|
Re: نادية عثمان......غربة وشجن (Re: عبدالكريم الامين احمد)
|
الكريم عبد الكريم الامين
تسلم يارب وعيدك مبارك
Quote: وها انت تاتي بكلمات من الرائعة (نادية عثمان) فتزيد الجن جنون... براحة علينا يا ابو كدوك |
شكرا على الثناء العاطر
وليتنا نستطيع بقرار هكذا مثل صديقك فى سينما واو ان نعود سريعا الى بيوتنا فى الوطن الحنين ولكن الله غالب !!
| |
|
|
|
|
|
|
Re: نادية عثمان......غربة وشجن (Re: نادية عثمان)
|
Quote: ولا اسمع سوى صوتى لا ادرى من اين ينساب |
وايضا انا يا نادية لا اري الفيديو ولكن ادري من اين ينساب هذا الصوت الذي كان فيه.. فانه ينساب من وهج النيل وغيمه ينساب من وجدان يعشق احداثيات الوطن ونبضه ينساب من رحيق الانسان السوداني ورقي فنه وعلو صهيله عندما يرحل بعيدا عن مقرن النيلين ...... كل سنة وانتي بالف خير الاخت الرائعة نادية وكل الود والتقدير
| |
|
|
|
|
|
|
Re: نادية عثمان......غربة وشجن (Re: عبدالكريم الامين احمد)
|
Quote: وايضا انا يا نادية لا اري الفيديو ولكن ادري من اين ينساب هذا الصوت الذي كان فيه.. فانه ينساب من وهج النيل وغيمه ينساب من وجدان يعشق احداثيات الوطن ونبضه ينساب من رحيق الانسان السوداني ورقي فنه وعلو صهيله عندما يرحل بعيدا عن مقرن النيلين ...... كل سنة وانتي بالف خير الاخت الرائعة نادية وكل الود والتقدير |
الاخ الاكرم عبد الكريم
اخجلتم تواضعنا بهذه الكلمات الطيبات فى حق شخصى الضعيف !!
حقيقة لا ادرى ماذا اكتب .. فقط شكرا..شكرا على مدى بهذه الطاقة من المحبة والاعزاز الاخوى الذى يجعلنى اسعد ايما اسعاد بأن لامست كلماتى وجدانكم الشفيف المرهف .. وتسلم من كل شر يارب
| |
|
|
|
|
|
|
Re: نادية عثمان......غربة وشجن (Re: عبدالكريم الامين احمد)
|
سلام يامدام نادية كل سنة وإنت طيبه .. وتهانينا لكل الناس بعد طول غياب وشكرا علي إنزال الأصدقاء لسهرة زميلتنا ناهد بشير الطيب مع ألأستاذ الفنان الطيب عبدالله من جدة بعد أن أصبحت ناهد مراسلة قناة النيل الأزرق بالسعودية البلد مشتاق ليكم والله .. بحري وكبري المك نمر الجديد وشارع الصحف كلها بالخرطوم شرق وأب جنزير الذي ضاع في الكازوزة .. وأم در والطوابي ومحطة السنجك بالشعبية بحري وساعة البلدية ونادي الفنانين .. وشلة صحيفة الخرطوم أيضا تحياتي وحتي العودة الميمونة بعد العيد السر قدور حضر زواج نعمة الباقر وكذلك ياسر عبدالفتاح وسلام لإيمان وعصام ومني وإنتصار
| |
|
|
|
|
|
|
Re: نادية عثمان......غربة وشجن (Re: Abulbasha)
|
صلاح ابو عمرو سلامات ومنور البوست والبوستات المجاورة يارجل
Quote: السر قدور حضر زواج نعمة الباقر وكذلك ياسر عبدالفتاح |
الف الف مبروك لنعمة الباقر الصحفية الهميمة وزوجها مارك وربنا يهنيهم يارب بالله وصل تحيتنا للدكتور الباقر احمد عبد الله والدالعروس ومدام ابتسام والدة العروس واشقائها قيلى والجميع
Quote: وسلام لإيمان وعصام ومني وإنتصار |
كلهم بالف خير وببلغوك التحايا
| |
|
|
|
|
|
|
Re: نادية عثمان......غربة وشجن (Re: Nader Abu Kadouk)
|
Quote: كيكي البوست الجميل ده امانه ماشي السودان شهر و بجيك صادي |
هلا يا ابوكدوك وانت تامر يا صديق خبر جميل كونك محلق باجنحتك الملانة من دعاش النيل صوب الوطن وبختك يا ابوكدوك وبالله سلامنا الكثيف للبلد والصحاب.. وتعود باذن الله وتلقي بوستيك عال العال .. فمع وهج شاعرة ووجدان يقول كلام زي الفوق ده بتكون السياحة وريفة وصعبة في نفس الوقت ولكن انها طلبات ابو كدوك وسطوة ضياء الزولة الرائعةالشاعرة نادية عثمان فلامفر غير الانصياع... ......... بالله شهر وبس يا ابوكدوك باقي اخوك بكان فيهو شعر وبوح زي ده في شهر ممكن تجي تلقاني بقيت (نقطة) من الروعة والدهشة,,
| |
|
|
|
|
|
|
Re: نادية عثمان......غربة وشجن (Re: عبدالكريم الامين احمد)
|
حبيبنا كيكي
غربة وشجن
