|
|
 ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
|
كنت قد قنعت من حضور حلقة الاخت ناهد في برنامج الجزيرة هذا الصباح وطلعت ايضا من رؤية الاعادة
كيت ..الا ان الصديق الجميل معتصم دفع الله من الرياض قد مارس تالقه وترصده للاحداث الجميلة وعصر علي روحه
رغم انه هذه الايام اشهر ممارض في بلاد الخليج في وعكة صديقه وحبيبنا الشهير (تمبس) الذي نتمني له الشفاء العاجل..!!
فقام بتسجيل الحلقة كاملة وسيقوم بنشرها هنا علينا جميعا
ويلا يا الطيب شيقوق خليك قريب
وكمان يدكم معانا يا ناس تلفزيونات الشغل (البعيدة) خلف الكوارو دوار
وصاحبنا (حاكم)
وتعال نسونو ونتم الكلام هنا يا سري
ويا نجوان ناس التكنو لوجيا ما قصروا تب...
وبورداب الرياض ويييييييييييييي 
وبورداب الدوحة ناس معتز قريش وبكري الامين وصحافة 30 كدا
|
|
 
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: عبدالكريم الامين احمد)
|
كانت الاخت ممكونة قد كتبت هنا
بكرة الدكتورة ناهد محمد الحسن علي الجزيرة هذا الصباح مرة اخري... !!!!
Quote: نقول تاني يا كيكي و ناس نجوان..
على الرغم من قِصَر الحلقة..لكنها كانت حافلة و زاخرة بكم هائل من المعلومات ....التاريخية..الطبية..الدينية..الميثولوجية..السايكلوجية....الأنثروبولوجية..
د. ناهد إمرأة مثقفة في غير تكلف...جميلة..مُريحة..محتشمة....واثقة و متمكنة من المعلومات التى تعرضها..و تستعرض هذه المعلومات بإسلوب شيٌق و جذٌاب.
تحدثت اليوم و عبر قناة الجزيرة عن مسيرة الإنسانية منذ بدء الخلق و مُشاعية العلاقات...حتى الوصول إلى ترتيب العلاقات من خلال المؤسسة الزوجية.
تحدثت عن المجتمعات الذكورية و سيطرتها على المجتمعات النسوية....
وأد النساء..تعددهن..الرق..العبودية..و كافة أشكال القهر التى إندثر بعضها..و تنبأت و تفاءلت الدكتورة بقرب زوال ما تبقى منها..
تحدثت عن سيطرة الإنسان على مراكز الغريزة داخله..
تحدثت عن ( زواج الرهط ) ..و هو تعدد الأزواج.....
أجابت - بكل دبلوماسية - على ما أسمته ( السؤال المأزقي )- وهو عن رأي الدين في التعدد..
حيث إستدلت - على ما أذكر - بنصوص من التوراة و الإنجيل و من سورة النساء ...تؤكد جميعها أن الأديان أتت لتنظم العلاقات الإنسانية .
إباحة التعدد وردت في كذا نص ديني...و لضرورات تحتمها ظروف معينة... لكن المجتمعات الذكورية و لخدمة مصالحها الذكورية ركزت على نصوص بعينها...دون غيرها.
كذلك أكدت الدكتورة ناهد أن التعدد معركة نسائية..
هناك من يقبلها..
و هناك من يرفضها.
سمعتَ كتير عن د. ناهد محمد الحسن..لكني لم أقرأ لها أو أشاهدها من قبل...
لكن بعد حلقة اليوم...ستكون - بالتأكيد - ممن أفتخر بهن و أطارد كتاباتهن |
واعتقد بان هذا اجمل وصف وتلخيص لهذه الحلقة
والف شكر يا ممكونة
وفي انتظارك فقد قيل ان التعدد هي معركة نسائية
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: معتصم دفع الله)
|
شكرا ياكيكى ومعتصم انكم اتحتم لينا نحنا ناس الضهارى نشاهد الحلقة المميزة دى
كلام غزير وبتثير الكثير من الحوارات والاسئلة المحتاجة حفر ونحت ونكش- فى محاور شوف علوم السياسة ليها مختلف وياريت ناهد يتوفر ليها زى مالينا الزمن عشان نتحاور فى تشعبات المواضيع دى..
