|
|
|
 Re: درر ودرّاب... مقتطفــات فضــائية.. فاضية... (Re: نجوان)
|
| Quote: الشف البربري حيعمل ليك احسن قهوة في الدنيا بس فنيشهم اول .. انا خلاااااص ...اها حزنان علي فاروق كدودة ويجي يكتلو بنازير والجماعة قالو برنامج اسبوعي "افراح وافراح " اها العريس يقول كلام وكلام وكلام عن "الحياة " الزوجية من وجه نظر السيد الراجل ومذيعنا المغوار يلتفت الي العروس " اها و"حياة " المطبخ كيف ؟ "....اختصر كل دورها الي حياة المطبخ |
تسلم يا باش..
"أتراح أتراح" جاء في امسية حزينة .. تماما كما ذكرت..
لم نكن ناقصين غم..
دراب.. دراب.. دراب.
| |
 
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يأتي الينا الآن عبر الشروق.. المخرج الشاب .. أمجد ابو العلا..
يتحدث عن فيلمه "ريش الطيور"..
تجربة جميلة ومتميزة لمخرج في سنه..
لكنه..
يتحدّث (قبيل نهاية اللقاء)عن دور الفيلم في تجسيد الهوية السودانية..
ويتحدّث طيلة اللقاء بلهجة شامية ثقيلة.. مخلوطة بخليجية..
أهناك خلل في هذه الصورة.. ولا أنا براي
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: Hussein Mallasi)
|
| Quote: العريس يقول كلام وكلام وكلام عن "الحياة " الزوجية من وجه نظر السيد الراجل ومذيعنا المغوار يلتفت الي العروس " اها و"حياة " المطبخ كيف ؟ "....اختصر كل دورها الي حياة المطبخ |
لاكين انتو ما تبالغوا مذيع لا يقرا ولا يثقف واخر كتاب قراه كان قبل15 سنة عندما كان مراهقا والكتاب هو دمى ودمموعى وابتسامتى لاحسان عبد القدوس!
ما تبالغوا كمان!
باقى اليوم يعديهو اجتماعيات حضرة المذيع جا والمذيع فات وهلمجرا!
والله صدقونى انا عاذرهم من باب لا كلف الله نفسا الا وسعها!
جنى
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: قالت تسابيح.. ان الغناء يتطلب تعايش مع الكلمة..
كيف يحدث ذلك وهو فهمه "محدود" للغة العربية.. |
المسكين كان عايز يغني وبس ؟ لكن "تسابيح " الله يجازيها ؟؟ يعني لازم اي برنامج يجي واحد يغني وكان يجي واحد يغني في اي برنامج لازم امتحان معادلة ؟؟ اها لا حاغني ولا حاكون ضيف في اي برنامج خلو ممكونة وجني يحضرو البرامج دي ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
وللمخضرمين أيضا اسهامات  ..
في الإعداد الهزيل..
والدراب في التقديم..
عمر الجزلي قبل يومين مستضيف د. كامل ادريس ..(منظمة الملكية الفكرية)..
أعتقد انه لقاء بتلفزيون السودان (وليس جنيف)..
نصف ساعة كاملة لم يسال الجزلي خلالها اي سؤال مفهوم.. لضيفه..
على الطاولة الصغيرة المستديرة امامهم (دون أي مبالغة)
صحن كبير..به حوالى 2 كيلو موز.. 1 كيلو برتقال ابوصرّة.. و1 كيلو عنب أحمر..
كبايتين موية.. وكبايتين حاجة سودا (اعتقد انها كولا).. وكوبين قهوة (او شاي)..
وسيرموس أبيض..
يبدأ عمر الجزلي الحديث بعبارة.. لا يكملها فتتحوّل الى "آ..آ.."
ثم يبدأ جملة جديدة.. ويرشف رشفة من الحاجة السودا..
ثم يرفع كتاب من كتب الدكتور ويسأل.. "الى كم لغة تمت ترجمة هذا الكتاب؟.."
ويسال سؤال الترجمة هذا عن كل كتب الدكتور تقريبا..
ثم فاصل سريع..
وعمر الجزلي يجلس بمكتب نائب رئيس الجمهورية على عثمان..
وكسّير تلج (على قولهم) شديد..
وشكر لنائب رئيس الجمهورية على ما "معروف عنه"
من اهتمام وتكريم للعلماء والمفكرين..
(كبكبة خام.. لم أر مثيلها الا في المسلسلات المصرية)..
ثم يوجّه الجزلي الدعوة لنائب رئيس الجمهورية
لإستضافته ببرنامج اسماء في حياتنا..
لا يقول علي عثمان شيئا يفيد بقبوله الدعوة..
فيلجأ الجزلي لمزيد من التحنيس.. الخام أيضا..
فيقول علي عثمان "دعوتك قيد النظر"..
____
ناس سعدالدين ليهم حق يخمجوا ويتعولقوا قدر ده..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: ناس سعدالدين ليهم حق يخمجوا ويتعولقوا قدر ده.. |
ونحن ذنبنا شنو .. ؟؟؟
امبارح سعد الدين في برنامج اغاني من البرامج او اسم من هذا القبيل استعمل كل ما درسه له الجزلي .. حرق روحي عدييييل ؟؟؟ الموضوع غنا وهو مصر انو لازم يشرح الاغنية ووووووو...
وامجد اليوم وضيفه فنان من اسرة كلها فنانيين ومتخصص في العزف علي العود و سيفتح بيت العود في الخرطوم .. يعني امجد ما بيعرف عن السلم الخماسي احسن منو ولكن اها لازم يقول " عشان الناس تعرف انو السلم الخماسي بتاعنا ...الخ " وبعدين هو السلم دة ما بتاعنا بتاع مليار هندي ومليار وشوية صيني ومية مليون اثيوبي واريتري ونحن يادوبك تلاتين مليون ....
هسع الواحد يسوي شنو يا نجوان يا صاحبة البوست دة ؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
أقوليك يا باش
عادة استخدم زر الميوووت للوقاية من النضم البغيظ
وأرجّع الصوت للأغاني (ومش أي أغاني )..
