|
|
|
 Re: هـــــل نال السودان استقلاله فعلا؟ (Re: هشام مدنى)
|
العم العزيز هشام مدنى
كل عام وأنت ومن معك بألف خير
كنت أتابع قبل قليل حلقة على التلفزيون السودانى وكان الضيوف البرفسير/مضوي الترابى والمهندس/ فاروق كوت و برفسير/مالك
وقد شدنى الحوار عن الاستقلال ومفاهيم الاستقلال الحقيقي ....
نحن لم ننال الاستقلال الحقيقى بعد الاستقلال الحقيقي هو الاستقرار السياسي
والتنمية وتأسيس البنية التحتية والتعليم والصحة ,,,, و ,,و...........
| |
 
|
|
|
|
|
|
|
|
Re: هـــــل نال السودان استقلاله فعلا؟ (Re: احمد معتصم الطيب)
|
الأخ العزيز احمد معتصم الطيب
كل عام وانتم بخير وعام سعيد
اتفق معك تمامأ
Quote: نحن لم ننال الاستقلال الحقيقى بعد الاستقلال الحقيقي هو الاستقرار السياسي
والتنمية وتأسيس البنية التحتية والتعليم والصحة ,,,, و ,,و........... |
واضيف لابد من بناء الانسان والاهتمام به حتى يكون قادر على العطاء....
كثير ما اقف متأمل كيف كان يــــــدير المستعمر السودان ؟؟؟؟؟
سمعت الكثير من اللذين عاشوا الفترة واحدهم قال لى رغم ان الانجليز كانوا فى الوظائف كبيرة فقط الا ان مؤسسات الدولة كانت ماشه زى الساعة رغم ان ظروف وامكانيات اليوم احسن من ايامهم لكن زمان الناس كانت مخلصه وعندها وفاء للبلد وامانة فى معاملة ....
الافندى يا ابنى كان افندى والعامل كان عامل فعلا اداء منضبط ما خوف حقوا بوصلوا وما عندوا مشكلة...
لكن تعال شوف اليوم ادخل على موظف يكون عندك مصلحة عايز تقضيها يبداء يحكى ليك ظروفه بالتفصيل الممل ينسيك المصلحة العايز تقضيها ..
وفى النهاية يقول لى مالكم كنت مستعجلين على استقلال السودان ما كان تتأخروا شوية!!!
اها زى ده اقول له شنو يا ابنى؟
الحديث أعلاه عمره 20 عامأ تقريبأ
والسؤال مازال من غير جواب
تحياتى لك
| |
|
|
|
|
|
|
|
|
|
Re: هـــــل نال السودان استقلاله فعلا؟ (Re: هشام مدنى)
|
مـــواطن ســـودانى تـــم تعينه فـــى مؤسسة حكومية الـــــ1976ــــعام براتب 47جنية و80 قرش اى 120 دولار امريكى تقدم بأستقالته الـــــ1996ــــعام ومن اسباب استقالته انه عندما تم تعينه كان راتبه 120 دولار وعام 1996 اصبح راتبه 40 دولار....
نـــــــواصل
قصة اكسبريس حلفا
| |
|
|
|
|
|
|
|
|
|
Re: هـــــل نال السودان استقلاله فعلا؟ (Re: هشام مدنى)
|
اكسبريس حلفا كان تضبط به الناس الساعة محطة (اتبرا) او عطبرة
ايام ما كان يقوم من الخرطوم الساعة السابعة الا ربع........
قادم من وادى حلفا الى الخرطوم وكنت كثير السفر فى هذا الخط تعرفت على كثيرين من بين اللذين التقيتهم مديرين موطفين عمال كلهم عملوا فى هئية سكك حديد السودان فى عهود مختلفة ومن بينهم كمساره ومفتشين اكسبريس حلفا وكانوا دائما عند الانتهاء من عملهم يجلسوا فى البوفية وهو عربة مخصصة ومجهزة بصورة جميلة ومنظمة وفيها تقدم خدمات يومها كانت لا تقل عن الخمسة نجوم ان لم تكون اكثر من ذلك ومعروف لدى معظم اللذين عاشوا الفترة الخدمات الذى تقدمها عربة بوفية القطار.....
المهم جلسوا الاخوة وكانوا فى حالة زهج وقرف صعبه من الوضع الحاصل فى القطار ...
