|
|
 (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!!
|
اخوتي
فترت وقلت الروب.....والحياة غلبتني عديل كده....
وصحتي بقت على قدري..و الزهايمر شكله قرب....
...وعيون البعض آكلتني آكل....(اؤمن بالعين جدا
والراجل ولا المرة ت/يقول لي مشعوذة)
افكر جادة في اعتزالات كثيره......فادعو لي ربنا يقدرني
عليها...واولها...واخطرها:
1)البعد عنكم!!
وفاتني ان اخبركم اشتريت آخيرا كرسي جديد للكمبيوتر
بعد ما ضهري اتكعوج....(لازم اسدد اقساطه في ظرف 3 شهور)!! والا !!
حيزيد سعره.
الاولاد مسؤلياتهم زادت
وانا مروتي كملت....
وامور السودان دي زايده ما شايفاها ناقصه.
فالعفو و العافيه يا اخوان
وكان الله قدرني بجي اتونس ساي معاكم.
ونسة الله و الرسول بس.
ما اوصيكم على المباديء ابقوا عشرة.
|
|
 
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: doma)
|
دوما كل سنه وانت طيبه
Quote: كدي ننتظر اراء الناس حول ما تفعلينه وما افعله والبقولوا انا راضيه بيهو.
اها انا قايمه علي مشاغل الدنيا . راس السنه عندنا قبل راس سنتكم كل سنه وانت بخير
يا جميله . في زول لاقاني بعرفك قال لي انت نفس الملامح والشبه من تراجي فرحت قلت ليهو
كان بختي لو بقيت اشبه تراجي |
وووووب علي يا دوما ياتو ناس العايزيني انتظر رايهم؟؟؟
يعلهم جلابة المنابر؟؟؟؟؟؟؟واطاتي اصبحت كان بنتظركم,من بكري ابوبكر وانت نازلة
الغالبيه جلابه تقولي لي انتظر اي راي هنا؟؟؟؟
عارفه الآخرني على الرد عليك شنو؟؟؟؟
من كتبت البوست و التلفون ما سكت
شيتا من استراليا وشيتا من امريكا
وشيتا من الدنمارك و....الخ كلهم
عيالنا الغبش يسألون لماذا هذا القرار....
وانا بتحداك واتحدى بكري ابوبكر ذاته
خليني اغيب وتعالي شوفي عدد الزوار للمنبر كله عموما بينزل كيف؟؟؟
عشان تعرفي انه الغالبيه من الوار هم اله الهامش
البكري للاسف محجم عضويتهم.
لذا صوتهم ليس مسموعا
ولكن (كليكاتهم واضحه).
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
تراجي يا بتمي..
اكيد ما جادة!!! الظاهر كترت من الشربوت!!!
صدقني لو اعتزلتي المنبر دا ،،، بكرة الناس بقوموا بمظاهرة عارمة..
عارفة يا تراجي بقيت زي شائ الصباح .. احنا مرات من شدة ما مزحومين
نجي المنبر دا 5 دقائق عشان نشوف موضوع الركن شنو بس ونتخارج..
يا عزيزتي تعتزلي شنو..دا اخر حاجة فكري فيها.. ولكن زي ما قال احد المتداخليين
Slow Down فقط وشيلي من ساعات المنبر دا شوية وزيديها في الساعات التانية وحتلقي الشغلانة ماشة زي( السلام عليك !)
