|
|
 دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى
|
صديق العمر عبدالرحمن قوى
عشرة عمر طويل منذ ان جمعتنا جامعة امدرمان الاسلامية فى ذلك العام- عام الانتفاضة
لم ينقطع بيننا التواصل..
مشاوير وحكايات
اشعار وافكار
وافراح غزلناها سويا...اولئك الصاحبات الجميلات والاصحاب البديعين
عبدالرحمن قوى
والطارقين- طارق الجزولى وطارق منوفلى
وعبدالرحمن عبدالقادر
والصاحبات ناضجات الفكرة...
حنان ناصر
وايمان ..نبوية
ثويبة وعفافنا الحلوة
وسمرية- هبة- تعارفنا من زمن
سمرية المبدعة المثقفة الناضجة
وكنت ويالسعادتى وشيجة من وشايج اجمل علاقة حب بين اجمل زول زولة
الاتنين فيهم حاجة من بعض- {حاجة تقطع نفس خيل القصائد}
انا الليلة ام العريس ياشباب
وام العروس يابنات
جيبوا الشربات وخلونا نفرح ونفنى
فرحانة والله
كلما ينتصر الحب افرح
وكلما تنتصر الارادة تركض فينى خيول الحياة
مبروك وربنا يتم على خير!!
---------------
شايف ياعبدو ياقوى حتى نقطة انطلاق حمائم القلب المتجه من ابو حراز فى اتجاه اركويت رصدتها اجهزتنا القلبية
|
|
 
|
|
|
|
|
|
|
 Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Ishraga Mustafa)
|
يا لهذا المساء
ويا لجماله
باردٌ هو لحدِّ ارتعاشةٍ خفيةٍ خفيفةٍ تمتطي الأجساد
وترتفع بالأرواحِ إلى حالِ شرودٍ في سمواتٍ بعيدةٍ
سمواتِ البِلادِ
بين الأهل
الأصدقاء
يا لجماله
يكتمل بهذا القوي البهاء
والنيلية سمراء
أو ست الدار
أو سمرية
أو .... (وتلك بيننا)
يكتمل تماماً ويستحق أن أمضي واضعاً رأسي على الوسادة حتى لا يتمغى فيفسد الأمر عليّ
يستحق ذلك
كي
أحلم لهما بحياةٍ رغِدةِ الود
رغِدة الدفء
رغدة الجمال
وكله هم أهلاً له وأهله
لكِ الحق أيتها الأم في الفرح
لكِ الحق
ولنا
لكما كل الأماني والتباريك والمحبات
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: ibrahim kojan)
|
كوجان!!
المره الجاية عاوزة ابارك ليك البنية عدييييييييييل كدى، للزمن داك بالله اتصرف وعرس لينا ياخى تعبنا معاك- ممكن تقول لى مستنى شنو؟ رسام كبير وجراح عظيم وشاعر مجنون و {مفلس} مشترك
يالله خلينا نفرح بسرعة العمر ده ياود امى مامضمون وماشى وماتفتكروا زى قطر نيالا داك ينوم فى مدنى ويصحا فى كوستى، ده بقى زى الايرو سيتى- سمعت بيهو؟ الحياة ماشة فوووووووووو___ فوووووووو
تفتح عينك الصباح تجقم ليك حبة هواء تلقى النهار انتصف..
معزومين ياجماعة من حسع لعرس كوجان، غايتو على زمتى بيكون فى السنة دى العرس، معرض تشيكيلى وانطوانيت زاتها معانا وقصاصات مالية الدنيا من لندن للسودان... زمنك داك كلو تشرح فى القلوب وتصلحها عشان كدى وحياة خوتنا تصلح لستك قلبك الورانى داك ونادى البنية تزرع ليك فيهو {سبانة} تظلل حياتك البتستاهل كل خير- خليها تمر على بديها بزره من سبانة عمرى دى اصلو ثمرها بيشر ظله فى كل البلاد العطشانه تحلم بالآمان..
