|
|
 انا باقى لى مليون ريال..... انتو باقى ليك كـــم.....؟؟؟؟؟
|
جميلات و جميلين البورد,,,كيف حالكم
اغلب الاعضاء منكم مغتربين ومغتربات ,تركتم دياركم واهليكم بحثا عن تغير الاوضاع,,انا اسى لى عشرة سنوات فى المملكة,,حين جئتها وجدت مغتربين ليهم خمسة وعشرون سنة فيهم من وصل لارزل العمر وفيهم من قضى نحبه ودفن فى المنصورة او النسيم,,من كان لدي اسرهم بيت جاهز وارتباطات فى السودان رجعت اسرهم مع دموعهم تشرشر وهم يودعون الوطن الشتات , ومن لم يكن ما لديهم ما يرجعهم فضلوا المكوث فى المنافى ,,, لان عليالهم كبرت وبناتهم ارتبطت بعوائل اخرى,,,
انا اسى حددت هدفى خلاص لان الاغتراب بدون تحديد هدف ضياع زمن , وراجع نهائى بعد ما اجمع مليون ريال لان حصيلة ما جمعت من هللات فى العشرة سنوات المضت ,,,اشتريت بيها قطعة ارض فى ضواحى الخرطوم وجبت اخوى وابن عمى وابن خالتى معاى هنا حتى يساهمو فى نهضة الوطن
وما تبقى لى من تحويشة عملتو فى بت حلال وحصيلتى منها بنت ربما تنفعى فى الزمن القادم
اها اسى عشان ارجع للوطن نهائى الباقى لى مليون ريال فقط,,,انتو الباقى ليكم كم؟؟؟؟
|
|
 
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: عبدالله كع)
|
عبد الله كع,,,,,
يازول برجع معاى انت مضوعك ساهل خلاص
ذكرنى موضوع الزول المطلوب فى شيك بقيمة مليون جنية سودانى وما قدر يسددو فدخل السجن مع تماسيح المليارات,,لما عرفو انه مسجون فى مبلغ البسيط تكفلو له بدفعه لكن زولك رفض يخرج من السجن لان تماسيح السجن وجباتهم بتاتى من فنادق خمسة نجوم او من اسرهم التى تتحفهم بكل من لذ وطاب
فتك عافية
| |
|
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: abuguta)
|
ابوقوته والقنبله الموقوته
ياخي بالله المليون ريال ده اسي حاجه الناس بقت تتكلم بالملاييرر ( جمع مليار عشان ماتنخلع )
انت لسه في المليون
مليون بونابرت ...هيييييييي يكه
تعال ادينك ليها وترجعه براحتك مامشكله
وجني ما يخوفك بالشحن وما ادراك انت قدرت تتسلف مني المليون ماقادر تتسلف حق الشحن والهدايا
الاخيار الزيي كتاااار بسلفوك مامشكله
ترقبوا قريبا:
جمعية مشجعي العوده للديار الطوعيه
| |
|
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: abuguta)
|
Quote: صدقنى صعب الامر على,,,بس انا ما برجع لو ما حققت هدفى دا
ودمت |
قالوا العبرة كم توفر وليس كم مرتبك!
المصريين بسموا استلام المرتب القبض ونحن بنسميهو الصرف !
نحن لو قبضنا بنقبض الريح!
تعرف يا ابوقونة انا لو اديتنى الف دولار وقفلتنى فى غرفة اسمنتية ليس بها منافذ تانى يوم بتلقى عندى 100 دولار فقط!
انا لو ما اشتريت بتهرش زى بتاعين البتاعات!
عشان كدة لا مليون لا يحزنون!
اها دى تقول فبها شنو!
