|
|
 الوحد .. الانفصال ..قميص عامر..بدون زراير
|
سلامات
الاعزاء في الوطن
كل عام والاشياء اجمل
ولا نزفية ولا جنون بقرولا انفلونزا طيور ولا بواسير سمك
ولا نفايات نووية ولا سرطانات بدون علاج ولا تضييع لي حقوق الانسان
ولا سرقات لي اموال نفط
ولا مسؤلين بدون مسؤولياتاو محاسبة
عيد سعيدوكل سنة وانتم طيبين
السنة الجاية ما عارفين يكون في سودان واحد والا لا
عشان كده من هسع الواحد يعمل حسابه وما يقول الجاية تعود الاحزاب
والاالسنة الجاية في وطن يسع الجميع لانه الواضح انه ما عاد بيسعهم
وكلهم دايرين ليهم طريقة يتخارجو منه وان خرب بيت ابوك شيل ليك منه شعبه
وهي الحاجة دي من الواضح انها بسبب السلطة
وشويه الثروة
وشوية الحكام غريبي الاطوار
وشوية المثقفين البرا الزمن
وشوية الشعب الراح ليه الددرب في الموية
وشوية الناس النصهم جنو
والنص الباقي راجين دورهم في الجن
|
|
 
|
|
|
|
|
|
|
 Re: الوحد .. الانفصال ..قميص عامر..بدون زراير (Re: محمد علي يوسف)
|
سلامات
الحقيقة عندي كم سؤال باسم واحد من الشباب
الشايفين انو سودانيزاونلاين
واحد من مشاعل الاستنارة في البلد دي الشاب ده طالب جامعي واسمه اشرف
شغال في بحث حول مالات الوحدة والانفصال في البلد دي
ومالات السودان في حالة حصول اي واحدة منهم
اتمنى الشباب يساعدوناوبي شوية جدية كده و
يطلعو شوية من جو العيد والضحك ويقعدو يناقشومعانا المواضيع الما ساهلة دي
انحن خاشين السنه الجديده 2008
كريسماس سعيد
لكن بيكون في كم سؤال بيطرحهم دخول السنة الجديدة دي
اهم ما فيهم انتو يا اخواننا
راهن السودان السياسي دة محفز لي وحدة والا داعم للانفصال؟
الوضح انه عندنا مشكلة في السودان بتاعة فهم لي حاجاتنا
عشان كده لو كانت الاجابة بوحدة اتنمى يكون في اسباب مكتوبة والعكس صحيح
وتاني في سؤال
اتفاقية السلام الشامل فيها حق تقرير مصير .. الحق ده سايقنا لي وين وحدة والا انفصال؟
سؤال اخير
الوحدة والانفصال متطلباتهن شنو ؟ ولو حصثلت اي واحدة منهن باقي الاقاليم حتعمل شنو
باعتبار انو السودان ما شمال وجنوب بس
فيه كم طرف تاني رايكم انو دورهم حيكون شنو في حالة حصول اي سيناريو
الرجاء من الجميع المساهمة معانا
امكن نوصل لي فهم يحل لينا مشكاكلنا
| |
|
|
|
|
|
|
|
|
|
Re: الوحد .. الانفصال ..قميص عامر..بدون زراير (Re: محمد علي يوسف)
|
سلامات
ايموني يا جميل
يا خي يديك العافية
وشكلك حرنت للخواجات ديل وابيت تمرق
قبال الكريسمس
يازول هابي كريسماس
والله يقبل حمدك في الموضوع التاني
ولمن تجي
عشان الواحد اشتاق لي خستكاتك
فما تعمل لي الجماعة ديل نايم
والسودان محمدك
فاخير ليك قبال مايجوك جماعة السعوديةالبيسرو بالجماعة ليلا
من جده لي امبدة
وكل سنة وانت طيب بي عيدنا الفات
لكن يا ايمن
يااخي ما تشارك بي نظرية من نظرياتك الخطيرة ديك
وتجاوب لي اخونا اشرف ده
ومرحب بيك دايما
| |
|
|
|
|
|
|
|
|
|
Re: الوحد .. الانفصال ..قميص عامر..بدون زراير (Re: محمد علي يوسف)
|
الاخ محمد على
استميحك عذرا ان اقول ليك انك لم توفق فى العنوان
وخلطت الجد بالهذر ،، ووضع العناوين الجادة والهادفة
هى التى يقصدها اولئك الاعضاء الذين يمكنهم ان يساعدو
اخونا اشرف فى بحثه اقترح عليك ان تفتح بوست جديد يكون
عنوانه واضح لكل من يستطيع المساعدة
انا اقترح عنوان كالاتى
طالب جامعى يطلب من اعضاء سودانيز اجابات على بعض اسئلة بحثه !
او طالب جامعى يناشدكم المساهمة معه فى بحثة !!
او يقصدكم لاجوبة بعض اسئلة بحثة
كما اطلب من الاخ اشرف اعادة صياغة اسئلتة بطريقة الكوتشنير
حتى يسهل حصولة على مشاركات كتيرة ،، وهو ما يجب ان تكون عليه
مثل هذه الاسئلة ،، التى يكون الهدف منها غالبا هو قراءة اتجاهات
الراى العام ،، وهذه لا تكون فى العادة بالكتابة ولكنها بالاختيار
| |
|
|
|
|
|
|
| |
محمد علي يوسف
دينا خالد
فيس بوك
تويتر
انستقرام
يوتيوب
بنتيريست