Quote: مسألة قيادة المرأة للسيارة حق من الحقوق المشروعة للمرأة ولكنها في هذه الدول ستكون وبالاً عليها ..
.. سلام يا فاضلابي ركز لي علي كلام بكري اسماعيل دا قبلما البوست يتعبى بي الشعارات من المجموعة المعروفة.. يا صديقي .. من خلال كلام وجيهة .. قالت مسموح ليهن بالقيادة في الأماكن النائية يعني في اماكن الحوجة .. ودي في الأماكن البتمارس فيها المرأة الأعمال المتعلقة بالبيئة العايشة فيها أو الوسط العايشه فيهو .. يعني في اماكن محددة نفس المراة بتسوق (القلاب) بتاع التراب .. بتسوق (الفنطاز) بتاع الموية بتسوق (البوكسي) وبي احرف ما تكون الحرفنة . حياة المدينة في هذا المجتمع مختلفة تماما عن بقية المجتمعات الأخرى نسبة لي تفاصيل كتيرة معقدة .. مافي امكانية (تحلحل) ليها قريبات دي .. يأخي اقول ليك حاجة..: حسع نحن الناس الساكت ديل المتاحة ليك حرية إنك تعمل اي حاجة وتسوق حتى طيارة .. مسالة السواقة دي امسكه من ناحية سيكيورتي ... صدقني راسك ح يشيب .. دا غير الحاجات التانية ... وجيهة دي قالت المسالة بتاعت منع القيادة ما تمت نتاج لي قرار سياسي أو ديني .. لكن لي مبرر اجتماعي .. والكلمة دي مليانه حاجات كتيرة جدا .. اتمنى من كل قلبي أنو الاستاذة وجيهة يدوها ساعة ونص قيادة في شوارع الرياض .. وتحديدا شارع التحلية في يوم الخميس البعد بكره دا .. ياخي في مجتمعات الوضع الطبيعي ليهم مسخر لي النساء أنها تسوق عجلات .. وما تشتغل بي مسالة السيارات دي .. في واحدات في مجتمعات تانية الواحده تلقاها شاده ليك الحمار دا وخالفه رجلينا .. في واحدات تركب الناقة دي وتقوم بي نمرة تلاتة .. والامور كلها ماشة زي الترتيب .. ياخي مجتمع الزولة دي العايشة فيهو موفر لها كل انواع الاحتياجات ـ بتركب ورا (وصديق) لابس ليهو كرفته وبرنيطه ممكن يوديها من هنا لحدي (حفـر العتش) بي (ابنص واحد) بس. بي اختصار يا فاضلابي .. وعلشان ما يجو اصدقاء البيئة واصدقاء الشرطة والعاملين مهتمين بي حقوق المرأة .. انا القدامك دا .. مع الزولة دي في واخواته للطيش في اي حق متعلق بيها .. لكن في نفس الوقت لو (حبيبتي) في يوم جات هنا وقالت لي اديني مفتاح العربية ماشه أجيب لي (لالـوب) من (غبيراء) يا تسالي من (شارع) الخزان .. يا (كتــب علم نفس ) من معرض الكتاب .. صدقني بقول ليها يسمـــك..مش أنا بحبها وأي حاجة ..؟ لكن بقول ليها يسمك شديد..
03-11-2008, 07:20 PM
fadlabi fadlabi
تاريخ التسجيل: 12-13-2004
مجموع المشاركات: 4116
ويا عبد اللطيف الجري عندهم فيه حق و السواقة عندهم فيها حق و شوية شوية العالم يبقى جميل بنساءه المبدعات الحرات يوما ما عاوزين نشوف بطلة رالي سيارات سعودية
تمبس و اسماعيل كلامكم داير حول خصوصية المنطقة و ظروفها التي لا تسمح لهن بالقيادة و أنا شايف كلامكم ده ما منطقي و ما صاح يا تمبس لمن يكون مسموح ليهن و يختارن عدم القيادة بصدقك و ما في سعودبة يا علاء سايقة قلاب .. هو عليك الله السعودي ذاته البسوقه قلاب شنو بناس صديق القلتهم ديل؟ يا تمبس أنا ما بعرف السعودية زيك لكن الحكاية مبدئية و الحق حق بعد داك حرية الخيار دي شي تاني و ربنا يخلي ليك حبيبتك و يجيبها ليك و السواقة تكون مسموحة ليها و بعد داك بجازكم
ان شاء الله العربية ذاتها تكون حقتها عشان حركاتك دي
03-11-2008, 10:59 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: تمبس و حميدة شوفتكم تفرح بالجد بالذات تمبس اب رويس ده
يسرنـا وجودنا بينكم يا فاضلابي.. بعدين
Quote: ما في سعودبة يا علاء سايقة قلاب .. هو عليك الله السعودي ذاته البسوقه قلاب شنو بناس صديق القلتهم ديل؟
..
Quote: يا تمبس أنا ما بعرف السعودية زيك
.. سوف عيني يا فاضلابي والواحده تحت المقعد بتاعه الرشاش وفيهو تلتين طلقة تسعة ملي
Quote: ودي في الأماكن البتمارس فيها المرأة الأعمال المتعلقة بالبيئة العايشة فيها أو الوسط العايشه فيهو ..
..
Quote: لكن الحكاية مبدئية و الحق حق بعد داك حرية الخيار دي شي تاني
معاك خالص انو الحق .. حق لكن أرجع لي .. لي خصوصية المنطقة دي تاني من جديد والتركيبة الاجتماعية المتعلقة بالمرأة .. والمرأة هنا لو رجعنا لي مسالة الحق .. حق ما محصورة في المرأة السعودية فقط طالما المسألة حقوق عامة .. عندك لحدي الآن .. بعض الأسر السودانية قرايبك مثلا .. ما بتقدر تتعامل معاهم بحرية زي ما بتتعامل معاهم في السودان حسب نظرتهم الاجتماعية للوضع يعني مثلا تكون هي قريبتك شديد ربما لعبتو في السودان ( دس .. دس ) في فترة من عمركم أو عريس وعروس .. الآن بتلقاها متزوجة ليها واحد لو لاقيتهم في الشارع احتمال كبير هي وزوجها يتغابو فيك العرفة ( وينحاشو )*.. بالمقابل ممكن تجمعك معاهم أي مناسبة اجتماعية ومع غيرها تكون حرية ممارسة الشعائر الاجتماعية مباحة بكل اكسسواراته السودانية.. سلوكيات الشارع العام وطريقةالتحرك فيهو لو سمحت لي السعودية تمارس المسالة دي .. ح تحجره على غيره من الجنسيات رهن ظروف اجتماعية خاصة ومتعلقة بي مجتمعة وليها كامل اختياره .. سلوكيات الطريق يا فاضلابي والشارع السعودي البعرفو انا اكتر منك وضعت محاذير محددة .. أدت إلى سن مثل هذه القوانين حفاظا على المرأة سعودية كانت أم غيرها.. المسالة معقدة يا فاضلابي بعيدا عن المناداة بالحقوق البتتكلم عنها دي .. إذا كانت حرية المرأة في النرويج أو أي مكان تاني بتبيح ليها ممارسة الكثير وفق مجتمعها العايشة فيهو هناك مجتمعات كثيرة حركة المرأة فيها مقيدة حسب نظام المجتمع هناك ما هو متاح لها .. وما هو غير متاح ليها .. وفق القوانين والاعراف والوضع الاجتماعي ..
