|
بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!!
|
سنحت لي فرصة لقضاء ... عطلة عيد الاضحى بمدينة الرياض ... انتهزتها .. بلا .. تردد .. قابلت خلالها ... عن كثب ... نفر كريم من بورداب الرياض ... عبد الله داش : حبيب اكتنزه بين الضلوع . تمبس: اخوة صادقة بلا زيف كما صاحبها . معتصم دفع الله : رزانة وطيب خصال بلا جدال . ابو وجيده : القادر على فنون القول ويفضل الصمت . يوسف السماني : كرم الطباع وحلاوة الاستقبال . هؤلاء احاطوني بفيض من الكرم وحسن الضيافة ... جمعتنا مائدة الغداء ثاني ايام العيد المبارك ... بمنزل الاخ الجميل يوسف السماني ... جلسة على مائدة رجل كريم ... اعقبها ( سطل ) من ( الشربوت ) الفاخر ... ما فعله ذاك ( السطل ) ... تحكي عنه الصور .... لهم مني كل العرفان والمودة والثناء ... وكل عام والجميع بخير ...
|
|
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
لا حولااااااااا .. يا عوض عكاشــة .. هسي يجيك مفتي البورداب ويحكم علينا بالجلد ويضرب في تلاتة .. وفي قول آخر مأثور .. بعد هذه الجلسة قام الوفد بزيارة لفخامة الوزير طارق نقد .. وهنا سكت الكلام المباح وتحدثت لغة الشربوت في صمت مهيب .. في واحدين سلموا طوالي وقالوا نبرأ منه دا .. وتفرق الموكب وكل يشكوا شكواه .. يا جماعة انتو الشربوت دا بعمل شلل أطفال
سعدنا جداً بي جيتك دي يا عوض .. ربنا يجمعنا في ساعة خير ومزيد من التواصل .. كل سنة وأنت بألف خير ..
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: على محمد على بشير)
|
عوض / معتصم
كدي قولوا الجد قالوا تمبس بعد الشربوت قعد يضحك بأقل لكزة
ويكورك أحب المريخ زاااطو طبعا أنا ما صدقت لكن لما شفت
الصورة آمنت .
وكان لي معتصم قادر الله تقول الشيخ الراجحي تكية ذوات .
ويا جماعة مسعولين من الخير في ناس ما شايفهم وكان نفسي أشوفهم
مبنشرين ومتكئين أولهم ود الباوقة ثم خالد المحرب !!!
غايتو يا عوض بختك صورت وحمضت وفاتتنا اللمة والشربوت باللحمة .
أدام الله هذه الإلفة وجعلكم عزوة في هجير الغربة
عامكم سعيد جميعا
صلاح واسبه
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: Salah Waspa)
|
Quote: مبنشرين ومتكئين أولهم ود الباوقة ثم خالد المحرب !!! |
اخي واسبة .. والله الشغلانة دي جلينا منها بي بسيط .. لكــن الجاتك في شربوتك سامحتك.. والاخوان ما قصروا تمبس شربتلي قديم .. ومعتصم اندرترينق شايفو مرخم . ابوجيدة بشجــع اللعبة الحلوة فقط .. المايسترو يوسف السماني لاعب وسط حريف يـــــــوزع الشربـــــوت بمقاس مظبوط .. بس الجلسة افتقوا فيها كبيرهم الذي علمهم خلطة الشربوت وهو .... الريس ابوجهينة ظل ينادي بالشربوت من الاول من شهر ذي القعدة يا ربي مالو ...
عبد الله داش قبل ما يشريلو شيء لذا تحول اللقب الى معتصم داش ... ان شاء الله دايمن ملمومين وبالعديل والزين ..
شكرا عوض على الصور التي تحكي روعة المشهد .. شكرا واسبة .. شكرا لكل من شرب ومن لم يشرب ... اين المكاتل .....
ود الباوقة
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: ود الباوقة)
|
شابكنى انا حوض رملة أنا حوض رملة حبة شربوت تجيب خبرك !!
برضو أحسن من غير الببقوا في المرحلة دى وبقوموا بضاربوا ويخربوا الحفلات !!
بالمناسبة دى واحد سكير اولاده وامهم تعبانين من تصرفو ده وسط الحلة يهدوا فيه
كل يوم عشان يخلى المسالة دى وهو ما هاميهو غلى ان يوم لقوا ليهم واحد واقف سلك
يقوم ويقع ويتبول في نفسه قالوا دى أحسن حالة نوريها لأبونا عشان يمكن يتوب ولما
جابوا ابوهم وشاف المشهد قال ليهم علي الحرام انا من ازوجت امكم كايس لي واحدة زى
دي وما لاقيها !! الأولاد وأمهم اقتنعوا بأنك لن تهدى من أحببت ولكن الله يهدى من يشاء .
