|
|
 Re: الليل الهادي والسهر ...................... (Re: العوض المسلمي)
|
ازيك سلام يا العوض
من زولن رحم اهل العوض
الليل سترة الزول الضري
الليل يغتي الجبال....
دفن الليل ابكراعن برا
الله ليلي الله الليل
الله ليلي انا....يا الله هوي
ليلى ليلك جنا
معشوقك أوه وانا
ومافي ليلن ما عقبو صباح
نضم الليل يمحاهو النهار
نجيمة الضيف في تلوت الليل الاوائل
مع سفرا تتكفي حلةالغلة وتضاير الادايات
ونجمية الصباح تجرجر في غتا الليل ... ناوية تكشف حالو
العنقريب وبنات نعش وراهو يبكن وينوحن لعن بواكير الدغش
التريا في زمن المحل تتوسط قلوب الليل.... تتوسد فرح الامل الراجنو
ويهللو ليهو اهل السعية.....
شليل وينو
اكلو الدودو
قمرة سبعتين وجيه البنية ام شلاخن سته
هلبلب
كم في الخت؟
وقت تتحدر القمرا تالا الغروب
السمحة ام صوتن كنار
تلملم طرف رحطا
وتعاين لي اخو البنوت بطرف عينا:
يوم طلعت القمرا
اخير يا عشانا تودينا لي اهلنا
بسعلوك مننا....
وسلامتك يا مسلمي
| |
 
|
|
|
|
العوض المسلمي
سجيمان
فيس بوك
تويتر
انستقرام
يوتيوب
بنتيريست