علي كيفيك نذوب زي شمعة ضواية ولسه قلوبنا جارية وراك علي كيفيك تغيب الشمس ... وتبقي القمرة مالكة سماءك علي كيفيك تصب المطرة مؤسم ريد تقول أهواك علي كيفيك يغني البلبل الصداح وتتزين معاني غناك علي كيفيك نهاجر ليك ندور في مداك ونستناك علي كيفيك تشع الدنيا تبسم نور تقبِل بالفرح محياك علي كيفيك تشيلي الريدة في جواك ونحنا معاك ولا هماك علي كيفيك نذرف الدمعة والأهات برغم رضاك علي كيفيك تتفتح زهور الروض راضية سعيدة بلقياك علي كيفيك تتدفق جداول الموية ترؤي خطاك علي كيفيك يكون صيفك علي كيفيك علي كيفيك تزيني بالفرح بيتك علي كيفك علي كيفيك يكون كيفيك علي كيفيك
وانا برضو على كيفى طالما اى زول الليله بقى على كيفو هاشم اخبارك كلامك جميل شديد سلام لكل المعاك وتسلم يارب محمد حسن شايفاك انت برضو على كيفك الرياض الحاصل فيها شنو كلكم كده على كيفكم التومات واختهم وامهم كيف تسلمو كلكم يارب
01-05-2008, 08:26 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22492
على كيفك بتكتب وعلى كيفنا بنقراك وعلى كيفو مرزوق يلحنك ونحن نطرب .. على كيفنا
تسلم ياجميل
ود الجنيد تسلم علي المرور , لكن عايز اقول ليك بعض المعلومات عن الفنان الأستاذ مرزوق والله هذا الرجل يمتلك حِس فوق العادة ويا ريت لو سمعتو وهو بغني أغاني الحقيبة ياخي والله الولد ده مبدع بشكل غير عادي , وعلي فكرة انا إكتشفت انو اخواننا الرطانة ديل عندهم ملكة في الكتابة غير عادية قصص او رؤيات او شعر وحتي في الغناء وعندنا في المنبر ده أمثلة كثيرة وهم او هن في غني عن التعريف وشهادتي فيهم/ن مجروحة .
01-05-2008, 11:37 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
انت عارف يا ريس دي عاملة زي شنو !! عارف الرسام او الدهان لمن يتبقي ليهو شوية دهان ما برضي يكشحا في الآرض وبحاول يلاقي ليها اي حتة يدهان فيها في اللوحة او في الجدار حتي او بعض مرات لمن ترسم ليك لوحة وبدايتها تعجبك وتحاول في نفس اللوحة تعمل إضافات وخيالك ما يسعفك تروح تشخبط زيادة .
تخريمة :-
إنشاء الله ما تكون جرحتك
01-05-2008, 11:22 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: علي كيفيك تشع الدنيا تبسم نور تقبِل بالفرح محياك علي كيفيك تشيلي الريدة في جواك ونحنا معاك ولا هماك
هشومي ابواحمد من سنة 93 وانا اقول المنفّخ جضومك دي كده شنو؟!! اتااريك انت مليان بالحاجات الجميلة دي بالله عليك كل مرّة اتكرّع لينا حاجات بالسماحة و(الرقاد الرز ده) تسلم يا جميييييييييييييييييييييييييييييييييييييييييييييييييل
علي كيفيك نهاجر ليك ندور في مداك ونستناك علي كيفيك تشع الدنيا تبسم نور تقبِل بالفرح محياك !!
كلمات معبرة ... تجعل المرء يحبس أنفاسه حد الدهشة !!
بجيك صادة .. المزاج لسة ماراق !