بعدين:
شكرا لانو اللقاء ده رجع لى ذاكرتى كاملة ومتألقة بحوارات بينى وبين ناهد، بديناها فى 2001 ولم تكتمل ويبدو انها لن تكتمل التقينا ورغم قصر المدة الا ان اللقاء كان حاشد وادهشتنى بثقافتها العالية وافقها الواسع وحلاوة انسانها
فتحنا يومها قضايا انزل الله لها من سلطان منذ الخليقة ولكنها ظلت مدفونة- ازيك ياناهد- بالجد ازيك
-----------------
ياختى ماكان تكلمينى من بدرى انك ماشة تخصص طب نفسى؟
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: عبدالكريم الامين احمد)
|
تخيلوا بالله معى تلفزيون السودان والخواء الذى يعشش به , ودكتوره ناهد تسكن على مرمى حجر منه ,
وناس معيطه وزعيطه ,, يلعلعوا فيهو اليوم كلو ,, عجبى !!!
برافـــــــــــــــــــــــــــــــــو ناهد ,,,,
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: عبدالكريم الامين احمد)
|
سلام ايتها الاديبة الطبيبة
والله ناس قناة الجزيرة اتضايروا/ن من ما جات علاقة الدين والتعدد اختصروا/ن المسافة عشان يمشوا يسوفوا محلات النيران وتشجيع الارهاب
لكن الشكر لمن يفج نفاج معرفي داخلها
كلامك كان سمح واذا لقيتي زمن كافي سوف يسمع السامع ويقرا القاري واخص هنا النساء والرجال لكن لذكورية اللغة اجمع الاتنين فترت اصابعي من نقر الكي بورد
اعد الان لقناة سوف تملك الجماهير كل المعلومات اصبري شوية
وانت من الان مديرة وطبيبة
تحياتي واشواقي
مزيد من المساحات
ناهد شاعرة وقاصة ومتعددة المواهب
بس هي عاملة بالمثل من تواضع لله رفعه
احي اصهاري بالخليج الذين جعلوا هذا ممكنا
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: عبدالكريم الامين احمد)
|
كريم زعلانة منكم شديييد يعنى لما ما جاكم ميسدكول
ولا جيتكم بى كورعى هنا ،،، ماكسرتو الشقة لييه؟؟
يا كريم والله تقول داعيتنى !!
على غير عوايدى قمت من النوم 8 ونص !!!
ولما اتمحركت وشربت الشاى البرنامج بدا
يعنى جد جد ما مشيت الشغل !!
اول حاجة الدكتورة دى هريتوها بالسهر ياناس الدوحة
عيونا ما قادرة تفتحهم !!!! دا شنو دا ياخ بس اصلو
ما تلمو ليكم فى زول حلو !!!
دا كلام مرتب وانيق ومسئوول يا د. ناهد
والتعدد دا معناها نص راجل ،،، واى زولة توافق انو يكون
عندها نص راجل بطريقتها ،، هى ذاتها بتكون شايفة نفسها نص !
ـــــــــــــــــــــ
عارف احلى تعبير عجبنى شنو ؟؟؟ قالت ::: انو المراة نفسها
بتستبطن الوعى الذكورى ،،، وبتفرزو !! الكلام دا وقع لى فى جرح عدييييييل
كدا يادكتورة !!!!! شكرا يا ستى شكرا كريم ونادوس وليلى ومعتصم شكرا
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: دينا خالد)
|
Quote: كريم زعلانة منكم شديييد يعنى لما ما جاكم ميسدكول
ولا جيتكم بى كورعى هنا ،،، ماكسرتو الشقة لييه؟؟
يا كريم والله تقول داعيتنى !!
على غير عوايدى قمت من النوم 8 ونص !!!
ولما اتمحركت وشربت الشاى البرنامج بدا
يعنى جد جد ما مشيت الشغل !! |
هلا يا دينا
ووينك يا زولة انتي
ومشتاقين والله
ود البشري مكرهنا الصبر الببل الابري
وعامل فيها الود واقف علي اعصابو
والحمد الله الما مشيتي الشغل لاني بصراحة كنت خايف عليك من مسافة الكوار دوار
واذا رايتي عيون الدكتورة (وارمتا) فامسكوا ابنوسة ونادوس
يومي مساهرين بيها سهر يشيهيك السهر ذاتووو
ودايرين لسع يا دنيا كلامات عن الحلقة (باقي انتي كلامك بصراحة طاعم بالحيل)
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: عبدالكريم الامين احمد)
|
يا كرم ممكن اشارك ؟؟؟؟؟
فيى حتة ميل غريزى وما غريزى دى !
