|
|
 نصائح ام سودانية لابنتها
|
نصائح ام سودانية لابنتها
يا بت هوي فتحي عينك و ابقي نجيضة وفالحة.....
قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا....
الراجل ما تضحكيلو كتير ..... يسعلني الله يحقر بك.... الراجل اديهو العين الحمرا.
وان قدرتي لعند ايدك تلحقيها ليهو لحقيها ... ابقي نجيضة.....آآية..... زي امك.....
الله بسعلني وقت ابوكي يقول حاجة تضحك.... امشي اتحشر في الاوضة واضحك زين واجي مارقة صارة وشي....
وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....
واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف ال...... بيخربن الرجال
وقت المسلسل داك يبدأ شفتي جيبي فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير يرضع وبيبكي خليهو في بكاءهو داك لمن المسلسل ينتهي....
وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبي بطفيها.....اااااااااااي.... عشان تربيلو الزلعة ..... والخلعة....
بس اوعك تغني لو الليلة يوم الرجال .... بيقوم يصدق و يتحنفش فوقك ساكت........
واوعك تشكريلو حاجة جابها ....
ان جاب لك لحم ختي ايدك فوق راسك وقولي لو وب علي وب علي وب علي غشوك وادوك الجلافيط.....
وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقيو قوليلو دا شنو يا عبدالله؟......الريحة المتل ريحة الفسيخ دي جايبها من وين؟ غايتو انت مغستك تقد.......
وان جنك نسوان ولا بنات....ما تخليهو يقعد وسطن .... ويتونس .... طيريهو من البيت....وان ابى يمرق... قدرمايقول ليو نكته ولا يخفف دمو قدامن صري ليهو وشيك .... وقوليلو انت يا عبد الله ما عندك غير النكتة دي؟ يا خي عملت لنا بها وجع... وش......
اصلهم الرجال عارفاهم ... الواحد فيهم من يشوفلو لمت بنات يقعد يخفف في دمو ويعمل فيها ودنفاش ..... وتلقيهو يضحك بلا سبب ... حتى ان واحدة قحت ساكت ... يقعد يضحك ويصفق ايديهو....
واوعك تخليهو معاهن وتدخلي المطبخ تسوي لك شربات .....
وحات الله بنات الزمن دا ان غفلت من راجلك دقيقة بس تلقيها عرستو
شكراً للصديق محمد قمر مرسل هذه النصائح
|
|
 
|
|
|
|
|
|
|
|
Re: نصائح ام سودانية لابنتها (Re: سامى عبد الوهاب مكى)
|
سامي يا عمك| Quote: اصلهم الرجال عارفاهم ... الواحد فيهم من يشوفلو لمت بنات يقعد يخفف في دمو ويعمل فيها ودنفاش ..... وتلقيهو يضحك بلا سبب ... حتى ان واحدة قحت ساكت ... يقعد يضحك ويصفق ايديهو |
خلي بالك الحاجة دي شكلها يا عضوة زميلة في البورد يا بتقراه كتير
| |
|
|
|
|
|
|
|
|
|
Re: نصائح ام سودانية لابنتها (Re: Safia Mohamed)
|
Quote: ازيك وين ياخي مشتاقين
غايتو عليك جنس محن ، يعني نحن رحنا فيها ما في زول ادانا نصايح زي دي
بس عندي سؤال سغيروني كدة أم اسيل بتعمل ليك كدة
فتك بعافية
صفية |
في داعي للاحراج يا حاجة!!
أم اسيل مريخابية ودي حركات رشاشات
| |
|
|
|
|
|
|
|
|
 Re: نصائح ام سودانية لابنتها (Re: سامى عبد الوهاب مكى)
|
Quote: وان جنك نسوان ولا بنات....ما تخليهو يقعد وسطن .... ويتونس .... طيريهو من البيت....وان ابى يمرق... قدرمايقول ليو نكته ولا يخفف دمو قدامن صري ليهو وشيك .... وقوليلو انت يا عبد الله ما عندك غير النكتة دي؟ يا خي عملت لنا بها وجع... وش......
اصلهم الرجال عارفاهم ... الواحد فيهم من يشوفلو لمت بنات يقعد يخفف في دمو ويعمل فيها ودنفاش ..... وتلقيهو يضحك بلا سبب ... حتى ان واحدة قحت ساكت ... يقعد يضحك ويصفق ايديهو....
واوعك تخليهو معاهن وتدخلي المطبخ تسوي لك شربات .....
وحات الله بنات الزمن دا ان غفلت من راجلك دقيقة بس تلقيها عرستو
|
غايتو يا سامي جنس محن
| |
|
|
|
|
|
|
|
|
|
Re: نصائح ام سودانية لابنتها (Re: سامى عبد الوهاب مكى)
|
Quote: قفلناها بس ما يجي زول يحرك الملف دا تاني ولا بنشيل سلاح عديــــــــــل بعد كدا!!
وما بعيد نفتح لينا مكتب إن شاء الله في لبنان |
لبنان (وش منطط عيونو)
هسه الجاب لبنان شنو 
كدى وريني انت كاتب شنو في موبايلك بدل إسم زوجتك 
وانا ما بكلم زول ولا حتى زولة
| |
|
|
|
|
|
|
| |
محمد البشرى الخضر
العوض المسلمي
Safia Mohamed
انعام عبد الحفيظ
فيس بوك
تويتر
انستقرام
يوتيوب
بنتيريست