لكن سعدالدين ده حالة خاصة
وتحتاج لأكثر من زر الميووووت!
الإبتسامة المصطنعة.. رفع الحواجب..
وتعابير يصعب وصفها..
تجعلك تشاهد فاصل بانتومايم غصبا عنك..
الحل الوحيد تغيير القناة..
ثم العودة بعد مسرحية الرجل الواحد دي..
_____
Quote: يعني امجد ما بيعرف عن السلم الخماسي احسن منو
ولكن اها لازم يقول " عشان الناس تعرف انو السلم الخماسي بتاعنا ...الخ " |
ناس أمجد ديل يا باش
فهمهم لوظائفهم الإعلامية.. ان يتكلموا والناس تسمع .. بما فيه ضيوفهم..
مهارة الإنصات.. ناهيك عن الإنصات الجّيد.. تكاد تكون منعدمة..
عندما يتحدّث الضيف..
مذيعنا ومذيعتنا .. بيكونوا سرحانين.. غالبا فيما سيقولونه بعد الضيف..
لذلك تجد الحوار عادة مونولوغ وليس دايالوغ..
لانه المذيع بسمع نفسه فقط..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: ويتحدّث طيلة اللقاء بلهجة شامية ثقيلة.. مخلوطة بخليجية |
والشيء بالشيء يُذكر:
لماذا لا يصوّبون نطق مذيعة أخبار الشروق لكلمة "دارفور" التي تنطقها ككلمة أعجمية، بالنبر على المقطع الأول، مثلما هو في Dalton على سبيل المثال؟
دارفور لم تعد مفردة جديدة في الإعلام العالمي، وإذا لم يكن وارداً أن يتخلص الإعلاميون الأشقاء من بصمات لهجاتهم، فلا أقل من ترك أسمائنا على حالها.
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: محجوب البيلي)
|
Quote: لماذا لا يصوّبون نطق مذيعة أخبار الشروق لكلمة "دارفور"
التي تنطقها ككلمة أعجمية، بالنبر على المقطع الأول،
مثلما هو في Dalton على سبيل المثال؟ |
المحجوب..
بعد حصة اللغويات مع أمجد امبارح
أيقنت اننا مولعون باللكنات العربية..
والعرب مولعون باللكنات الأجنبية...
والأمر .. قد لا يكون خطا لغوي يحتاج تصويب
بقدر ما هو مزااج أو سد فراغ نفسي ووجداني...
_____
والله أعلم
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
نجوان إزيك تاني وكل سنة وانتي طيبة ...
تابعي الشروق وهارموني يا نجوان كمية من وجع البطن
أنا طوالي بصادف البرنامج الاسمو(الشروق مرت من هنا) 
ما عارف ما عندهم غير البرنامج ده ولا شنو كل ما أحول الريموت على الشروق في أي وكت أصادف محمد موسى بحافلتو الهايس ...
أول حلقة حضرتها كانت لذيذة كان فيها كمية كده من عرب الجزيرة بعد داك أي حلقة حضرتها في البرنامج ده كانت مملة وبايخة وكلها عوارات
ومحمد موسى ده ينفع يحكي نكت على الماشي لكن ما توصل لدرجة يقدم برنامج بطولو وعرضو كمان
لأنو بتعاور وبتعابط كتير ... والبرنامج كلو عبارة عن ارتجال وهرجلة ومحاولة تخفيف الدم بأي طريقة
بعدين الحاجة الغريبة قصة البلاي ستيشن دي شنو ؟؟؟
الله خلقكم زول عمرو 60 ـ 70 يدوهو جائزة بلاي ستيشن كيف يعنى ؟؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: Elhadi)
|
ازيك يا الهادي..
وكل سنة وانت بخير..
| Quote: الله خلقكم زول عمرو 60 ـ 70 يدوهو جائزة بلاي ستيشن كيف يعنى ؟؟ |
تعجّبت مثلك تماما والله..
_____
بس من اللقطات الحلوة (في البرنامج الغريب ده)..
أحد الأعمام سألوه في العيد عن مكوّنات المرارة
فقال "الكبدة.. الكرشة.. والحاجة ديك.. (أبدا لم يستطع تذكر الفشفاش)..
الحاجة ديك يآخ.. يآخ ديييك! .....الفشة!!"..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: لكن سعدالدين ده حالة خاصة |
امبارح مقلبني ...كنت موصل الكمبيوتر بالريسفر وبستقبل ممن التلفزيون والكمبيوتر فقلت لما لقيتو بيتكلم كتير اني اقفل التلفزيون واسجل بالكمبيوتر واعمل مييوت وبعدين اشوف واقطع الكلام .. اها عملت كدة , Minimized the window وبعد فترة طويلة رجعت اشوف ولقيت انوالفترة كلها كانت كلام سعد الدين .. اتخيلي عندي ثلاث ملفات حوالي 2 قيقا وفيها اغنية لاسرار وواحدة لمحمد عبدالعزيز والباقي كلو كلام سعدالدين اب قميص اصفر دة؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: بعد حصة اللغويات مع أمجد امبارح
أيقنت اننا مولعون باللكنات العربية.. |
انخيلي لو خلو النضم كلو في التلفزيونات السودانية برطانات الشمال والجنوب والشرق والغرب وعملو ترجمة كتابة بالعربي والانجليزي ...المشكلو الوحيدة انو الترجمة العربية حتعمل مشكة لو من غير تشكييل ...
الحقي "الكلام الزين " ابتدا ....وين ناس تسابيح وامجد وسعدالدين يتعلمو بس شوية بودي لانغوج بس ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: Elhadi)
|
هههههههه بعدين ده شنو قصة التلفون الما بجمع مع ناس الشروق ديل في نشرة الأخبار ؟؟؟
طوالي كده تلفونهم ما بجمع ؟؟؟
أكتر من كم مرة أصادف في نشراتهم العلى الهواء دي التلفون ما يجمع معاهم
شغالين بكرت أريبا ولا شنو ؟؟؟
مفروض يكونوا مستعدين ومشيكين على الشغلانة قبلي ما يطلعوا على الهواء ولا شنو ؟؟؟
ولا انحنا شيتنا أصلو كلو كده مشاتر ومجوبق ؟؟؟
أغرب حاجة في هارموني ... في مدحة كده شفتها أمس لمعتز صباحي ...