Quote: ان شاء الله العربية ذاتها تكون حقتها عشان حركاتك دي
هي ذاته ما عندها رخصة لحدي الآن . بعدين انا ما مستعد اجازف بي حبيبتي للدرجة دي .. أنا عندي زيها كم ؟؟؟ لكن برضو ما عندي مشكلة بغسل ليها اللساتك .. وهي تغير ( زيته براهـا) وبي شتارته البعرفة كان قلبت العربية في الدائري الغربي يا فاضلابي يا قطعت ليها اشارة وبيتوها في ( الناصرية** ) ما تجي تقول لي اكل نارك معاها..
ـــ * ينحاشو = يتضايرو بس مسعودة ** (الناصرية) السجن العام بالرياض لمخالفي حركة المرور في الطريق
Quote: الناشطة السعودية وجيهة تقود سيارة بمناسبة يوم المرأة في السعودية
يا فاضلابي واضح إنه عندك مشكلة أو (عقدة) من السعودية قبال دا كتبت :
________________________
Quote: عاليا يا يا نساء العالم الأحرار
من أجل حقوقكن
حاربن
حتى النهاية
دي شعارات جوفاء وهتافات فارغة وما موقفك من ختان بشاشا الكوشي ببعيد !! أضف إلى ذلك الحقية التي كشفتها شهادة الأخ كبر :
Quote: لو بتصدقني ..و ممكن تاخد كلامي.. أنا قاعد في مجتمع غربي قرابة العشرة سنين..و سنحت لي الظروف ازور مدن كتيرة في البلد ده..يوم واحد مالاقني مرحاض مختلط (يعني يكون قاعدة عامة -وليس استثناءا - عشان نقيس عليها و نقول فعلا البلد ده اهلو متمسكين بقصة المراحيض العامة المختلطة)..
الجــندرة ومشكلة الفصل بين الرجال والنساء في المراحيض العامة (دراسة) يعني حسب كلام كبر دا فحتى المرأة في النرويج يمارس ضدها التمييز حتى في دورات المياه العامة !! يعني بعد جعجعاتكم دي كلها عندكم مكان خاص بالنساء وأخر خاص بالرجال لو كلامي ما في محله أرجو أن تبين لي سببا واحدا يبرر الفصل بين النساء والرجال في موضع قضاء حاجة طبيعية !! جيب أي أساس مقنع (بيولوجي , تشريحي , فسيولوجي , سسيولوجي إلخ )
03-11-2008, 12:58 PM
humida humida
تاريخ التسجيل: 11-06-2003
مجموع المشاركات: 9806
فاضلابي ( حسن شعارات ) .. المرأة السعودية بتسوق عربية من مدة طويلة .. وبما انكم ( عموم اهل المنبر ) بتاعين غلاط .. ما حأدخل في التفاصيل .. ( نية عدم الفهم متاصلة فينا ) .. المهم .. موضوع قيادة المرأة دا .. بفتح لينا نقاش حول ( خصوصية المجتمع ) .. الناس ديل عندهم ( خصوصيات ) بفهموها براهم او من عاش معاهم فترة طويلة .. وصدقني مستمتعين اكتر مني ومنك .. نحن كسودانيين ما بنفهم حاجة اسمها ( خصوصية مجتمع ) لاننا شعب متعدد الاعراق والديانات .. وفينا بعض ( ضعف الشخصية ) ومعرضين للاستلاب الحضاري ( المصطلح دا ناجرو براي ) .. والدليل انه اي سوداني مشى اوروبا او امريكا .. طوالي تاني يوم بعمل ليك فيها مستنير وبلبس ( برنيطة ) ..
.. ..
عاجباني ( الفورة ) بتاعتك الايام دي .. انت الحزب ( الليبرالي ) دا تحت شعار ( خالف تذكر ) ولا شنو ..
03-11-2008, 07:23 PM
fadlabi fadlabi
تاريخ التسجيل: 12-13-2004
مجموع المشاركات: 4116
حميدة و الليبرالي لا خالف ولا حاجة شغل مخك بس و انت ذاتك انا وراك لمن أجندك النشوفك تمشي وين تعال قول كلامك ده ذاته جوة الحزب و انت عضو شوف في زول بقول ليك ما تقوله الفكرة انه يكون من حقك تقول الدايره و ما في صاح مطلق ولا في غلط مطلق و ما في خط أحمر و الحق حق
بعدين نحن السودانيين ديل ذاتنا منو؟ الفي الشمال ولا الفي الجنوب ولا الفي الغرب و منو القال ليك انه دي أفكارنا بعد ما جينا اوروبا ؟ يا حميدة انا ده عامل كدة من زمااااااانك اسأل مني ولا انتظر باقي الدفتر لمن يصل الجامعة و ما بعدها
03-11-2008, 02:53 PM
fadlabi fadlabi
تاريخ التسجيل: 12-13-2004
مجموع المشاركات: 4116
بعدين مثلا أنـا القدامك دا: قول لاقيت آمنة مختار المعانا في البورد دا .. أو تراجي مثلا .. وقامت اي واحده فيهم رافعه القزاز وكحلتني في المراية قامت بي بقجة الغباين ديك ختت لي مقص في الطريق واحتمال قلبت لي عربيتي الكامري قول يا المارسيدس .. وقول كسرت الواحده فيهم يد فيني يا ضلعة يا اصبعي الصغير .. تفتكر البحلها مني شنـو .. ونحنشعب جبلنا على أخد حقنا بي ضراعي في الحالات المشابهة.. تفتكر ندوره ( بلنجة ) في الشارع واللم فيهم الناس واللا انتظر لحدي ما البوليص يجي بعد ساعتين ..؟ وإنت طبعا الوكت داك بتكون نايم يا قاعد ترسم يا قاعد تحضر ليك في فلم في السنما..
