|
المتواجدون الآن.. مية مسا
|
Quote: الحضور الان بالمنتدى العام لسودانيز أون لاين دوت كوم 995 شخص » (62 )عضو و (933) زائرا
»ABDELMAGID ABDELMAGID »Abdelrahman Elegeil »abraham deng »Abubaker Ahmed »abubakr »Adil Ali »Ahmed Abdallah »Amin Elsayed »amir jabir »AMNA MUKHTAR »Asskouri »Atif Makkawi »b_bakkar »elhilayla »Elkalakla_sanga3at »Haitham Elsiddiq »Haydar Badawi Sadig »Imad Khalifa »jini »Lily Akol »Mohamed Elbashir »Mohamed Elboshra »mohamed kabbar »Muna Khugali »Munir »Mutwali Malik »nabielo »Nasr »Raja »Shams eldin Alsanosi »waw »yasiko »Zakaria Joseph »الجيلى أحمد »الفاتح يوسف جبرا »بشير جبريل علي »بكرى ابوبكر »بكري الصايغ »بهاء بكري »تاج السر حسن »ثروت سوار الدهب »خالد العبيد »خالد حاكم »سمندلاوى »صلاح الفكي »طارق جبريل »عبدالأله زمراوي »عبدالغني بريش فيوف »عبّاس الوسيلة عبّاس »علاء الدين حيموره »عمار عبدالله عبدالرحمن »غادة عبدالعزيز خالد »غباشي »فيصل عثمان الحسن »فيصل محمد خليل »فيصل محمد رشوان »محمد البشرى الخضر »محمد على حسن »محمود الدقم »مصدق مصطفى حسين »مكي ابراهيم مكي »نجوان »يوسف السماني يوسف هذه الصفحة يعاد تحديثها كل 120 ثانية. |
حمد لله ألف على السلامة..
|
|
|
|
|
|
|
|
Re: المتواجدون الآن.. مية مسا (Re: Raja)
|
الأحباب جميعا.. زملاء وقراء
سلامات ومحبات وكل عام وأنتم جميعا ومن معكم بألف خير
كانت مفاجأة حلوة أن وجدت أيقونة "الحضور" منوًرة اليوم
عقبال المسينجر ..
ودي للكل
| |
|
|
|
|
|
|
Re: المتواجدون الآن.. مية مسا (Re: بهاء بكري)
|
الحبيب صاحب الإسم الأحب بهاء..
حمد لله على سلامتك إنت.. وبركة الرجعتا ونوًرت البورد وريًحتا قلوبنا وأسعدتها
كل عام وأنت بخير.. وإن شا الله الجاي أحلى
ودي لأولادك وأمهم
| |
|
|
|
|
|
|
Re: المتواجدون الآن.. مية مسا (Re: بهاء بكري)
|
امك ..... رجاء بقيتى هكر ولا شنوا ديل جبتيم ومن وين .... والله انا لسع متزكر بوست الجوابات داك بكرى دى بقى عندوا ناسات ولا شنوا يعلمهم فن المنتدى ...
عموما _____________________________
كل سنه وانتى طيب والسنه الجايه (( عريس )) ووين الحى بيكى لسع من بلد لى بلد والبى بى سى وكده
تحياتى
| |
|
|
|
|
|
|
Re: المتواجدون الآن.. مية مسا (Re: amir jabir)
|
هههههههههههه
الغالي العزيز عامر.. كل عام وأنت ومن معاك بخير..
تصدق ولا هكر ولا شئ.. دخلتا أهنئ بمولودة صلاح عبدالله.. وبعد ما رسلتا البوست لقيت ليك "الحضور" قااااعدة.. طبعا مافي زول حيصدق إنو كان عندي مسينجر حتى الأسبوع الفات.. السر ده بيعرفوه 2 غيري.. عادل عثمان وراوية اختي.. قبل اسبوع لقيت بكري شالو برضو..
الآن أنا موجودة في الأردن.. والدنيا تشيل وتخت فينا في مكانات يعلمها الله وحده..
تحاياي.. وإن شا الله الدنيا تجمعنا تاني
| |
|
|
|
|
|
|
Re: المتواجدون الآن.. مية مسا (Re: الملك)
|
ناجي يا ملك..
سلاماااات ومشتاقون بجد جد..
في الفترة الفاتت "المظلمة" الما كان في حضور ظاهر.. كنت بعمل اللستة برااي.. أشوف الردود وبالتالي (حلوة بالتالي دي ) أعرف المتواجد منو.. مرات مرات بكون عايزة راوية اختي في حاجة.. أتلفت ما الاقي اي رد ليها.. فأترحم على المتواجدون الآن ..