مقعدين جمبو جكسوية قاشرة وهو برضو على سنقة 10 ...
زي قصة الفيديو كليب بتاع وليد زاكي الدين ( واصلني نورك )
عليت الصوت عشان أتأكد الشيء ده مديح ولا فيديو كليب غنا وجكيس
لقيتا مدحة تخيلوا
طيب لازمة الجكسوية والخلط في المديح شنو ؟؟؟
اللللله أعللللللم
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: انجع السبل للاستماع بالهدؤء والخصوصية ان تقوم بتشتيت اطفالك بتشغيل الفضائية السودانية فهى كالبمبان وبعد تطفيشهم تعود لقنواتك المفضلة للاستمتاع بها! |
المشكلة يا جني انو الواحد اها مصافر الكمبيوتر والتلفزيون والعيال كبرت ويا كومبيوتر ويا تلفزيون وسعدالدين وتسابيح وامجد يجو ناطيين مع كلو تغيير لمحطة.. ناس هارموني غلبتم الحيلة .. قلة المواد بقت تخليهم يكررو العندهم كل ساعة او ساعتيين اما الشروق فالشيزوفرينا الاربو سودانية عاملة لخبطة شديدة وتلفوناتم ما شغالة وبيت الهنا لخبطة شديدة اها قامو يجيبو ضيوف سودانيين ولكن المواضيع والصور الخارجية كلها في الشام والغين والقاف مشكلتم ما اتحلت وكمان افراح وافراح بقت قصة والديكور في الفضائية السودانية متنيل بستين نيلة وبرنامج شوارد عايز مذيعة او مذيع وساهور احسن يوقفو الفوضي العملوها في المدائح.. القصة جايطة وعايزة الفة ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: hassan bashir)
|
أصحاب البوست ... والزوار ...عيدكم مبارك
أمس في الشروق ... برنامج (فن وسياسة )... ماعارفه مباشر .. ولا دي إعادة ...
تحفزت جداً عشان أستمتع بكلام الفنان / راشد دياب ...
ولكن كالمعتاد الإحباط من المذيعة - سوركتي - ؟؟؟؟؟
ياخي كمية بتاعت أسئلة غريبة جداً .... والله يديهو العافية راشد دياب ..
يجتهد جداً ... ويحول الأسئلة ... لحاجة مفيدة ....
الحاجة التانية ... البنية - سوركتي- نص كلامها كتيل عوينات .. وإبتسامات ...
وأهم حاجة إظهار الحاجات المعلقة (أظنه عقد موضه جديدة .. ولا شنو ماعارف ) في الرقبة ..
_____
راشد دياب كان بيقول في كلام جميل جداً ... وقدر ما الموضوع يكون ماشى سلس .. ومتابعين ...تجي ناطها بكلام يغير مجرى الحديث كله ...
....
....
غايتو كده ... سوركتي تاني ما ح أحضر ليها أي حاجة فيها نقاش مفيد ....
حدي معاها بيوت الأعراس وبس (برامج الغنا .. والهيصة ..عشان مافيها كلام كتير ) ....
-
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: تحفزت جداً عشان أستمتع بكلام الفنان / راشد دياب ...
ولكن كالمعتاد الإحباط من المذيعة - سوركتي - ؟؟؟؟؟
ياخي كمية بتاعت أسئلة غريبة جداً .... والله يديهو العافية راشد دياب ..
يجتهد جداً ... ويحول الأسئلة ... لحاجة مفيدة .... |
كيفك يا حاتم وكل سنة وانت طيب..
لا يوجد فرق كبير بين سوركتي وتسابيح.. نسرين النمر..
أمجد.. محمد الطيب.. سعدالدين
وغيرهم.. كلهم يسبحون في فلك عدم الكفاءة والتخبط..
كبعض الأفلام الوثائقية التي لا يوجد بها محاور
أعتقد يمكن أن يقدم كل ضيف برنامجه براااهو..
كده يمكن نطلع بشئ.. حتى ولو كان one sided story
______
Quote: الحاجة التانية ... البنية - سوركتي-
نص كلامها كتيل عوينات .. وإبتسامات ... |
لا.. الأيام دي قاشرة ليها بضحكة جديدة..
______
برامج تقتل خلايا أمخاخنا!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: والمثل بيقول: "ليس من رأى كمن سمع". |
يا ابوعلي القصة بايظة خالص .. انا خائف احول اذاعة وااسوي سواية المذيع المعروف زماانك بانضباطه ومقدرته اللغوية الكبيرة واها نزل المعاش وقاعد زي حالاتنا( انا عموما ما عندي معاش) يسمع وانشاء الله يجي صاحبك بتاع اسماء في البتاع وينطق اسمو ذاتووو غلط ويقوم المذيع المعاشاتي يكسر الراديو ويحلف تاني ما يسمع الاذاعة ...!!! انا خاعمل اذاعة بتاعتي بال IPOD اصلها ساهلة ومتوفرة وما في لزوم لناس ع ابراهيم ع والشلة كلها ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
سلامات يا نجوان
| Quote: كتّر خيرك يا حسن كده عملتنا كلنا .... |
حاشاكم يا نجوان.
سوف أقضي ليلة رأس السنة بالمنزل مع الشروق .. نحاول نشوف عوض الراقص .. على أمل أن يكون أفضل من عوض الضاحك.
