة وانت مسافر في بلاد الله اتخيل نفسك وانت مسافر طبعا السفر زمان كان ضجة وقبل اسبوع عشرة يوم انت بتعلن السفر والسفر مكتوب علي وناس الحلة كلهم بيكونو شاهدين علي سفرك زي عقد الزواج وبعد كم يوم فلان مسافر وبعد بكرة مسافر وبكرة فلان مسافر والليلة ماشين نودعو لانو مسافر ولحظات السفر والفراق المر والهروب من الوداع وجات العربية وركبت وركبو معاك نفر من الاعزاء لوداعك عند محطة الوطن الكبير الكانت تضج متحضرة ووصلت السوق مشيت علي السكة حديد صوت قطارات المناورة وضجيج الورش وهدير العمال لحظة دق الصفارة وناس ماشين علي مستشفي عطبرة لزيارة زول عزيز وبالناحية التانية ناس الفاضلاب وام الطيور جايين بي حميرهم وشايلين اللبن وعربة كارو شايلة قش وما ادراك ما القش وبي ورا بي هناك ناس الداخلة والسيالة القديمة ونادي الاهلي واولاد الداخلة لابسين الشورتات ماشين يلعبو الدافوري كل هذه المناظر تتراءي امامك وانت ماشي علي المحطة القطر جاء؟ لا لسا قالو كان متعطل في ابو حمد لكن اسا طلع من بربر ووصل دارمالي وجاء ماري بي بانت ولاقوهو شفع المحاميدشتروهو وجاء ماري بي الرواويس وعمك حبوب ود ابراهيم شافو اتزكر لما كان شغال في السكة حديد واتزكر ايام الشغل ومرورا بي كنور وخليوة لحدي ماجاء داخل عطبرة ....... ويلا يا جماعة اها في امان الله خلاص امشو انا بركب جوة ، يازول تركب كيف لو ما صفر ما بتركب وصفر القطر ونزلت الدموع وبدأ الفراق المر واللحظات الصعبة ودنيا فيها الريد محنة وكل زول حاضن وليفو ............. القطر قام والناس الجوة يلوحو باياديهم من الشبابيك لكل من في المحطة البعرفوهو والمابعرفوهو الناس ما كانو حنان شديد لي بعض ............. وتبدأ رحلة العزاب المر في بلد الغربة فالناس زمان الماشي الخرطوم بيشوفوهو متغرب ............. الليلة الحال كلو اتقلب علي قفاهو ............
الرجاء مقارنة ذلك الماضي الجميل بالحاضر الما جميل
استراحة جميلة ولكم التحية
عطبرة اشعار : جمال عبد الرحيم الحان : طارق جويلي
من قمت من بيتنا ومشيت بطاقتي صورة مصغرة شايل معاي شنطة صفيح حزمة هموم ولدا متين بقي للسفر والاغتراب والدردرة كان الزمان لسة رضى والناس ظروفها مقدرة وانا في القطار اصغر صبي امال تفيض متفجرة لما القطار صفر وقف بهرتني صورة عطبرة دي محطة الوطن الكبير كانت تضج متحضرة ونزلت ماشي على الرصيف اغبش هدومي مغبرة الهجرة من زمناً قديم زي ساقية فينا مدورة.. عائلة ابوي عبد الرحيم من حلفا جات متهجرة اديلة او والله رن فجلي بلد نفاي اموقا كجلي نورين موقو كن جواب كفاي دقيتني نفص كورين لوجي نفس القطارات والسكك يوم مقبلة ويوم مدبرة كان عمري 12 سنة شايل التقيلة مبكرة رحال بدون زاد لا متاع كان لي كتاب ومفكرة لميت شتات بعض الحروف وقرايتي تبدو مكسرة من قمت من بيتنا ومشيت بطاقتي صورة مصغرة شايل معاي شنطة صفيح حزمة هموم ولدا متين بقي للسفر والاغتراب والدردرة
مع اجمل تحياتي بكري الخير
|
|
|
|
|
|
|
العنوان |
الكاتب |
Date |
نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-10-08, 12:04 PM |
Re: نفس القطارات والسكك يوم مقبلة ويوم مدبرة وانا عمري 12 سنة | محمد عبد الماجد الصايم | 03-10-08, 12:29 PM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-10-08, 12:33 PM |
Re: نفس القطارات والسكك يوم مقبلة ويوم مدبرة وانا عمري 12 سنة | محمد عكاشة | 03-10-08, 12:36 PM |
Re: نفس القطارات والسكك يوم مقبلة ويوم مدبرة وانا عمري 12 سنة | محمد عبد الماجد الصايم | 03-10-08, 01:26 PM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-10-08, 12:39 PM |
Re: نفس القطارات والسكك يوم مقبلة ويوم مدبرة وانا عمري 12 سنة | امنة عبد الكريم | 03-10-08, 07:00 PM |
Re: نفس القطارات والسكك يوم مقبلة ويوم مدبرة وانا عمري 12 سنة | محمد عبد الماجد الصايم | 03-10-08, 07:09 PM |
Re: نفس القطارات والسكك يوم مقبلة ويوم مدبرة وانا عمري 12 سنة | Mohamed Ahmaed Olyesh | 03-10-08, 07:49 PM |
Re: نفس القطارات والسكك يوم مقبلة ويوم مدبرة وانا عمري 12 سنة | GamarBoBa | 03-10-08, 08:30 PM |
Re: نفس القطارات والسكك يوم مقبلة ويوم مدبرة وانا عمري 12 سنة | Mohamed Ahmaed Olyesh | 03-12-08, 02:14 PM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-11-08, 08:09 AM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-11-08, 12:11 PM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-12-08, 08:20 AM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-15-08, 09:59 AM |
Re: نفس القطارات والسكك يوم مقبلة ويوم مدبرة وانا عمري 12 سنة | mahmed alhassan | 03-15-08, 10:39 AM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-16-08, 12:22 PM |
Re: نفس القطارات والسكك يوم مقبلة ويوم مدبرة وانا عمري 12 سنة | بكري الخير | 03-17-08, 07:20 AM |
|
|
|