03-12-2008, 07:34 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22492
بس في نقطة أخيرة : النساء هنا في الخليج ما بيعتبرن السواقة حق لا بد من إكتسابو ... بل بيشوفن السواقة دي حاجة مكملة للوجاهة ... لو ملاحظ في الكويت مثلاً .. بتلقى الزوجة سايقة عربية .. و بتلقى عندها سواق لزوم المدارس و الطلبات في حين إنو عندها الإمكانية تجيب بدل السواق 3 سواقين...
تخريمة :
تمبس :
Quote: وهي تغير ( زيته براهـا)
و إنت تطلع زيتا
03-12-2008, 10:19 AM
fadlabi fadlabi
تاريخ التسجيل: 12-13-2004
مجموع المشاركات: 4116
و الله يا تمبس كلامك ده ملان أخرام انت المشكلة بتتكلم عن نظام اجتماعي و ظروف خاصة و أنا شايف انه الظروف دي أصلا ما المفروض تكون عاملة كدة.. يعني خصوصيتها دي ذاتها قايمة على غلط يعني يا تمبس البخلي المرة محتاجة لحماية شنو غير انه الناس دايما مبيتة نية التربص بيها و انها لو ماشة براها معناتها ما كويسة و لو قلعت عبايتها معناها ممكن تديك و المطوع مفروض بمحطها ليك لمن تعرف الله واحد.. حتى الموقف القلت ممكن يحصل مع قريبتك اللعبت معاها دس دس دي و هسي بتشفط ليك عااااااااادي بعد العرس هسي يا تمبس ده شنو عليك الله؟ يعني لي شنو نحن بنخلط الاحترام بي جنس ده يعني حركة انها تجليك دي بتلغي الكان بيناتكم زمان؟ نفرض انها كانت حبيبتك و بوستها زمان.. اها يعني شنو؟ و لي شنو الود الشفت بسوط الدنيا و في النهاية يقول خلاص نستقر و يشوف ليه واحدة أهم شي انه لم يمسسها انس قبله ولا جان.. ما هو يا نسوط كلنا و الحكاية تكون عاااادي يا كمان لمن نعرس ادونا اول أسبوع كورس في كيفية اعادة انتاج البني ادمين و نكون الاتنين الغنماية تاكل عشانا يا تمبس ده اضطهاد و غلط و انا و انت عارفين انه الود كان اكل.. شفت و البت كان اكلت.. بايظة و ده سببه ببساطة الحتة الخاتنها فيها و فكرة الجنس الجنس المالية الراس طوااااااالي دي يعني حماية المرة البتقولها دي كلها هي حمايتها من شنو غير الجنس؟
03-13-2008, 11:47 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: الله يا تمبس كلامك ده ملان أخرام انت المشكلة بتتكلم عن نظام اجتماعي و ظروف خاصة و أنا شايف انه الظروف دي أصلا ما المفروض تكون عاملة كدة.. يعني خصوصيتها دي ذاتها قايمة على غلط يعني يا تمبس البخلي المرة محتاجة لحماية شنو غير انه الناس دايما مبيتة نية التربص بيها
.. يا فاضلابي .. ياخي انا ما قاعد افتش في أخرامك ولو بفتش في اخرامك كان قلت ليك كلامك دا والفات كلووو .. مصفى عديل كدا .. أيوة المشكلة الاساسية في المسالة دي النظام الاجتماعي والظروف الخاصة البتحكم الوضعية الفيها الزولة دي .. الوسط الاجتماعي الفيهو نحن ديل القاعدين مع الزولة دي العارفنو كويس .. ولو شوفك إنت انها ما مفترض تكون كدا حسب شوفك المتحرر من قيود المجتمع الانت عايش فيهو .. بتجي تلقى واحده تاني هنا عندها وجهة نظر مخالفة لي وجهة نظرك إنت ولي وجهة نظرة وجيهة دي .. ممكن تقول ليك إنت ويش فيك ..ايش دخلك من اصلو .. لانها بتشوف حسب ما بتتعرض ليهو هنا من قيود جبرته انها تكون في موضع ما في مكان ما بتسوق عربيته بي مزاج وتمشي تجيب اغراضه من البقالة ومن السوق .. وفي نفس الوقت بترسل صديق وراكبه معاهو اندنوسية .. يا فلبينيه علشان تمشي تجيب ليها حاجاته ( الخاصة جدا ) ورضيانه بالوضع دا تمام الرضا .. لاحظ لو قالت لي الاندنوسية دي امشي سوقي الجيب دا جيبي لي الحاجات دي وعبي لي معاك الجيب دا بنزين من محطة التسهيلات .. ممكن تقول ليها: (ماما أنا مافي روح بعدين ممكن في نفر موت أنـا وأنا في بزوره واجد .. ليش مافي روح إنت ؟؟) ودي هنا الخيارات الفردية البتفق فيها انا معاك ، يعني مافي حاجة استاندرد هنا علشان تستعمله مصوغ رصمي إنت أو غيرك .. نفس الزولة دي زاته بي الراتب حقها البتحوشو من مافي روح انا في موت .. ممكن يكون عندها حــافلة يا موطـر .. يا رقشة سايقاها بي نفس وبتوصل بيها ركاب كمان في الوسط الاجتماعي حقها .. في بلده هناك. وده بيرجعنا تاني لي مسالة الوضع الاجتماعي والوسط العايشين فيهو الما بنفصل بي نقرة كيبورد منك أو مني أنـا دا أو يكون فيهو أخرام زي اخرامي دي ..
Quote: يعني يا تمبس البخلي المرة محتاجة لحماية شنو غير انه الناس دايما مبيتة نية التربص بيها و انها لو ماشة براها معناتها ما كويسة و لو قلعت عبايتها معناها ممكن تديك و المطوع مفروض بمحطها ليك لمن تعرف الله واحد..