كنت اجلس فى الطاولة المجاورة لهم قلت لهم ان شاء الله خير احدهم رد على بصورة ادهشتنى بحق...
من وين الخير يجى واكسبريس حلفا كلوا تصاريح ومسطحين ...
قلت لهم تصاريح مقبولة لكن مسطحين دى صعب قبولها ...
احدهم قال لى والله يا ابن عمى ولا الاولى مقبوله والا الثانية لنو اصلوا لو كان كل القطار تصاريح لمسؤلين من المؤسسات الحكومية وغير مدفوعه القيمة ما اكثر ورق نجمعه ونسلمه اما المسطحين لا قانون يسئلهم
يبقا نحن هنا ليه؟
سؤال وجية مش كـــــــده
تعرف يا ابن عمى السكة حديد دى لو اتمسحت من الأرض بكون سببها الادارة والتصاريح والمسطحين
ده كلام احد الكماسره فى القطار....
احدهم مفتش كان مستمع بداء حديثه ....
بأن الانجليز تركوا مؤسسات عامرة منتجه منظمة منضبطه اشبه بالعسكرية ومن بينها سكك حديد السودان ..
تعرف السكة حديد دى فى يوم من الايام كانت الحكومة نفسها تستدين منها واخر مرة دفعت للحكومة 500الف جنية..صدق او لا تصدق...
غير ذلك كماسره اكسبريس حلفا بستلموا منهم فى اتبرا طاقم للخرطوم وبالعكس..
اسئل اى منهم كم كان يوريد للخزنة من وادى حلفا الى اتبرا وقدرها فى الخرطوم وشوف اليوم بوريد كم ؟؟مقارنة بالامس قيمة لا تذكر...وحتى الذى لا يذكر اين يذهب ؟
لا مجلس ادارة ولا مدير عام ولا نوابه يستطيعوا الايجابة على السؤال.....
ولا تطوير ولا صيانة للعمار الذى تركه المستعمر الذى كان ارحم على المؤسسة وموظفها وعمالها
من ابناء البلد بل عملوا على تدميرها وكأن ما هم المستعمرين والمستعمر الاصل ابن البلد..
كل المديرين اللذين توافدوا عليها عاشوا على انجازات غيرهم او ما تركه المستعمر من عمار والدليل العربة الذى نجلس فيها ....
مــــــــاشه بقدرت قادر...
طيب الحل الحلول شنو؟
يحلها الله من عندوا نحنا محتاجين استقلال من المستقلين والمنافقين المنتفعين من تدهور هذا المرفق الهام...
وهم بيقولوا فى مستثمرين جاين ...
يعنى مستعمر جديد وبعلم الحكومة كمان
الكلام اعلاه كان الــــ1980ــعام
| |
|
|
|
|
|
|
|
|
|
Re: هـــــل نال السودان استقلاله فعلا؟ (Re: هشام مدنى)
|
نعم يا هشام فان السيد عبد الرحمن المهدى الذى كان ينادى باستقلال السودان هو من الذى حققوا استقلال السودان وكان الناس يهتفون: الاستقلال التام او الموت الزؤام..ولكن للاسف فن الاستقلال قد افرغ من معناه الحقيقى بسبب سوء الادارة والروتين والدكتاتورية .. وانت بنفسك قلت انه كان فى الزمن الذهبى كان الناس يظبطون ساعاتهم بمرور قطار اكسبريس حلفا
السر
| |
|
|
|
|
|
|
|
|
|
Re: هـــــل نال السودان استقلاله فعلا؟ (Re: السر عبدالله)
|
اخى السر عبدالله
هناك فرق بين من ينادى باستقلال السودان ومن صنع الاستقلال ولابد عند الحديث عن استقلال السودان الذى لم يحقق بعد بصورة المطلوبة
ان ننصف من وضعوا حجر اساسه من عمال وعامة افراد الشعب نوثق لمن كان لهم الدور الحقيقة فى البدايات لا نمجد من قطفوا ثمار العامة
وحضروا رفع العلم ونقول صنعوا الاستقلال...
احترام واقدر دور السيد عبدالرحمن المهدى وال المهدى
لكن هذا لا يعنى ان اقول صنعوا استقلال السودان.....
تحياتى
| |
|
|
|
|
|
|
| |
احمد معتصم الطيب
فيس بوك
تويتر
انستقرام
يوتيوب
بنتيريست