|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: مريم بنت الحسين)
|
و الله يا أمل .. السويتيها رقدت و إنكوّعتْ ..
من الآخر كده إنتن دايرات زول ( مثالي ) .. مش ؟ تلقوها في الغافل .. عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً .
على أيام الجستابو قالوا عمك الفوهرر كان بيدخل جواسيس الحلفا في أوضة بيضاااااا و نضيييفة و مدوووورة و صااااااانه , و يخليهم أيام .. يقوم الجاسوس بعد يطلعوا من الأوضة دي يفتّ ليك أي شي لأنو بيكون مدمر نفسياً و كايس للتحلو و بس . أها الزول المثالي ده بيكون ياهو اوضتنا دي زاتا : ممل و نضيف و أبيض و طيب و كويس خالص خالص لمن يخليك تنتحر من السأم .
شوفي يا أمل .. ما تاخدي ذنب بنات الناس و تسدي نفسهم ساكت .. زول ما فيهو شي من الكعوبيات الشايلة حالنا بيهم ديل .. بيكون واحد من إتنين : يا هطلة و تلّوشة .. يا كمان ملاك .. و الإتنين .. ما رجال .
..... في الكتاب بتاعي " إنّا لله .. نسوان عجيبات " ح أخُتّك الكاتيقوري رقم 63 ..
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: Emad Abdulla)
|
والله ياعماد دي وجهة نظرك وانا بحترمها ............بس ياريت بعد ماواحدة من اخواتنا ترضي بيك بي علاتك ..اذا افترضنا وجودها على حسب كلامك
Quote: عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً |
.
ياريت بعدين انت برضو ترضى بيها على علاتها.........وماتقعد تغني ظلموه وشاحدة ربي ياعماد ياودعبدالله تلم ليك في واحدة من نوع النسوان تكون لامه كل التنوع الانت بتحبو ....وبعيدة عن المثالية الانت بتكرههاا البوبارة، والشمشارة، والنقناقة، والمتسلطة، والمسترجلة، والمتفلسفة، والمتحنكشة، الكل يوم شكل عشان تضيف لي حياتك البهجة البتتمناها
تطلع تخليها متحنكشة وترجع تلقاها مسترجلة تنوم تخليها نقناقة ........تصحى تلقاها متسلطة
قول يارب
برجع ليك تاني
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
اها وكمان عندي ملحوظة بسيطة
في فرق كبير بين كلمة الرجل المناسب ..............وبين الرجل المثالي
انا في البوست بتاعي مااتكلمت عن الزوج المثالي .........ولا جبت سيرتو انا اتكلمت عن الرجل المناسب
بالعربي كده
في فرق كبير بين انك تنزل السوق عشان تشتري غرض ... مثلا فرق كبير بين ان تبحث عن قميص مناسب .......وقميص مثالي القميص المناسب بناسب شكل احتياجك ليهو .........وجيبك ........والمناخ الانت عايش فيهو لكن القميص المثالي ده ممكن تدوخ في السوق وماتلقاهو
وقع ليك ولا اعيد ليك
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
Quote: عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً |
.
المثالية ماحالة عبيطة .........ومملة .......عارف ليه؟؟؟ ...............لانها اساسا ماموجودة ....الرجل المثالي كائن خرافي
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: heba Elmahi)
|
الزولة اللذيذة هبة ........انتي وين من زمان .........