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: Salah Waspa)
|
سلام يا صلاح .. وكل سنة وأنت طيب ..
Quote: كدي قولوا الجد قالوا تمبس بعد الشربوت قعد يضحك بأقل لكزة |
يضحك الشوية دي ياخي دا قرب يدوّر
Quote: ويا جماعة مسعولين من الخير في ناس ما شايفهم وكان نفسي أشوفهم مبنشرين ومتكئين أولهم ود الباوقة ثم خالد المحرب !!! |
دي كانت من ضمن جولات المعايدة على البورداب والأهل .. وكان من المفترض أن يكون لقاء البورداب ثاني أيام العيد ولكن لظروف تأجل اللقاء .. يديك العافية يا صلاح .. وربنا يجمعنا بيكم في ساعة خير ..
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: على محمد على بشير)
|
Quote: اسع عليك الله فرقك شنو من صاحبنا داك الكل يوم واقع فى طرف الحله ولمن جاره المشاكله جاء يشيله مع الجماعه قام صاحبنا وقفهم وقال ليهم هناى دا يا اخوانا ما يشيل معانا |
والله صاحبك دا قاعد على الهبشة .. شفت الضحكة دي من زي دا وطوالي ..
Quote: هييع حالتو دا المتكلين عليهو بعدين يشيل الجماعه بس ياهو زاتو المثل البيقول .. جبتك معاى يا عبد المعين عشان تشيلنى لقيتك يا عبد المعين زاتك داير الشيل |
أفو أنا أخوك يا علي .. يعني الجماعة ديل وصلو كيف ؟ عارف لما وصلنا البيت قربت أقرحهم حق المشوار عبدالمعين اسماعين عبدالمعين ..
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: معتصم دفع الله)
|
طبعا أنا عارف منما شفت الكاميرا حايمه ودي ىخــر حاجة بتذكره اليوم داك إنو موضوعي بايظ .. لكــن عايز اثبت حاجة واحدة نحن بدينا نسخن بي الشربوت القدامكم دا .. وانا كنت عادي .. وكنت شايل هم لي معتصم لانو كان هو السايق العربية .. كل دقيقة والتانية كنت بمشي بي جمبو واشيل لي حبة موية كدا في اصابعيني واديهو رشة من غير ما يشعر أنو انا بعمل في الحركة دي .. يوسف ابووجيدة زي ما شايفين في ضحكتو دي .. عبد الله داش كان بيلغلغ بي فوق ما قادر افرز كلامو لانو كان بعيد شوية وما بقدر اتلفت عليهو لانو لو اتلفته ممكن كان اقع عوض عكاشة .. ما كنت سامع ليهو صوت .. كم كنت اتمنى وجود الأخ الصديق اساسي فهو من الذين إذا شموا رائحة عجين الخبز أو مر بي جمب طرمبة بنزين فهو مثلي تماما يتحول إلى كائن آخر .. لكن اليوم داك لو كان في .. كان ( بيحبى ) لحدي الآن حالتو دا شربوت بعض من تمر عجوه من منطقة القصيم .. وشوية مياه الهناء .. مع بعض من القرفه .. بلاي دي حسع حاجات تجهجه الناس دي كدا دا.؟
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
(البوست ده يتحول لهيئة الأمر بالمعروف والنهي عن المنكر)
يا حيدر دا شربووووووووووت يا اولاد اشربوا الشربوت زمان امهاتنا فى المناسبات بعملو البقنية عديل مافيها حاجة
واحد صاحبنا كان لاعب كورة كبير قال فى المدرسة بجى بعد الحصة التالته نعسان وبنوم كمان الاستاذ قال ليهو تجيب ولى امرك قام جا ابوه سال الاستاذ ـ استاذ فى شنو ؟ ـ ولدك دا بجى بعد حصة الفطور نعسان ومرات بنوم كمان ـ ولد شرب مريسة ،يعنى ما يفطر ؟
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
الغالي معتصم تحياتي
Quote: هسي يجيك مفتي البورداب ويحكم علينا بالجلد ويضرب في تلاتة .. |
الشغلة بدت بي احالة الملف الى الهيئة وشكلها حتنتهي بالجلد
Quote: بعد هذه الجلسة قام الوفد بزيارة لفخامة الوزير طارق نقد .. وهنا سكت الكلام المباح وتحدثت لغة الشربوت في صمت مهيب ..
|
وافر التحايا للاخ طارق على حسن استقباله وشربوته الخلى عبد الله داش ( يتسيك )
Quote: في واحدين سلموا طوالي وقالوا نبرأ منه دا .. |
اعترف بأني فعلت ...