كفانا Protest دايرة الجماعة يعملو ليك Vigils Candles لمناهضة الاعتزال ولا شنو.. انا غيتو شمعتي جاهزة
معتصم
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Atif Makkawi)
|
يا أبنة الثغر الحبيب
ياحارسة الأبواب الشرقية
والله فترنا من الخصومات الفاجرة
وتعبت عيوننا من الكتابة المسطحة وخربة
ومن الركاكةوالزيف
لكن هذا كله لايشفع لحراس القضايا الساخنة
والأصحاب الحقيقيون لايتقاعدوا
لامبكرا ولا متأخرا
الحراس دائما في انتباه
يختلفوا مع الأخرين او يتفقوا
يواصلون عملهم الجسور دون كلل ولا فتور
ودون تقاعد مبكر
لك المنى بعام اجمل
ويغطي اولادك
ويتربوا في عزك
ولك النجاح في مقبل ايامك
محبتي اخت الثغر الحبيب
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Atif Makkawi)
|
: ...وعيون البعض آكلتني آكل....(اؤمن بالعين جدا
والراجل ولا المرة ت/يقول لي مشعوذة)
ابدا ما مشعوذة ولا اي حاجة ،عين ابن آدم حق من كفر بها فقد كفر بما انزل على محمد
عزيزتي تراجي:
دخلت هنا عشان اقول ليك رغم اني ممكن اكون بختلف معاك في كتير من آرائك
الا اني ما عندي ادني استعداد اشوفك مغادرة المنبر (الا اللهم ان كان غياب مؤقت ثم عودة)
حريصة على متابعة مشاركاتك وبيعجبني الكثير منها وبتعجبني شجاعتك في طرح آرائك (ايا كانت)
وبقدّر حضورك الملموس في البوستات على اختلاف مواضيعها ومناسباتها
احيانا بشعر انك بتتسرعي وبتتداخلي قبل ما تتضح ليك الرؤية
واحيانا بحس انه مفروض تاخدي كاس المنبر على ارتكاب اكبر عدد من الاخطاء الطباعية
ومع ذلك - بالنسبة ليّ - تظلوا انتي ودومة وبيان (سابقا طبعا) الـ Top Three في الفيميلز
عليك الله واصلي كفاحك وقدري دعوتي دي 3 حاجات
1- اني الايام دي ما بكتب هنا الا للشديد القوي واهو كتبتا
2- اني قاعدة في الكمبيوتر وبكتب ليك في برد قاتل لغاية ما يدي اتجمدت ، ومافي طريقة لي دفاية لانو الخط الوحيد الـ 220 هنا شغال بيه الكمبيوتر
3- انه غيابك مع غياب بيان حيخلقوا فراغ على مستوى المنبر عامة وعلى المستوى الجندري خاصة
محبتي
وكل سنة وانتي وجميع البورداب بنعمة
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Zoal Wahid)
|
الاخت تراجى كل عام وانت وعيالك بخير
| Quote: خليني اغيب وتعالي شوفي عدد الزوار للمنبر كله عموما بينزل كيف؟؟؟ |
خائف يكون دة هدفك من التنابر!!!!
اسمحى لى ان اورد هذه الارشادات المفيدة لكل صاحب خطاب
ثمانية إرشادات تجعل الناس يصغون إليك
سام ديب وليل سوسمان
Sam Deep and Lyle Sussman
1 ـ أعمل على صياغة أهدافك:
حدد بالضبط نوع الاستجابة التي تريدها من مستمعيك قبل أن تشرع بالكلام.
كيف تريده أن يشعر أو يتصرف نتيجة الاستماع إليك؟
أو بعبارة أخرى: كيف تقوم بتغيير المستمع وفق ما تريد؟
2 ـ أعرف مستمعيك:
مَن هم؟
ما خلفيتهم؟ ما هي التفاصيل التي يحتاجونها؟
ما هي التجربة التي مروا بها قبل وصول خطابك؟ هل هم منتبهون؟
هل يهتمون بك وبما تقول؟
3 ـ أعرف نفسك كمتصل:
لكل كائن حي طريقته الخاصة في المخاطبة، وأنت كذلك، ما هو أسلوبك الشخصي؟
كيف تؤثر قيَمُك وطريقة تفكيرك ومفرداتك ونبرة صوتك وعاداتك ومزاجك وحركات جسدك والاستحواذ الكلي على المستمعين.