Quote: انا موافقة علي التعديلات لانو زي ما قلتي ما فضل زول ( يعني الناس ما تعرس معاكم و لاشنو !! ) |
اكيد عشان مايقولو الزولة دي حاسدة .........بعد مااتزوجت وضمنت .......جاية تشرع ..... انا بس بخت ليهم .........اقصد ليهن شمعة في اول الطريق
انتي اديتي البوست نهكة سودانية مية المية تسلمي على الاضافات وعلى انصافك لي معشر الرجال غايتو تصنيفك للنسوان حيخلي المعادلة مموزونة
____________________________________________________________________________________________ *كل ماورد من صفات يخص السادة العزاب .........المتزوجون يمتنعون ......عشان مانعمل فتنة
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
أمل قدورة انا طبعآ مصنفك - حلوة مصنفك دي ؟ - من ضمن ظرفاء البلاد وكمان إكتشفت ظريفة أخرى تدعى هبة الماحي التي قدمت إضافات معتبرة للتسع العظماء بتاعنك
وانا ممكن أضيف على القائمة بتاعتك المعدلة من هبة الماحي اربع انواع من الرجال كان متي عانس وبصمة خشمك ماتعرسي واحد منهم وهم البخيل ------------ ده بيكون بخيل في ماله وبخيل في عواطفه وبيقتر عليك عيشتك وبحاسبك على دائر المليم وبيحصى أنفاسك وبيطفي ليك النور عشان فاتورة الكهربا وبيقول ليك جيبي موية من الجيران عشان خايف من فاتورة الماء وبيصادر تلفونك عشان فتورة كيوتل ولا سودلتل وليبيا تل لو فستانك تمزق وبانت نواجزك ما بيسمح ليك بشراء آخر ومابيوديك الدكتور الشاطر في العيادة عشان أجرته مرتفعة وممكن يفتح التلاجة ويعد البيض ويحاسبك عليها وأمكن على بويضاتك ذاتها وقعدتك الفي الكمبيوتر ديك ما تحلمي بيها
الشكاك : ---------- ده بيشبه رقم 3 عندك الذي يعاني من عقدة إضطهاد بس اسوأ وأنكى بيراقب حنانك ذاتو لو ساكت سلمتي على واحد ونسيتي يدك كم ثانية قبل ما تسحبيها ، بيحاسبك لو تلفتي بشباك العربية بيعمل منها موضوع بيراقب تلفونك ويراجع مكالمتك وبيقوم بالإتصال بالتلفونات الغريبة بيجي راجع البيت في أوقات مختلفة
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
أها يا أمل
{20} الزول عديم الحيلة ------------------- وبرضو بنسميهو أم رخم الله زول ماعندو أي طموح قنوع مكتفي بالبكالريوس العملها قبل 20 سنة وقانع بالوظيفة الوضيعة والمرتب المحدود امكانياته هي ذاتها الكانت قبل 20 سنة لابيتطور لا بيتحرك بس بيترقد من ضل لي ضل وعايزك انت التي تسعي لا بيغير ليك اللمبة لابيصلح ليك الأكرة لابيراقب ليك الحلة لابيشطف العيال لابيكسر العنقريب وتلقي كرشو لازة وريالتو سايلة
ويحب الطعام نهم أكول
لا بيغير لابيطير لا بيكسر السرير
ده لو كتبو ليك دواء ماتشربيه
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
حتى يكتمل TOP 20 حاضيف البند الناقص
19. ود امو
رقيق ولطيف وناعم بعض الشيء ربما يكون لديه "كرش" صغير من أكل "ماما" المظبط يقضي معظم وقت فراغه في البيت.
الشيء الذي يشدك إليه في البداية أنه يحب مشاهدة برامج المرأة و"طبق اليوم" معك. الشيء المرعب أنه سبق وشاهد كل هذه الحلقات.
علامة الخطر يقول إنك أنت الفتاة التي كانت تحلم بها والدته طوال عمرها لتكون زوجة لابنها ويعرفك عليها في أول لقاء بينكما.
لكي تتخلصي منه اعترفي له أنك تفضلين الرجل الذي ينتقي ملابسه بنفسه ولايعتمد علي ذوق ماما "البلدي".
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
عجبتني قلت انقلها ليك هنا يا أستاذة/ أمل قدورة نثيق بيرسونال
Quote: المراحل العمريه للمرأه المرأه من 14 الى 18 كالمدينة المنوره الكل يعشقها ومن 18 الى 25 مثل لوس انجلس مثيره ومتوحشه وغامضه ومن 25 الى 35 مثل دبي متطوره ورائعه ومن 35 الى 45 مثل جده رطبه وحاره ولاتزال جذابه ومن 45 الى 50 مثل القاهره خسرت الحرب ولم تخسر الامل ومن 50 الى 55 مثل الرياض متوثبه وراقيه ولكن لا احد يريدها ومن 55 الى 65 مثل قطر ياحبها للشر والمشاكل ومن 65 الى 75 مثل الخرطوم ماضي عريق ولكن بدون مستقبل |
| |
|
|
|
|
|
|
كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
الاخت امل تحياتى بس فى موضوع القسمة والنصيب بدخل وهو البختار ليك وبعدين يا امل الشباب الايام
دى هارب من الزواج بدون شروط خلى توصى وتشرطى...... انتى ما عارفة انو الناس خلت موضوع التعارف داك
بين الاهل لانو الواحد بقى يسوق اهلو عشان يسلمو بس يقفلو عليهم الباب وبيكون داسين الماذون جوه ويتبرع
خال العروس ويحلف بى اغلظ الايمان وطلاق تلاتة انو ما بترجعو الا وانتم عاقدين..... ويدخل عم العروس ويقول
انتو كمان بسألو منكم.... افو ..اكان عيزين تسوقوها الليلة ياها بتكم..... وهو طبعا اول مرة يلاقيكم
ويسمع عنكم وعرف اسم عيلتكم من العروس قبل شوية..... ويطلعو الماذون المدسوس وناس الحلة يسمعو الروراى
وصوت طلقة المسدس من ود عم العروس عسكرى البوليس.........