وصال عالم
أختي الشقيقة وصال والله إفتقدت لقلمك الرائع الرصين في هذا المنبر وإنشاء الله المزاج يروق وترجعي لينا اكثر قوة واكثر نشاط ولا تجعلي الأشياء الأخري تؤثر عليك فقد عرفتك قوية وصلبة ورقيقة في نفس الوقت ولا زلت اشعر بالفخر والسعادة عند لقائي بكم في الخرطوم, لم تخطئي حاستي تجاهك فقد وجدتك نعم الأخت والصديقة . وصال كتاباتك هي متنفس لنا جميعاً في هذا المنبر فأرجوك لا تحرمينا منها .
01-05-2008, 12:17 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: Quote: علي كيفيك تشع الدنيا تبسم نور تقبِل بالفرح محياك علي كيفيك تشيلي الريدة في جواك ونحنا معاك ولا هماك
هشومي ابواحمد من سنة 93 وانا اقول المنفّخ جضومك دي كده شنو؟!! اتااريك انت مليان بالحاجات الجميلة دي بالله عليك كل مرّة اتكرّع لينا حاجات بالسماحة و(الرقاد الرز ده) تسلم يا جميييييييييييييييييييييييييييييييييييييييييييييييييل
ابو عثمان يأخي والله الواحد خجلان منك حد الخوف !! مشكور علي التشجيع وأنت أول من شجعني علي الكتابة في هذا المنبر لك خالص التحايا والأشواق وللأسرة الكريمة وإنشاء الله جاينكم قريباً .
01-05-2008, 07:00 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
على كيفك دى كيفتنى شديييييييد وقطعا هى من شعرك الخاص - انا جاى المنبر جديد لنج خليني امشى اعزى ليك الميتين واجي راجع ليك . الناس ديل لوامييييييين .
لك عميق مودتى
مرة اخري حمداً لله علي سلامتك يا عريس مش احسن من ابو العرسان اكيد القصيدة حقتي وبعدين علي كيفها هي مش علي كيفي انا ؟؟؟؟؟ غيب وتعال تلقانا في نفس المكان .
01-05-2008, 04:22 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
النفوس الشفيفة دوماً تحمل في جنباتها أفئدة رائعة تنضح برضابِ كأنها الفراشات الجميلة من رحيقها نروي نظمأ النفوس وها أنت عودتنا متلهن على كرم العطاء .. دمت أخي ينبوعاً نرد إليه دوماً ..
اخي وصديقي دكتور ابوبكر ما تنفك ان تقدم لنا النصح والأرشاد والتشجيع الدائم ليس بمقدوري أن اضيف إلي ما كتبته في حقي ولكني أدعو لك بتمام الصحة والعافية وربنا يمد في أيامك وتتحفنا من روائعك الخالدة . آمين يا رب العالمين .
01-05-2008, 06:21 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
الأديبة القادمة بقوة مني سعدت جداً جداً بمداخلتك فأنت شاعرة رقيقة إستطعت قراءتك بعمق وعليه آمل مشاركاتك الشعرية بجانب كتابة الخواطر والقصص . بالنسبة لهذه القصيدة أعتقد إنها محظوظة أن وجدت لها ملحن ممتاز ومطرب درجة أولي الأ وهو الفنان القدير مرزوق يوسف وقد سبق له ان لحن لي أغنية ( مين بشبهك ) و ( كيف ترضي مني تكون بعيد ) إضافة إلي تغنيه لكلماتي والحاني ( ما بعاتبك ) وقد تفضل الأخ معتصم دفع الله في إنزال العملين
حاولت ان أنزل أغنية مين بشبهك لكن هناك مشكلة في التحميل من موقع سودانيز اون لاين المرة القادمة إنشاء الله
01-05-2008, 05:47 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
Quote: مرة اخري حمداً لله علي سلامتك يا عريس مش احسن من ابو العرسان
السمح ما بقول الا الكلام السمح يطول عمرك وعليك ربك قولها لى تاني اصلي كايس السبب والسمحة ام ولدى خايفة بعد زواج ابنيها وقالت البحر الهائج ده بخرب ديارنا قلت ليها لا انت قدامك حجة لبيت الله ونوديك بيت هاشم ترتاحي فيهو وبعد ترجعي من الحج اخوك يعرس طوالى - انقر قالت لى شنو؟
............... انت وهاشم بتاعك ده .