معاوية مشى وين..؟ طبعا حيكون لسة بيجي المنبر الساعة 3 صباحا
سلامي لكل الخرطوم.. من الشجرة وحتى مرزوق
وكل عام وأنت بخير
| |
|
|
|
|
|
|
Re: المتواجدون الآن.. مية مسا (Re: Mustafa Mahmoud)
|
الراقي الجميل د. مصطفى..
مساء الخير وكل عام وأنت أنت.. كريم، هميم وناثرا للورود..
رايت بوستك الخاص بالتهاني بالعيد السعيد.. فتحته لأهنئ واجهت مشكلة فنية في الجهاز.. كررت التجربة مرتين ففشلت.. كان بودي ان اعيًد عليك وضيوفك..
كل عام وانت بخير.. وكل المنى بأن يكون القادم اجمل.. اجمل
| |
|
|
|
|
|
|
Re: المتواجدون الآن.. مية مسا (Re: محمود الدقم)
|
والله يا رجاء لو ما البوست حقك ده ما ألاحظ انه الحضور رجع....
وا شفاوتنا نبدا تاني في الفيلم من جديد..فلان اتهكر..والباسوورد اتسرق!!
كل سنه وانت طيبه وسعيده..
مع الحب والحركات..
| |
|
|
|
|
|
|
Re: المتواجدون الآن.. مية مسا (Re: Muna Khugali)
|
منًوية يا عسل.. كل يوم وأنت وماما جارة وكل آل عوض خوجلي بألف خير..
تعرفي أنا من كم يوم كده شفتا الأيقونة.. لما فتحتها جاني كلامات بكري العجيبة ديك .. رجعت قافلة (حلوة قافلة دي ) للمنبر والشيًة والكمونية الحاصلة فيهو ..
سلاماتي وسؤالاتي وإشتياقي
| |
|
|
|
|
|
|
Re: المتواجدون الآن.. مية مسا (Re: Raja)
|
سلامات يا رجاء يا اخت (تارا) ما (راويه) !! وكل سنه وانت طيبه تعرفى (المتواجدين الآن) .. دى بتذكرنى أغنية المرحوم ابراهيم عوض:- (بنشتاق ليك وانتى معانا يا ملاذ افكارنا الهيمانه).
| |
|
|
|
|
|
|
Re: المتواجدون الآن.. مية مسا (Re: هاشم أحمد خلف الله)
|
الصديق الفاضل هاشم..
كل عام وأنت وأسرتك بألف هناء..
أيضا افتقدتكم كثيرا.. وحاولت قدر جهدي "الحضور" ولكن إيقاع المنبر وكتاباته جعلتا التواجد اليومي صعبا للغاية.. يعني يا دوب تجي تشوف منو الجابو ليهو وليد ولا بنيًة.. ومنو العيان ومنو العندو عزاء..
أهو الحضور وصل.. عقبال المسينجر..
ودي
| |
|
|
|
|
|
|
Re: المتواجدون الآن.. مية مسا (Re: طارق جبريل)
|
رجوية الحبيبة
العيد الجاب الناس لينا ماجابك !!
عايني
انتي تحت الشال ده لابسة واقي من الرصاص صاح ؟!!
خلي بالك من روحك شديد وموفقة وناجحة دائما باذن الله يابت العباسي وان شاء الله ماتشوفي شر قولي آآآآآآآآآآآآآآآآآآآآآمين..
| |
|
|
|
|
|
|
Re: المتواجدون الآن.. مية مسا (Re: نادية عثمان)
|
نادية يا حبيبة..
كل يوم وأنت وإيمان بنتي بألف خير.. وتشوفي نجاحها وفرحها ووليداتها
تضافرت عدة عوامل (حلوة دي.. مش ) منعتني من النزول لمصر وحضور العيد لكن بإذن الله ح أنزل قريب ولازم نتلاقى
تحياتي وطمنيني على أخبارك
ودي
| |
|
|
|
|
|
|
Re: المتواجدون الآن.. مية مسا (Re: Raja)
|
ندًوية.. نسيت اقول ليك تحت الشال ده (الحطًة) في شنطة المفروض تكون خفيفة.. لكنها بقدرة قادر بقت زي طن كده..
واقي الرصاص ده ما بثق فيهو.. تقوم تجي ضربة زي بتاعت العظيمة بوتو في الرقبة..
ح أعمل زي بلدياتنا الكان بيعمل حارس في الغابة ومشى لفكي عشان يعمل لييهو حجاب يحفظه من الأسد. أها الفكي قام اداهو حجاب وقال ليهو: ده حجاب الأتاتاكا لو مشيت غابة اسد ما يشوفاكا.. لو شافاكا ما يجري وراكا.. لو جرى وراكا ما يحصلاكا.. لو حصًلاكا ما ياكلاكا.. لو أكلاكا إن شا الله ما تنفعاهو..
