|
وداعــــا بنطون مـــروي (بالصورة)
|
بنطون مروي العريق الذي كم حمل في جوفه اللواري والباصات السفرية والدواب والمشاه وغيرها متنقلا بين الضفة الشرقيةوالغربية وكم امتطي ظهره الشعراء وعشاق الطبيعة هل ياتري يقوي علي مفارقة النيـــل و ينضم لسجل الذكريات والموروثات التي تحفل بها تلك المنطقة 0url=http://www.sudaneseonline.com/][/u
|
|
|
|
|
|
|
|
Re: وداعــــا بنطون مـــروي (بالصورة) (Re: Adam Omer)
|
Quote: اخى مهدى نحن شعب يدمر كل ما هوى فى الوجدان نامل ان تتم المحافظة على هذا التاريخ
عسى ان يكون ذكرى لى الاجيال القادمة |
الاخ/ادم عمر
التطور سلاح ذو حدين يعطيك الكثير ويخصم منك الاشياء الجميلة نأمل أن ينتقل البنطون لمرفأ اخر فهو يعني الكثير وارتبط وجدانيا بالاهالي 0 شكرا لمرورك 0
| |
|
|
|
|
|
|
Re: وداعــــا بنطون مـــروي (بالصورة) (Re: mahmed alhassan)
|
عزيزي محمد الحسن
تحياتي و مودتي
نظرت للصورة ثم قرأت كلامك :
Quote: بنطون مروي العريق الذي كم حمل في جوفه اللواري والباصات السفرية والدواب والمشاه وغيرها متنقلا بين الضفة الشرقيةوالغربية وكم امتطي ظهره الشعراء وعشاق الطبيعة هل ياتري يقوي علي مفارقة النيـــل و ينضم لسجل الذكريات والموروثات التي تحفل بها تلك المنطقة |
فوقفتْ في الحلق غصة حزن عميقة .. آخر عهدي بهذا البنطون أو معقله كان في منتصف السبعينات عندما زرتها منطلقا من كريمة لزيارة إبن عمي رحمه الله الذي كان مديرا لمدرسة البنات الوسطى ( مصطفى أحمد داود ) ...
أيام لها بنطون
دمتم
| |
|
|
|
|
|
|
Re: وداعــــا بنطون مـــروي (بالصورة) (Re: mahmed alhassan)
|
ذكرتنى زمن السفرة كان صعيب اليوم كلو اللوارى والبصات
تضرب فى الرمال والخيران ولمن تصل تنقاسى أو مروى تلقى البنطون خلاص وقف
ولاوم الناس تبيت للصباح
يقومو الرجال ينوموا فى الرملة والحريم فى البصات والبعض يشوف ليهو خلوة وصالون كبير ينقطع فيهو
اتذكر ونحن مستسلمين للنوم بعد التعب
لمن جانا صوت الطمبور وصوت عبد المنعم عبد الفارس
وياعالم الفى الخفايا من ريدو غلبنى أميل أجمعنى انا بى منايا وحققلى المستحيل
اتنفضنا و ياسر ود الموز وبارينا السلك وبدون سابق انذار كنا فى نص الدايرة ونشيل فى الشبابيل من بنات عمرنا ما شفناهم قبل دا
وطبعا ما فى زول قال ديل منم ولا فى زول لاحظ لوعثاء السفر
ولمن جينا رجين شق الصباح لقينا الشايات واللقيمات ما تديك الدرب
الحاجة سألتنا يا خرابين أنتوا كنتوا وين ؟ ردينا كنا فى الحفلة . قالت سجم أماتكم
ووحاتك لى يوم الليلة غنية يا عالم الفى الخفايا دى لمن اسمها (اتمطق) طعم الشاى باللبن
| |
|
|
|
|
|
|
Re: وداعــــا بنطون مـــروي (بالصورة) (Re: mahmed alhassan)
|
الاخ محمد الحسن مسكاقمي في حاجات عندنا في البلد مهما تطورت الاشياء البديلة المستخدمة ما بنقدر ننساها فهي بقت من موروثاتنا ذي البنطون والقعدة عند القيف في انتظار البنطون تجي من الضفة الغربية وذي سواقينا بتاعين البصات عمنا جابر وفضل سعاد وآمنا على العموم الكبري حاجة تمام وكل البصات المتجهة إلى مناطق المحس وسكوت حيستخدموا هذا الكبري لاختصار المسافة وبالذات عند افتتاح طريق كريمة السليم . مبروك علينا الكبري والحمد لله اهلنا المهمشين وجدوا شئ من حقوقهم
| |
|
|
|
|
|
|
Re: وداعــــا بنطون مـــروي (بالصورة) (Re: mahmed alhassan)
|
أجيكم بنكتة نقلتها من منبر (البركل) أوردها الأخ (أبو أيمن) على لسان ابراهيم الزومة
ابراهيم الزومة جا معدي بي كبري مروي وشاف البنطون واقف على جنب وحوله زي حمسة فلوكات كدي لابدات سااااكت!!!! أبراهيم الزومة عاينلهن واخدلو بسمة ماكرة ..... * الجماعة قالولو : عليك الله يابراهيم قت شنو؟؟؟؟؟؟؟ * اخدلو ضحكة وقال : ماقت شي!!! بس بقالي البنطون دا والفلوكات الجمبو ديل ...( زي المرة العرسو فوقه ولمت ولادا عليها كايسي السترة )
مع تحيات مامان
| |
|
|
|
|
|
|
Re: وداعــــا بنطون مـــروي (بالصورة) (Re: maman)
|
Quote: حليل الحاجه الجميله البتبيع الشاي والقهوه في طرف النيل عند البنطون! أسه الزول كان مشي يلقاها كيف؟؟ ياربي تنقل عند الكبري؟؟ |
الاخت مني خوجلي انتي وناس البنادر تاني ماعندكم عزر لتفقد أهلكم بالزومة وماجاورها 0 في بضعة ساعات يعني لازواده لاحاجة0 أما صاحبتك ست الشاي غايتو ممكن تكون بمرسي تنقاسي لحين أشعار اخر 0 كل عام وأسرتك الكريمة بالف خير 0
| |
|
|
|
|
|
|
Re: وداعــــا بنطون مـــروي (بالصورة) (Re: maman)
|
Quote: اخدلو ضحكة وقال : ماقت شي!!! بس بقالي البنطون دا والفلوكات الجمبو ديل ...( زي المرة العرسو فوقه ولمت ولادا عليها كايسي السترة ) |
ودالزومة أطال الله عمــره له قدره علي انتزاع الضحكة مــن فك الاحزان والهموم اليومية0 كما أن هذه الوصف كمايسميه له دلالات ومعاني كبير0 تسلـــم مامان شكرا مرورك 0
| |
|
|
|
|
|
|
Re: وداعــــا بنطون مـــروي (بالصورة) (Re: mahmed alhassan)
|
قرات هذا البوست قبل ايام ومرت بذهني ذكريات حلوه ومره كثيرة ولكن صباح اليوم وهذا البرد القارص ذكرني عندما كنا نأتي صبحا باكرا ايام الشتاء وندخل غرفة مكينة البنطون لنتدفي اين عبد الكريم وخضر في السقالة ونرمس حرم وعمك فضل
تلك الايام نداولها بين الناس
هل هنالك من يكتب تاريخ المدن من حكاوينا
مروي ماضي ينضمر ومستقبل يقوم
| |
|
|
|
|
|
|
|