اها نبارك ليك العرس ياود عشة امى..
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Imad Khalifa)
|
عماد خليفة
وديك ايام تتنسى؟!! ديك ايام من اندى واثمر ايام العمر
اصلا ماغابت عنى وشايلاها تعويذه لزمنا القاسى واليم ( حسع بالله الجاب الالم هنا شنو، شعوب مافيها رحمة وبتحب النكد}- خلاص ايامنا ديك ياعماد ايام مفروض تكون عنوان لجدية الحركة الطلابية، للصراع المؤسس وللعلاقات الانسانية النبيلة..
فى مايو الفات لمن مشيت السودان التقينا- جوا بجلاليبهم، الوليدات ديلك ناس طارق الجزولى وعزالعرب وطاقية مشنطة فى نص الرأس المليان علم وفهم، صحت فينى وقفة طارق الجزولى قدام باب الاتحاد اصلوا ماكان زول سمح وبيحب السماحة {البرلومة} كان منافس خطير لهشام حتى اسأل كوهين منهم اصلوا كان فردة منافس وواقف لزولنا الكوز الوجيه داك الواقع ريدة فى البرلومات، يجن بنات زينات وبعد يومين كدى يخشن فى الدور و {يتهمونا} بالشيوعية ويالها { من تهمة لاننفيها وشرف لاندعية} فرمالنتنا المكررة بفرح ايامها 
رجع الزمن يومها قرابة ربع قرن من الزمان لوراء وكانت فعلا ايام... عبدالرحمن كان الوحيد اللابس افرنجى والوحيد العافر المؤسسة الزوجية، اها صاحبنا وقع وقعت السرور
بالله ياهبة ابقى عشرة ولازم تثبتى للزول {المجنون بعيونك} انو عيونك بتسع احلام بلد
ومبروك ياعماد العرس عاوزين نجىء بالدرب نبارك العرس والباكورة الحلوة
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Raja)
|
رجوية ياحبيبة
عقبال مانفرح بيك قريب- قريب شديد
بس قولى لينا العرس ووين وحاتك نصلك بس شاورينا فى فنان الحفلة
يعنى عاصم البنا كويس جدا صوت رخيم وبيبعث البهجة، الايام دى ادمنتو خاصة بالله ياساعى البريد والناس التريدهم يجننوا تسيبهم يحننوا
اها الكلام ليكم يالمنططيين عينيك {هبة وعبدالرحمن} اياكم من فنان نايص ينومنا بدل مايصحينا
رجاء تتباركن ايامك يابت امى
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Sabri Elshareef)
|
صبرى الشريف ياصاحب ياجميل
فى الزمن الجميل مشينا سوا ابوحراز، يوم مابتنسى، فلسنا وضيق ذات اليد مامنعنا من التواصل
نفسى امشى هناك تانى واسمع عم قوى بيتلو فى القرآن بصوته الرخيم.. عرفت ليه الوليدات طلعوا باصوات مميزة وقوية ومليانة ببحة الحياة.. اصوات بيتردد صداها ليوم الليلة فى دار اتحاد الجامعة الاسلامية..