الباشمهندس أبوبكر: صدقني الإذاعة أرحم بكل المقاييس، ودرابهايؤذي الأذن، على الأقل أفضل من أذى الأذن والعين والقلب في آن واحد
جعله الله عاماً سعيداً علينا وعلى بلادنا
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: الباشمهندس أبوبكر: صدقني الإذاعة أرحم بكل المقاييس، ودرابهايؤذي الأذن، على الأقل أفضل من أذى الأذن والعين والقلب في آن واحد
جعله الله عاماً سعيداً علينا وعلى بلادنا |
عامك سعيد يا ابوعلي .. اها انا بفكر جديا في ipodcasting واعمل اذاعة بتاعتي اصلو الحكاية بقت ساهلة واها نريح نفسنا من سعدالدين وعفاف الهسع بينضمو خارم بارم في برنامج سمو بدايات ونهايات ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: اها انا بفكر جديا في ipodcasting واعمل اذاعة بتاعتي اصلو الحكاية بقت ساهلة |
والله فكرة جميلة. أنا شخصياً منحاز بطبعي للإذاعة على التلفزيون وخاصة في الجانب الدرامي، يمكن لإن الإذاعة أكثر رومانسية أو يمكن لأننا معفيين من مشاهدة أطنان البودرة والمكياج والأزياء المتناقضة والإبتسامات المصطنعة.
Go ahead يا باشمهندس، وأنا واثق أن رواد هذا البوست سوف يصنفون إذاعتك من الدرر.
| Quote: والإذاعة عندنا دوما تفوّقت على التلفزيون.. |
هذه حقيقة لا جدال فيها يا نجوان. والدليل على ذلك أن التلفزيون برغم الإمكانيات المسخرة له فشل حتى الآن في إنتاج مسلسل واحد يفوق "الدهباية" أو "النعمة بت وراق" أو "قطار الهم" أو "خطوبة سهير" شهرة
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: لكن شوفتو الديكورات في السودانية ؟؟؟ |
والله يا أبوبكر فرغت لتوي من مشاهدة التلفزيون السوداني الذي كان يبث أغاني "وطنية" بمناسبة عيد الاستقلال. في واحدة من الأغاني موضوع في الخلفية علم الدولة المصنوع من قماش لامع وبراق. لحدي هنا كويس. لكن مخرج الأغنية دي ما فكر في لحظة أن العلم كان يمكن أن يكون أجمل بكثير لو أدوه لمدة دقيقة واحدة لـ"مكوجي". العلم مكرفس تقول مطلعينه من خشم بقرة.
أما عن الأغنية نفسها .. والله ما عرفت البيغني مني والبيشيل منو واللا الأغنية نفسها بتقول شنو.
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: hassan bashir)
|
ومساء جديد بالنيل الأزرق..
تسابيح.. ود. عبدالله سعيد.. مختص في تأهيل ذوي الإحتياجات الخاصة..
وحصة تأريخ ترجع لأولى إبتدائي.. وهذه ليست مشكلة
لكن مكانها برنامج الأطفال.. أو برنامج خطوة خطوة داك..
تكلمنا تسابيح -بطريقة كلام المرأة الآلية- ان الإستقلال كان في يوم 1\1 ..
ودور المستعمر.. وحصة على جنب محورها نظرية المؤامرة..
في تشتيت البلد.. وسياسة فرّق تسد (بالحرف)..
ويستمر مسلسل الdenial
وعلى العلينا
جابوا عقد الجلاد
وبعدهم البنية مي..
وخلّيك سوداني!
____
الغريبة لي يومين تلاتة ما شايفة د. عمر خالد
لكن د. راشد دياب ماسك بالإنابة عنه..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: منذ فترة التقيت بعض القائمين على قناة "زوول" بالفجيرة، وقلت حينها ربنا يستر، دكان جديد يضاف لسوق الزلعة الإعلامي |
ياا ابوعلي.. ما عندنا اعتراض العايز يفتح دكان يفتحو بس مش باسم السودان و"زوول" وسعتها كتير وقالت " سودانية الرؤي وافريقية الهوي " والبارحة انتظرت ساعات اشم بس ريحة الافريقية ما لقيتها بس مرة جابو لقاء نع فنان اثيوبي والكلام اثيوبي وبعدها علي طول نوال الزغبي ثم مسلسل شامي ولكن اخر الليل جابو ندي القلعة ودكتور الكوباني ولكني لم اتابع ...
_________
نجوان انتي بخير ؟؟؟؟ اوع تكون ضربتك الانفلونزا الخايمة هنا اليوميين دييل
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: ما لمّيت في زووول دي لسه.. عشان نشوف حاصل شنو.. |
نصيحة يا نجوان
Think twice
قبل ما تلمي فيها
أنا لم أشاهدها حتى الآن .. ولكنني وقفت على أفكار المسئولين فيها و"خططهم" للقناة، وخرجت بحقيقة مفادها:
ليست هناك خطة. صور كل ما تقع عليه عينيك ثم أقذف به على الشاشة البلورية
القناة، وكما قال الباشمهندس، لا علاقة لها بالسودان أو أفريقيا، إنما هي pure business يعتمد على الـ appeal الرنان لكلمة "زوول" لدى أهل الخليج من ذوي الجيوب المنتفخة والمنتجات التي تحتاج لإعلانات
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
نجوان .. الحمدلله انك بخير وصاغ سليم
Quote: ما لمّيت في زووول دي لسه.. عشان نشوف حاصل شنو..
عندي إحساس لكن انها ح تكون زي هارموني.. (ما عارفة ليه).. |
دروري تشوفي الزوول لانو فيها حاجات عجيبة سمك لبن تمر هندي ... مذيعات عينة ..
