|
عيديه من الدوحه وكل عام وانتم بخير،،،
|
كل البورداب الحلوين كل سنه وانتو طيبين وتامين ولامين وكل امنياتكم تحقق وربنا يجمع الشمل ويديم المحبه بيننا .
فى عيديه جميله اتلمينا بعض بورداب الدوحه وبرفقة الا عزاء الاستاذ كمال سالم واسرته والرفيق الزعيم ابو ساندرا وعائلته والاستاذ المسرحى محمد السنى واحلامه والود الحكاى المهندس كيكى واسرته والدكتور الظريف عصام حامد واسرته والمبدع هرون دياب واسرته والدكتور العذابى عمر سعد واخوته والاستاذ الحاج حامد واسرته شقيق دكتور عصام الذى جاء ليقضى عطلة العيد معنا بالدوحه والاستاذ طارق (كحلى) الذى جاء لزيارة الاستاذ كمال سالم من (جده) الاخ معتصم الريح واسرته والشاب الفنان طارق المكى والاخ اسامه والاخ سيف حامد وشقيقى صالح ابراهيم واسرته. والاخ عبداللطيف عبدالعاطى (لطفى) وهنالك بعض الاخوه لم تسفعنى الذاكره بهم.
اللمه كانت جميله ومصوره واجمل مافيها انو الاخ كيكى اخد سيك وفى قبوله من عمر سعد ود.عصام ووكان عامل فيها الود مفتح وبتاع (كنابى )..
انتظرو الصور،،،،،
|
|
|
|
|
|
|
|
Re: عيديه من الدوحه وكل عام وانتم بخير،،، (Re: ضحيه ابراهيم)
|
Quote: الليله اتفسح فينى خلى بس ود القريش يجى ياكيكى؟ |
صحبك قريش ما فاضي لي امس ضابح وبوزع الخروف كيمان كيمان للنسوان الثلاثة ده كوم فلانة وده كوم علانة.. رسل لي يا كيشة الصور في الايميل عشان اوضبها ليك يا (كيشتي) حليل اولاد الميرم المخهم نضيف ديلك
| |
|
|
|
|
|
|
Re: عيديه من الدوحه وكل عام وانتم بخير،،، (Re: ضحيه ابراهيم)
|
شكرا يا فردة يا ود القريش
اما السيك فقد اخذها معلمة الاول السنة اللماضية
كيكى طلع خفيف جدا .....وكنت بلعب بيدى الشمال الحالة
وين انتة والعم جعفر كان قافل الموبايل كنت داير اسنفك لى زول جاى من اليابان البعيدة
اما كيكى دة امى لو فضت وجات بتديهو اسنــــــــــــا كيكى كيشة
وكان منورنا طارق كحلى من جدة لابس قميص احمر مخطط
بعدين يا ود القريش ما يهمك هرج كيكى دة فرفرة مذبوح وكان بيقول لى عليك السقط ما تدينى اسنا
وتحانيس شديدة ..وجرسة فاقت جرسة برشلونة اللليلة مع الريال...................
| |
|
|
|
|
|
|
Re: عيديه من الدوحه وكل عام وانتم بخير،،، (Re: عمر سعد)
|
الحبيب عمر سعد واحبتي الكرام بورداب الدوحة كل عام وأنتم بخير وعافية وسعادة تامة
احد احفادي لقاني نايم وشال الموبايل ورماه في "سقط لقط" وما لميت فيه إلا مساء أمس. ناس طوكيو في الوست صعبين وما بتلحقو .. انت وجماعتك محظوظين اليوم داك أنا ما جيت كان سيكاتكم تقول "يا ليل يا عين".. أها انا معاك من الليلة لغاية مساء يوم الجمعة ..أكان حريف جد كده شوف ليك تلاتة حرفا وقول لي تعال.فراستي تقول كيكي حريف قاطع بس داير زميل حريف ما بدقس. أرجو المعذرة أنا ما قدرت احضر لقاء نادي الغراب بسبب سابق ارتباط.
تحياتي ومودتي
| |
|
|
|
|
|
|
Re: عيديه من الدوحه وكل عام وانتم بخير،،، (Re: Gaafar Ismail)
|
Quote: ضحية و كمال سالم و ابو ساندرا و محمد السنى و كيكى و هرون دياب و عمر سعد و طارق المكى . |
و ما جاكم الدفاع المدني ؟؟
الدوحاب الملاعين .. ياخي مشتاقين يا أولاد الـ ........ كل سنة و إنتو و عيالكم و ناسكم تامين و لامين .. و الود كيكي وردة بينكم يا أوغاد .
كان سألناك يا ضحية , إنت الحاخام الأكبر معيّد في الروشة ولاّ شارع الحمرا ؟؟ إنّا لله .. و بعدين أبوساندرا العمة بتاعتو بالقلبة .. ساعدوه في اللف .