Quote: يا جماعة انتو الشربوت دا بعمل شلل أطفال |
خير من يجيب على هذا السؤال ابو وجيده ....
Quote: سعدنا جداً بي جيتك دي يا عوض .. ربنا يجمعنا في ساعة خير ومزيد من التواصل ..
|
انا الاسعد بهذه الوجوه الجميلة التي زينت زيارتي للرياض ... لا عدمناكم ...
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
بورداب الرياض تمبس وبقية العقد الفريد كل سنة وأنتو طيبين..
جلسة ظريفة وجمعة إن شاء الله في الجنة.. ويا ريت كان كنت عارف..أصلا جيت الرياض من الشرقية وأجرت شقة مفروشة في الملز..محطة إرتكاز إنطلقت منها لزيارة أقاربي في الرياض.. لكن لوعرفت مكانكم كان فرصة أتعرف عليكم.. بس يا جماعة "بيرة موسي" دي مش كارثة مع شربوت مدنكل زي ده.. بعدين دي كسرة موجبة..مش سالبة.. المهم هنيئا لكم وكل عام وأنتم جميعا بألف خير
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
الغالي / عوض عكاشة ( أبو وعد )
لك التحية والتجلة والتقدير ...
وأنت تزين عيدنا بحضورك بيننا ...
أما بخصــوص الشربوت أنـا أول مرة أشوف شربوت طاعم كده يعني بكل صراحة ما أصلي
وأسمح لي أن أبعث بتحياتي لصاحب الحافظة المعتقة أخـونا الوزير طارق نقد والذي أكرمنا
بالشربوت الأصلي لدرجة إنك لم تستطع شرب كأس كامل يعني جرعتين وملامحك تغيرت ولسانك تقل وبعد ده
كلو وصلك معاهو عبدالله داش وهو أخف قدراً...
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
Quote: طبعا أنا عارف منما شفت الكاميرا حايمه ودي ىخــر حاجة بتذكره اليوم داك إنو موضوعي بايظ .. لكــن عايز اثبت حاجة واحدة نحن بدينا نسخن بي الشربوت القدامكم دا .. وانا كنت عادي .. وكنت شايل هم لي معتصم لانو كان هو السايق العربية .. كل دقيقة والتانية كنت بمشي بي جمبو واشيل لي حبة موية كدا في اصابعيني واديهو رشة من غير ما يشعر أنو انا بعمل في الحركة دي .. يوسف ابووجيدة زي ما شايفين في ضحكتو دي .. عبد الله داش كان بيلغلغ بي فوق ما قادر افرز كلامو لانو كان بعيد شوية وما بقدر اتلفت عليهو لانو لو اتلفته ممكن كان اقع عوض عكاشة .. ما كنت سامع ليهو صوت .. كم كنت اتمنى وجود الأخ الصديق اساسي فهو من الذين إذا شموا رائحة عجين الخبز أو مر بي جمب طرمبة بنزين فهو مثلي تماما يتحول إلى كائن آخر .. لكن اليوم داك لو كان في .. كان ( بيحبى ) لحدي الآن حالتو دا شربوت بعض من تمر عجوه من منطقة القصيم .. وشوية مياه الهناء .. مع بعض من القرفه .. |
تامبا يا حبوب ياخ انتا شكلك كنتا خارج الشبكة خالص .... انا متذكر كويس الحصل ... كل ما اصور والفلاش يضرب ... كنتا بتقول بصوت عالي : يا جماعة خلونا نخش جوة ... البرق الشديد ده اكيد بجيب مطر تقيل .. باقي الشباب برضو كانو في حاله سآآآبة .... لكن تحديدا داش كان ( داشو رايس ) شديد ... لدرجة انو ( اتسيك ) في الويست ... تاني يوم المسا ..... صورة ( الانسداحة ) بتاعتك على الارض ... وصورة عيون داش المحمممرة... لسة في التحميض .... بس لوك الصبر شوية ...