اعملي مانيول سيرش بالترددات ادناه :
Quote: التردد على نايل سات:
11555
V
27500 |
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: ليست هناك خطة. صور كل ما تقع عليه عينيك ثم أقذف به على الشاشة البلورية |
اها زي ما قال ابوعلي يا نجوان ...زي سوق "اليلام" زمانك في دبي .. اها سوق بتاع street vendors يمتد من بر دبي الي ديرة عبر العبرات "المراكب" واحيانا يصل الي داخل البنايات ..فيهو كل شئ فارغ وشوية مليان ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: كلما أشوف الشروق بتحسّر على الإمكانيات
الرايحة شمار في مرقة.. |
ما قالو ان المال ممكن يحسن صورة ووضع الواحد .. الافندية دييل ختي المال ما صلحم ...المغصة لما الواح يشوف جهل وليس سوء استعمال الما فقط .. اها عارفيين انو الفلوس ما تعبو فيها لكن الاستثمار الصحيح اهو ينفعم بكرة .. بهدلة وبعزقة المال العام بواسطة تجار وسماسرة الغفلة ومبيضي الاموال المنهوبة دييل البنشوفا في اشياء كثيرة الشروق بس واحدة منها بتمغص...من كثرة جهلهم نسو انو هي ما دوامة والمال الذي لا يستثمر يروح وينضب المعيين ويبقي في فلان وعلان السابق ويبقو بس عربية تويوتا زي مافال محجوب شريف
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نها محسن أبورأس)
|
| Quote: يكون البلاستيك مقصر معاهو شوية فحب يربطوا بالشعر عشان الناس تتعاطف معاه |
كيفك يا نهى.. ويا هلا بيك..
معليش.. لو عارفين زيارتك من بدري
كنّا رتّبنا درابنا وضايرناه شوية..
أعتقد كلامك أعلاه عن عوض ابراهيم عوض..
أمبارح لمحته.. بعد غيبة.. على هارموني
بيرقص ولافّي حول المسرح..
والبتغني واحدة اسمها عبير علي (على ما أعتقد)..
إرتكبت جرائم كتيرة في حق أغنية لعبد الرحمن عبدالله ..
لولوت الأغنية.. وأضاعت ملامحها بصورة غريبة..
____
الكلام دراب.. الغنا دراب..
والرقيص ذاتو دراب..
___
وين ممكونة وملاسي يا ناس
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
الرائعة نجوان
دارك مرتبة بوجودك ومعطرة بأريجك الفواح...
أنا قريت الكلام أمس لأول مرة وما عرفت أضحك واللا أبكي..عشان كده ومن غير ما أشعر رديت عليك بألول رد خطر علي بالي..
فعلا الايام دي في ظاهرة غريبة وهي تشويه أغاني الرواد الرائعين وما عارفة الحاجة دي حدودها وين....والمشكلة انو الحاجة بتعرض وكانها شئ عظيم ومفخرة ...غايتو ربنا يحسن الاذواق....
تحياتي ومودتي
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: صحيح شر البلية مايضحك |
نها قريبتي جيتي بجاي ؟؟ احسن .. بس جيبي معاك شوالات من التلج لزوم الضقييع اصلو قالو دراب محل ما عايشة انتي ما في ...؟؟ انتي ما شفتي مذيعة زوول القربت تقلع امايك وتغني مع ندي القلعة؟؟ هي سموها ندي القلعة ليه ؟؟ ( انتي بتاعة حقيبة وشوفي الحكاية دي حصلت كيف والقلعة ياتا ؟؟)
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
أعتقد كلامك أعلاه عن عوض ابراهيم عوض..
| Quote: أمبارح لمحته.. بعد غيبة.. على هارموني |
فجاءة التفت الي التلفزيون وكان- مييوت خسب ارشاداتك يانجوان- والقي ليك واحد بيربش في عيونو بس وكلك قفلت التي في .. مش علي كيفي ...جنس خالة
| Quote: والبتغني واحدة اسمها عبير علي (على ما أعتقد).. |
بالله هي كانت بتغني ؟؟؟ عجيبة وانا اقوول .....!!!!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: أعتقد كلامك أعلاه عن عوض ابراهيم عوض.. |
تعرف عوض لما يكون بيرقص.. بيمّر على الضيوف طربيزة .. طربيزة..
ثم يعمل .. (وهو ما زال يرقص).. نصف دائرة حول المسرح..
(لو الحيطة مافي كان عمل دائرة كاملة)
كل ذلك .. وهو يصفّق بإنتظام.. وعلى وجهه إبتسامة..
I am impressed
_____
ده ما ياهو الmulti-tasking ذاتو!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: ده ما ياهو الmulti-tasking ذاتو! |
لو عاوزين تشوفو الرجل وهو يتجلى إبداعاً، حاولو تحصلوا على تسجيل للقاء الذي أجراه مع الأسطورة ماريام ماكيبا إبان زيارتها للسودان.
أنا في اليوم داك بكيت عديييييييييييييييييييييييل كدة فقد كان اللقاء مذبحة إعلامية بكل ما تحمله الكلمة من معاني.
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يا نجوان ويا حسن انتما ما شايفيين شغلكما والا فكيف حصل هذا :
الشروق .. برنامج ضيفه ابراهيم دقش يتحدث عن الاتحاد الافريقي ووووو
ويقول " .. وعند ذلك يكون الضحي قد..."
"
وقبل ما يكمل يجي المذيع النابغة " قد اصبح "
دقش " بدا "
والمذيع النابه " اصبح "
---------وكسة -----
بعديين !!! اها نجر الضحي لورا كيف عشان يصبح .. انا الليلة جسمي واجعني يمكن انفلونزا ودييل قاصدني عدييل وانتما الاتنين لكما شهور بضقعو وتجدعا دراب وما كو نتيجة ... لغة ايه وفلهمة ايه .. مش دروري ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: الشروق .. برنامج ضيفه ابراهيم دقش يتحدث عن الاتحاد الافريقي ووووو
ويقول " .. وعند ذلك يكون الضحي قد..."
"
وقبل ما يكمل يجي المذيع النابغة " قد اصبح " |
____
ما تظلم الراجل يا باش..
إحتمال الضحى صار يصبح الأيام دي
إيش عرفنا احنا!
____
المذيع ده ظاااتو جابوه في العيد ضيف في برنامج (ما سمعوا بكترة الطلّة..)..
المهم .. قال انه كان خارج الخرطوم بيعيّد على أهله.. الحصاحيصا أعتقد..
فقال ليهو مقدم البرنامج المتظارف (بتاع الشروق مرت من هنا) .. "طيب ليه بيقولوا عليك حنكوش؟"
رّد "ابدا ما حنكوش.. "
مقدم البرنامج "يمكن عشان الشكل"
المذيع بجدية "خلقة الله بس"..
