|
|
|
 Re: مسادير يا أهل المسادير إلى ما شاء الله........ (Re: munswor almophtah)
|
بردت بالدواس السمحه طابقه البوخه
ميها ديار خراب البى اللبن مبخوخه
ملكه وست ديار ميها العويره تخوخه
فيها رجال أسود حاشاها مى مشروخه
ــــــــــــــــــــــــــــــــــ
التلب اللزوم ماقالوا داك فخوخة
أخو السمحة أم ضمير التضوى شلوخا
الدنيا أم قدود ماقبضنو فخوخا
يقدل بالعرض فى السدرة ولا الروحة
| |
 
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: أخو السمحه أم حفل صقر الجدى الخاوى
ما بديها لى ناس البفلقو ويداوى
كم كمين حديث سواهو فوقها الراوى
يا بنت طلحه عشقا للتراب كم شاوى
|
أخو السمحة المكملة أم حشايا طاوى
مابديها لى أب مخا عقيقة وخاوى
ياود البيوت أمات ضيوف وخلاوى
منصور أب نفل بيتك بسند التاوى
سمية الحسن طلحة
بندور الركوب فى الصى نشوف الصيد
نشوف الفى الخدور والنانتو فوقها فصيد
الشوق الحرق جوفى وسبانى الريد
وشوق للقمرى فوق طلح الفريق غريد
منصور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياسيد البكار يا المهرتك عربيد
ياسيد الخسيلة المارقة من الإيد
الشوق فى الحشا نارو فبنا تقبد
للدار المرية وسيدا باقى عقيد
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: ابوبكر يوسف إبراهيم)
|
Quote: يامنصور اخوي من كتر الحزن خلاص الخد جفتو الدمعة
يوم ضلمة الكباس يا الأجواد كان فيهو نورك شمعة
جات السمية بت طلحة زي دعاش المطر وبرقو الشلع لمعه
والماجدة بت عيال شايق زي أم در ثابتة زي شموخ القلعة
اللسان عجز تب من شكرك يا ضو الجبين البادي من الطلعة |
ياوديوسف القتديل الأخفى ضو الشمعة
الحزن للنفوسهم صافية منهج وشرعة
لغسل الهموم تلزمنا كمين دمعة
وصفة من مجرب دون قياس للجرعة
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: ابوبكر يوسف إبراهيم)
|
سلام أهل المجادعة البختّوا الطبقّه فوق الطبقّه
منظومكم درر يهرد في القليب الأذتّه الفرقّه
و يتور علينا وجع ضرسّن قديم والعقدة مي منجردّه
ودا الخلانّا نجي نتاوق ونصد في سرعة
ود المنسى مرحب وإنت ياك سيد دارك
ومرحب يا الكريم اللضعيف بتدارك
سمح الحديث الفى الجوار بشارك
ويا طيب العريكه العمرو ما بتعارك
منصور
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: munswor almophtah)
|
| Quote: ود مفتاح عـقر ناقتو وحــرم تنط الدم |
تحية:ـ
هيا المفتاح سلامى ..ليك وللقبيل سبقونى.
أسباب الزيارة:ـ
هم النضم جابنى للدار الهيجت علي شجونى.
سؤال:ـ
حالك كيفنهو.. وعن حالى مشغول ردوم لعيونى.
فى اللوم:ـ
مجتمعين بى هنا ..ولحوم الناقة ماتعزمونى.
إعتذار مقدم:ـ
كان طفرت جيتكم علا بالمطر الصناعى* حمونى.
............................................................................
تشهد مدينة الخبر حتى اللحظة مساء( الخميس 12 ابريل 2007 )أمطار* ربما كانت لها علاقة بما اشار له الأخ معاذ حسن إنها أمطار صناعية.
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Eng. Mohammed al sayed)
|
هيا المفتاح سلامى ..ليك وللقبيل سبقونى.
أسباب الزيارة:ـ
هم النضم جابنى للدار الهيجت علي شجونى.
سؤال:ـ
حالك كيفنهو.. وعن حالى مشغول ردوم لعيونى.
فى اللوم:ـ
مجتمعين بى هنا ..ولحوم الناقة ماتعزمونى.
إعتذار مقدم:ـ
كان طفرت جيتكم علا بالمطر الصناعى* حمونى.