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
الحبيب عوض سلام
Quote: نفر كريم من بورداب الرياض ... عبد الله داش : حبيب اكتنزه بين الضلوع . تمبس: اخوة صادقة بلا زيف كما صاحبها . معتصم دفع الله : رزانة وطيب خصال بلا جدال . ابو وجيده : القادر على فنون القول ويفضل الصمت . يوسف السماني : كرم الطباع وحلاوة الاستقبال |
عوض وجودك بيننا اضاف للعيد بهجة وفرحة ازاحت دبرسة الشباب بعدم توفيقنا في وجود استراحة تلم شمل بورداب الراض الجميلين . الشربوت الجاي في الدمام انشاء الله[
Quote: (مااااااااااااتنفعكم
هسة يا ابو وجيدة انت قدر الشربوت ده؟ |
]
د. محمد والله اللمة دي كانت مفروض لجميع البورداب لكن الله غالب بعدين ابوجبدة ركز في شربوت ظارق خليك من حفنا
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
ابو وجيدة شكرا لكم وقد جعلتم من العيد فرحة حقيقية .... بعدين ياخ انتا بتزور في الحقايق مالك ؟ انا لما لقيت شربوت طارق نقد ما بتقابل ... عملتا ( كوبري ) عشان شفتا بقية المجموعة .. في عالم تاني وانتا اولهم تعرف داش في طريق الرجعة ... بقيت شغال معاهو زي ناس ( دلة ) .. هدي السرعة ... لف بي جاي .. ( بركن ) هنا .. لحدي ما وصلنا بسلام تاني يوم استغليت باقي الفي راسو .. و ( سيكتو ) في قعدة ويست .. وبرضو تقول لي ( ما واعي ) .. موداتي الخالصة
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
علي محمد علي
Quote: ود عكاشه عبد الله داش شنو يا اخوى ؟ دا بقى عبد الله ( لطه ) عديل كدا عليك الله شوف الزول دا شباحات المقاومه عندو اترخت كيف واخر سلطنه وكييف شديد احى انا الما لقيت لى جك من شربوت يوسف دا
|
على الاقل داش كان ثابت وقاعد في كرسيهو ... شوف كدي صورة الناس الرقدت ( واطا ) منير
Quote: الزول ده غايتو مشعشع شعشعة !! .
|
ياخوي وقت الصورة دي زولك كان ثابت ... كدي شوف البعدها وادينا رأيك
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
عزيزي عوض عكاشة
كل عام و أنتم بخير
مع سبْق الإصرار و الترصد لم أدخل في هذا البوست المتشبع بالشربوت ... هذا الشربوت الذي مكثتُ طيلة الشهر قبل عيد الأضحى أتحايل عليه بشتى أنواع البوستات و الردود لكى أضمن جلسة من جلساته ... فإذا بيوسف السماني ينفرد به مع عصابة العليا دون إبلاغي به ... و مما زاد حنقي و غيظي هذه الصور التي تحكي عن ( ماركة الشربوت ) و مكوناته ... ( حاسد و بغران ) ...
إن شاء الله ما ينفعكم ... و كيتاً فيكم عملت شربوت بعد العيد ... ( عملته وحدي .. و إنتظرته وحدي .. و أشربه وحدي ) ..
تحياتي
| |
|
|
|
|
|
|
Re: بورداب الرياض : طابت النفوس ولعب ( الشربوت ) بالرؤوس.. ( كمية صور ) ..!!! (Re: awad okasha)
|
Quote: عزيزي عوض عكاشة كل عام و أنتم بخير مع سبْق الإصرار و الترصد لم أدخل في هذا البوست المتشبع بالشربوت ... هذا الشربوت الذي مكثتُ طيلة الشهر قبل عيد الأضحى أتحايل عليه بشتى أنواع البوستات و الردود لكى أضمن جلسة من جلساته ... فإذا بيوسف السماني ينفرد به مع عصابة العليا دون إبلاغي به ... و مما زاد حنقي و غيظي هذه الصور التي تحكي عن ( ماركة الشربوت ) و مكوناته ... ( حاسد و بغران ) ... إن شاء الله ما ينفعكم ... و كيتاً فيكم عملت شربوت بعد العيد ... ( عملته وحدي .. و إنتظرته وحدي .. و أشربه وحدي ) ..
|
الحبيب ابو جهينة وانت واسرتك بألف خير وعافية تعرف الخطة كانت معتمده على تقليل عدد ( اللعيبة ) للإستئثار باكبر عدد من الاهداف ... قصدي الاكواب وكمان لانها زي ما وضح كانت مباراة كاس وكده ، ولانو حسب ما جاتنا الاخبارية انو الـــ ( QUALITY ) درجة اولى ولا يعُلى عليه . بكل حق افتقدنا رؤيتكم التي تهفو اليها النفس وما لنا الا الامل في حدوث ذلك في اقرب سانحة . دم بخير ،،،
| |
|
|
|
|
|
|
|