|
|
 هيي يا القرد ماإتلومت لكن .. أكلت فتته جوه غُرفته !!!!!
|
ديني أنا .... قرد وولد قرد وجدو قرد بالجد جد .. مابالغت لكن ياسليل القرود شٍن قدرك ووصلك لأنك تاكل فتته ندوية وولدها وائل ( ياربي دي زي فتتنا ) .. ووين ياقرد يامابتختشي ... في نص غرفته وعلى سريرهم ...
أمبارح كانت إعادة للبرنامج الظهرت فيه ندى القلعة في هارموني واللي هو على ما أظن كان يوم كورة الريال في الدوري الأسباني ( ولو عندي فاتحة يوم السبت والأحد بقول ليهم مأجزين الليلة تعالو يوم الأثنين .. تنفيذا لتعليمات حكومة البشير يوم السبت وتعاليم الدين المسيحي يوم الأحد ) المهم والخلاني أذكر الكلام ده برغم أنو أخونا عمر الفاروق على ما أذكر أتطرق ليهو .. بس اللحظة الجيت داخل فيها أنا كانت مشوقة خلاص .. لقيت ليك ندى بتقول هترل ( وأكيد قاصدة هتلر بس سرعة الصوت عندها قلبت الحروف ياخي هترل هتلر كلو ماشي وعلى كيفك تسميهو زي ماعاوزة ) المهم الهترل ده كان ساكي القرد وعلى طول هم في مشاكل مع بعض وقبل كده الهترل ده قاتل ليها قرد قردين ( ياأختي ماكلمتينا علشان نجي نحضر العزاء ) .. ياسلاااااااااااااام بالجد أنا إتأثرت .. بالذات في الحتة الأخيرة دي ... يعني بت باردو لو عرفت مابتخلي الهترل ده .. وزعلت منو شديد خالص ولكن ... وفي النهاية طلع الهترل ده كلب بن ستين كلب ... وياسلاااام على البرنامج أو على الخمسة دقايق أو العشرة الأنا حضرتها كانت كلها كلام عن الكلاب والقردو وكيف حلت مشاكلهم وكيف بتحاول توفق بيناتهم علشان يعيشوا في سلام ( كأني بحضر في مسلسل ماوكلي ) ...
الخلاصة ...
دحين بت القلعة دي .. مابتقدر تحل لينا مشاكل السودان .. مادام قدرت على مشاكل الكلاب والقرود .. أكيد بتقدر على مشاكل السودان ...
وتاني بقوله ..
لكن ما إتلومت يا القرد .. تاكل فتته في نص غرفته ...
|
|
 
|
|
|
|
|
|
|
|
Re: هيي يا القرد ماإتلومت لكن .. أكلت فتته جوه غُرفته !!!!! (Re: Haitham Labib)
|
Quote: في نص غرفته وعلى سريرهم ...
|
يا حاتم
بالله لمن تنقل ليك معلومه اتأكد من صدقها
لانو ندى قالت انا عامله لى ( قطيه ) فى
البيت والقرد كان بينط من راس القطيه فى
سريرا عشان يصحيها ( بالله شفت القرد دا محظوظ كيف ) 
والكلب كان لمن يسمع بورى العربيه حقت ندى بيفرح جدا
وبيتنطط نظام انا بعرف ستى وكدا وهى ماعارفه انو فى رجال
طوال وعراض وبى شنبات لمن يشوفوها فى التلفزيون بيتنططوا
برضو ( يعنى هى بقت على الكلب بس )
المهم ياحبه
ارجوك تانى لمن تنقل معلومه عن ندى او تسمعا بتتكلم فى التلفزيون
طرطق اضانك كويس واسمع زين وبعدين تعال اتكلم
عالم حاقده بشكل
الواحد ماعارف الفرق بين الاوضه والقطيه وجايى فرحان وفاتح ليهو بوست
| |
|
|
|
|
|
|
|
|
|
Re: هيي يا القرد ماإتلومت لكن .. أكلت فتته جوه غُرفته !!!!! (Re: على محمد على بشير)
|
شكلك أنت المحتاج تنضف أضانك كويييييييييس .. القرد بصحيها من القطية والفتة كانت في الأوضه فشكلك ماكنت مركز في الكلام أنت .. المهم أوضه قطية كلو فتة وإتاكلت من قرد .. وفرحان مافرحان برضو مامشكلةأنا كان هدفي واااضح أنها قدرت توفق بين الكلاب والقرود ( وكمان دي عاوزة ليها تطريق أضان ) خليك في الأساس وأترك الحاجات المكملة دي .. عالم عجيبة جداً ...
| |
|
|
|
|
|
|
| |
انعام حيمورة
على محمد على بشير
فيس بوك
تويتر
انستقرام
يوتيوب
بنتيريست