جنى
| |
|
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: jini)
|
| Quote: انا لو ما اشتريت بتهرش زى بتاعين البتاعات |
جنى ضحكتنى,,
مرة من المرات جادت علينا الشركة ببونص 4 شهور قوجدت الشباب يهترشون كهترشتك حين تقبض
فقلت ليهم ياجماعة الخير انتو ما بتتحملو الشغلة دى ادونى ليها وانا بديكم ليها سلقة سلقة
احد بلدياتى كان حارس ليه مزرعة ولقيتو فى بيت العذابة يهترش انا ما بتحمل القروش
انا ما بتحمل القروش,,قلت ليه تعال قفت عليه الغرفة قلت ليه طلع القروش المعاك لقيتهم
8 الف فقط,,يازول ما عندك تانى, قال لا,,, تصدق المبلغ دا مخليه مهترش
قمت سقتو على الصراف وعملت ليه كشف حساب قلت ليه شفت اناعندى كم عاوز اتمها مليون ما قاعد اهترش زيك,,حتى هجس,,اسى مشى السودان تزوج فيها وقالو عمل ليه حمار كارو وحرس المرة هناك
قال كفاه غربة
شكرا على المداومة
| |
|
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: jini)
|
ايقوتة يا هندسة
سيبك من احباطات جني دي وخليك متفائل والأف ميل بتبدا بخطوة وكلو بتحقق .. أنسى النوع البقول ليك البلد دي انتهت ديل تلقاهم كاتلين الجدادة وخامين سواسيوه تلقى الواحد راقد لو فوق عمارتين تلاتة في قاردن سيتي ويشبكك أنا مديون وحق التذاكر للإجازة ما عندي ..
مليونك بجي إلا نحن آخر ريال بنتقاسمو مع الملك عبد الله ونبقى مارقين ..
تحياتي
| |
|
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: بكري اسماعيل)
|
Quote: الجدادة وخامين سواسيوه تلقى الواحد راقد لو فوق عمارتين تلاتة في قاردن سيتي ويشبكك أنا مديون وحق التذاكر للإجازة ما عندي ..
مليونك بجي إلا نحن آخر ريال بنتقاسمو مع الملك عبد الله ونبقى مارقين |
..
بكرى اسماعيل
بحكى ان دكتور سودانى مقيم فى الغربية له فيلا يعمر فيها 15 سنة وهو له 35 سنة مغترب الولد الكبير تخرج ويعمل فى نفس الدولة و البنات تخرجن ومنهن من تزوجت,,اخونا دا قاعد يسال كل رجل قادم من الوطن عن الفيلا,,اذا اردت ان تحظى باحترام من هذا المغترب قبل قدومك الى تلك المدينة زور فيلا هذا الدكتور وتعال احكى ليه عن الزهور الصاحية والورود العابقة والطيور المشقشقة فى حديقة المنزل, سوف يكون فطورك فى منزله وغداك فى فندق وعشاك فى الكورنيش , اها احدى السنين وصل لتلك المدنية رجل ساخر من اقارب صاحبناوعند قدومه الى مجلس صاحبنا ساله عن الفيلا,,فقال له ان فيلتك جميلة لكنها تفتقد الى اهم شىء لابد من عمله فى اسرع وقت,,فاندهش الدكتور معقولةهل هنالك شىء تفتقده فلته,,,فساله ما هو الشىء المهم,,قال له لقد نسيت ان تحفر فيها قبر حتى يدفنوك فيه لما تموت
فعرف ذلك الدكتور مقصد قريبه فرجع الى ارض الوطن
اشكرك على مساهمتك القيمة
| |
|
|
|
|
|
|
|
|
|
Re: انا باقى لى مليون ريال..... انتو باقى ليك كـــم.....؟؟؟؟؟ (Re: abuguta)
|
ابقوته
سلااااااام
أول ما جيت البلد دي لقيت واحد قال ليهو 8 سنوات , ظللت أيام بلياليها أفكر كيف الزول بقدر يعيش
برة بلدو الزمن ده كلو , أهه أخوك الآن الهو أنا لي 11 سنه بالتمام والكمال , ومافي صورة محددة
ولا خطة للعودة للوطن , يعني أخير انت حددت هدفك ب مليون ريال .
بس تعرف يا ابقوته مليون ريال يعني 530 مليون جنية سوداني بالقديم , يعني المبلغ ده كان بنى ليك
قطعة الارض الاشتريته , واشتريت منو عربيه , ما بفضل ليك حاجة تستثمره وتعيش منها
الا ترجع تتوظف تاني عشان تعيش , ما تقول الزول ده محبط , ده كلام واقعي .
وامشي اجازة شوف تكاليف البناء والمصاريف وتعال ورينا الحاصل .
مودتي
| |
|
|
|
|
|
|
| |
abuguta
عبدالله كع
jini
محمد الطيب حسن
البشير دفع الله
فيس بوك
تويتر
انستقرام
يوتيوب
بنتيريست