.. بعدين يا فاضلابي في كتير من نواحي الدنيا المرأة ليها قوانين لحمايته كوضعية خاصة وكتير من السيدات بيطالبن بي حقوق الحماية والحقوق الأخرى .. يعني المسالة ما محصورة في نظرتك بتاعت التربص وطلعت عبايته وشحدوهـا أو ساقت ليها واحد من الشارع بي محض ارادته .. أمسك الإمارات وهي دولة مجاورة للسعودية وفي دول مجلس التعاون الخليجي البيناتم اتفاقيات مشتركة في اشياء كتيرة .. يللا تعال يا فاضلابي سوق ليك ليموزين هنا وراكبه فيهو زولة بي وراء .. قوم اضبط المراية الداخليه بتاعتك في وشها ( وأغمز ) ليها بي تقليدية .. يا قول ليها يا سيدتي الجميلة يا ( تتي ) أوديك وين .. تعرف دي لو وقفت ليها بوليص .. حتى لو كان بوليص مطافي وقالت ليهو فاضلابي دا قال لي كدا .. في لحظته بيرشك بي خرطوش الموية دا اول حاجة لحدي ما يفضي فيك الفنطاز دا كلو ويقول ليك (حريقة) فيك وبخموك بودوك بلدك أول حاجة حتين بعدين يقولو ليك الحاصل شنـو .. خليك من مسالة يا ( تتي ) دي .. لو خشمك عندك واحده بس اتبلت عليك في شارع ضيق مشيتك ما عجبته في الشارع ممكن تروح في ستين داهية .. ودا هنها قانون حماية برضو متوفر للمرأة العندها عربيته دي وسايقاها وبتمشي تجيب بيها اغراضه ( وحاجاته الخاصة جدا ) من غر ما تستعين بي (صديق) أو (صديقه).. بعدين الناحية الدينية العايز تزج بيها دي يا فاضلابي بتاعت يمحطه لمن تعرف الله واحد دي .. اثبتته ليك في (الخرم) بتاعك الما شايفو دا السيدة وجيهة بي نفسها
Quote: وجيهة دي قالت المسالة بتاعت منع القيادة ما تمت نتاج لي قرار سياسي أو ديني .. لكن لي مبرر اجتماعي ..
.. وإنت مصر إنك تاخد المسالة من منظور غير كدا. من ناحية تانية مسالة مماحكة الكتيرين هنا الما عارفين حاجة عن (الناس البتمحط دي لحدي ما الواحده تعرف الله واحد ) أرجو أن اصحح ليك مساراتك إنو الوضع اختلف تماما حسب التغيرات الحاصلة هنا .. يعني بعض المسميات الكانت زمان والسلوكيات اختلفت وماشه في تدرج لي وضعيه احسن .. وما كان يمارس في (تمانينات أو تسعينات) الماضي اختلفت في (الفيات) الحالي ودي حاجة برضو ما بتحس بيها إنت أو الكثيرين غيرك الما خدين الحاجة دي في قالب محدد..
Quote: و هسي بتشفط ليك عااااااااادي بعد العرس هسي يا تمبس ده شنو عليك الله؟ يعني لي شنو نحن بنخلط الاحترام بي جنس ده يعني حركة انها تجليك دي بتلغي الكان بيناتكم زمان؟ نفرض انها كانت حبيبتك و بوستها زمان.. اها يعني شنو؟
دا واقع إنت بعيد عنو . ومنو القال ليك دا احترام ..؟ دا ما احترام دي افتراضيه تماشي مع الوضع اللهي فيهو الاختارتو بي محض ارادته وبي محض ارادة زوجـه ورضت بيهو والبتشوف فيهو انو بيضمن ليها الكثير من حرية وجوده هنا دا .. بعدين يا فاضلابي ما يكون كلامك دا فضفاض ساكت .. صدقني ( مستنيرين ) لمن مولعين وعن تجربة الواحد فيهم بيمارس الطقوس دي هنا دا إنت زاتك مش حسع بتتكلم معاي في المسالة دي .. كدي اشوفك هنا لو ما جليتني في الشارع عادي .. انا ما تمبس ..
Quote: ولي شنو الود الشفت بسوط الدنيا و في النهاية يقول خلاص نستقر و يشوف ليه واحدة أهم شي انه لم يمسسها انس قبله ولا جان.. ما هو يا نسوط كلنا و الحكاية تكون عاااادي
.. الزانة بتاعتك دي اعمل حساب انها ما تتكسر لما تنط بيها عالي كدا .. المسالة إنت ماسكة بشكل غريب ما ليهو علاقة بي شفتنه واللا بي زول زمان كان بيفتح زرار القميص لحدي ( صرتو ) ولابس سلسل وبكفكف بنطلون الجينز من تحت، افترض المسالة العمرية في المسالة دي والكنت بتعملو زمان ليهو حد بينتهي فيهو يعني الواحد والواحده بيشيلو الكوته المفروضة ليهو في الدنيا دي وفي النهاية في عقل بيعملو علشان يستخدمو بي طريقة سليمة .. يعني بي نفس فهمك دا ممكن تكون واحده زمان كانت ( شكش ) وفاتحه ليها ( بيت ) بتاع اي حاجة .. أيه البمنع انها حسع دي تبقى زولة سوية وعندها اسرة واطفال وبيت وزوج بتحافظ عليهو وربما كان زمان بجيها في نفس البيت داك .. ( شايف خرمك الكبير دا .. واللا احفـر ليك حفرة لاخيك ) ..؟
Quote: يا تمبس ده اضطهاد و غلط و انا و انت عارفين انه الود كان اكل.. شفت و البت كان اكلت.. بايظةو ده سببه ببساطة الحتة الخاتنها فيها و فكرة الجنس الجنس المالية الراس طوااااااالي دي يعني حماية المرة البتقولها دي كلها هي حمايتها من شنو غير الجنس؟
.. هي ممكن تكون محمية ضد مفهوم الجنس لو اصلو كان في زيك يا فاضلابي بيحصر المسالة دي بالمفهوم دا وبيسقط امور كتيرة جدا .. ولو كان بيخاطب البعض منهن بي مفهوم انهت بيبحثن عن حمايتن ضد الجنس في المقام الأول .. ولو وجيهة دي جات هنا ممكن تطلع ليك كلامك دا ( الأوزون ) عديل وبتقول ليك لا يا ود امي المسالة ما بي شوفك دا .. عندنا ليها شوف تاني. في كتير من البلدان البتعرفه إنت حسب رؤيتك لحقوق المرأة المضهدة دي .. والاصبح فيها الجنس دا متاح تعاطيه حتى في داخل عربية مكشوفة في اي بلدة نائية بي محض ارادة الطرفين وعين الناس بتشوف .. يعني بي صراحة اتجاوزت فوبيا الجنس البتتكلم عنها دي .. هل بتضمن لي أنو مافي حقوق خاصة بالمرأة بتكافح عنها وفي قوانين صممت خاصة ليها ... وبالمقابل هل سلمت المرأة دي نفسها من امتهانها جنسيا من غير رغبته وتحت قوة السلاح .. أو بي اي وسيلة أخرى وبالرغم من كل الضوابط دي ؟ بعد تمنطاشر سنـة الواحدة ممكن تعمل اي حاجة والقانون بيتيح ليها وفي شنطته ممكن تلقى ديوريكس وبنعتبر دا جنس منظم .. طمنطاشر سنة إلا نص ساعة (هبشتها) بي محض راداته وقام شافك الكلب بتاعه وما عجبو الوضع دا وقعد ( يهوهو ) وجا ابوها لقاك يا اخوها وعمل ليك محضر اثبات تعدي وجنس في غير ( زمن الحصاد ) إنت برضو بتروح فيها وفق قوانين حماية صارمة جدا بتتعلق بالجنس .. ويبقى دا (كيس) جنسي .. اهـا ديل برضو مش مفتحين وأي حاجة . ليه ما بتحاكمم جنسيا حسب وجهة نظرك دي.. لو اصلو عايز تربط لي المسالة دي ربط (جنسي)؟