ودي
| |
|
|
|
|
|
|
Re: المتواجدون الآن.. مية مسا (Re: Raja)
|
رجوية ياعسسسسسسسسسسسسسسسسسسل
Quote: ح أعمل زي بلدياتنا الكان بيعمل حارس في الغابة ومشى لفكي عشان يعمل لييهو حجاب يحفظه من الأسد. أها الفكي قام اداهو حجاب وقال ليهو: ده حجاب الأتاتاكا لو مشيت غابة اسد ما يشوفاكا.. لو شافاكا ما يجري وراكا.. لو جرى وراكا ما يحصلاكا.. لو حصًلاكا ما ياكلاكا.. لو أكلاكا إن شا الله ما تنفعاهو |
وحاة الله كان رأسي واجعني ومدبرسة و(زحجانة جنس زحج ) علا نكتتك دي ضحكتني من قلبي في باقي الليل ده ياغالية ..تسلمي بت أمي .. والرسول فيك ياعسللي تخلي بالك منك وتتحصّني بأية الكرسي بتحفظك اكتر من واقي الرصاص زاتو سمح؟؟
بالمناسبة لما تتصلي بتارا حبيبو قولي ليه نادية قالت ليك الشوق بحر لكن تلفونها ضائع مني ..!!
| |
|
|
|
|
|
|
Re: المتواجدون الآن.. مية مسا (Re: Raja)
|
Dear Raja,
في داعى تشهرى بينا ----- انا طبعا جديدة على المنبر – مسطحة يعنى - هو الحضور بيشوفو من وين و الما عايز يظهر يعمل شنو
Thanks for this nice gesture and hope you are enjoying the holidays
Lily
| |
|
|
|
|
|
|
Re: المتواجدون الآن.. مية مسا (Re: Lily Akol)
|
الحبيبة لي لي (كتبتها كده عشان تكون صاح)..
ألف مرحب بيك زميلة وأخت وحبيبة جديدة في المنبر.. وكل المنى بأن يكون مقدمك إشارة لإستعادة الزمن الجميل
* أمشي فوق في المكان المكتوب فيه: المنبر العام، أبحث، أكواد..... حتلاقي الأيقونة على الشمال في الصف الأول طبعا لو كنت بعرف في التكنولوجيا زي تمبس كنتا جبتها ليك لغاية عندك
Merry Xmas & Happy New Year
ومرحبابك تاني
| |
|
|
|
|
|
|
Re: المتواجدون الآن.. مية مسا (Re: العوض المسلمي)
|
الفاضل الكريم العوض المسلمي..
كل عام وأنت وتسابيح ووالدتها ومن معكم بألف خير..
ومرحبا بك في المنبر أخا كريما وزميلا نتبادل معه الإحترام والمعرفة..
مرة اخرى.. كل الأمنيات بعام مليئ بالجديد والمفيد
| |
|
|
|
|
|
|
Re: المتواجدون الآن.. مية مسا (Re: نصار)
|
نصار يا حبيب..
كل يوم وإنتا وبنيتك وامها بعافية وسعد..
كتير ما سمعتا إنو الصحفي والمخبر بيشبهو بعض مع إختلاف نهايات معلوماتهم ..
عاصم عاد للبلد فجر الجمعة وهو بألف خير..
قلت ليهو تاني ما بقول ليك شغالة وين عشان ما تعيا .. لووووووووول
ودي وسنة سعيدة
| |
|
|
|
|
|
|
Re: المتواجدون الآن.. مية مسا (Re: Rawia)
|
راوية ياعسللي
فرحتيني طالما تارا هنا تلفونها بجيبو ان شاء الله من صباح وكتاااااااااار غيرها انتي عارفة تارا وشعبيتها وجماهيريتها الكبيييييييييييرة في البلد دي ربنا يحفظها ويحفظكم كلكم بنات العباسي ويغطيكم من العين قولي آآآآآآآآآآآآمين
| |
|
|
|
|
|
|
Re: المتواجدون الآن.. مية مسا (Re: غادة عبدالعزيز خالد)
|
الحبيبة الغالية غادة.. كل يوم وأنت ومعز وقمرينكم بألف سعد وهناء وعافية
مشتاقة بجد و"متقريفة" لبوست كاااارب نقعد نفتي فيهو
أتمنى عام 2008 يحمل ليك كل النجاح والإزدهار في عملك وفي حياتك
تحياتي لصديقي معز.. وسنة سعيدة على أسرتينك الصغيرة والكبيرة
| |
|
|
|
|
|
|
Re: المتواجدون الآن.. مية مسا (Re: AMNA MUKHTAR)
|
الراقية الحبيبة آمنة..