شهق الرعد خايف البروق وبكى السحاب ..وكتين هطل مطرا دقاق ريحة الحراز احلف واقول انو القليب قبلك بتول.. خالى الوفاض ماضاق طعم ريحة العشق والنوم خزاز نفاج فتح جواى وكوّة نور يبق..يضوى المكان زى كهربة مدنا بيوتها من القزاز حبك بصيص خيط الامل ومعنى الهروب ..من جوّة جوف الانشطار لما النفوس تعزف نشاز خيل الامانى الطار وشال سرجو المطرز بالوعود..لعن المنافى وعاد خواتيمو الدموع مدقوقة فوق ورق الجواز عاد من مشاتى الغربة والوجع الخبيث ..لملم بواقى كرامتو من رصف الحضارات المزيفة والمعطرة زيت وجاز حط الرحال افتح شبابيك سكتك..أجهض وداع ادى القطار حق اللجؤ وأرفع شراع الانحياز هو البستحق انك تعود ..وتزهر حقول الحب عهود ..تروى الأرض صحة وسلام ..لقمة ووئام ..رفريف حمام ..نسمة خريف ورشاش رزاز وطن المساجد والخلاوى والدراويش والكنائس والمعابد ..وثبات عقائد باقية ضد الاهتزاز عشقك سما وبالروح سبح فوق للسما ..زيك محال تلد الشموس يالمشرئب عالى الرؤوس ليك الولاء تعظيم قسم ويمين غلاظ آنفة واباء عزة وشموخ والكبرياء ..حبك حقيقة زى الحياة يامحور الكون البيدور وثبات نقاط الارتكاز فوق للجبال سودانا عاش ..سلة غلال ورطب لذاذ ليهو العلا والانحناء والانحياز وطن الجدود ليهو الخلود ..حبو الحياة وموتو المجاز ليهو العلا والانحناء والانحياز حبو الحياة ..وموتو المجاز!!
| |
|
|
|
|
|
|
Re: نادية عثمان......غربة وشجن (Re: Elmosley)
|
الموصلى ود الخال الغالى
لى تلاتة يومين بفتش فى ملفاتى عشان انزل ليهم القصيدة دى بعد كسوتها لحنا جميلا من الحانك الدافئة وغنيتها بصوتك الرخيم لكن غلبنى القى الملف انت عندك نزلوا عليك الله عشان الناس تشاركنى فرحتى بتلحينك للعمل ده سمح؟
| |
|
|
|
|
|
|
Re: نادية عثمان......غربة وشجن (Re: Nader Abu Kadouk)
|
وردية الي الوريف ابوكدوك الي حين حضوره.. وكويس انو القصيدة التحفة دي اتكتبت عشان نجي في غيابه نتونس في صهيل واركلوجيا الغربة وبوحها الذي يحمل المبدعين علي جناح طائر اغرد يفرد اجنحته وعشقه هو النيل وعودا حميدا صديقي نادر
| |
|
|
|
|
|
|
Re: نادية عثمان......غربة وشجن (Re: نادية عثمان)
|
الغربة بالنسبة لي هى أكبر مقلب دولي شربتو فى حياتي !! تقولي شنو يا نادية مشيناها خطي كتبت الينا ومن كتبت اليه خطا مشاها الغربة مشوار قاسي وصعب واكثر شي بتشيلها هي نبض البلد وطعم الناس في الاسواق والميادين والفريق ووهج الاصحاب
| |
|
|
|
|
|
|
Re: نادية عثمان......غربة وشجن (Re: Nader Abu Kadouk)
|
ابكدوك كل سنه وانت بخير والعزيزه ناديه كل عام وانت بخير ونسال الله العوده لكل الطيور الهاجره حتي يسمع الناس كلهم تغريدها والدندنه معها ياسلام علي الحديث عندما يكون مباشر من القلب الي القلب ويا ناديه الغربه ما بقرب السافه وبعدها الغربه غربة قلب بحب بلدو وناس بلدو وبحب اهلو وناسو وبحب سماع صوت الكواريك والضجيج بحب يمشي بدون ما يشعر برقيب او متابع وبصراحه كثيرين ما سافرو بره البلد وبرضهم شاعرين بالغربه وما اقساها من غربه داخل بلدك الحديث حلو ولي عوده مع حبي وتقديري
ابوتسابيح
| |
|
|
|
|
|
|
Re: نادية عثمان......غربة وشجن (Re: العوض المسلمي)
|
العوض المسلمي سلامات وعيدك سعيد يارب
Quote: وبصراحه كثيرين ما سافرو بره البلد وبرضهم شاعرين بالغربه وما اقساها من غربه داخل بلدك |
صدقت والله غربتك داخل بلدك هي اسوأ واقسي انواع الغربة على الاطلاق .. ربنا ماضوقو لي حبيب ولا عدو يارب قول امين
| |
|
|
|
|
|
|
Re: نادية عثمان......غربة وشجن (Re: عبدالكريم الامين احمد)
|
Quote: الغربة احداثيات يا نادية ومهما قصرت او طالت مسافاتها الا انها تاخذ منا رحيق وتون ودهشة تشتاقها في المرة الف مرة ومرة |
عارف ياعبد الكريم يااخوي
انا مافي حاجة حارقة قلبي الا الحدود الوهمية بين الدول الختوها الناس ماربنا دي !!