(عدل بواسطة tmbis on 03-13-2008, 12:04 PM) (عدل بواسطة tmbis on 03-13-2008, 12:46 PM)
03-14-2008, 01:07 PM
fadlabi fadlabi
تاريخ التسجيل: 12-13-2004
مجموع المشاركات: 4116
أول حاجة شايفك ماخد الموضوع شخصي و انا قاصد السعودية و شنو .. يا مان يمين ما الموضوع السعودية و أنا عندي فيها أهل و أولاد حلة و فرد جداد زييك و قدام زي دكين و ناس بريد كتابتهم زي منيف و أم و أبو قلوبهم معلقة في الحرم فما تاخد الموضوع من الزاوية دي نهائي
Quote: مسالة الوضع الاجتماعي والوسط العايشين فيهو الما بنفصل بي نقرة كيبورد منك أو مني أنـا دا
أصلو ما أنا ما قلت ليك أنا فاهمه و مقددها لكن شرحك ما داير يقع لي.. يعني يا تمبس بتقول لي الحكاية أكبر من الجنس و أنا لمن جيت السعودية ايام شغلي في البحر جيتها زي تلاتين مرة ( الرقم ده بدون مبالغة) يمكن اكون خشيت و حمت مرتين تلاتة بس لكن الحاجات الغريبة الشفتها في المرتين تلاتة دي تغيظ تفقع المرارة عديل طبعا أول زيارة شفت ليك زول قصاري كده و دقنه لركبينه مدور ليك في الناس دي محط عجيب.. يا مان أخوك اتوهم .. ده شنو ده ؟ بعدين الزول نتشة كده كان في زول نقره هك تاني ما بقوم .. لكن الناس دي محترماه ليك كده و يشوفوه يتضايروا.. دي كانت أول مرة أشوف فيها السيد المطوع.. و الله يا تمبس أنا الزول ده للآن مغيوظ منه و حافظ ليك وشه قلت الفار ده كان لاقيته في الخرطوم ولا في أوربا دي أدقه ليك في نخرته الشينة دي لمن يعرف حاجة.. الناس الزي ديل المفوضاهم الدولة عشان يوروا الناس الله دايرها كيف ديل.. انا ما واقعين لي كلو كلو.. أنا السعوديين البشوفهم في لندن يا تمبس بالبودي قارد و الحديد السنين و الجديع العجيب و الشرفة للجنس .. الناس ديل بياكلوا الجكس بعيونهم عديل و بعدين تحس بيهم ده حدهم يعني كان جاتو الخواجية احتمال يفرفر.. بس مربينه كده .. اها البيئة البتمرق ناس زي ديل أنا ما قادر أفهمها.. عشان كده يا تمبس أنا بتكلم من منطلق المنطقي شنو.. يعني المقاس الموحد للعالم.. يعني الكضب ياهو الكضب في أي ثقافة و أي دين .. و الحقارة ياها الحقارة.. البحصل للنسوان و الرجال في السعودية دي حقارة عديل يا تمبس.. مهما غطيتها باسباب تانية تاني حاجة السن القانونية في النرويج للبنات عشان يقدروا يمارسوا الجنس 16 ما 18 و ده فرق كبير خلاص .. العرس من 18 لكن الجنس من 16 جاييك تاني يا مان
03-14-2008, 08:55 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: أول حاجة شايفك ماخد الموضوع شخصي و انا قاصد السعودية و شنو .. يا مان يمين ما الموضوع السعودية و أنا عندي فيها أهل و أولاد حلة و فرد جداد زييك و قدام زي دكين و ناس بريد كتابتهم زي منيف و أم و أبو قلوبهم معلقة في الحرم فما تاخد الموضوع من الزاوية دي نهائي
أخونــا الفاضلابي .. يا صديقي وجودي هنا الغرض منو الحوار الجميل مع شخص تكن ليهو كل التقدير حسب عوامل (طبيعية) كتيرة جدا ـ ما ليها علاقة بالمطارات ولا اختلاف العملات.. ودي قاعدة اريتك تثبته لي وتبصم لي عليها بالعشرة .. لانو لما تجي تكتب لي كلام زي دا
Quote: أول حاجة شايفك ماخد الموضوع شخصي و انا قاصد السعودية و شنو
أول حاجة بفكر فيها إني اغادر ساحة النقاش حقك دا بنفس الطريقة الرحبت بيها بينا أنا وحميدة وبي نفس الحاجة البراحه الوجد فيها الواحد نفسو إنو ممكن ياخد ويدي معاك في موضوع بيحس انو عارف فيهو حاجات كتيرة بحكم التواجد في موقع الحدث .. وظرف استثنائي آخــر هو الخوض في موضوع الحوار دا مع شخص بتضمن انو بتتوفر كل سبل الاحترام بيناتكم بعيدا عن (اسقاطات) بعضهم وما اصبحوا يشكلونه من استعداء واضح في غير مكانه انتقل مؤخراً ليمس الضرر حقو حتى مجموعة كبيرة من العضوية الفاعله جدا بالسعودية عموم وشريحة كبيرة جدا من الذين يقدمون الكثير لهذا الموقع وخارجه ويخدمون الكثير لابناء جلدتهم من خلال وجودهم في هذا الموقع ومن خلال الكثير من العلاقات التي بنيت على مبدأ الاحترام للمكان القاعدين فيهو .. ولي لقمة العيش الشريفه التي اصبحت لا تروق لاهواء بعض المغيبين الذين اتخذوا من هذه المجموعة مطية يمارسون فيها احباطاتهم وما يمرون به من مآسي حقيقيةـ لذلك يا صديقي ثق تماما لم ادخل هنا بمحمل شخصي حتى انال منك أو استعرض فيك عضلاتي اللسانية فما بيننا مبني على الاحترام مقاما .. ولم اجد منك ما يوجه لي بمنحى شخصي وإن كان ذلك ستجدني بكامل الوضوح اعرض عليك ما وصلني من استهداف .. كل ما هناك يا صديقي تعاطي ضد لفكرتك وفق ما اقتنع به من افكـار .. وهذا هو ميزان هذا المكان التعاطي بالفكره وضدها .. الطرح ومقابله .. هات ما عندك من حقائق ولدي ما لدي من حقائق .. نطرحها وتقسم على الجميع ولا خاسر بيننا ولا رابح إنما خطوات نحو وعي يثبت الكثير من الحقائق.