01-05-2008, 08:59 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: السمح ما بقول الا الكلام السمح يطول عمرك وعليك ربك قولها لى تاني اصلي كايس السبب والسمحة ام ولدى خايفة بعد زواج ابنيها وقالت البحر الهائج ده بخرب ديارنا قلت ليها لا انت قدامك حجة لبيت الله ونوديك بيت هاشم ترتاحي فيهو وبعد ترجعي من الحج اخوك يعرس طوالى - انقر قالت لى شنو؟
............... انت وهاشم بتاعك ده .
هي هي يا ود شيقوق ما تعملني شماعة المثل بيقول الفي قلبو حرقس براهو بيرقص دحين يا اخوي ما تشبكني معاك وتخلي أم العرسان تزعل مني وتعمل مؤامرة مع أم أحمد ونلاقي نفسنا نحن الإثنين اوت سايد واليومين دي براك عارف الشتاء شديد يعني ننوم في الشارع ولا شنو ؟؟؟
01-05-2008, 08:46 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: علي كيفيك نهاجر ليك ندور في مداك ونستناك علي كيفيك تشع الدنيا تبسم نور تقبِل بالفرح محياك علي كيفيك تشيلي الريدة في جواك ونحنا معاك ولا هماك
الاستاذ/ هاشم أحمد خلف الله لك كل التحايا المبجلة كلمات فيها البساطه والاناقه وتسترسل في الوجدان دون نذاكر اول مره ادخل في بوست لك لاني جديد ولكني كنت اتابع كتاباتك لك كل الود ياجميل
01-05-2008, 08:16 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: علي كيفيك نذرف الدمعة والأهات برغم رضاك علي كيفيك تتفتح زهور الروض راضية سعيدة بلقياك علي كيفيك تتدفق جداول الموية ترؤي خطاك علي كيفيك يكون صيفك علي كيفيك علي كيفيك تزيني بالفرح بيتك علي كيفك علي كيفيك يكون كيفيك علي كيفيك
الحبيب الفاضل / هاشم أحمد خلف الله تحية طيبة وسلااااااام كل سنة وانت طيب وعلي كيفك تقول أنها جات متأخرة أو تقبلها. أعجبني هذا المقطع
علي كيفك يكون كيفك علي كيفك
لك تحياتي ومودتي وتقديري
خالد محجوب
01-06-2008, 10:41 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: الاستاذ/ هاشم أحمد خلف الله لك كل التحايا المبجلة كلمات فيها البساطه والاناقه وتسترسل في الوجدان دون نذاكر اول مره ادخل في بوست لك لاني جديد ولكني كنت اتابع كتاباتك لك كل الود ياجميل
اخي الحبيب عماد الطيب شرفني حضورك كثيراً واشكر لك لطفك وطالما انت جديد ارحب بيك ترحيب حار جداً واتمني ان تشارك معنا بأعمالك او حتي مقتطفات من مواضيع أعجبتك حتي يتسني لنا مشاركتك وتكون إضافة جميلة لهذا المنبر .
01-05-2008, 08:36 PM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
Quote: هاشم الجميل تحياتنا وسلامنا يغريك يا الزين كتر الله من دِهاناتك حتى تغوص في كلاليب الأحساس وتترجمه قولاً جميلا
لك تحياتي ومودتي
خالد
ود المنسي الله يمد في أيامك ويزيد في إحسانك ويعلو كمان شأنك ياالزول السمح حالك وفي الواجب بيعرفوك جيرانك وحبانك إنشاء الله مع وجود اللحن القصيدة شكلها حايكون حاجة تانية خالص ولك مني ود بود وشوق بشوق .
