زواج فتاة الـ SMS .. بصوت عذب ـ بضم العين وكسر الذال ـ شوقاً قال ليها:

زواج فتاة الـ SMS .. بصوت عذب ـ بضم العين وكسر الذال ـ شوقاً قال ليها:
رندا عطية: بصوت عذب ـ بضم العين وكسر الذال ـ شوقاً قال ليها: رسلت ليك مرسال.. والمرسال مشى وما جا! وبعد ان تسكعت بعينيها على (وجهه) وقبل ان تطبق جفنيها على (رسمه) وفيما هي تنطق (اسمه) بصوت عذب هامسة ومعاتبة قالت له: ـ انت يا (...) لو كنت رسلت لي من موبايلك Message بتقول فيها I need u 2 much كان رديت عليك برسالة SMS باقول فيها ? Where r u. وبعدين انت شنو الضمنك انو المرسال الرسلتو لي ده ما يكون من العوازل الهمازيين المشاءين بنميم. بالمناسبة انتو العوازل ديل ـ شكيتهم لله ـ ما بيحبوا؟! ولعلكم من خلال معرفتكم لطبيعة رسائل الـ SMS القصيرة التي نرسلها لبعضنا البعض بواسطة الموبايل قد ادركتم ان (فتاة الـ (SMS ذات شخصية عملية لا تأكل العجوة بـ(السمنة) ولكنها تحرص على شرب الشاي الاخضر يوميا مخافة (السمنة), علما ان مرتبها لا (يقدرها) في نص الشهر من شراء كم رطل مارتيدلا وخبزSlide ـ شرائح ـ وجبنة رومي, حتى اذا ما ردت علي بغيظ لنصيحتي لها بان تشتري كتابا لـ غارسيا ماركيز قائلة: ـ هو انا (قادره) اكتب (كتابي) على فلان ده لمن تقولي لي امشي اشتري لـ غارسيا..كتابا! لاجبتها من فوري: ـ كاتل نفسو من باكيه.. وانتي وكتين عارفه انه (دخلك مهدود) طيب ليه بتصري انه زواجك من (فلانك) يكون صورة بالكربون من زواج (جدودنا زمان) فتحا للخشم، قولا للخير، سدا للمال، الشيلة ام 9، دق الريحة، قيدومة العريس، حنة العروس، فتح الفطير، فطور العريس، وما بين وضعك لنفسك ما بين (مطرقة) احياء ايام عرب الامات والحبوبات و(سندان) فقه (اتدين عشان تتبين).. تساقطت اوراق العمر منك. لذا وحتى نحول دون انسراب العمر منا فلم لا نقوم بتسخير تقانة وامكانية عصرنا لنقلل من تكاليف زواجنا. ولنبدأ تقليل التكلفة بالاستغناء عن كرت دعوة زفاف كليوباترا ذاك بان يكون كرت دعوة زفاف فتاة الـ SMS عبارة عن Message مصحوبة بمقطع من اغنية تعبر عن روح المناسبة, مثل اغنية (anew day has come) او ( I'am A live .. i now that ) لـ سلين ديون, وان لمتونا قائلين: ـ لكن سلين دي ما فنانة سودانية! لاجبناكم ببرود: التسوي بايدك.. امشوا لوموا اللي لمن قام بمنع اغاني العيون من ان تبث بالاذاعة والتلفزيون فجعنا بزميلتنا تجيبنا قائلة: ـ والله (كاشف) الرقم حاجة كويسة.. علما ان سؤالنا لها قد كان: ـ ايه رايك في اغاني الكاشف؟! كما ان على فتاة الـ SMS وعريسها ان يستغنيا عن فستان الزفاف والبدلة وحسع عليكم الله ده منو البيتحمل انه (يتجبص) ليه ببدلة والا (تتسربل) ليها بفستان مخيط بقماش الدنيا والآخرة في جنس سخانتنا دي البتخلي دانات القيادة تنفجر براها؟! علما انه توجد بصفحة ازياء السوداني الاسبوعي لبسات شبابية ذات تقاطيع افريقية انيقة وملائمة لعريس فتاة الـ SMS الذي يمكنه المفاضلة ما بينها وما بين لبسات زولي هوووي او المحلق او ود شيوخ البطانة، اما بالنسبة لعروسه فيمكنها استبدال فستان الزفاف بـ الجرجار او التوب او لبسة تاجوج او لاوو الجنوب، وان قامت (يمه) يا فتاة الـ SMS بانتهارك فيما هي تمصمص شفتيها لارتدائك هذه اللبسة قائلة: ـ ده شنو اللابساهو ده! يا بت انتي شن بتدوري تسوي؟ فردي عليها بجدية قائلة: ـ يمه.. انا بدور اطرد الشيطان من تفاصيل.. نيفاشا. ولأن الامات والحبوبات يمتلكن تقاليد توارثنها جيل عن جيل لذا نجد ان من واجبنا ان نحول دون اندثارها مثل تقليد دق الريحة، على ان نستغنى عن عرض الشيلة للغاشي والماشي والذي خوفا من ان يشيل حالنا اصبحت شيلتنا تسعة 9. واخيرا فليكن الاحتفال بالزواج في (فرد) يوم يشهده الاهل والاصدقاء ـ وهو العز شنو بلاهم؟! ـ حيث لن يكون للبخور والجرتق عبق ولا للضريرة وربط الحريرة وبخ اللبن اي طعم الا بمشاركتهم, ولكن ولكن وفيما (عروس الـ SMS ) تهم ان تقول لي (عقبالك) وصلتني Message ما ان صافح نظري اسم مرسلها وفرغ قلبي من قراءة كلماتها الا ووجدتني انتبذ مكانا قصيا لأسارع بارسال رسالة الـ SMS التالية الى (...) قائلة له فيها: Where r u? علما ان رسالتي كانت مصحوبة بأغنية ماريا كيري التي تقول كلماتها: Can't live.. Living without you Without you can't give.. Can't giving any more. * تداعيات شخصية: هذا هو حالي without you .. لان I am every thing I am .. because you love me. (عدل بواسطة randa suliman on 02-28-2008, 07:01 PM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]