ملحوظة: لو اتحسست من الرابط الختيتو ليك تحت دا .. كان الغرض منو اثبت ليك بالبرهان كيفية استعداء البعض وكيفية اسلوب الاستفزاز لبوردابها .. الذي اصبح يصاحب كل بوست يتعلق بالسعودية.. اتمنى ان تكون هضمت الفكرة جيدا .. وللاسف السيد بكري سحب البوست وكنت اتمنى وجودو علشان نصل لي فهم محدد نعرف بورداب السعودية ديل اعداء منو هنا بالضبط .. لانو المسالة اصبحت مقززة جدا ومقرفه من اشخاص اقل ما يقال عنهم .. مقرفين وفاقدين لي اي مبدأ يبنون عليه فكرتهم.
03-14-2008, 09:40 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: أصلو ما أنا ما قلت ليك أنا فاهمه و مقددها لكن ليشرحك ما داير يقع .. يعني يا تمبس بتقول لي الحكاية أكبر من الجنس و أنا لمن جيت السعودية ايام شغلي في البحر جيتها زي تلاتين مرة ( الرقم ده بدون مبالغة) يمكن اكون خشيت و حمت مرتين تلاتة بس لكن الحاجات الغريبة الشفتها في المرتين تلاتة دي تغيظ تفقع المرارة عديل
طيب يا فاضلابي ما ياهو كلامي زاتو الناس البطارد فيهم الزول الصغمبوتي دا قاعد يسك فيهم علشان موضوع الجنس دا ..؟ يعني اي واحد فيهم شايل عدتو والساوند سستم بتاعو وحايم كايس النسوان ..؟ طيب ياخي لقطت لي كم بوست كدا ومداخلات صلاخية بتقول انو الناس ديل هنا كلهم (عجلاتية) وما عندهم علاقة بالجكس نهائي يا اما انت هنا بتفتش لي مسالة ( تجكيس للتصقير دا ) يا اما كمان ارتضيت فعلا بالمبدا بتاع انو الماسلة اكبر من مسالة الجنس يا كمان (سردبـه) من كلام وجيهة القالت فيهو إنو المسالة دي كلها كدا على بعضيها ما ليها اي بعد ديني أو سياسي .. إنما بعد اجتماعي .. طيب يا فاضلابي انت ركبت البحر دا ودخلت بيهو السعودية مرتين او تلاتة مرات بالرغم من التلتين مرة الجيت فيها السعودية دي .. انا القدامك دا ما بحب الطيارة ولما اشوفه واعرفه اني ح اركبه بيشيلوني ليها (مكنكش) .. وما بحب البحر .. ولا الواطــه وبي ده كلو سافرت بالحاجات دي كلها وعبرت مواني جوية واتحاومت في اماكن ما ظنيت نفسي بشوفه .. لفتت انتباهي الكثير من السلوكيات بتاعت الشعوب لكن اطلاقا ما نمطتها برؤيه انطباعيه جيت غالطت بيها ناسه القاعدين فيها .. يعني انا القدامك دا يا فاضلابي قاعد في السعودية دي عشرة سنوات .. المحل الاتحاومت فيهو تلاتة مرات دا انا قعدت فيهو سنوات واتنقلت في السعودية دي في مدن كتيرة جدا .. بيت الله تكلته فيهو ورفعت ليهو يديني .. سيدنا النبي مشيت لي عندو .. مشيت معاقل شيعة .. معاقل وهابيين درجة أولى .. اختلطت مع ليبراليين (سعوديين) .. شيوعيين (سعوديين).. كتاب صحف يومية .. مستنيرين .. ظلاميين .. ناس عاديين زينا كدا .. طيلة العشرة سنوات دي .. زي صاحبك الشايله معاهو وعايز تطقطقو في اي ملف دا .. صدقني ما لاقاني .. الفهم دا ما لاقاني فهم زول كارد الناس ف يالشارع وشايل ليهو خيزرانه .. اي نعم وقت الصلاة حسب القوانين المحلات تقفل .. الناس دي بتتحرك علشان تطبق الحاجة دي .. وزي ما قلت ليك المسالة دي اصبحت في تلاشي يعد الكثير من التغيرات شايفك برضو سردبت من الحاجة دي .. نفس المكان النزلت فيهو مرتين تلاتة دا في اماكن شغاله والصلاة شغاله عادي جدا .. يعني نظرتك الفاحصة دي الوقعتك في الزول القصير دا ما تجي تشيله من سنوات وتحكم بيها الآن .. الآن هناك كثير من المتغيرات ما بتقدر تحدده يا فاضلابي لي سبب واحد ما اظن من اهتماماتك متابعة الصحف السعودية علشان تعرف الحاصل شنو .. لانو في اقتباس محمد سليمان قلت السعودية ما ناقش فيها حاجة..