01-06-2008, 02:15 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: يبدو أنك لا زلت في ذات المدار تهرق الأسى ولا تنال
لا تقف حيث أنت اتبع فيض الروح، يدنو المراد
محبتي
الأديب القادم بقوة اخي بله محمد الفاضل مرورك شرف عظيم لي وتاج يوضع علي راسي مازلت في إنتظار أعمالك ولا تستعجل مشاركة الأخرين لك لانك حتماً ستجبرهم علي متابعتك ومشاركتك بفضل تمكنك من اللغة والكتابة كن بخير يا بله .
01-06-2008, 03:11 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: اها هاشم يعني عشان علي كيفو انا ما القي البوست دة الا يادوبك هسع ...
ولا يهمك يا خال وعلي كيفك تخش تقراء بيكيفك ولو عايز تكون طربان بنسعد نحنا بيكفيك ولو سافرت امدرمان وزرت حبيبة ليك زمان وجيت راجع كمان قوام بنسعد جد تكون فرحان
01-06-2008, 07:09 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ود المنسي انتا عارف صاحبك العريبي ده الظاهر نسي نفسو وقايل روحو لسه شباب واكيد شايف ليهو شوفه في عرس اولاده وبشرك لابليس بالسبيبة , لكن قول ليهو تلقاها عند الغافل والمرة مفتحة عيونة زي الفنجان وصاحية ليك !!! احسن ليك واخير ليك تتلمة وما تعمل لينا فيها مذمة .
هاشم ود المنسي
تقطعوا ساى ما تخافوا الله لقيتونى غفلت من البوست لكن قلبتو ليكم حتة حتة ولقيت القطيعة الفوق دى .
بس عايزكم تعرفوا حاجة انا من زمان عايز اعرس وشوكشت واتشوكشت صحيح مشرك لابليس بالسبيبة آ هاشم لكن السمحة ام ولدى مشركة لي بالفلاتة عديييييل كده كلما عيني تقع في واحدة وابقى عليها طااااااااب تجيني لجّة كده تخليني اتراجع لكن في النهاية عرفت الشغلانية اتاريها كتابة والفلاتي مجاوزها بريق الضب العذب .
ويا ود المنسي شايف الرطاني اداكم طلة بجاي الايام دى بقى غالي بالحيل ربما كترت مشاغلو وربما في حد شاغلو.
01-06-2008, 09:24 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
تقطعوا ساى ما تخافوا الله لقيتونى غفلت من البوست لكن قلبتو ليكم حتة حتة ولقيت القطيعة الفوق دى .
بس عايزكم تعرفوا حاجة انا من زمان عايز اعرس وشوكشت واتشوكشت صحيح مشرك لابليس بالسبيبة آ هاشم لكن السمحة ام ولدى مشركة لي بالفلاتة عديييييل كده كلما عيني تقع في واحدة وابقى عليها طااااااااب تجيني لجّة كده تخليني اتراجع لكن في النهاية عرفت الشغلانية اتاريها كتابة والفلاتي مجاوزها بريق الضب العذب .
بإلله عليك يا ود شيقوق ما قولتو نوبة بقيت تجيب ليك في حِجج الكلام ده تقولوا لي زول ما عندو زوجة ياخوي كلنا بنهرش ونتهرش خلي الطبق مستور والليلة دي بالذات البرد زايد حبتين إي والله .
01-06-2008, 07:15 PM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
Quote: اها ياجدو "العرريب" شغلوك محامي لغة عربية ؟؟؟
الاخ هشومى نحن سعداء بان يكون بين ظهرانينا الباشمهندس الكبير ابو بكر سيد احمد ونامل ان يكون العام 2008 عاما يظهر تجليات الباشمهندس التقي وان يظهر لونية جديدة في تعامله معنا وان يعترف ويقر باننا مؤهلون للزواج مرة اخرى ويقر بان زواج الاولاد لا يقدح في صبينتنا وصلاحيتنا للزواج مثنى وثلاث ورباع .