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: ايهاب مهاجر)
|
Quote: موضوع القسمة والنصيب بدخل وهو البختار ليك |
اها كلمة قسمة ونصيب دي الشماعة البنعلق عليها اخطاءنا .........الواحد يعلق بت الناس معاهو خمسة سنين ............وبعدين يجي يقول ليها معليش القسمة ماادتنا .........واهلي فرضو علي اتزوج بت عمي ......اشمعنى ماقدرو يفرضو عليهو يحب منو في الاول ... ولا الواحدة بعد علاقة طويلة ...يجيها مغترب جاهز تكب الزوغة ..........وتتزوج العريس الجاهز ........وبرضو الشماعة القسمة والنصيب
Quote: انتى ما عارفة انو الناس خلت موضوع التعارف داك
بين الاهل لانو الواحد بقى يسوق اهلو عشان يسلمو بس يقفلو عليهم الباب وبيكون داسين الماذون جوه ويتبرع
خال العروس ويحلف بى اغلظ الايمان وطلاق تلاتة انو ما بترجعو الا وانتم عاقدين..... ويدخل عم العروس ويقول
انتو كمان بسألو منكم.... افو ..اكان عيزين تسوقوها الليلة ياها بتكم..... وهو طبعا اول مرة يلاقيكم
ويسمع عنكم وعرف اسم عيلتكم من العروس قبل شوية..... ويطلعو الماذون المدسوس وناس الحلة يسمعو الروراى
وصوت طلقة المسدس من ود عم العروس عسكرى البوليس......... |
بعد غياب طويل من السودان رجعت السودان شبه نهائي .........المهم حضرت كم مناسبة خطوبة .......بنمشي على اساس انو الحكاية تعارف وكده ..........شوية يقولو ليك الرجال عقدو ........وتتقلب من خطوبة لي عقد ...يعني تدبيسة .......وكلهم بيجمعو على جملة واحدة .....والله العقد كان مفاجاة ..........طبعا مابكملو باقي الجملة (مفاجأة للعريس )
مرة واحد قريبنا مشى يخطب .......وعمرو في حياتو مادخن سجائر ........المهم اتفاجا بي واحد من الحاضرين بيقول ليهو رايك شنو نعقد مرة واحدة طالما انك عايز البت دي رسمي ........زولنا اتلفت جاي وجاي ...........وقال ليهو عليك الله اديني سجارة
| |
|
|
|
|
|
|
Re: كيف تتعرفي على شريك حياتك المناسب؟؟...تجنبي هؤلاء الرجال التسعة (النسخة السودانية) (Re: aml gadora)
|
Quote: من الآخر كده إنتن دايرات زول ( مثالي ) .. مش ؟ تلقوها في الغافل .. عشان حكاية " المثال " دي الناس لقتا عوّه ما شغالة .. لأنها ببساطة حالة ما حقيقية .. و إفتراضية قايمة على كمية من اللولوات و الأشواق و الأحلام و الرفض .. في كل شي حكاية ( المثال ) دي ما شغالة .. مش في الرجال و النسوان بس .. المثالية حالة عبيطة .. و مملة ياخ .. حالة ثبات و إستقامة و كمال بايخة جداً . |
الكلام دا منطقى البخيل و الشكاك و اللين خالص دى كلها حاجات ثانوية
الاحترام - الاحترام - الاحترام
| |
|
|
|
|
|
|
|