عيدكم مبارك .. و الكوارع لفيصل عباس بالله .. عشان يتيم .
| |
|
|
|
|
|
|
Re: عيديه من الدوحه وكل عام وانتم بخير،،، (Re: Emad Abdulla)
|
نجيكم من الاخر عماد عبد الله قريبي الغائب كل عيد وانت العيد والله مكانك فاضي .... والجماعة عاملين لي مجانين... لكن الزمن بيجمع وعودتك منتظرة بالله السلام امانه لتسنيم وامها والصغيرة الجميلة .... تتربي في عزكم. وارقد عافية هارون دياب
| |
|
|
|
|
|
|
Re: عيديه من الدوحه وكل عام وانتم بخير،،، (Re: Emad Abdulla)
|
كتب عماد عبدالله
Quote: كان سألناك يا ضحية , إنت الحاخام الأكبر معيّد في الروشة ولاّ شارع الحمرا ؟؟ إنّا لله ..
|
الفنان / عماد عبدالله كل سنه وانت طيب وربنا يحقق امانيك ويلمنا فيك وكل الامنيات الطيبات والتحايا لاسرتك الكريمه
الحاخام الاكبر الذى سألت عنه ظهر اول ياام العيد فقط فى نادى الغزال وبعدها لم يظهر بعض الاقاويل تقول انه حايم بين دبى وبيروت ... لكن يبدو انو بطنو طامه منه سكرتيره الظلامى لذلك آثر الابتعاد
| |
|
|
|
|
|
|
Re: عيديه من الدوحه وكل عام وانتم بخير،،، (Re: Gaafar Ismail)
|
كتب العم/جعفر اسماعيل
Quote: انت وجماعتك محظوظين اليوم داك أنا ما جيت كان سيكاتكم تقول "يا ليل يا عين".. أها انا معاك من الليلة لغاية مساء يوم الجمعة ..أكان حريف جد كده شوف ليك تلاتة حرفا وقول لي تعال.فراستي تقول كيكي حريف قاطع بس داير زميل حريف ما بدقس |
اول حاجه فقدناك جدا ذلك اليوم وكنا قد كلفنا الاخ كيكى لابلاغك بالحله واحضارك وافادنا بان هاتفك لا يمكن الوصول اليه. ثانيا صاحبك كيكى طلع كيشه واخد سيك فى قبوله واعتقادك عنه خاطى وماتشكر الراكوبه فى الخريف
اما موضوع التحدى بتاعك قبلناه بس اوع تزامل كيكى لانو كيكى متعود ياخدها وبتبقى ليك سيك اسفيريه.
| |
|
|
|
|
|
|
Re: عيديه من الدوحه وكل عام وانتم بخير،،، (Re: ضحيه ابراهيم)
|
الإنسان الجميل ضحية
ما تخاف على عمك .. من الخبرة وكترة الفاس في الراس زمان بقينا نشم السيك شم ونستخدم فنون "الخرخرة عند اللزوم".. حكاية السيك في القبول دي صعبة وما ممكن تبقى إلا إذا كان الخصم سبعته "جبارية".. عارف قصة السبعة الجبارية؟ أها خليني أقولها ليك: أخونا عبدالجبار سمى سبعة .أخونا "كرياكو" في قبوله قرر يلعب عشان يتخارج من السيك لكن اخد السيك زي الترتيب
| |
|
|
|
|
|
|
Re: عيديه من الدوحه وكل عام وانتم بخير،،، (Re: ضحيه ابراهيم)
|
كريم الامين طبعا انت اجمل حاجة والسيك ماعيب يااخوي..... السيك ....قدر.... ومابتسيك الا الحريف.... بعدين سيبك من ضحية ..... مقص بت الهارتي كيف.....؟ قال عاوزه تأكل ... والله الا اكان تاكل مكبوس.
Quote: وبوستكم ده ذاااتو ده طرفيي منو تاني |
انا عارفه مقطوع الطاري الاسمو القريش ده الا اكان يطفشنا كلنا.... خليك قريب التحايا هارون دياب
| |
|
|
|
|
|
|
Re: عيديه من الدوحه وكل عام وانتم بخير،،، (Re: ضحيه ابراهيم)
|
ياجماعه يظهر انو انا اليوم داك مشيت رحله تانيه , معقول ضيفى
يظهر فى كل الصور وانا ماظاهر ,,
عماد عبدالله ياجميل والله مشتاقبن كتير , وانا كنت فى السودان لمدة
شهر ونص والله كان من اولوياتى ان القاك , ولكن انت عارف السودان
والشلهته الفيهو مرات الواحد امو مايلاقيها ,,
تحياتى ليك وللبنات الحلوات البشبهوا بناتى ( كما ونوعا ) ,,,
ضحيه وكيكى ماتعملوا لينا معركه من غير معترك ,, والله كلكم كييشه عشان
كده انا وابوساندرا كنا قاعدين بعيد عن كشتينتكم المامطعمه دى .
تحياتى للجميع .
| |
|
|
|
|
|
|
Re: عيديه من الدوحه وكل عام وانتم بخير،،، (Re: kamal ali)
|
كمال يازعيم مساء الخير
Quote: ضحيه وكيكى ماتعملوا لينا معركه من غير معترك ,, والله كلكم كييشه عشان
كده انا وابوساندرا كنا قاعدين بعيد عن كشتينتكم المامطعمه دى . |
والله رحلتك نجحت نجاح منقطع النظير .... وكيه في العزال. الكومندا ابو ساندرا .... بدونك خربانه. بعدين يااخوي كوشتينتنا دي نطعمه ليك بشنو....؟ ماانت وابو ساندرا لحستوا الشربوت براكم .....وانا طعمت بكيكي وطارق المكي في السيك ... ومقص دامت الهارت بتاعت ضحية . التحايا للدكتورة هارون دياب
| |
|
|
|
|
|
|
Re: عيديه من الدوحه وكل عام وانتم بخير،،، (Re: ضحيه ابراهيم)
|
معتز القريش مساء الخير والله بختك .... الخيل تجقلب والشكر لي حماد يعني ده اعتراف ضمني بموهبتك في التصوير والتنزيل. بس يااخوي انت الصور دي قاعد تنزله لينا بالنقاطة ولا شنو ....؟ لكن فاتتك جنس قعدة.... اريته قعدة السرور. في انتظار المزيد. التحايا هارون دياب
| |
|
|
|
|
|
|
|