هوووي يا ود شيقوق .. حسع أنا جيت جنبك .. طيب ما لك .. عايزها تكتب لي ( لا أري سببا للتدخل ).. .. حمد الله علي السلامة وكل سنة أنت وأسرتك بألف خير .. شايف بعد نفضت يديك من عرس الوليدات طالق قيدك وسارح علي كيفك العقبا لينا .
01-06-2008, 11:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: بس عايزكم تعرفوا حاجة انا من زمان عايز اعرس وشوكشت واتشوكشت صحيح مشرك لابليس بالسبيبة آ هاشم لكن السمحة ام ولدى مشركة لي بالفلاتة عديييييل كده كلما عيني تقع في واحدة وابقى عليها طااااااااب تجيني لجّة كده تخليني اتراجع لكن في النهاية عرفت الشغلانية اتاريها كتابة والفلاتي مجاوزها بريق الضب العذب .
يا هاشم قول للعريبي
علي كيفك أعزل وكيّس وعلي كيفك شوكش وعلس كيفك أترتع بس العرس علي كيف المرأة
تعرف المرأة كاتبا عند رمالي والعمل في ضنب سحلية عذبّا مات عنها زوجها وحادا ما بتمرق يعني قدر ما يفتش ما بلقاها...
01-07-2008, 11:21 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: وتبقي القمرة مالكة سماءك علي كيفيك تصب المطرة مؤسم ريد تقول أهواك علي كيفيك يغني البلبل الصداح وتتزين معاني غناك علي كيفيك نهاجر ليك ندور في مداك ونستناك علي كيفيك تشع الدنيا تبسم نور
01-07-2008, 01:17 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
علي كيفيك نذرف الدمعة والأهات برغم رضاك علي كيفيك تتفتح زهور الروض راضية سعيدة بلقياك علي كيفيك تتدفق جداول الموية ترؤي خطاك
ياسلااااااااااام عليك أخي الرائع هاشم تحياتي وأشواقي الايام الفاتت إتلخمت بظروف الدراسة مما حرمني من التمتع بهذا الجمال الذي لم أره الا الان... دامت السعادة والافراح في حياتك وربنا يزيدك كمان وكمان
01-08-2008, 06:34 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
ياسلااااااااااام عليك أخي الرائع هاشم تحياتي وأشواقي الايام الفاتت إتلخمت بظروف الدراسة مما حرمني من التمتع بهذا الجمال الذي لم أره الا الان... دامت السعادة والافراح في حياتك وربنا يزيدك كمان وكمان
اختي العزيزة الغالية نها والله فعلاً إفتقدناك في الأيام الفاتت والدراسة أهم من الدردشة .
Quote: هوووي يا ود شيقوق .. حسع أنا جيت جنبك .. طيب ما لك .. عايزها تكتب لي ( لا أري سببا للتدخل ).. .. حمد الله علي السلامة وكل سنة أنت وأسرتك بألف خير .. شايف بعد نفضت يديك من عرس الوليدات طالق قيدك وسارح علي كيفك العقبا لينا .
اها اخوى ظاهر انك قلبت على اهلك واديتني ضهرك وياني تاني البقول ليك لا ارى سببا للتدخل وبرضو بكون اكرمتك طالما لم تقم بينة ضدي تفضي لادانتي في حال عدم دحضها .
الاولاد يا هاشم سافروا مع زوجاتهم القاهرة وخلوني انا وام اولادي نتلفت وقت خلاص اتلفتت جاى وجاى وجاى قالت لي ايش رايك نمشى نعسل في اليونان - اخوك بقى راسو كبير من العريبية العرفت اليونان لكن استدركت وقلت ديل نسوان البندر خربن مرتي خلاص بدل تقول نمشى نعسل في سنار المدينة قالت اليونان وكمان مش اليونان ساى معاها جرة لسان زى نسوان حى الملازمين .