مرحبتين سلام نسل الكرام الجونى
بى سمح الحديث طربونى مره شجونى
الحال ياهو داك حال البلاد الفونى
لو بى بت لبون أفدوها ما تشورونى
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: خالد علي محجوب المنسي)
|
Quote: ود المنسي جات سـمية فيك تجـر الـنم
ود مفتاح عـقر ناقتو وحــرم تنط الدم
وأنا المسكين ما عندي غير مراحب اتقدم
يا رعد الصعيد اللي دويه الأضنان تنصم
والله نظم المسادير أخير من نموت بالهم |
النم فالك يا أبوبكر ود اب شرا المعلوم
وكرم ودمفتاح مبيّن قسم مابعرف اللوم
تراحبك يسر ياود الرجال في الحارة مابتنوم
يا السيل الدلق في الوديان وغلّب البتعوم
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
ود مفتاح طريت لـ" يحى نشأت ـ ونادية"
والنم القبيل أشجارو يوت متاكية
وينهم يالأصم اليوت حروفهم ضاوية
يلعنها "العبوس" ساقتنا سوق الساقية
---------
منصور أبقى عافية ولي حلف بي نذرو
في كل جمعة أزوركم وأوفي نذري وأجرو
الأيام صروف والزول ما بيغلبو عذرو
وليكم ياالهميم حب ما بينضب بحرو
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: shazaly gafar)
|
Quote: اللهج المطعم وروحو من أنناس
وسيدو على المكارم ضم صاحب باس
كاب اللبوس اللدروع لباس
ويا المنسى المخاوى مع الشماليل راس |
اللهج المسكّر أنتَ عقدو وراسّو
وفي نضم الكلام ليكَ باع غارب ساسو
ياود مفتاح اللزوم أنتو الكرم ناسّو
تَدْخل الجُلّه ماكا الليّن سهِل ميراسّو
خالد محجوب
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: سمية الحسن طلحة)
|
في الطلة القبيل أعصابي شهقو ودابو
وفرع الحنة مال نهدو المفرهد دابو
سماحة أخلاق وخلقة ، قلمي فاقدو صوابو
وقف محتار عديل في جمالو وين أبدابو ؟
///////////////////////
وقت قسمو الجمال أدوهو لامن دفق
ممشوق القوام عراقو مو مطقق
فمو عسل نجوع منو الخلوق تتعشرق
ومن عينو السهام في جوفي ضربها حقق
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
Quote: في الطلة القبيل أعصابي شهقو ودابو
وفرع الحنة مال نهدو المفرهد دابو
سماحة أخلاق وخلقة ، قلمي فاقدو صوابو
وقف محتار عديل في جمالو وين أبدابو ؟ |
يا بخاري أبدأ بي الرقيبة الزي زجاجة روم
محزوزة ومِباعة القرط من الكتيف بعيد محروم
وراقد فوقْها العيد مرتاح يلصّف جمال منضوم
وأتحدّر لوضف الجسم المقسّم والعويد مبروم
خالد محجوب
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Eng. Mohammed al sayed)
|
مالك علي يادمعة طارية السيل
سببك غبار ..ولا الذكرنا قبيل
جانا عصير وحلفنالو الا مقيل
الرويان في خدارو مالقيتلو متيل
...................................................................
ابو السيد
متل الطيلسان برقتنا داك بالحيل
ودا أبخدا منور وفوقو صبو عسيل
بريب دار صباح الليهو مافى مثيل
وفى شانو القنيص بتقدمنو الخيل
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Eng. Mohammed al sayed)
|
مابعرف أفوت وقلبي شايل همّو
بس بعرف أعيش وهواكا سابق دمّو
ناديت للصلاة..الصف وراكا بتمّو
أذِّن بالحنين.. واسيت أخوهو وعمو
بعد كبّر هواك..وبالسكينة إنجمّو
ركع الشوق معاك ..ودّع سؤالو وغمّو
سجدت فيني روح..وكل الملايكة إتلمّوا
في ساعة التشهّد ..دوبيت بصادف نمّو
وإن جيت للسلام يمين حنينك ضَمّو
في الآخر ختام..شمال ..بسالم..نضمو
بعد أدّى الفروض ..كيفن وصالك تحمو ؟؟
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
| Quote: مابعرف أفوت وقلبي شايل همّو |
ماكى الخزينة تعتلى المستف غمو
ياكى الدانة ساعة الرجال اتلمو
جوهر عقد المجالس يالمسك للشمو
يااجمل معنى وحسن اختيار السمو
تماضر الخنساء حمزه(ما أجمله من اسم)(وما اسماها وانبلها روح)
..........................................................................
محمد السيد
| |
|
|
|
|
|
|
| |
munswor almophtah
خالد علي محجوب المنسي
Mahmoud Mustafa Mahmoud
بخاري بشير
shazaly gafar
Mohamed Abdelgaleel
فيس بوك
تويتر
انستقرام
يوتيوب
بنتيريست