!!!!
زول يقول لي..
مين العاقل ومين المجنون في الحوار ده؟
____
أو انه ده كلام النوابغ.. وانا الماجايبة خبر..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
الحكاية عملت لي وجع ضرس ..الليلة اتراح اتراح يانجوان وحسن (هو الخميس دة بجي بسرعة كدة ليه ؟ )اها وجع جسم وضرس وامجد بتاع النيل الازرق بيقول للعروس "" اها هو قال حيوفر الثقة وانتي كيف " والبنية اتلعثمت يعني يارب تقول شنو ما كو ثقة وملعون جنس الرجال المنهم امجد دة .. وبرضو يرووح لابو العريس فلان فلاني اللواء ويجرو ليك يوقفو قدام الكاميرا ويعاين ليهو من فوق اصلو امجد دة طويل ويقول للعريس وهو نازل لتحت " العصاية دي لزوم القيافة .. ".. واااه ضرسي ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
نسرين في اشروق الليلة والموضوع عن الغناء لدي المراة واتت بمتخصصة في هذا الشان واتت بمغنية والمتوقع انو المغنية تغني والمتخصصة تعرف المستمع والمشاهد بامر غناء المراة وتاريخه ولكن نسرين ناطة في حلق الدكتورة ويبدو انها -نسرين-ذاكرت وحفظت بعض المعلومات وتريد ان تقولها ونست انها فقط anchor .. هي ليست متخصصة ولذا اتت بدكتورة متخصصة زالمغنية تغني وسميرة دنيا لا يبدو انها في وتيرة واحدة في نقاش موضوع الحلقة...كان يمكن ان تكون الحلقة مفيدة وممتعة لو ترك امر الشرح للدكتورة وامر الغناء لسكميرة وامر الربط لنسرين .. تفاوت مخيف في امكانات الثلاث ....نسريين تتحدث اكثر من الدكتورة وسميرة تقحم في نقاش ليست مستعدة له ونسريين هي مثال حي لمذيعة تحتاج الي تمرين وتدريب ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
لحسن حظي حضرت نهاية الحلقة يا باش ..
أغنية واحدة لسميرة دنيا قبل تقديم الطقطاقة..
حواء الطقطاقة كلامها كان جميل.. ومليان..
اكتر من أجيال جديدة..
لا بتعرف تتكلم .. ولا تغنّي
قالت في تصحيح لنسرين.. "لما تقولوا أنا غنيت للإستقلال بتكونوا ظلمتوني"
"انا غنيت في وجه المستعمر...".. وتحدثت بتفصيل أكثر..
تحدّثت عن الصعوبات التي واجهت جيلها..
لم تحتكر الجو لتتحدّث عن نفسها...
بل ذكرت أيضا زميلاتها من الفنانات وكفاحهن.. عددّت اسمائهن.. واحدة.. واحدة..
تحدّثت عن تشجيعها للأجيال الجديدة من الفنانات السودانيات..
وللفن الأصيل.. مش الإسفاف..
وقالت كلمات طيبات في حق سميرة دنيا كفنانة موهوبة..
طلبت منها نسرين أن تغني..
وغنّت.. بمزاج..
بصوت قوي ..وأداء لم تنال منه السنين كثيرا..
لا فرقة تغطّي على العيوب .. لا كمبيوتر وتقنيات تصنع غنا من مافيش..
تناولت سميرة دنيا الطبل من العازفين.. ودقّت.. وشالت مع الطقطاقة..
"البى ريدو ابتلاني
ما أظنو ينساني....
سيبوني يا اخواني..
انا قايدة نيراني
بريد وطني .. سوداني"
وسمعنا الأغنية الأصلية.. كاملة غير منقوصة..
يا سلاااام!
تعالت صفافير الحضور..
ده الكلام!
___
لحظات حقيقية زي دي..
تساوي شهور من البث المتكلّف.. وفارغ..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: لحسن حظي حضرت نهاية الحلقة يا باش ..
أغنية واحدة لسميرة دنيا قبل تقديم الطقطاقة.. |
انا اول ما جات الطقطاقة خفت انو نسرين تزييد الجليطة وخصوصا اعرف ان الطقطاقة مفوهة وواضحة وتعرف الكثير ففضلت ان اقفل التلفزيون وابدء قراءة ...وجود الطقطاقة الان في برنامج ما يجعله توثيقيا ..فالطقطاقة لها في عدة مساهمات في غناء المراة ودور المراة في الحراك السياسي والاجتماعي وله معرفة بغناء الاعراس ورقص العروس عند بعض المجتمعات السودانية وبالتالي ليس نسريين هي الانسب لادارة دفة حوار او لقاء مع الطقطاقة ....
_______________
يانجوان (لمان تصحي من نومة الجمعة الطويلة ):
في بداية الحوار اقحمت نسرين "القرمصيص" في اول جملة لها .. هي بتقر ليك هنا واللا شنو .ياريت البنية ممكت تصبح مذيعه ممتازة فلها حضور وجميلة المحيا ولكن لو اخذت دورات تدريبية في ادارة الحوار والالقاء وذاكرت شوية عن الثقافات السودانية وتابعت الاخبار وقرات التاريخ .وبطلت تبربش بعيونا وتفعر النضمي وتكون علي سجيتها .؟؟؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: وجود الطقطاقة الان في برنامج ما يجعله توثيقيا ..
فالطقطاقة لها في عدة مساهمات في غناء المراة
ودور المراة في الحراك السياسي والاجتماعي |
أكيد يا باش..
الطقطاقة ثروة قومية.. شاهد عيان .. وأرشيف متحرك لأحداث مهمة على جميع الأصعدة..
هي واحدة من روادنا .. سيرتها الذاتية لها قيمّة تاريخية..
لكن بكل أسف.. كمثلها من الرواد.. لا تجد الإهتمام الذي هي جديرة به
من الموثقين المختصين ..
