|
أغنية حقيبة بطريقة عجيبة (شبكة من أوسلو)
|
أثناء زيارته التفقدية للأخوان بدول أوروبا قام سعادة الفنان أول شبكة بتسجيل الغنية دي ..
في أستديو صاحبي مارتن ..
و قام مارتن و ناس فرقته قعدوا ليها و قادر الله قلبوها من حقيبة لشنو كده ما عارف..
عموما أسمعوا..
بالمناسبة شبكة ذاتو ما سمعها قبال كده .. سجل و سافر
|
|
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: fadlabi)
|
اللة يدينا خيركم
كل سنة وانت طيب يا ظريف
تخيل انا من المتعصبين جدا فى نوع الغناء دة بالذات المرتبط بالحقيبة لكن بشكل عام عجبتنى ما عارف لية
حسيت انها خفيفة ودمها ظريف بدون اى مماحكات بتاعت هرمنة وكانتر بيونت ودو رى مى
بس نزل اللنك بتاعة لكن زى ما قال محمد السنى برصو فى شنو وراء الناس ديل
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: عمر سعد)
|
Quote: تخيل انا من المتعصبين جدا فى نوع الغناء دة بالذات المرتبط بالحقيبة لكن بشكل عام عجبتنى ما عارف لية
حسيت انها خفيفة ودمها ظريف بدون اى مماحكات بتاعت هرمنة وكانتر بيونت ودو رى مى |
ده كلام جميل خالص و ده المطلوب إثباته ..
ننزل ليك لنك الحفظ طوالي يا سيدي ..
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: سلمى الشيخ سلامة)
|
كل سنة وانتو طيبين..
فكرة الأغنية لذيذة وطريقة المكس وتركيب النغم الغربي فيها ممتع
بس داير أصحح معلومة صغيرة جدا" وهي انو الأغنية دي أبدا" ما حقيبة دي من الأغنيات الحديثة وهي للفنان الراحل المقيم هاشم ميرغني وهي ليها قالب لحني سوداني وكمان جميل جدا" فمثل هذه الاضافات والتغييرات علي الاطار الموسيقي لو بقت في اغنيات الحقيبة القديمة حيكون أجمل لأنو كده حيكون ادانا اغنية كاملة بلحن جديد وشعر قديم وبكده ممكن نطلع من اللحن الدائري القديم الموجود في اغنيات الحقيبة ونديها شكل جديد نستقطب بيهو مستمعين جدد من الجيل الحديث والأصبحو بهتمو بشكل رهيب بالأغنيات الغربية.
آآ سف للمداخلة وكل سنة وانتو جميعا" بصحة وعافية.
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: سلمى الشيخ سلامة)
|
أستاذة سلمى أهو الوليدات بحاولوا زيكم زمان إنتوا جيلكم كان من الرواد في التجديد على أصعدة كتيرة .. و ناس شبكة و أبوذر و شريف و غيرهم هم مجددي هسع
الغنية دي كانت مشروع ملي وقت ساكت المرة الجاية لمن شبكة يجيني زيارته السنوية إن شاء الله يعمل حاجة أكبر و أجود طالما أديتونا الضو الأخضر
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: Mohamed Ahmaed Olyesh)
|
فاضلابي ود شمبات الفنان اذيك والله والله مشتاقين ، أنا لو فعلا" ما عرفتك أكون مفتري!! انت سافرت وكان في بينا وعود انك تديني مجموعة من كتاباتك عشان تتلحن!! بالجد في الأول كنت متردد ياهو واللا ما ياهو!! أنا جد سعيد بالتواصل البينا ده و يارب ما ينقطع. ممكن تلقي الايميل بتاعي في البروفايل والأمورة الحلوة دي من انتاجك؟؟ ربنا يحفظهاوكل سنة وانت واسرتك الكبيرة والصغيرة تكونوا بألف صحة وعافية .
تحياتي من خلالك للحبيب الفنان محمد شبكة ، انا حألاقيهو يوم 30 في الشهر ده مرتبط معاي لحفل بتاع واحد صاحبو (:
ما تقطع يا فنان ، خليت الفن التشكيلي واللا لسه مواصل؟ اديني اخبارك.
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: Talal Halfa)
|
باشمهندسنا الفنان ..
لازم تخلص عدادك كاااامل أوع تجامله و ما يغشك يقول ليك صاحبي و بتاع
الشعر راقد و نحن لاقينك وين يا هندسة بس أديني شوية و يوصلك مني إيميل إن شاء الله ..
الفن أفوته وين أنا عارف يا طلال بعد العمر ده كله أنا بقرا تاني
ربك يهون بس
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: fadlabi)
|
فاضلابي (ابومدينة)
هاك الكلمات الحلوة الجاية دي:
طلعت من جوة أحزاني العديدة.. نجمة صحيانة بتضوي في دجي الليلات وحيدة.. فكرة فنانة وجديدة.. نظرة لماحة وعنيدة... فتشت عنها في القري النائية البعيدة.. وسألت في بلاد ومدن عديدة..
وأبحرت في كل الموانئ أهاتي بيها واناجي فيها.. مشتاق عليا ألمها أحتويها أشمها وبالحنان العندي كلو أضمها وفجأة في أبعد وفي أجمل مدينة (أوسلو) التقينا!! والدهشة هي الاتكلمت.. قبل الأيادي العيون هي السلمت.. ومن شدة الأفراح بكينا.. المدينة ليلها صفق والصباح والورد فتح..
............
الكلمات دي عشان خاطر عيون مدينة ربن يحفظها ليك.
وتحية للرائع الهادي الجبل..
| |
|
|
|
|
|
|
Re: أغنية حقيبة بطريقة عجيبة (شبكة من أوسلو) (Re: shabaka)
|
Quote: بس داير أصحح معلومة صغيرة جدا" وهي انو الأغنية دي أبدا" ما حقيبة دي من الأغنيات الحديثة وهي للفنان الراحل المقيم هاشم ميرغني وهي ليها قالب لحني سوداني وكمان جميل جدا" |
إنا لله يا طلال .. يا زول قول كلام تاني !! عملتها ما حقيبة عديل كده ؟
المهم .. يا فاضلابي يا زول يا كويس .. ياخي إنت مُفرح .. و أولاد جون ديل بالغوا في اللخ المؤسس ده .. شغل مختلف , و محاولة تستحق الإشادة .
عيدك سعيد أبو مدينة .
| |
|
|
|
|
|
|
|