4 ـ ضع مستمعيك في الصورة
استخدم لغة مليئة بالحيوية، أكمل القصة التي تقصها،
وارسم صوراً كاملة للمستمعين حتى يستطيعوا أن (يروا) بآذانهم.
استخدم الأمثلة، والتشبيه والنبرات
. استعمل كلمات أقل تعكس صوراً محددة وواضحة،
وابتعد عن التطويل.
5 ـ أقنع مستمعيك:
أبرز قناعتك بنفسك، وحماسك من خلال نغمة صوتك و (لغة) جسدك،
لا تصف شيئاً بأكثر مما فيه، أو تمهد تمهيداً أكثر من الحد، تجنب المبالغة
، وخاطب مستمعيك بما يهمهم، لأنهم سوف يسألون باستمرار: ما الذي نجنيه من كل هذا؟.
6 ـ لاطف مستمعيك
دعهم يشعرون بالرضي عن أنفسهم وعنك أيضاً،
كن عوناً لهم ولا تتهم أو تقلل من شأن أحد منهم، ولا تصنف أحداً، أو تستهزئ بتوقعاته وآرائه.
أصغ جيداً لما يقوله الحضور.
نادهم بأسمائهم عند مخاطبتهم،
واجعلهم يشعرون بالارتياح وهم يستمعون إليك.
7 ـ تحكم بالوقت والزمان:
تكلم عندما يكون مستمعوك جاهزين لسماعك، وليس عندما تشعر أنك تريد أن تكلمهم.
اختر مكاناً مناسباً يساعد على تعزيز المعنى الذي تريد توصيله.
8 ـ قيّم النتائج وتجاوب معها :
ما نتيجة حديثك على مستمعيك؟
هل فهموك؟
لماذا تكون إجابتك (نعم) ولماذا (لا)؟
ما الذي ستسعى لفعله في المرة القادمة؟
__________________
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
و الله يا تراجي حاولت اتظارف و اقول ليك لا و الله من غير ما بنقدر لكن نفسي ما طوعتني. حاولت اكون جاف و اقول قطر عجيب نفسي برضو ما طاوعتني, موقف غير اخلاقي و ما يصدر من عديم احساس و انسانية. لذلك اقول افضل لك و لحازم و سند ان تقللي من مداخلاتك.
نصيحة لوجه الله تعالي راجعي مواقفك في لحظة صفاء مع نفس و من غير مواقف او احكام مسبقة. تعالي راجعة بنهج جديد و اسلوب افضل لخدمة اهلنا في الهامش. تعالي دائما باحثة عن الحق اينما كان و لا تتعاملي بردة افعال لا تخدم اهدافك و منهجك و تكون خصم عليك و على القضية.
لك خالص التحايا و للاسرة و اتمنى ان ترجعي لنا بنهج جديد و نفتح صفحة جديدة.
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
من خشمك ولـ الله
Quote: وفاتني ان اخبركم اشتريت آخيرا كرسي جديد للكمبيوتر
بعد ما ضهري اتكعوج....(لازم اسدد اقساطه في ظرف 3 شهور)!! والا !!
حيزيد سعره. |
انت حا تدفعيهو من وين طالما أنك قاعدة فيهو طوالي!!!