تصفحت قبل فترة من الزمن أجزاء من كتاب معاوية يس "الغناء والموسيقى في السودان"..
وهو كتاب رجالي بحت ..
لا يخصص المؤلف .. ولو بابا واحدا للإسهامات النسائية السودانية في هذا المجال..
ويكاد لا يتطرق لأي من الرائدات..
مقدمة الكتاب.. ما يفوق ال20 صفحة.. حافلة بكل ماهو غريب من تفاصيل إعداد الكتاب..
لكنها تخلو من الإشارة لغناء المرأة ودوره..
كما تخلو أيضا من الإشارة للكتاب اليتيم تقريبا في هذا المجال للراحل جمعة جابر
_____
لسه المشوار طويل..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: ياريت البنية ممكت تصبح مذيعه ممتازة فلها حضور وجميلة المحيا
ولكن لو اخذت دورات تدريبية في ادارة الحوار والالقاء
وذاكرت شوية عن الثقافات السودانية
وتابعت الاخبار وقرات التاريخ .
وبطلت تبربش بعيونا وتفعر النضمي وتكون علي سجيتها .؟؟؟ |
معاك.. لو عملت ده كله
ح تتحول من واحدة بتتكلم في التلفزيون ..الى إعلامية..
وهذا ما حاولنا جميعا تسليط الضوء عليه..
(بعين المشاهد المتفاعل ..دون خلفية مهنية في مجال الإعلام)
ما ينقص جماعتنا كتير.. (بغض النظر عن الإمكانيات)..
بعضهم ينقصه أساس أكاديمي عن الإعلام.. أو مجال قريب منه..
ثم.. تجارب ميدانية.. عن الصنعة وفنونها..
qualified mentors يتعلموا منهم.. يوجهوهم..
حتى يشربوا المهارات اللازمة...
ومن ثم يسعوا لتطوير قدراتهم..
الدافعية .. المنافسة ..
وتسلق السلم الوظيفي.. عن طريق إثبات نفسهم..
وليس الواسطة..
والأهم من ده كله.. الصورة الكبيرة..
فكرة متكاملة عن مجالهم ورسالته..
_____
بعدين..
لا يوجد حافز..
تجي من بيتك.. تقعد قدام الكاميرا.. وتقدم اكتر من برنامج
وفي الprime time كمان..
أداء جيّد.. ماشي
أداء ردئ.. برضو ماشي..
_____
معظم القنوات العربية تعاني من نفس مشاكلنا
إلا أن عنصر الإمكانيات أحيانا بيغتغت على أوجه القصور..
والنتيجة تدّني المستوى.. وإفساد الذوق..
وتصبح الناس تهلّل وتصفّق للسخف والعباطة
لأنه ده الموجود.. ولأنه ما بعرفوا غيره
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: معاك.. لو عملت ده كله
ح تتحول من واحدة بتتكلم في التلفزيون ..الى إعلامية.. |
نجوان في الصيف الماضي جلست مع بعض من يحاضرن ويحاضرو لبنتي في كلية للاتصال والاعلام وبعض الطالبات في بلد من الشرق الاقصي وراقني مستوي النقاش وكمية المام الجميع بنواح متعددة في هذا المجال بالاضافه الي معرفة من قراءات ومتابعات ادبية وسياسية واجتماعية وفنية ووووووو... وتعجبت كثيرا من مستوي الذين اراهن واراهم من خلف شاشات فضائياتنا وبعضهم من خريجي كليات اعلام ...انا الان اذا اردت مناقشة احد بناتي او صديقاتهن وهن في مجالات شبيهة اقرء اولا وازود نفسي بمعلومات كافية قبل ذلك ... هنالك جيل صغير قادم يعرف الكثير من القديم والجديد وهو يعي انه لا يجد مجالا في هذه الفضائيات ولكنه جيل يعرف اين وزكيف ومتي ....اما التواجد العشوائي وراء الشاشة فمصيره الزوال اجلا او عاجلا .. التغيير الذي يجعل اليوم امريكا البيضا تفضل اوباما الاسود الذي اتي والده من القارة السوداء علي سيدة البيت الابيض السابقة التي تاتي من مجتمع الصفوة الامريكية سيغمر العالم قريبا .. التاريخ دوائر ةتنته دائرة فتبدء دائرة اخري بمعايير اخري ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
نجوان عامك مبارك .. افتقدناك .. غيب وتعال كترت .....
زوول بقت تجيب وجوه بتغني غني غيرها باسلوب ولحن احيانا مشوه .. يعني حتي العندناكويس ما دايرين يخلو لينا ...
هارموني تشارك زوول في الموضوع نفسو
الشرووق خلاص تركتها طالما مصريين علي تشويه حتي اسماء المدن السودانية .. واحدة غي الاخبار بتنطق المجلد "الموجلد" وحاجات زي دي كتيرة .. الله لا تريحم
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: الشروق دي حكايتها حكاية.. |
ماعندها حكاية .. هي سوء استعمال للمال وجهل ؟؟؟ امس تابعت لقاء مفروض ان يكون حارا فوجدت الضيف ومقدم البرنامج وهو المحاور لا يعرفان لماذا هما امام الكاميرا؟
__ نسرين : تسال عن "التنوع القنائي ؟ " وهي تحاور مدرس في معهد الموسيقي او كلية الموسيقي ..؟؟؟؟ هي تستضيف مدرس اخر مختص في الصوتيات والالقاء .. اليس غريبا ان تستضيف نسرين بتاع صوتيات والقاء وهي لا تقدر علي نطق حرف الغين " ؟؟؟
هل لا يوجد وسط الملايين الثلاثين الف من النساء والرجال يمكن ان يكونو مذيعي ومقدمي برامج ويقدرون ان ينطقو حروف عربية صحيحة مدام مصرين علي اللغة العربية وفي بلدنا اكثر من كام مية لهجة وبعض لغات اخري ....ما قادريين علي لغة نخليها ونشوف غير او احسن نخلي فضائيات وتلفزيونات وراديو الا للغنا ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: هل لا يوجد وسط الملايين الثلاثين الف من النساء والرجال
يمكن ان يكونو مذيعي ومقدمي برامج |
دلوقت أكيد بيكون في يا باش..