هييييييييييييع براي سويتها في نفسي
01-08-2008, 07:35 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ولا يهمك يا خال وعلي كيفك تخش تقراء بيكيفك ولو عايز تكون طربان بنسعد نحنا بيكفيك ولو سافرت امدرمان وزرت حبيبة ليك زمان وجيت راجع كمان قوام بنسعد جد تكون فرحان
ده كلو للرطاني يا هاشم ما تخاف الله انت
01-08-2008, 07:48 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ود الجنيد تسلم علي المرور , لكن عايز اقول ليك بعض المعلومات عن الفنان الأستاذ مرزوق والله هذا الرجل يمتلك حِس فوق العادة ويا ريت لو سمعتو وهو بغني أغاني الحقيبة ياخي والله الولد ده مبدع بشكل غير عادي , وعلي فكرة انا إكتشفت انو اخواننا الرطانة ديل عندهم ملكة في الكتابة غير عادية قصص او رؤيات او شعر وحتي في الغناء وعندنا في المنبر ده أمثلة كثيرة وهم او هن في غني عن التعريف وشهادتي فيهم/ن مجروحة .
إنت بتقول لى عن الرائع مرزوق أنا عشت مع تقاطيع صوته المليان لمدة ليلتين متواليتين فى مناسبة إحتفاء الكوكبة الرائعة من بورداب الرياض بقدومنا أنا وزوجتى سوما فى طريق عودتنا من رحلة عمرة فى اول أغسطس من العام الماضى هذا الفنان غير عادى وما زال صوته يرن فى اذنى الى الآن وعبرك انقل له تحية قوية وخاصة جدا وبدون شك سيذكرنى ويذكر تلك الليالى
وتسلم يا وجيه ،،،
01-08-2008, 12:19 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: إنت بتقول لى عن الرائع مرزوق أنا عشت مع تقاطيع صوته المليان لمدة ليلتين متواليتين فى مناسبة إحتفاء الكوكبة الرائعة من بورداب الرياض بقدومنا أنا وزوجتى سوما فى طريق عودتنا من رحلة عمرة فى اول أغسطس من العام الماضى هذا الفنان غير عادى وما زال صوته يرن فى اذنى الى الآن وعبرك انقل له تحية قوية وخاصة جدا وبدون شك سيذكرنى ويذكر تلك الليالى
وتسلم يا وجيه ،،،
يسلم ذوقك ويسلم سمعك يا شفيف وإنشاء الله مرزوق يكون متابع معانا ويتحفنا بروائعه المكنوزة
01-08-2008, 11:20 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
أجمل ما في اللحظات التي نكون فيها في مطلق ومنتطلق خيالنا.... انها تأخذنا على كيفنا حيثما نريد ووقتما نريد.... تنقلب بعدها الموازين..... ونرى سواد الليل بياض الفجر..... والنجيمات قناديل تزين السماء....
تقديري أستاذ هاشم
01-09-2008, 02:06 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: أجمل ما في اللحظات التي نكون فيها في مطلق ومنتطلق خيالنا.... انها تأخذنا على كيفنا حيثما نريد ووقتما نريد.... تنقلب بعدها الموازين..... ونرى سواد الليل بياض الفجر..... والنجيمات قناديل تزين السماء....
تقديري أستاذ هاشم
أجمل اللحظات هي وجودك معنا اختي الغالية سلمي بالجد إفتقدناك كثير وربنا ما يحرمنا منك ومن قلمك الجاد الرصين ( الـمـخـيـف )
01-09-2008, 01:13 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هاشم أحمد خلف الله
د.محمد حسن
ماجدة عوض خوجلى
ابو جهينة
الفاتح الجنيد
امير عوض الجمري
وصال عالم
الطيب شيقوق
معتصم دفع الله
هند محمد
Alsa7afa_30
emad altaib
خالد علي محجوب المنسي
bushra suleiman
بله محمد الفاضل
محمد على طه الملك
khaleel
abubakr
Khalid Saeed
مجدي عبدالرحيم فضل
نها محسن أبورأس
ismeil abbas
salma subhi
مامون أحمد إبراهيم
فيس بوك
تويتر
انستقرام
يوتيوب
بنتيريست