قلت مرة لعبدالرحمن نفسى نغنى مع بعض زى ماحصل مرة فى دارالاتحاد وكان معانا
عزالعرب- صوته لاينافس وغنينا- اها فى العرس ده يانا الطرقنا صوتنا من جديد وغنينا
{ياشعبنا ياوالدا أحبنا}- ونغنى لسمرية قمحية الروح المنثورة الخلبت صاحبنا اللى اتمرد طويلا
و{منتصرا سقط} فى هواها {بتبردبوا تانى} على شاكلة {تجوا تانى المولد} تحسبوا لعب
اها ياصبرى حانفرح بيك متين؟ اوعى تقول لى بعد تدق باب الخمسين
| |
|
|
|
|
|
|
|
|
 Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Ishraga Mustafa)
|
عارفين انا من أسعد الناس الهنا
هبة صحبتي (رغم انو قابلتها قبل سنة)
بس بقدر اقول بقت من أعز صديقاتي وأقربهن الى قلبي
بت مهذبة صادقة وفية وواعية وحنينة ومثقفة وناضجة
وأهم شئ متربية كويس (على قول صديقنا بهاء بكري)
عبد الرحمن حمد النيل (قوي) ولد مهذب ومثقف ومحترم شديد وبرضو متربي كويس
بعرفو قبل هبة بحكم علاقتي بأسرتهم وبصديقي عز العرب حمد النيل (شقيقه)
ألف مبروك يا هبوية ويا قوي وربنا يسعدكم ويديكم قدر نيتكم
ويديم عليكم الأفراح دوماً
Quote: انا الليلة ام العريس ياشباب
وام العروس يابنات |
اشراقة مبروك ليك انتي كمان
وانا كمان اخت العروس واخت العريس 
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: خالد حاكم)
|
كان حرى ان يتوهط صديقى الانبل عزالعرب قوى- الشقيق الاصغر لعبدالرحمن
هذا النشيد...
عزالعرب او {عزو} كما كان يحلوا لنا مناداته- كان اقرب المجموعة لى شخصيا
الصديق البترجع ليهو وبتلقاه وقت الضيق
انقى ماخلق الله فى هذه الدنيا...
بقول مبروك ياعزو- يا ابو البنيات الحلوات ولرفيقتك النبيهة الجميلة وفارعة الحلم انعام
مبروك لكل الاهل فى ابو حراز- الاهل الحلوين اللى احاطونى بمحبتهم ومازالوا فى ذاكراتى
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: أبنوسة)
|
العزيزة اشراقة
مبروك لاخوتك عبد الرحمن وهبه
و عقبال واصل ومرافيء بحياتك وصحتك.
واهو ناس الحل و الربط وصلوا وقالوا لك ابشري النسوان الما خمجانات تماضر و ابنوسه:
Quote:
اها يا اشراقة نحن جينا للتهانى ...ومستعدين للأكتر ...
دايرين تفتحوا فطير تربطوا حرير ...تنضموا عقود ...تدقوا ريحة كلمونا ....
نحن اهل الفرحة جينا ... |
تسلمي يا تماضر و ابنوسه
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Tragie Mustafa)
|
أبنوستنا وتراجينا
فى البداية مشتاقيين والله
وفى البداية برضو شدن حيلكن معانا اصلو ربنا قاسم لينا نخدم فى الحياة دى لمن نفوتها
بس الفرح بيطول العمر خلونا نفرح فى الدنيا الزائلة دى...
دق الريحة على تماضر
دق عيش العمر عشان يطير منو الشقاء خلوه لى انا دى بعرفو ليكن وبعرف دروبو
دق الطبل.... عندى نص اسمه {تالطبل والأسمر} بيزكرنا بالادغال الافريقية- خلوه لشجر افريقيا
حسع المحاضره دى الجابها شنو؟ الدنيا بداية اسبوع يعنى زى يوم السبت عندنا فى شتاءات السودان
تتباركن يايمة وتتبارك ايامكن وتسعدن
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Ishraga Mustafa)
|
مبروك علينا وعليكم .. وانا فرحانة شديد
اول شي انا اهل عريس واهل عروس
بعدين القيدومات حقت عبد الرحمن كلها بكملها ...
والحنة كمان ...
وبجي ابقى اهل عروس اودي معاهم الفطور ولما اصل هناك ابقى اهل عريس نقسم الفطور ونوزع الخبائز ..
واهم شي الهدايا حقت نسوان الفطور لازم يعملوا حساب للبوردابيات ..
لما ناس العروس يقوموا يجوا بنجي معاهم ونتجهز للعقد وتحضير الحاجات والحفلة غايتو استعدي حا
يكون يا سمرية عندك ذي مليون وزيرة ..