Quote: أنا السعوديين البشوفهم في لندن يا تمبس بالبودي قارد و الحديد السنين و الجديع العجيب و الشرفة للجنس .. الناس ديل بياكلوا الجكس بعيونهم عديل و بعدين تحس بيهم ده حدهم يعني كان جاتو الخواجية احتمال يفرفر.. بس مربينه كده .. اها البيئة البتمرق ناس زي ديل أنا ما قادر أفهمها..
إنت ما قادر تتفهم بيئة زي دي . ولا عارف تضاريسه وإذا كنت عارف الحاصل شنـو .. كان عرفت انو بي نفس الفهم بتاع انو الناس دي بتمشي باريس علشان تتشرشح .. قاعدين يتشرشحو هنا في حتاتهم دي .. اااي حاجة عايزنها قاعدين يعملوها اي حاجة تخطر ببالك من جكس لحدي مطر بيحقن في السماء ويصب ليك في غير ما وقت صبان .. بعدين ياخي ليه الناس الشفتهم ديل سعوديين ..؟ الخليج دا معظم اهلو ناس مليانين كنجالات وبيمشو اي مكان يعملو اي حاجة .. حتى قول انهم الناس القاصدهم ديل .. ليه بتحكم بي سلوكيات فردية ما كمان في البلد دي السعودية دي في سودانيين نشالين شوف عيني دي (بيلعبو) الجيوب دي بالموس وينشلو حق الناس من جيوبهم ... هل ديل ممكن نفطس بيها السودانيين عموما الدكاترة الشغالين في جامعات هنا بينورو في الناس واللا الدكتورات السودانيات البربو في اجيال واعيه .. واللا الناس الساكت البتتساوى مع النوعيتين الفوق ديل من ناحية انها تاخد وتدي وفق قانون معين فيهو احترام حق الاخذ والعطاء دا ..؟ حتى لو كانت البيئة بتاعت الناس دي شكلها كدا ..؟ هل نحن مجبرين اننا نغيره لانها ما بتتماشى مع فهمنا أو مع فكرتنا لي شوفنا للدنيا دي ..؟ وبي دا كلو يا فاضلابي الناس الوهم الشايفهم ديل بتحاومو وبطاردوا في الجس في فرنسا وفي لندن .. مافي واحد فيهم طلع ليهو دولة في الدنيا وركض من خلف جواز سفره سواء أن كان بي لجوء أو بي فبركه لي قصة خياليه علشان ياكل ويشرب ويعيش ملك .. ودي نقطة تحسب لي حكومتهم القدرت توفر ليهم كل حاجة كويسة وهم رضيانين تمام الرضا بالوضع .. وما تشوفه انت اشياء مهمة وعايز تغيره ليهم .. هم بيشوفوها ترف .. ترف بتاع اي حاجة ممكن تجي على راسك .. زي ما هم حسو انو بي (المحلقات) العندهم دي ممكن يمشو يعيشو الترف بتاعهم دا في حتى القمــر .. زي ما حصل قبل كدا..
03-14-2008, 10:25 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: عشان كده يا تمبس أنا بتكلم من منطلق المنطقي شنو.. يعني المقاس الموحد للعالم.. يعني الكضب ياهو الكضب في أي ثقافة و أي دين .. و الحقارة ياها الحقارة.. البحصل للنسوان و الرجال في السعودية دي حقارة عديل يا تمبس.. مهما غطيتها باسباب تانية تاني حاجة السن القانونية في النرويج للبنات عشان يقدروا يمارسوا الجنس 16 ما 18 و ده فرق كبير خلاص .. العرس من 18 لكن الجنس من 16 جاييك تاني يا مان
ولو جينا للمنطقي شنو يا فاضلابي حسب رؤيتي المتواضعة نحسم حاجتنا المتعلقة بينا نحن ديل .. ما قادرين نحسم ضرورياتنا من اكل وشراب ومأوى وحكومات متعاقبة عملت فينا العايزه تسويهو ولسه ح تعمل .. نجي نشوف انو نفس الناس البتبحث في ترف لي نفسها نلقاها بتطعم فينا وتعالج فينا بي بنود فايضه عن حقها بتعالج في ما استعصى من حالات مرضية خصما على بنود حالات كتيرة خاصة بي مواطنيها أو في حالة توازي وتوفير نفس الفرصة متساوية المنطق في الاشياء ما نبقى (ترابيي) المذهب زي ما في يوم من الأيام قام الترابي جمع كل مطاريد الدول دي وخلق منهم عصابات اعتقد انو ح يغير بيها نظام الدنيا دي كلها من حولو وفي النهاية رقع اي واحد فيهم بي ظرف مليان دولارات في الوقت الكان فيهو جرعة دواء لي طفل بيموت مافي ولا حتى كسرة خبز ناشفه تدر ليها لبـن في ضرع أم بتحفر في الأرض وبتقاسم النمل قوتو علشان طفلها البموت قدام عينه من الجوع. ما شايف أنو مستوى فهمنا متقدم خااالص فيما يتعلق بي خصوصيات البعض..؟ أنا ما قاعد اغطي بي اسباب ولا انا هنا بدافع عن حاجات السعودية ولا بهضم في حقوق الزولة الاسمها وجيهه دي إنما بساهم معاك في ايضاح بعض من الأمور الفايته عليك وما خده من ناحية خاطئة في فهمك لكثير من الأمور..
Quote: تاني حاجة السن القانونية في النرويج للبنات عشان يقدروا يمارسوا الجنس 16 ما 18 و ده فرق كبير خلاص .. العرس من 18 لكن الجنس من 16
جميل انك وضحت لي المسالة دي .. لانو لو زول تاني سألني من المسالة بتاعت العمر بتاعت الجنس في النرويج بوضحه ليهو حسب ما جاني من توضيح منك .. وردك دا بيعتبر اتفاق في وجهة نظري لي المسالة بتاعت الكلب القاعد يهوهو للزول دا في راسو وقطع ليهو برنامجو دا في راسو .. وخلينا نعدل المسالة علشان الكلب دا يعضي الزول دا لانو بيعمل في الحركة مع واحده في سن سطاشر إلا ساعتين تلاتة واكلـو أخوان واتحاسبو بورداب .. وبي كدا وصلت لي نقطة الحماية للزولة ست الكلب دي من التحرش الجنسي وفق قانون محدد .. وبي هنا اتساوت جنسيا مع نفس الزولة السايقة الفنطاز الفوقاني دا بالرغم من انها بعد سطاشر وتلاتة أيام ممكن تطبق زوله دا وتجي خاشه بيهو البيت قدامك والكلب ياكله في حنانو وكان (هوهو) لحدي حمـار الخلاء يهنق مافي زول يشتغل بيهو .. وممكن يودوهو البطري يدوهو حقنة تنظيم اسرة في خشمو يا يصرفو ليهو (كنضم) ويعلقوهو ليهو في خشمـو برضو.. في شكل بزازة يا يجيبو ليهو كلبتو لحدي عندو بس على شرط تكون اكبر من سطاشر.. ويعيش (البيش) هو زاتو.. علشان ما يهوهو لينا نحن زاتنا في راسنا..
