|
Re: مسادير يا أهل المسادير إلى ما شاء الله........ (Re: Ibrahim Adlan)
|
Quote: يا بهنس تعال الماركة سودانيه |
ان درت القوام في كلمة استوائية وان درت الكلام لا شك تكون شمالية الوجه خلقة مدور وبشرة عن غربية وحلوة الصورة عندالسكنت الشرقية
حليل قلبا غرق في بحيرة سودانية ......................................................................................... محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
تحياتي
من قام صغير ما جاب كلمة ضالعة
ضحك اتبرسم وكت الحبش جات طالعة
وكت الشوف بشوف والقلوب متخالعة
صدرك زحمة النار أم هبوباً قالعة
....
سلاماتي
يا حليل زمان وقتا البناقير عندي
جمالي مشنتتات يخدمن الفي شندي
بعد اصبح مفلس وعاد الجرقندي
يا معشوق متين نتقلد في الهندي
...
الف شكر
ليل الغمة هود والبروق اتلالن
دموع الوجعة جن زي السحابات شالن
ملن قرب العيون لكنهم ما سالن
مو من قلهن بس في الوجوه ما خالن
| |
|
|
|
|
|
|
Re: مسادير يا أهل المسادير إلى ما شاء الله........ (Re: محمد بهنس)
|
كتب فيصل المفتاح عندما تنادى أفراد الإقليم الغربى لتناول الفطور دون جيرانهم من الأوسط ودون إعتبار لحديث الرسول (ص) ليس منا من أمسى شبعان وجاره جائع) فجادت قريحة شبل من ضرغام فكانت سجيل فيصل المفتاح خمسه مربعات خارقة حارقه.....
يوم جابو الفطور جات الخلوق متلمه وأتحوشوا الجميع ناس جوع قلال الهمه جنيات الغروب نكرو الجوار والزمه ورجال الوسط أسدا بعاف الرمه
فيصل المفتاح
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
هــذه بالإيميل
من أخوكم ألقارئ المحب لكم
مدثر سعيد,
Quote: الاخوة الكرام
بعرفكم ياكم اولاد البلد وبس
ما اكتر من كدي
مبسوط بسط شديد بيكم
ولقيت لي شئ جميل في المنبر
وربنا يمد فيهو
|
يازول ما حرام الحول يحول بي حولو
لانسمع سلام لا قول عتاب بتقولو
مالك شن حصل دا الباب قفلتا طبولو
الدنيا ام قدود اشغالها ما بيزولو
ان كتر الرصيد الزول يخابر زولو
وان قل الرصيد يكفيك بس مسكولو
وبيناتهن وسط خط الجواب بي طولو
وظرفو في الرسالة في لحظة يبقى وصولو
والسلام
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
Quote: انا من ما زرتهم زمان عندي فيهم راي بس كنت فاكر الموضوع سوهو معاي براي ناس في الجود و الكرم و الله لا فهم لا راي كيف يافيصل تلوم زولا بس في الكلام براي |
انسي النساك وزيد في ناحيةالغربيه ويالناظر حبابك تشرفنا في الشرقيه من المطار نلقاك فرشناالورد أرضيه وجاهزين بالطعام من ضلعه لي طعميه
كتبت بالامس ولكن لضيق الوقت ,وعلة اصابت الإرسال,لم ترسل الا اليوم ................................................................ محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
يستأذنكم أخوكم
الاستاذ مدثر سعيد في الغياب إجازة
يعود بعدها إن شاء الله للمسادير,
----------------------------------------------------- ----------------------------------------------------
يا الشايقي السلام من نيلنا ليك نِسيْمَة وود السيد ابشر ياني المصنقر ديمة منصور اصلو نضمك العجوة حاااالي طِعيمَة وانا شايفو الكرم الفي طبعكم شيمة خيمتكم براح الصحرا ضلها غيمة ساغيب عنكم لزيارة الوالدة قليلاً في وداعة الله خليتكم بشدو رحالي مستأذن بروح للبيها مشغول بالي لي بت الحسن كان ربي يستر حالي اصلو عفوها مطلووووب شان تتم آمالي وكان جيت بي سلام بسمع نضمكو الحالي ونتلاقا في ساعة خير
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: يا الباشمهندس سلام ان خلاص نسيت السالفه والكلام الذكرتو و قلتو لي خلاني مسحت الذاكره المتلك فوق حيا او فوق محل امورو متواسيه دعوتك لي حبابا و بجيك ولو بى كراعا حافيه |
الليله البروق يتاهتفن بي سيرتك والفرح الاكيد عمانا جد يوم جيتك شتلات نم بينا وشجر المحنة سعيتك الكع تعال ومفتاح يكون في معيتك
..................................................................................... محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
