|
Re: بكري ... هل هو أختراق .. صورة الطفل الجميل كيف جاءت لبروفايلي .. ولا أنت خجيت المنبر شديد (Re: خالد علي محجوب المنسي)
|
Quote: ولا أنت خجيت المنبر شديد |
فعلا لقيت الغالبية العظمة من غير صور بروفايلات والناس حالتها تحنن وأول شكوي شفتها كانت شكوة شفتها من فيصل هليل وهو بشتكي من أنو في هكر ختى ليهو صورة لاعب من المريخ ... جاء بكري بسرعة عجيبة زي سرعتو ديك بتاعت نسرين سوركتى ونفى نفيا قاطعا أنه في هاكر بس القصة كلها خجة بسيطة وليست شديدة كما قلت والدليل قالوله
أنا غايتو بعتقد أنها كانت هزة بسيطة بمقدار 1.5 ريختر والعايز يتأكد يشوف كديستي دي لسه نايمة ولا حتى الحبل أنقطع
تحياتي لصاحب البوست اللزيز وألف ماشاء الله على صورة الملاك الصغير
| |
|
|
|
|
|
|
Re: بكري ... هل هو أختراق .. صورة الطفل الجميل كيف جاءت لبروفايلي .. ولا أنت خجيت المنبر شديد (Re: Hatim Salih)
|
Quote: أنا غايتو بعتقد أنها كانت هزة بسيطة بمقدار 1.5 ريختر والعايز يتأكد يشوف كديستي دي لسه نايمة ولا حتى الحبل أنقطع تحياتي لصاحب البوست اللزيز وألف ماشاء الله على صورة الملاك الصغير |
حاتم صالح تحية طيبة سلااام تعرف أنا عندي مشكلة مع الاسماء المكتوبة بي اللاتيني إن شاءالله أكون قريت اسمك صاح والله الهزا كانت شديد كدي عاين لي كديستك ضنبها قرب ينقع متدلدل زمان ما شفنا الضنب مدلي كدا
الكلاك الصغير ربنا يحفظو وعودة ابوه جد ضرورية
وإحلنا الحلا بلة
| |
|
|
|
|
|
|
Re: بكري ... هل هو أختراق .. صورة الطفل الجميل كيف جاءت لبروفايلي .. ولا أنت خجيت المنبر شديد (Re: خالد علي محجوب المنسي)
|
العزيز خالد أبوأحمد
الخجه دي حصلت متين ونحن نائمين عشان أنا أحمد لسع ماصورتوا كنت قلته يمكن أختلط علي أحمد المجري مع المحلي بعطبرة
بس الخجاك يكون بروفائل فيصل خليل الرسلوا لي ، ولا الخجه دي مجرية وبس ،وماتخاف من الخواجية نحن في أتر أبوه بنجيبوا
ليك يازول أمسك في حبل الله وألزم الصبر سااااي ، ولو ماقادر أرسلوا لي بتبناهوا مع أخوانه قصى & أحمد هو عمروا كم المولود
عشان لو فات سنة إجراءات الأحوال المدنية صعبَه خلاص أنا لسع في أحمد ما قادر أخلص من الشهادة المؤقت دي شيل معااي الصبر.
،،،،أبوقصى،،،،
| |
|
|
|
|
|
|
Re: بكري ... هل هو أختراق .. صورة الطفل الجميل كيف جاءت لبروفايلي .. ولا أنت خجيت المنبر شديد (Re: مجدي عبدالرحيم فضل)
|
Quote: ليك يازول أمسك في حبل الله وألزم الصبر سااااي ، ولو ماقادر أرسلوا لي بتبناهوا مع أخوانه قصى & أحمد هو عمروا كم المولود |
أبوقصي سلااام يا جميل والله كتر خيرك كتييير .. فيصل محمد هليل زعلان شديد قال لي انت الخجة جابت ليك وليد حليو ..أنا جابوا لي لاعب كرة وكمان مريخابي وأنا هلالابي .. لكن أنا عمر الطفل ماعارفو كم .. الخواجية شديد ولضيضة بتقارن عمر الطفل مع عمر أبنك وما بتفوت عليها الأمور بسهولة دي واقعة من السما عشرة مرات شوف لي ود عمي أمير الجمري وين أفتش لي عن ابو أنا شاكي أنو الولد من الرياض لانو شايفو راقد في شرشف أمريكي وناس الرياض حبهم شراشف أمريكا واسبانيا
تحياتي أبوقصي
| |
|
|
|
|
|
|
Re: بكري ... هل هو أختراق .. صورة الطفل الجميل كيف جاءت لبروفايلي .. ولا أنت خجيت المنبر شديد (Re: خالد علي محجوب المنسي)
|
واناعلى ياخالد من دربى اطبع الصورة والصقا ليك مااخلى شجرة فى شارعنا الاوتكون فيها وتاكد انو مابتمر ساعه واحدة الاوكانت الصورة متصدرة نشرات الاخبار كلها من بى بى سى 1 و2 الى فور وفايف وثرى وبقيه الرصه وكل الصحف خاصه وانى ساكنه فى منطقه 80 فى الميه من سكانا من 70 ومافوق ويموتو فى الشمشرة والدوله موفرة ليهو كل السبل التى تتيح ليهم تلك الشمشرة وطبعا كبارنا الحلوين ديل هم مصادر البوليس الاساسيه. ده اذا ماقامت منظمه سيف شيلدرن رفعت قضيه على بكرى ابوبكر اها بكون قصرت معاك وبالمناسبه انا ذانى منهوبه السيرفا القديم طلع غتيت غتاتت السنيين حلفو بدين ابوه مايمشى بدون ينهب صورى ومعاها كمان موسيقتى ، واحد من اتيين انا قلت ياتكون الصور عجبتو شديد ولا فى مشاكل غيرة داخليه بينو وبين السيرفا الجديد فقرر ينتقم منو لكن كلو وقع فى راسى انا المسكينه
تسلم ياخالد يارب ..
| |
|
|
|
|
|
|
Re: بكري ... هل هو أختراق .. صورة الطفل الجميل كيف جاءت لبروفايلي .. ولا أنت خجيت المنبر شديد (Re: محمد البشرى الخضر)
|
Quote: خالد المنسي يا عمك تصور الطفل الجميل دا طلع ولد منو ما حتصدق دا احمد فيصل نوبي و الصورة قديمة أحمد الآن عمره ثلاثة سنوات و ربنا يحفظه إن شاء الله طبعا ما بشبه ابوه الشين |
الحبيب محمد البشرى الخضر تحية طيبة سلاااام يبشرك الله بالخير .. أخيراً قربته أروح في خبر كان أم أحمد ابني جازمة إني متزوج في السودان ودون علمها ... تجيب فيصل نوبي وتقول لي يدلي بشهادة صريحة ( بالمناسبة ) زوجتي بتعرف تفك الخط شكرا ليك كتييير ود البشرى الخضر ( وأنتَ بقيت الحلا بلة من مصيبته )
تحياتي ومودتي
| |
|
|
|
|
|
|
|