ايمكن لو مافى جوازات وتأشيرات وجمارك ماكان اتعمّق الاحساس جوانا بالغربة تفتكر ؟!!
| |
|
|
|
|
|
|
Re: نادية عثمان......غربة وشجن (Re: نادية عثمان)
|
الأخت الحبيبة نادية
ذات القلب الأبيض والخصال الذهبية لها في غربتها تحايا حارة تزيل بعض من جليد الغربة ونفحة تذهب ببعض من همومها محبتي لكي يا نادية في أي مكان تأتين منه أو تذهبين
شكرا يا ود أبكدوك والعيد مبارك عليكم
غادة
| |
|
|
|
|
|
|
Re: نادية عثمان......غربة وشجن (Re: غادة عبدالعزيز خالد)
|
دودي حبيبة قلبي من جوووووة
Quote: ذات القلب الأبيض والخصال الذهبية لها في غربتها تحايا حارة تزيل بعض من جليد الغربة ونفحة تذهب ببعض من همومها محبتي لكي يا نادية في أي مكان تأتين منه أو تذهبين |
غادة بت الخال ياجميلة الشكل والمضمون ..يانقية القلب جدا
والله لو تعرفين كيف ان اطلالتك البهية وكلماتك الطيبات تزيل كل احتقانات الألم التى تعصف بدواخلى رغم الابتسامة و(الروج) لما غبتى عني ابدا ولتواصلنا دوما نخفف عن بعضنا هموم الحياة (السخيفة)!!
لك التحايا اينما كنتي ياعزيزتى ولشريك حياتك واحبابك جميعهم ودي واحترامي
وكوني فى الجوار دوما ياغادة الحنونة
| |
|
|
|
|
|
|
Re: نادية عثمان......غربة وشجن (Re: Safa Fagiri)
|
ودابكدوك وكيكى
كمان اخرتها جابت ليها شعر واحاسيس من العمارى لريحة الدعاش
لكن فى حضرة الروائع امثال الاستاذة نادية فالعذر لكم ان جاء انفعالكم شعرا ونثرا ودابكدوك يااخوى بل راسك للحلاقة فى السودان وشيل معاك نظارة اسبير كل سنة وجميعكم بخير
| |
|
|
|
|
|
|
Re: نادية عثمان......غربة وشجن (Re: Safa Fagiri)
|
Quote: حبيبتي الغالية نادية الجميلة.. |
الغالية صفاء فقيري ..كم من (المحبات) الهتون يانقية القلب
Quote: دقت يدا بيدي!! ... وعضت على العناب بالبرد |
خلّفته لو مات من ظمأ
لو قلت
قف
عن ورود
الماء لم يرد !!
| |
|
|
|
|
|
|
Re: نادية عثمان......غربة وشجن (Re: Nader Abu Kadouk)
|
الزميلة العزيزة نادية وجميع الرائعين تحياتي لكم وأمنياتي للأخت نادية بدوام الإبداع تتسلح به في مواجهة زمن الغربة.. رد الله غربة الجميع.. تحياتي للرائع دومًا الأستاذ الموصلي الذي يواصل إمتاعنا على الرغم من بعد المسافات.. كل عام وأنتم وسوداننا بألف خير.. وتستاهلين يا نادية حسين- الرياض
| |
|
|
|
|
|
|
|