قبل التهاني.. أسمحي لي أن احيي روحك وقلمك.. أتابعك وأقرأ كل حرف تكتبيه.. ولدي مداخلة مؤجلة في بوستك عن مصطلح العنصرية المضادة.. لأنه يهمني شخصيا أن نتوصل لتحديد بعض المفاهيم التي تطلق في المنابر، ليس عن علم ودراية وإنما لمجرد إختلافاتنا الفكرية وللأسف الجهوية وفي كثير من الأحايين.. المزاجاتية
كل يوم وأنت بألف خير. وكل المنى والدعاء لك بالتوفيق في كل خطواتك وحياتك
ودي
| |
|
|
|
|
|
|
Re: المتواجدون الآن.. مية مسا (Re: Raja)
|
( الزلمة ) رجاء الغالية كل سنة وأنت كما نود لك مشتاقين وإنتي عارفة
بطلي ( الحندكة )* دي تظهري وتعودينا عليك وفجأة تختفي لا إحم ولا دستور
___________________
هسع يا ربي أختنا العزيزة نادية مختار بتعرف ( الحندكة )* ؟؟؟
| |
|
|
|
|
|
|
Re: المتواجدون الآن.. مية مسا (Re: عاطف عمر)
|
يفرحنى ... إطلالتك من كوتنا الإسفيرية هذه, فيما تعتمر القلوب كل محبة ... ولأجل إنسان يستحق.
منقوص عالما السايبري هذا بدونك, لأنك ... آهلة بطعم الناس ... وبكل الطيبوبة.
فكوني ... بخير ... رجوية ... المدروعة فى شغاف قلوبنا والموصولة بكل المحبة.
| |
|
|
|
|
|
|
Re: المتواجدون الآن.. مية مسا (Re: عاطف عمر)
|
Quote: هسع يا ربي أختنا العزيزة نادية مختار بتعرف ( الحندكة )* ؟؟؟ |
كيفن مابعرفها عاد ؟!!
دي موش ياها القرية الفي طريق البشاقرة شرق وانت جاي من كوستي بطريق زالنجي وربك ؟!!
| |
|
|
|
|
|
|
Re: المتواجدون الآن.. مية مسا (Re: نادية عثمان)
|
Quote: كيفن مابعرفها عاد ؟!!
دي موش ياها القرية الفي طريق البشاقرة شرق وانت جاي من كوستي بطريق زالنجي وربك ؟!! |
برااااااافو عليك يا نادية
أنا كنت خايفك ( تخلطي ) بينها وبين ( الحندكة ) الوجبة الشعبية الأولى في موريتانيا الباسيفكية درة جزر المالديف
| |
|
|
|
|
|
|
Re: المتواجدون الآن.. مية مسا (Re: عاطف عمر)
|
صديقي الغالي عاطف..
كل يوم وأنت وسعدية وبناتي والأمين بخير وصحة وسعادة والله ما حندكة.. لكن ظروفي صعبة بجد.. في الخاطر الكثير. وفي الواقع أكثر تأكد من كتابتي في أقرب وقت
أفتقدكم وأفتقد أشياء جميلة كتييييرة
ودي الدائم
| |
|
|
|
|
|
|
Re: المتواجدون الآن.. مية مسا (Re: Raja)
|
شكرا محمد عمر على التذكير بالملاريا
لكن لا ارى لهذا التذكير اى علاقة بالبوست
هل بنات العباسى ليهم علاقة نسب ببنات الانفوليس
على حد علمى لا
الاثنين بنات رقيقات
وما بقرصن ابدا
ليهن التحية
ولكل اسرة العباسى الجميلة
بدا من رجاء صاحبة البوست
و راوية الزميلة و الصديقة العزيزة
وهدى و سارة
وكمان تحياتى للأخوان بهاء ومحمد
وقبلهم كلهم الوالدة
كل سنة وهم طيبين
و يجعل العام القادم عالم هناء و سعادة ليهم كلهم
| |
|
|
|
|
|
|
Re: المتواجدون الآن.. مية مسا (Re: هشام المجمر)
|
Quote: الاثنين بنات رقيقات
وما بقرصن ابدا |
انت ادرى
_________________________
الاخ ما قصد البوست دا براهو وحتلاحظ انه مر على بوستات تانية كتيرة
القدرو على الله كله والايدو لحقتو من يات بوست دخلو
| |
|
|
|
|
|
|
Re: المتواجدون الآن.. مية مسا (Re: Raja)
|
غالية البورد رجاء..
طولت الغيلب هذه المرة على غير العدة، لعلك بخير وحياتك تمام التمام. أتمنى من كل قلبي ذلك. كل سنة وانت بألف خير وانشاء الله تتحقق كل الأماني المستحيلة في هذا العام الجديد.
| |
|
|
|
|
|
|
|