| Quote: ما اوصيكم على المباديء ابقوا عشرة. |
ياتو مباديء اوعك تكوني قايلة البتقولو فيهو انت ومحمد سليمان دا مبادي
دا زبادي تالف
Quote: وعارفه كلمي شلة الآنس بتاعتك
وحياتك يجي منير وياسيكو زيهللوا ويبكروا هنا
ياني الالغيت التقاعد واتحكرت لكم بمزاج . |
طبعاً ياسيكو كان ما اتحصنت بيهو مابتنومي
إن شاء الله نوم التقاعد
كل سنة وانت طيبة
تقاعد الظالم لنفسه والجلابة عبادة
Quote: وانا بتحداك واتحدى بكري ابوبكر ذاته
خليني اغيب وتعالي شوفي عدد الزوار للمنبر كله عموما بينزل كيف؟؟؟ |
دي شيء طبيعي جداً الناس بيقطعوا تذاكر لمشاهدة صراع الديوك
الغريب شنو؟؟؟
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: yasiko)
|
يا سيكيو يا عسل انت
وحياتك جياه من راس سنه زي الورد
معظم الحضور جلابه....واغلبهم زي العسل
طبعا لا يخلو الامر من نفر نفرين زي ياسيكو ومنير..لكن الغالبيه ورد ...
Quote: كل سنة وانت طيبة
تقاعد الظالم لنفسه والجلابة عبادة |
وانت طيب وحسه وريني الجلابه وينهم؟؟
حسه غيرك امنت ودوما ومحمد فرح منو القال لي مع السلامه؟؟؟
انت ما شايف المحبه المحاطه بيها ان دي 
تعال يا ياسيكو يوم قول انا ماشي شوف البيهبب لك منو؟؟؟
الا ابو الحسيم اظنه
وبكمل لك بكرة.
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
| Quote: يا سيكيو يا عسل انت |
كل سنة وانت طيبة
عندي أمنية واحدة أنني اضوق طعم العسل بلسان زول عنصري!!! أظنو يكون زي الحنظل
"غرِّب تعال ما تقترب"
أقولك خليك معانا شوية
لك الود وكل عام وعيالك بخير
تخريمة:
الكلام دا ما ليك وحات سيدي علي "طبعاً ما بحلف بي الله عشانك"
كنا زمان لمان نزعل ونفتح الباب نمرق ، عندي
حبوبتي تقول لينا "مروق الدخان بالطاقة" ، تمعني في هذه
الكلمات وان بقت غلبتك لا تسيء الفهم اتصلي بدوما بتشرحا ليك
فتك بعافية سنة حلوة يا جميل
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: yasiko)
|
يا سيكو يا مجنون
الولد الحلو الفي بروفيل ده بفرح لما اشوف صورة الا الفيك انت معروفه.
حسه بطل فصاحه ورسل قيمة نصف الكرسي عشان اتوهط واوانسك سمح
ولا حتأكد لي نكات البعض عن (جلدنة الشايقيه)
غايتو صديقي الشايقي ود الجمام ده حاشاه الجلدنه بعرفه ضكران وبيوت مفتوح للحبان
الا نوع ياسيكو ده الله يكفينا شر(اقول لك مثل من امثلة حبوبتي عن البخل ولا بتقوم جاري...)
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Azza Malik)
|
تراجى
كل سنه وإنت والأولاد بخير
قالوا من خلى عادتو قلت سعادتو
بعدين الإدمان صعب الإقلاع عنه
وإنت مدمنه لهذا البورد
لا بتفوتك شاردة ولا واردة
وأكيد كلو موثق عندك
قبل ما يمشى الخور
وعشان كده ختيتى ليك خطوط رجعة
سبوبه ساكت ! (والدليل آلولو .. الكرسى)
السؤال ده أنا كنت عايز أساله لأساسى
لأنه بعمل بعض الإحصائيات عن ناشطى البورد
لكن إنتى الأنسب كعضو ناشط، وأحد
المراقبون العموميون لهذ البورد:
وهو تحديد قائمه أكثر عشرة أشخاص
مداومين ومتواجدين بالبورد
نوع مراقيبن عموميين زيك كده
ولو إستطاعو التخلص من إدمان البورد
أكيد معناة إنتى ممكن أيضاً!