يانشأت يمين تبقولي انتو زهور فائح طيب شذاكم فاق شذى الريفدور بـ "حلو" الشمايل انتو باقين نور وفي نظم القصيد حالي النميم منثور
///////////////////////
ود منصور سلام ات في النميم مزمارو ما بنجاري وصفك وما بنطول أسوارو المسدار انشرح واتبهرجت أنوارو زيد النمة ولع لـ "لهالب" نارو
/////////////////////////
يا المنصور يمين أصبحت يوت مبهورك من حلل القوافي الفيها غايرة بحورك "زلقيبك" بعيد بنهابا طلعة سورك وإت شيال تقيل مسدارنا قال "منصورك"
| |
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
ود منصور سلام ات في النميم مزمارو ما بنجاري وصفك وما بنطول أسوارو المسدار انشرح واتبهرجت أنوارو زيد النمة ولع لـ "لهالب" نارو
المتلك قلال خبرو الصقع ما بدارو خبرو جرى الكلام ديدابو يوم حارو راوى الحديث ساقينا طايبا أشعارو وإن غاب فد سبوع نشاباليها أنوارو
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
منصور اخوي فى الصورة انت تلالي من زمن طويل راسم الشكل في بالي و متمني شوفتك عشان تشوف افكاري ود السيد دعانا انا رحبت بيهو طوالي
متل بندقكم إن شاء الله طايشه النيشه وقول يا لطيف ما تحرمنى من العيشه يا ناظر الهنود ما تبقى زى الريشه حالف كان نجيت بدفع لى كم باكشيشه
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: وارثين للثبات من دقنه معروفين ومن أبوعنجه قلاب الخيول ماخدين ناس ودالنجومى اللشمال زاحفين وناس أبوقرجه زى موج البحر دافرين |
وارثين السعي وفي الحارة متكاتفين ممالكناومحاسناوعمومابيها معروفين وليداتنا عزيزين شان وفي سلوكم دين وسماحة وطيبة وفي بيناتنا محترمين .......................................................................................... محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
Quote: وارثين الشداعة من اولاد على الكرار اسودا في الحروب فيها بنخوض النار شـيالين لتقلية وكمان نساعـد الجار بنساند الضعيف و الله نبقى ليه ستار |
وارثين الفضل مأرخ عن صدق أخبار جدودنا ملوك عبدلاب بكاتلو النار وخصائلنا عامير نفس وعلا المقدار ومنوالبنكر شموس وآثارا يالكفار*
يعلو طريقة متنها متواتر في ليلة كفر* النجوم غمامها(عن معلقة لبيد بن ربيعة) ........................................................................................ محمد السيد/حلفاية الملوك
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
Quote: من ما قمنا فوق ديداب جدونا و اهلنا ماشين حافطين للعهود ما ملينا و فضلنا متماسكين فى التاريخ القديم واصلنا و ما ذلنا متواصلين كانو رجلا اصاحب علم, للدين كمان حافظين |
ناظرين نظمك والصبر شبرين ضافي كلامك ومابتخبر الشين وصال رحم وكان دعوك بتبين قول يالله نتلاقي في الحرمين
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
رجـع أخوكم مدثر سعيد بالسلامـة
من رمال تنقاسـي وأرسـل لكم المسدار محفوفاً بعبق الجروف ونسائـم تعانق النخيل,
Quote:
دولاب الزمن دايما بعيد تاريخو بعزل من كرام ألبل تويسو بنيخو البلد العظيم هاويهوى داك بتيخو هاوى شديد هلالو وهاوى داك مريخو
منصور
|
لما النسمة جات من نيلنا شايلة دوايا
من شوقي الشديد للنارو حارقة حشايا
كيف يبرد حشاي وقليبي صاح جوايا
حت موية البرود إن مِتا ماها كفاية
ما بيبرد حشاي الا اللشوفو حدايا
شوف عيناً عديل لا حلم لاهو رؤايا
و عوافي للجميع دون فرز
مـدثـر سـعيـد,
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: جنيات البلد أوعولنا وأختو اللف ونضفوا للقلوب واختوه داك السف شبال الطنابره المن وجيهن كف والقلب إن ظلم من المودات جف |
بعجبناالكلس في خصالو الكرم والعفه مابتعجبنا البقت شبه الوليد اب تفه والبقي زي بنية غيبنا فوقوا العرفه وكعب الظلم نفسو وبدي السفه بالسفه ..................................................................................... محمد السيد
| |
|
|
|
|
|
|
|