انا شايفه انو حتى الغريزة عند البنى ادميين ميولها مختلفة
بين زول وتانى ،، بغض النظر عن انو مراة ولا راجل مجرد الميول نفسها
ما بتتشابه ,, يعنى فى ناس كتار جدا بحبو النوم والنوم غريزه وديل
ممكن يكونو رجال او نساء ،، وفى ناس بحبو الاكل وبشغل
جزء كبير من تفكيرهم واستمتاعهم ولو لقوه ما بتلفتو لى اى حاجة تانية وديل ممكن
يكونو رجال ممكن يكونو نساء،، وفى ناس بحبو الجنس وبياخد حيز كبير من تفكيرهم
وحياتهم ،،، برضو من الجنسين ،، يعنى حتى الميل الغريزى لمايختلف من زول لتانى
ما افتكر اختلاف الجنس عندو اثر ،، دا ذى ما شرحت د. ناهد
عندو علاقة بى حاجات تانية مكتسبه
هسه نوبى دا جنو نوم من امس نايم !!!!!! كل ما اضرب لى بقول لى هذا المشترك نايم !!
عندك عماد عبد الله دا سقد ما بنوم كلو كلو حتى لو سيد اللبن ذاتو جاء !!
عندك دكين ومحسن ديل بحبو حاجات تانية ( حتى لو بالفصاحة ساااى ما مشكلة المهم بحبوها وخلاس !!
نجى لى البشرى واولادو وبنات بوستات طبق اليوم ديل بحبو الاكل وسماااان ما مشكلة برضو بحبو !!
وهكذا دواليك
يعنى كلمة غريزى دى ما كفاية الغرايز خشم بيوت حسب توظيف اصحابها ليها ومزاجهم واستمتاعهم
بيها وتنميتها يعنى ممكن تكون شغاله عند زول وميتة عند زول تانى !!
واستغفر الله لى ولكم !!
| |
|
|
|
|
|
|
|
|
|
Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!! (Re: دينا خالد)
|
Quote: انا شايفه انو حتى الغريزة عند البنى ادميين ميولها مختلفة
بين زول وتانى ،، بغض النظر عن انو مراة ولا راجل مجرد الميول نفسها
ما بتتشابه ,, يعنى فى ناس كتار جدا بحبو النوم والنوم غريزه وديل
ممكن يكونو رجال او نساء ،، وفى ناس بحبو الاكل وبشغل
جزء كبير من تفكيرهم واستمتاعهم ولو لقوه ما بتلفتو لى اى حاجة تانية وديل ممكن
يكونو رجال ممكن يكونو نساء،، وفى ناس بحبو الجنس وبياخد حيز كبير من تفكيرهم
وحياتهم ،،، برضو من الجنسين ،، يعنى حتى الميل الغريزى لمايختلف من زول لتانى
ما افتكر اختلاف الجنس عندو اثر ،، دا ذى ما شرحت د. ناهد
عندو علاقة بى حاجات تانية مكتسبه
هسه نوبى دا جنو نوم من امس نايم !!!!!! كل ما اضرب لى بقول لى هذا المشترك نايم !!
عندك عماد عبد الله دا سقد ما بنوم كلو كلو حتى لو سيد اللبن ذاتو جاء !!
عندك دكين ومحسن ديل بحبو حاجات تانية ( حتى لو بالفصاحة ساااى ما مشكلة المهم بحبوها وخلاس !!
نجى لى البشرى واولادو وبنات بوستات طبق اليوم ديل بحبو الاكل وسماااان ما مشكلة برضو بحبو !!
وهكذا دواليك
يعنى كلمة غريزى دى ما كفاية الغرايز خشم بيوت حسب توظيف اصحابها ليها ومزاجهم واستمتاعهم
بيها وتنميتها يعنى ممكن تكون شغاله عند زول وميتة عند زول تانى !!
واستغفر الله لى ولكم !! |
فقرية لاكين .
....
طبعا عاملة فيها مودرة كده و كاتلة ضلك و ملخبطة الجد بالهزل ..
يا بت إنتي من أذكى الناس في المعطوبة دي .. و عارفة كويس بتشوتي وين و متين ..
و الذ و أكتر زول ممكن يفقعك بالضحك و هو مستبطن ليك نصيبة نايمة ..
يا قول ود الأمين : ورا البسمات كتمت شنو كده ..
راسك المدوقس ده ( و بيكون كده ) مليان بلاوي .
اللهم أحفظنا يا رب ..
و اجعل فوق رأسنا هالة من نورك يا رحمن , تقية و رقية و تميمة و تعويذة من جِنس المحن اللذيذة الزي دي ..
قادر يا كريم .
هذا , و كان الله يحب المحسنين .
ـــــ
ملحوظة : بقينا نشتري لبن بودرة .. اها .
| |
|
|
|
|
|
|
| |
عبدالكريم الامين احمد
صلاح الأحمر
Yasir Elsharif
جمال السنوسي
معتصم دفع الله
Ishraga Mustafa
الجندرية
salma subhi
زهير عثمان حمد
kamal ali
أحمد طه
ناهد علي
دينا خالد
Emad Abdulla
Khalid Kodi
فيس بوك
تويتر
انستقرام
يوتيوب
بنتيريست