03-12-2008, 10:29 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
هذه شماعة يخبئ خلفها فهم متخلف للدين الاسلامي , فمن قبلها كان تعليم المرأة من المحرمات ,, الخ هل نحن لدينا علاقة بما يجري هناك؟؟؟؟؟
لدينا علاقة لان نفس المفاهيم الدينية المتخلفة والصحراوية تمد راسها بين فيئنة واخرى الي السودان,,؟؟؟
سؤال محيرني للناس الخصوصية ما الفرق بين المرأة السعودية والبحرينية او الكويتية او العمانية ,, كلها بيئات متشابه فقط هناك في السعودية هنالك السلفية تسيطر على المؤسسة,,
03-13-2008, 12:37 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: هذه شماعة يخبئ خلفها فهم متخلف للدين الاسلامي , فمن قبلها كان تعليم المرأة من المحرمات ,, الخ هل نحن لدينا علاقة بما يجري هناك؟؟؟؟؟
.. إنت مش (شيعي) ؟؟ أنا سني وبعتبر فهمك برضو متخلف جدا .. جدا للدين ـ إنت والمتشددين التانيين .. وبعتبر انو عندكم مشكلة ازلية مع طوائف أخرى ما ليهاعلاقة بالدين ... لكن ما بدي نفسي الحق إني اجي انتقد بي حقائق بعيده عني ـ الآن .. الآن المرآة السعودية دكتورة مهندسة .. إلخ ما كان يمارس قديما تحت مسميات مختلفة اختلف الآن .. هل ما زالت نظرتك في مكانهـا ..؟ أم فقط إنك بتكتب من أجل مشكلة طوائف بينك وبين طائفه أخرى عملت على تشويه الدين الاسلامي بالطريقة البتتكلم عنها دي ..؟
Quote: لدينا علاقة لان نفس المفاهيم الدينية المتخلفة والصحراوية تمد راسها بين فيئنة واخرى الي السودان,,؟؟؟
.. ونفس المفاهيم دي قاعده تمد راسه برضو في مناطق مختلفه في السعودية وفي العراق وفي سورياوبي نفس التناحر اللي ما ح يودي لي نقطة تلاقي تخلق مجتمعات فاضلة تحترم خيارات الآخرين طالما كان سلوكك في المواجهة مستمد من مسميات مثل المفاهيم المتخلفه والصحراوية ..
Quote: ما الفرق بين المرأة السعودية والبحرينية او الكويتية او العمانية ,, كلها بيئات متشابه فقط هناك في السعودية هنالك السلفية تسيطر على المؤسسة,,
وفي مناطق في السعودية برضو تسيطر عليها مفاهيم (شيعيه) بي نفس التخلف دا .. فهل أنت من الذين بلغو درجة الكمال في التغيير الديني أم هو التعصب للفكرة الواحده التي اضرت بمفهوم الدين والمعامله به بعد أن افرغ من معناه الطبيعي .. وأصبح فقط اداة للتناحر والقتل .. وهو غير ذلك كما ورد قرآنـا ومعاملة..؟ دع عنك التشنج الطائفي فكل تشنج لا يخدم قضية..
03-13-2008, 03:08 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
انا بتكلم عن تقنيات السواقة تحديدا في الشارع بدون اي تطرق لي نهود وحيض وما الى ذلك اسباب جندرة يعني كلامي عن السواقة ساااااااااااااااااااكت يا يتعلمنها كويس ويبطلن الخوف البسون فيه ده ولا بفصلوا الشارع ليهم شارع للنسوان واخر للرجال
ولا يمنعوهن ليها
النسوان في السودان ما بعرفن يسوقن
البغالطني منو ؟
03-14-2008, 12:34 PM
tmbis tmbis
تاريخ التسجيل: 10-19-2002
مجموع المشاركات: 24862
يا فاضلابي .. اها لقيت ليك اخـرام تانية واللا الحاصل شنـو مطول كدا .. لانوالظاهر لي مسالة السعودية دي وكيفية تغيير نظام اي حاجة فيها اصبحت همنا الاساسي .. واي واحد بقى يلقى ليهو كلام واقع عن السعودية جاي كابيهو هنا وكمان جابت ليها استدعاء للناس في صمة خشمه .. الله يدينا الزمن بس البنقعد نجازف بيهو معاكم لحدي ما البورد دا يتقفل .. ونجي داخلين ليكم بي (الشباك) هاك قزقز معك بالبوست دا: ملك السويد يلقن أل سعود درساً قاسياً
03-14-2008, 12:54 PM
خالد خالد
تاريخ التسجيل: 02-02-2003
مجموع المشاركات: 856
يا فاضلابـــي: أمس وأنا بكتب ليك في الرد الأخير دا بالليل الجمال بتاعي قعد يصفر.. صفافير أنو في رسالة جاتو بعدما انتهيت فتحت الرسالة كانت على النحـو التالي: اتقــاودن همسات دواخلي عليك مشــن... إتماوجــن خلجات قليبي عليــك رســن.. إتماسكن حد ماجريــت لا إتنازلــن لا يوم نســن.. أنــا بعدما رسلتها لي حبيبتي .. قلت ارسله ليك اشوف رايك شنـو..؟ الرسالة من ببـو طبعا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
fadlabi
عبداللطيف خليل محمد على
tmbis
Mohamed E. Seliaman
humida
ابو جهينة
قرشـــو
عمار عبدالله عبدالرحمن
وليد محمد المبارك
خالد
فيس بوك
تويتر
انستقرام
يوتيوب
بنتيريست