تحياتى
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
Quote: الولد الحلو الفي بروفيل ده بفرح لما اشوف صورة
الا الفيك انت معروفه. |
تراجي
سلام
ما تتغشي فيهو ، لا يلدوا إلا "جلابي" أبو كفة" "ماركة صينية"من بلد دوما
أو 4 شلوخ لى وراء"
دا حا يجي يحكم "يجلِّب" البلد إلى نيجيريا غرباً قولي لى بقال ومحمد سليمان
شوفو ليكم سما يلمكم مش ارض
السنة فات فيها يوم ولسع ما تقاعدتي ،
الراجاهو شنو؟؟؟؟ الباقي 364 يوم بس خلينا نستمتع بيهم، الكرسي مستعد
ادفع تمنو لو وافقتي تقعدي بيهو في ضل الضحى فقط
شكراً لشعورك الأمومي
كل سنة وانت طيبة ومتقاعدة
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
Quote: عارفه الآخرني على الرد عليك شنو؟؟؟؟
من كتبت البوست و التلفون ما سكت
شيتا من استراليا وشيتا من امريكا
وشيتا من الدنمارك و....الخ كلهم
عيالنا الغبش يسألون لماذا هذا القرار....
وانا بتحداك واتحدى بكري ابوبكر ذاته
خليني اغيب وتعالي شوفي عدد الزوار للمنبر كله عموما بينزل كيف؟؟؟
عشان تعرفي انه الغالبيه من الوار هم اله الهامش
البكري للاسف محجم عضويتهم.
لذا صوتهم ليس مسموعا
ولكن (كليكاتهم واضحه).
|
يا تراجي جنس كلامك الفوق ده البخلينا نقول ليك قطر عجيب يودي ما يجيب. قشة ما تعتر ليك. و الله من ما وعيت في الدنيا دي زولة موهومة زيك ما مر على.
فكينا عليك, امشي ربي الادك افضل من تضيع وقتهم في فارغات.
| |
|
|
|
|
|
|
|
|
|
Re: (2008) تقاعد مبكر بأذن الله رغم( كرسي الكمبيوتر) الجديد و(ما اوصيكم)!! (Re: Tragie Mustafa)
|
الأخت الحبيبة تراجى ..
قُبّال ما أقول كلمة واحدة .. فى مثل بيقولوهو أهلك المصريين ..
" يموت الزَمّار وصباعه بيلعب " ..
تقاعد شنو وكرسى شنو ..
أمال لو شفتى كرسى عمك تقولى شنو ..
عارفه .. أنا قاعد فوق كرسى .. كل ما ضهرى يوجعنى ..
أقوم أجيب ليهو مخدة .. مخدة بيجاى ومخدة بيجاى ..
ولما الضهر يتأزم .. أقوم مرة واحدة .. وبعد ساعة
أو ساعتين أرجع تانى ..
يا ستى ما تضيعينا.. وتضيعى شغلنا .. احنا دايرينك
تمسكى وزارة من الوزارات .. بعد انقشاع الغمام ..
ان شاء الله .. ولا يكتر على الله ..
قولى آمين .. أنا أقول آمين .. ثم آمين ..
عمك العجوز ..
أرنست
| |
|
|
|
|
|
|
| |
Tragie Mustafa
doma
Rawia
Ahmed Elmardi
Ahmed Abdallah
معتصم احمد صالح
أبو ساندرا
elsawi
Atif Makkawi
محمد سنى دفع الله
Shayma
أبوالزفت
معتز القريش
حيدر حسن ميرغني
أبو عبيدة البصاص
محمد فرح
Nasir Ahmed Elmustafa
احمد التجانى احمد
انعام حيمورة
ثروت سوار الدهب
HAYDER GASIM
Kostawi
اسعد الريفى
سجيمان
baha eassa
عمار عبدالله عبدالرحمن
Imad Khalifa
Adil Osman
Alfarwq
yasiko
البشير دفع الله
عبدالمجيد صالح
Mohammed Haroun
معتصم ود الجمام
سمندلاوى
Sudany Agouz
فيس بوك
تويتر
انستقرام
يوتيوب
بنتيريست