ام العروس والعريس مبررررروك الف مبروك .. فرحانين شديد والله نحن
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Yasir Elsharif)
|
في الهند تقدم العروس المهر لعريسها
فلو حدث وتم هذا عندنا
وكنت والداً للعريس
وجاءت سمرية لتقدم المهر
فإنني ساشترط عليها ان تتلو علينا خاطرة من خواطرها التي تغسل النفس من الأعماق
وبعدها سيؤذن مؤذن في الناس
ليطلب بكري ابوبكر ليكون مأذوناً ويعلن عقد القران دون اي شروط أخرى
واذا بدكم حتى أن يتم ذلك بلا شهود !!!
سؤال دائماً يحيرني 00
لماذا تحمل الكتابات الجميلة قلوب اصحابها كفراشات ندية وتصهر بينهما ؟؟
خواطر هذين الجميلين تدخل الى قلبك دون استئذان
وأنا الآن عرفت لماذا حينما تريد أن تمطر السماء فإنها لاتستأذن من الأرض ؟؟؟
كوني له ارضاً ليكون لك غمامة
ازرعوا الحب في اعماق بعضعكم
مثلما زرعتموه في كل الذين عرفوكم
عطروا انهارنا بكلماتكم الجميلة
لتظل دفاقة
واجعلوا الحب يهطل على كل النوافذ !!!
ابارك لكم واسرتي من الأعماق
وعلى البقية ان يشدوا حيلهم في سودانيز أون لاين
اتمنى ان تظل هذه المساحة مساحة للفرح !!!
| |
|
|
|
|
|
|
|
|
|
Re: دبلة الحب والخطوبة: مبروك لسمرية المبدعة...واجمل اصدقائى عبدالرحمن قوى (Re: Ishraga Mustafa)
|
مبرووووووووووووووك ..عبد الرحمن ..مبرووووووووووك سمريه ..مبروووووووووك إشراقه ..
مبرووووووووووووووك عزو ..مبرووووووووووك للأحبه وعقبال البقيه ..
أيتها الإنسانه الورده ..الوضَاءه ..
التي لازالت تنثر الأريج ..هُنا وهُناك ..
كيفك ؟
ووالله مُشتاقين .
يا الله ..
مرت السنين ..
وبعثرتنا ..الدنيا ..
كنا كحبات عقد ..منتظِم ..ثٌم إنفرط ..
سائل عنك للمبالغه : يوماتي..
وكُل الأحبه ..سؤالهم عنك كتير :
السر..عثمان.. حمد
مصطفى ..إدوارد ..
هل يازمان من عوده ..هل ؟؟
| |
|
|
|
|
|
|
| |
Ishraga Mustafa
فيصل محمد خليل
Salah Waspa
نهال الطيب
Shayma
Tumadir
Hatim Salih
الطيب برير يوسف
بله محمد الفاضل
Raja
Imad Khalifa
محمد المرتضى حامد
ibrahim kojan
WAD ELGAALI#4
mamkouna
abubakr
أبوذر بابكر
HAYDER GASIM
البشير دفع الله
أبوبكر أبوالقاسم
doma
ريهان الريح الشاذلي
انعام عبد الحفيظ
عادل فضل المولى
محمد عبد الماجد الصايم
Sahar Abdelrahman
خالد حاكم
معتصم محمد صالح
Sahar Yousif
سلمى الشيخ سلامة
النذير حجازي
أبنوسة
Tragie Mustafa
Abdel Aati
احمد العربي
محمد أبوالعزائم أبوالريش
الطاهر عثمان
mohmmed said ahmed
أبو ساندرا
انعام حيمورة
ملكة سبأ
Yasir Elsharif
ابوحراز
محمد صباحى
الصادق خليفة
حسين محي الدين
mahdy alamin
Randa Ahmed
Dr. Moiz Bakhiet
jini
ماجدة عوض خوجلى
ALGARADABI
محمدين محمد اسحق
طارق جبريل
فيس بوك
تويتر
انستقرام
يوتيوب
بنتيريست