نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
صدفة .. صديقي المفضل بينكم .. هيثم لبيب
|
ذهبت الى الدراسة في سوريا في التسعينات وفجأ اصدرت الحكومة قرار بعودة الطلبة الى السودان وشملنا القرار نحن مجموعة من الطلبة ..
وقررنا العودة .. بعد ان كونا علاقة طيبة جدا فقد كان عددنا ليس بالهين ...
وفي يوم وانا اتسوق قريب من البيت (مخيم اليرموك) نادني شاب سوداني لم اكن اعرفه ..
يا أخت بالله لو سمحتي ممكن لحظة .. قلت ليه جدا ..
قال لي عايز اشتري لي بنات أهلي وما عارف اختار ..
اهة اختكم عارفنها طوالي دخلت في المود وبديت اشتري ليهم ..
والمساء مشيت عند اصدقائي .. لقيتوا قاعد معاهم وهاك يا ونسة وضحك وعرفة ...
ومع السلامة مع السلامة ...
وجيت السودان والتحقت بكلية شرق النيل الجامعية .. فجأة زول بأعلى صوته يااااا حيمووووورة
ووجدته نفس الشاب ..
هيثم سعد الدين لبييب
هيثم (ابو صلعة )
هيثم (ابو شرمة)
وتصادقنا ...
وتأحببنا ..
وتأخينا ..
ودائما الصدف تعلب دورها معي ومعه ..
من كم سنة مشيت السعودية .. وانا اعرف انه يعمل بالدمام في شركة كريم الغذائية ..
وفي اثناء رحلتي الى الدمام وبصحبه علاء الدين وقريبنا فجأ قريبنا دا قال لي انا في شركة كريم الغذائية ..
قلت ليه معاكم هيثم سعد الدين ، بس قول ليه انا جيت الدمام ..
وهسى صدفة اجده في بوستي الناس البتحبو !! ... كل سنة وانتو طيبيين
ودوما ودوما نسعد بلقاء بعض ..
مرحبا بك بيننا .. صدفة !!
|
|
|
|
|
|
|
|
Re: صدفة .. صديقي المفضل بينكم .. هيثم لبيب (Re: انعام حيمورة)
|
استاذه / انعام صباح الخير
Quote: هيثم سعد الدين لبييب
هيثم (ابو صلعة )
هيثم (ابو شرمة) |
1000 مرحب بيهم التلاته...... شفتي كيف ترحيب ثلاثي لانسان ثلاثي الشخصيات . اها... وبعدين نناديه بياتوا واحد فيهم .
Quote: وفي اثناء رحلتي الى الدمام وبصحبه علاء الدين |
انتي الزول ده مش كان معانا هنا .....ولا نحنا كنا معاه هنا ....ولا نحنا وهو كنا هنا .....مشي وين وطول الغياب..... تحياتي علاء الدين ...اظهر وبان
التحايا هارون دياب
| |
|
|
|
|
|
|
Re: صدفة .. صديقي المفضل بينكم .. هيثم لبيب (Re: haroon diyab)
|
هيثم سعد الدين لبييب ( ده أنا )
هيثم (ابو صلعة ) ( في مشروع نعمله زريعة السنة دي )
هيثم (ابو شرمة) ( دي من محاسن البلد دي أنو قفلناها )
الف تحية ليك يا أخونا هارون دياب وياهو ده أنا زي ماقلت ليك .. الفوق داك وليك كل الأحقية تناديني بأي اسم عاوزو .. إلا في لحظات زعلك مني ( الله لاجابو ) فقول الأول أحسن ... .. وتسلم تاني على الترحيب ...
| |
|
|
|
|
|
|
Re: صدفة .. صديقي المفضل بينكم .. هيثم لبيب (Re: انعام حيمورة)
|
Quote: ما زلنا في انتظار هيثم وحكاوي الزمن الجميل يا جميله |
في الجامعة كنا اصحاب شديد وطوالي مع بعض ..
خاصة بتجمعنا المذاكرة مع بعض ومرات بنغير جو المذكراة ..
الزمن داك كان طالعة جديدة قصة الناس تذاكر في الحدائق ..
اهة .. اهم حاجة انا اشيل معاي الفسيخ ونمشي الحدائق .. كل مرة في حديقة شي الحيوانات وشي القرشي وشي القصر ..
ايام حلووووة
| |
|
|
|
|
|
|
Re: صدفة .. صديقي المفضل بينكم .. هيثم لبيب (Re: انعام حيمورة)
|
اهم حاجة انا اشيل معاي الفسيخ ونمشي الحدائق الشهادة لله لوماجابت معاها الفسيخ مابنخليها تقرأ ونقصر روحه .. وأحسن من يظبط الفسيخ على وجه الأرض والما أكل من يدهم ما أكل والله يسلمهم لينا كلهم بداية من العم حسن وحنانة ( كمايحلو لنا أن نطلق عليها ) ونهايةً بأخونا الصغير مهند .. وطبعاً الحدائق دي ياجماعة هي حديقة الحيوانات المغضوب عليها .. وفي بدايات الغضب ونهاية زمنها الجميل ...
| |
|
|
|
|
|
|
Re: صدفة .. صديقي المفضل بينكم .. هيثم لبيب (Re: انعام حيمورة)
|
خلعتيني أديييييييييل كده .... ده شنو ده ... رجعتينا سوريا مروراً بمخيم يرموك وغشية صغيرة كده على مخيم فلسطين .. وياحليل الزمن الجميل وإبراهيم أحمد عمر يديه الفي نيتو ( وطبعاً معروفة ) .. طبعاً حنك بنات أهلي كان واضح وبيش الزمن داك بس التقولوه شنو .. نعومة تسلمي على الترحيب الحار ده ... وذكرتينا أيام سوريا وناس سيف وسيبويه وغيرهم .. مما نتذكرهم أولا نتذكرهم ... وبجيك صادي تاني ،،،
| |
|
|
|
|
|
|
Re: صدفة .. صديقي المفضل بينكم .. هيثم لبيب (Re: mohanad haimoura)
|
مهند ويييييييييييييييييييين ياراجل ياطيب من يوم العرس وماشفناك تاني ... وياحبيب النيل الوراك ده شنو .. تسلم ياسيدي وتسلم أختنا أنعام تاني وتالت وإلى مانهاية على الترحيب .. *** الشرمة دي ماقلنا ليك غطيناها ... باقي الصلعة بس وهي الخطة الخمسية الجاية ..
| |
|
|
|
|
|
|
Re: صدفة .. صديقي المفضل بينكم .. هيثم لبيب (Re: العوض المسلمي)
|
بعيد عنك الشرمة دي من زلقة ( أوعك تسألني وين ؟؟ وكيف ؟؟ ) بوريك القلعه لي منو بس .. طيب الذكر دكتور عوض دكام وقبل مايركبه أنتقل لرحمة مولاه ... ربنا يرحمه ويغفر ليهو .. وأنا ود عمة الدولار توووووووش كده .. وبكري يديه العافية أنو جمع الناس الححلوة كلها مع بعض ... تسلم أخونا العوض المسلمي على الترحيب والوود الذي أوله عندك وأخره عندي ...
| |
|
|
|
|
|
|
|