بس بعد شوية ..لن نجدهم.. نتيجة للإحباط.. أو إفساد الذوق..
___
شفت ليك ناس زول أمبارح..
حاجة غريبة جدا..
ده مشروع حضاري جديد ولا شنو؟
____
بعدين ما لازمة الإسم زول.. والشعار؟
لا توجد فيها أي زولية!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
أزمة الديكور بالفضائية القومية..
لقطة من إحدى حلقات برنامج شوارد..
شاعر خليجي.. وقصيدة عن السودان..
والديكور زحـــــــمة..
زي عشرين كدة من بروش صلاة.. بروش رقيص.. على الجدران وعلى الأرض..
فوانيس .. طباقة.. قلل وقرع.. ربابة.. سيوف.. فوانيس.. ودع..
مشغولات صوفية.. بنابر.. وسائد.. مناقد نيرانها مولعة.. وواحدين مطفية..
أباريق شاي وقهوة..
وحاجات كتيرة تاني نسيتها..
غايتوأي زول عندو حاجة تراثية في بيته..
شكلو تبرع بها للبرنامج..
لوهلة كانك في سوق أمدرمان للمنتجات الفلكلورية..
______
معقول بس
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
والعايز يشوف ثورة الفيديوكليب السودانية..
يمّر على قناة زول!
سمية حسن.. وفيديوكليب غريب..
في شوارع مدينة خليجية.. وبيت .. وناس ما معروفين مين..
وواحد شكله كده متأثر و ح يبكي..
المهم
كلمات الأغنية تأتي بالعربي على الشريط.. لسبب أجهله..
الأغنية لا طعم لها ولا نكهة..
___
سمية هذه فنانة موهوبة.. من الرائدات الدارسات بمعهد الموسيقى
لا ادري لماذا حصرت نفسها في إطار محدود..
وإستهلكت صوتها كثيرا في حفلات رسمية وشعبية..
مسيرة سمية حسن جديرة بالتأمل..
يا ريت العارفين يدلوا بدلوهم..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: غادة عبدالعزيز خالد)
|
Quote: أقول ليك سر:
كنت بصور حلقة للنيل الأزرق قبل كم أسبوع كده
وفي لقطة كده قلت ليهم غيروها...
نحوان بتجيني فيها |
عااااقلة والله يا غادة..
أكيييد كنت جيتك فيها
الف شكر لألق الحضور..
وكلماتك الطيبات..
وبما انك insider .. (هنا وهناك )
يا ريت ما تبخلي علينا برصد بعض ما يحدث وراء الكاميرا..
طبعا تجربتك من خارج البلد والأستديو بتكون مختلفة شوية
لكن تلتو ولا كتلتو
______
في حدود المعقول
within reason وكده..
ما عايزين ندخّلك في مطبات دبلوماسية مع ناس الفضائيات ديل..
أو نقطع عيشك لا سمح الله..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: سمية ممكن تلحن مثلا |
سمية دي حيّرتني عديل كده يا باش..
_____
مذيعات زول ..
لبسهم.. شكله رد فعل قوي
للوائح لبس التوب أو الطرحة والأكمام الطويلة
بالفضائية القومية والنيل الأزرق..
مذيعات زول لا طرحة لا توب..
اكمام قصيرة.. شعور مفكوكة..
بنطلونات.. فساتين سهرة..
بس نفس نطّيط العيون.. المكياج..
والدراب!
_____
ده كله يطلع منك يا الفجيرة..
عصيان مدني..
طيب لو كانوا في دبي!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: Mahmoud Mustafa Mahmoud)
|
Quote: ألحقي يا نجوان...أبو السعود في لحظات التجلي..وعلى الهواء مباشرة في سهران يا نيل...فلقان يا نيل...شتران يا نيل...دراب يا نيل..
الزرزرة شملت حتى فنان الونسة المغلوب على أمره..."ثمارك ينعوا"..
صاحبها بحركة كدا كأنه الزول قاعد يمسك ليهو في (ثمار حاجة كدا)... |
كيفك يا محمود ومرحب بيك..
سعد ده مصيبة كبيرة..
النيل الأزرق دي بتباااالغ كونها ما شايفة سعد ده بسوي في شنو!
Quote: بعدين الأولاد القال ليهم منو إنه الواحد لما يغني زي جمال فرفور
معناها بيكون غناي وناجح..؟؟ |
فرفور ده أنا أول ما اشوفه على طول بخفّض الصوت..
كواريك غريبة.. شكلة بس!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: مذيعات زول لا طرحة لا توب..
اكمام قصيرة.. شعور مفكوكة..
بنطلونات.. فساتين سهرة.. |
لاحظت انهن يلبسن casual /jeans يعني ما في Dress Code ....حاجة غريبة..!!
في دراب كتير اللحظة في النيل الازرق وانا مفروض امشي انوم علشان اخوض مع الخائضين الصباح وسط الموية والشوارع المقفولة ووووولاصل الي اجتماع قبل الثامنة ..فزورة وسعد وضيوفو والزول البيقلد الفنانين طفرونا ... اها نمشي ننوم .. تصبحو علي خير
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يا نجوان ليلة متنيلة بستين نيلة اها بعدما قلت ليكم تصبحو علي خير قلت برضو اشوف السودانية عاملة كيف ولقيت حمزة ... والله حمزة ......!!! اها قفلت التلفزيون يروح في ستين داهية ..الواحد في زحمة المواصلات والمطرة االخلت دبي فنيسيا !!!! والسكك المقفلة والشغل الكتير ويقووم سعد وحمزة يجوهو في وقت واحد ... يارب ...ارحمنا
| |
|
|
|
|
|
|
| |
نجوان
abubakr
Hussein Mallasi
jini
محجوب البيلي
Elhadi
hassan bashir
Hatim Yousif
نها محسن أبورأس
غادة عبدالعزيز خالد
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست