استبشرنا ـ على الأقل أنا و واحد كدة ما بعرفو ـ خيراً بظهور قناة ( زول ) الفضائية كإضافة للقنوات الفضائية السودانية التي لا أدري لماذا نحبها و نضارب و نكاتل و نموت حلال فيها على الرغم مما فيها أحياناً كثيرة من هم و غم و نكد و مذيعين عواليقين و ناس شينين . و يوم أن تكرم أحد زملاء هذا المنبر الذي لا أدري أيضاً لماذا نحبه ـ المنبر ـ و نقشر لندشر فيه و نتصرمع و لا نكسب زمنا حين نخصص له وقتاً طويلاً على الرغم مما فيه من حركات و حاجات و سنو شنو .
01-20-2008, 08:19 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
أقول يوم أن تكرم زميلنا و قام بنشر ترددات قناة زول الفضائية كنت من ضمن أؤلئك الوهمات الفرحانين الذين ما أن أطلعوا على ذلك البوست حتى هبوا جميعاً هبة غرائب الإبل و طفقوا يغنون بأصوات حماروية مغردة( زولي هوي.. زولي هوي ) و أخذوا تلك الترددات و الميجا هرتزاتات وهم ما بين منـ دهش و من السعودية اللامة بتاعين الدشات ، و أنكبوا على رسيفراتهم كبة رجال كتار ما لانت لهم قناة حتى ظبطوا الموضوع و لاحت لهم قناة زول ..
01-20-2008, 08:23 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
و لأنني كنت من بين أولئك المنكبين على قناة زول فيبدو أن حظي كان ساكوبيس ، لأنني أنكبيت كباً مبهولاً يوم أن قدمت تلك القناة سهرة مع الفنانة الرنانة بتاعت حنانة / ندى القلعة ، و د. الكوباني و مذيعة كأنها ألبيسية ( يعني من ناس أل بي سي ) في قوامها أو أبليسية في خدرتها الدقاقة ، أو قل حتى ليبسبة ( يعني لبيسة و كدة ) حالة كونها بالبنطلون و الرجل مخلوفة ، ويا أيها الذين شاهدوها قولوا الصلاة على النبي .
01-20-2008, 08:34 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
و ندى القلعة و ما أدراك ما هي إذ تغني في تلك الليلة و تتغنج أي تتهنجك في أغنية لم أحفظ منها غير ما لا زم حركة تظليل شمال الوش ـ الوجه ـ بطرف من التوب نظام سحسحة و دلع متبوعاً بما حفظته صم( خلي باب الريد متاكا ) و أنت يا متنح متقدرش غير أنك تصرخ و تبكي بس ثم تصيح ينصر دين أمك يا عم القلعة الذي هو أبوها كما أظن و هو من أهدى لنا ندى و هي التي إنداحت و أراحت و جعلت كل الرجال مبسوطين منها و ليس عم الشريف وحده ..
01-20-2008, 08:51 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
غنت ندى بضمييير و هي قيافة و كاشخة ـ كما تقول عامة الأعراب أو قاشرة برطانتنا ـ فمس الجميع سحر طربها حتى أنني شاهدت المذيعة تلك وقد غالبها القعاد و غلبها الصبر و هي تسكسك بكتفيها النحيلين و تارة تبشر على د. الكوباني الذي غلبه الخجل ، ثم ثالثة الحركات و قد أخذها الطرب و السلطنة أخذ حريف جعلها تستخدم كلتا يديها في العزف على فخذيها نظام دربكة أبو فردتين و ليتني يا ليتني كنت المخرج حينها حيث لم أكن أتردد حينها في التدخل بشهامة لأن أصدر توجيهاتي فوراً لأي من عمال الأستديو .. عليك الله يا مصطفى شيل البنقز دا وديهو للأستاذة المذيعة دي خليها تستكين صاح ..
01-20-2008, 09:10 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
و يا ليتها أكتفت تلك المذيعة بتلك القعدة مخلوفة الرجل او حتى بتلك السكسكة و النطنطة و الجبجبة التي كشفت عن مواهب مدسوسة ، لكنها و آه يا لكنها أبت إلا و أن تشارك فيالبرنامج و ليتها شاركت بي فهم عندي أختي ممكن تشارك لكنهاشاركت كمحاورة أي والله محاورة و بتاعت مداخلات كمان ، و كان أن أتحفتنا بما لديها من مخزون حواري مخجل : لكن يا ندى توبك مباااالغة !! من هنا و لَ من هناك ؟؟ في زول قاعد يختار ليك حاجاتك ؟؟ بتشتري حاجات غالية ؟؟ لكن مباااالغة !! و بالغت الأخت المذيعة وتعاورت حتى أنهابلغت حداً يجعلها جديرة بوصف سماحة جمل الطين ..
01-20-2008, 09:14 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
و أمس ندمت ندماًيحنن الكسعي وهو لمن لا يعرفونه رجل من كسع ،اسمه غامد بن الحارث ، وكان اتخذ قوسا وخمسة أسهم وكمن في طريق قطيع ؛ فرمى حمارا منه ، فنفذ فيه السهم وصدم الجبل ، فأرى نارا فظن أنه أخطأ ، فرمى ثانيا وثالثا إلى آخرها وهو يظن خطأه، فعمد إلى قوسه فكسرها ، ثم بات ، فلما أصبح نظر فإذا الحمر مطرحة مصرعة ، وأسهمه بالدم مضرجة ، فندم وقطع إبهامه ، وأنشد: ندمت ندامة لو أن نفسي تطاوعني إذا لقطعت خمسي تبين لي سفاه الرأي مني لعمرُأبيك حين كسرت قوسي .. ولد دا .. ما علينا لكن برضو و يبدو أنني لم أكسر قوسي فحسب حينما تركت مشاهدة مباراة فريقي الملكي المفضل مع أتلتيكو بلباو و جلست مسمراً أمام قناة زول بناء على هرشة غاشمة من حرمي المصون التي ربما ساورتها شكوكاً من أنفرادي بالمشاهدة في الصالون و تركي للصالة بما فيها من تجهيزات عالية و حاجات تانية حامياني ..
01-20-2008, 10:01 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
و مبعث ندمي ليس بسبب تفويتي لمشاهدة مباراة لفريقي المفضل بل لأنني أرغمت إرغاماً على مشاهدة بعض المنوعات الغنائية و الإستماع للسيدة / شروق القادننا بيها ، قامت و قعدت و صدحت و تجربتها الفنية و كلاااام فااارغ .. و ليتني يا سادتي كنت فناناً أو حتى ليتني لم أكن فناناً لكنني كنت موجودا بس و حاضراً حينما كانت السيدة / شروق بتطلع في ميتين ابو الكلام السمح دا ..
Quote: يا فرحة المحزون يا نفثة المصدور مرآك يزيل الهم ويمحى الأسى الفى صدور صفوة جمالك صافى الماء على البلور ينعم صباحك خير ويسعد مساك النور نور من جمالك بان لا نور شموس لا بدور فقت المعاك فى الجيل فقت المعاك فى الدور يا الفى علاك بعيد وسماك سابع دور ذقت الهلاك يا ملاك فى هواك هلاكى بدور
صدقوني لم أكن لأتردد حينها لحظة في أن أقوم من بين أولئك الحضور الكاشخين ثم انطط ما بين الترابيز حتى أصل إلى خشبة المسرح و لن ألتفت لحي ووب و سجم خشم تلك المذيعة التي كانت ترتدي فستان سهرة خليجي غير مطابق للمواصفات القياسية السودانية ثم أستدير 720 درجة و أقشط بتاع الأورغن كف في حنانه حتى يقهقه بدون سبب نظام قلة أدب ، ثم أختف ذلك المايك اللعين من السيدة / شروق حتى تتخلع ، ثم أغني بصوتي الذي هو أحلى ..
Quote: ليه ... ضيعوك ودروك انت مابتعرف صليحك من عدوك
ثم أتبعها بـ
Quote: آي كا جي لك كمشكا .. أور غريس كا جلا .. جلان دن أي قا ككا .. وي فديلي ..
و قطعاًهذه الأخيرة مهداة لحناني و ليس للسيدة / شروق ..
01-20-2008, 10:28 AM
نجوان نجوان
تاريخ التسجيل: 04-01-2006
مجموع المشاركات: 2641
Quote: صدقوني لم أكن لأتردد حينها لحظة في أن أقوم من بين أولئك الحضور الكاشخين ثم انطط ما بين الترابيز حتى أصل إلى خشبة المسرح و لن ألتفت لحي ووب و سجم خشم تلك المذيعة التي كانت ترتدي فستان سهرة خليجي غير مطابق للمواصفات القياسية السودانية ثم أستدير 720 درجة و أقشط بتاع الأورغن كف في حنانه حتى يقهقه بدون سبب نظام قلة أدب ، ثم أختف ذلك المايك اللعين من السيدة / شروق حتى تتخلع ، ثم أغني بصوتي الذي هو أحلى ..
لا حول الله يارب! أعتقد أن هذه حالة متأخرة جدا.. ولكن متوقعة.. من تأثيرات دراب فضائياتنا.. تستوجب إنتباه وتحرك المنظمات الإنسانية السريع..
Quote: لا حول الله يارب! أعتقد أن هذه حالة متأخرة جدا.. ولكن متوقعة.. من تأثيرات دراب فضائياتنا.. تستوجب إنتباه وتحرك المنظمات الإنسانية السريع..
و حقيقة أنتي الصادقة يا نجوان .. فمشاهدة بعض برامج فضائياتنا تستوجب الإحتياط أولاً و الإهتمام بالتطعيم ضد حتى ضد التتانوس فضلاً عن أمراض المشاهدة العشرمية و تطبيق كافة الإجراءات المنصوص عليها في الفصل السابع من ميثاق الامم المتحدة لمواجهة العدوان الفضائي الغاشم ..
Quote: المزيد من نوع ما تطرقت اليه موجود في هذا الرابط
أشكرك على الرابط يا نجوان و ليت بتاعين الفضائيات يطلعون عليه خاصة الدكتور / عوض إبراهيم عوض ، الذي أراه قد ( تبدل ) على كبر يستلزم الوقار ..
شكراً تاني يا نجوان ..
01-20-2008, 10:36 AM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
و رأيي الشخصي الذي لا أحيد عنه و الذي قد لا يهم السيدة / شروق في شيئ و لن تشتغل به الشغلة ، لكنه قد يزعل عرابينها و ملمعينها أن هذه السيدة قد تصلح لأي شيء إلا الغناء ، و أكيد أن هناك غيري ممن يرون في السيدة / شروق أنها الحلم المرتجى لإنتشال الغناء السوداني من أيه ما عارف ، لكني شاء من شاء و أبى من أبى فإنني سأظل على رأيي ان هذه السيدة لن تطربني يوماً كمجرد مستمع حتى و أن تكالب علي الشفاتة و جعلوا رأسي كله أضنين ..
01-20-2008, 11:06 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
و الغريب في أمر هذه القناة و تلك المذيعة يجعلك تظن أن الفنان الذي يغني لا يغني في برنامج في قناة فضائية و إنما كأنه يغني في قيدومة أخو تلك المذيعة التي هي مثل حفصة أخت العروسة بفستانها ذلك العاكس و المخالف للمواصفات و شبالاتها المشتتة قرض ثم أنك تراها و هي تبشر على الفنان مع كل من حضر حتى تذكرك بالرشاقة الجابت كسافة إشراقة ، و إن لم يصدق أحد كلامي هذا فإن شاهدي موجود و هو زميل هذا المنبر الفنان / حمزة سليمان الذي كحلته و هو يبشر على شروق و كأنه يهنئها و يشيد بأدائها المافي حتى جعلني أكورك يا راااااجل ..
01-20-2008, 11:14 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
أما أن سمعتم السيد / أحمد بورتسودان و هو يتقصقص و ينخنخ بأغنية من أغاني الحماسة و المذيعة إياها و صويحباتها و أصحابها وهن ـ أيوة هن عديل كدة ـ يتراقصن حوله لأخذتكم الحسافة و الندامة و تحسرتم على تلك البنت الفنانة الراكزة / حرم النور والتي ظهرت عبر البرنامج التلفزيوني نجوم الغد لكن لم تتاح لها فرصة الظهور و الإنتشار كما غيرها رغم أنها الأجدر لأنها ظلت و لا زالت خام نضيف و لا تعرف الكلوبات و الحركات و المجاملات و شخارم بخارم فتحي عينك تاكلي باسطة .. و أمثال حرم كثيرات كثيرات لكن يا مسكينات ما إلكم إلا الله ، و مرسييي كتير لي الله ، و نعم بالله ..
01-20-2008, 01:21 PM
أبو الحسين أبو الحسين
تاريخ التسجيل: 11-07-2006
مجموع المشاركات: 7948
Quote: بس عندي سؤال... علاقة المذيعة القاعدة ترقص وقناة زول بالكوبي بيست بتاع د. مصطفى محمود دي شنو؟؟؟
كيف يا أبو الحسين هناك علاقة قوية و وطيدة و هي جامع الرقيص و الجقلبة في كليهما .. و عندي لا فرق إطلاقاً بين ما تمارسه تلك المذيعة الساذجة هناك و ما يفعله هذا الدكتور هنا ..
Quote: قول معاي يا اخوي الشكية لاب إيداً قوية
و انت قول معاي إن شاءالله الحكومة دي تسقط الليلة عشان الدكتور دا يتفرغ لما هو أفضل و يحل عن سمانا..
01-20-2008, 01:53 PM
أبو الحسين أبو الحسين
تاريخ التسجيل: 11-07-2006
مجموع المشاركات: 7948
Quote: إنت يا عصام يا اخوي أحمد بورتسودان دا... ياهو ذااااتُو المادح الفي قناة ساهور ولة واحداً كُتُر؟؟؟
نعم السيد / أحمد بورتسودان يا أبا الحسين هو نفسه ذلك المادح في ساهور ، لكني لا أدري إن كان هو أخ للفنان / حيدر بورتسودان أم أن الحكاية مجرد توارد خواتر .. و بالمناسبة لا تستغرب أن شاهدت عما قريب السيدة / شروق شخصيتنً و هي بـ طاراتها تمدح في ساهور .. التي لم يبقى لها سوى إقناع علوية دلاقين بالظهور على شاشتها ..
شكراً ..
01-20-2008, 03:09 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
و أنت تشاهد هذا الأحمد بورتسودان إذا تمعنت فيمن تحلقن حوله ثم كحلت واحدة دبة و محجبة وهي بمعية تلك المذيعة تتمايل بحجابها و تكاد تعمل حركة ( كدة قلبي و الماشي الشغل ما تأخري .. اللول اللول ) لوجدت نفسك حينها مجبراً أن تقولها بملء قدومك ـ أي فمك ـ كما قالها ذات زعلة شاعرنا الكبير الحاردلو ( رحم الله الإسلام القادم من ... ـ بفتح الباء ـ أحمد سليمان المحامي ) .. و لعلك تتساءل عن جراءة هذه الميني كوزة المكلبظة و التي تجسد مقولة ( من فوق لابسو و من تحت يااابس ) أو ( يا بس ) .. و بِس على واحدة تحجبت و لم تعي معنى الإحتشام ..
01-20-2008, 03:58 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24995
أول حاجة إنت غلطان فيما يلي: 1- أتليتكو مدريد وليس بلباو،، 2- بلباو راجي الجماعة في اللفة الأحد الجاي (وخليك من زول اليوم داك لأن فارق النقاط حيرتفع لعشرة بالتمام والكمال لصالح الملكي،،) 3- حد يخلي رقيص روبنيهو ويمشي يشوف زولة بترقص في (زول)؟؟ 4- الديربي ياعصام الديربي تفوتو عشان زول؟؟ 5- يعني شفت نص من المباراة ، وقمت على شروق ، وبعدها رجعت لزول تاني ، وبعدها قمت علينا في المنبر ،، والله الداخلية عندكم !!!
داير ليك إجازة في حي السوق ، وعودين من ميكائيل،،
وكان تابعت دكتور مصطفى دا بلحقك دليل،،
01-21-2008, 08:17 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
Quote: أول حاجة إنت غلطان فيما يلي: ، أتليتكو مدريد وليس بلباو،،
2- و أنت الصادق يا كوتش بس المعذرة لأنو أخوك ما عندو شغلة إلا في الملكي ، بعدين ناس اثلتيك بلباو و مورسيا ديل يا مان زي ناس ( جلاس ) و ( الزومي ضايقي ) يعني ما عندي فيهم غرضاً كتر ..
Quote: بلباو راجي الجماعة في اللفة الأحد الجاي (وخليك من زول اليوم داك لأن فارق النقاط حيرتفع لعشرة بالتمام والكمال لصالح الملكي،،)
أريتهم ناس بلباو يبقوا رجال و يشدوا حيلهم و يقوموا على جنهم و يسووها رغم أنهم أكلو من الجماعة تلاتة في الدور الأول و باقي لي العشم فيهم زي عشم الحمار للضبح ..
Quote: حد يخلي رقيص روبنيهو ويمشي يشوف زولة بترقص في (زول)الديربي ياعصام الديربي تفوتو عشان زول؟؟
تقول شنو بس يا أستاذ ما حكم القوي !!
Quote: يعني شفت نص من المباراة ، وقمت على شروق ، وبعدها رجعت لزول تاني ، وبعدها قمت علينا في المنبر ،، والله الداخلية عندكم !!!
وحاتك المباراة ما شفت فيها شيتن يتقال ، و شروق هي براها القامت تتجنن أنا قاعد في حتتي ، أما بالنسبة للداخلية فالواحد زي عايز يقول آي نعم يعني برضو حيث ممكن لا شخارم بخارم مافي مشكلة .
Quote: داير ليك إجازة في حي السوق ، وعودين من ميكائيل،،
و الله كان جيت للحقيقة أنا داير لي إجازة في ميكائيل عدييل كدا و اي حاجة من حي السوق ، مطقتني ياااخ ..
Quote: وكان تابعت دكتور مصطفى دا بلحقك دليل،،
أتابع الله و الرسول ، لكن هو كان تابعني حيلقى نفسو هناك في الجمب السجن ديك !!
شكراً و تحياتي للأهل كلهم ..
01-21-2008, 11:24 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
وأتمنى إنك ما ترفع ضغطك..الكلام ده فى القنوات الثانية موجود وبالهبل..يعنى بقى علينا نحن بس..
وبدل ما الناس تشوف LBC ,MBC تشوف زول وشروق وعلى ألأقل زيتنا فى بيتنا..ويكفى أنها جذبتك وخلتك تتذاوق من المدام...
أحكى ليك نكتة..الراجل بسكر برة البيت وبجى أنصاص الليالى تعبان وهلكان وهاك يا نوم.. المراة طرحت ليه فكرة يجيب سكرو فى البيت وتعمل ليه الدايرو من طقوس للقعدة..أخونا على مضض وافق وأول قعدة سكر فى البيت الراجل إنبسط وأخر الليل لبس عمتو وبقى مارق..المرأة قالت ليه ماشى وين؟
قال ليها البيت البسكروا فيهو ما بنومو فيهو....
والمثل بقول غناى الحى لايطرب.. اصبر على الناس ديل شوية..
المهم انت ظاهر عليك قعدة السعودية دي أثرت عليك و بقيت ما بتقبل تشوف زولة لابسه أقل من عباءة"الرأس" على قول الجماعة.. و للا انك كبرت و بقى ما عندك صبر على الهجيج و السكسكة..
غايتو أنا متفق معاك أنو شروق دي صوتها من النوع الحماري لكن في حكاية المذيعة دي فمعليش ..يا خي خلي الشباب يفرفشوا و ينبسطوا.
01-24-2008, 09:18 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
دكتور سيف .. كيف حالك و العيال و إن شاء مستمتعين بالجو القيافة دا ..
Quote: المهم انت ظاهر عليك قعدة السعودية دي أثرت عليك و بقيت ما بتقبل تشوف زولة لابسه أقل من عباءة"الرأس" على قول الجماعة..
صدقني يا دكتور لو القعدة هنا أثرت معاي بي شيء بيكون تماماً عكس ما قلت لأني في الدنيا دي ما بقيت أكره إلا الغتغتة و التطرف العوير دا ، لكن التِئسر ـ التأثير ـ سببو مصاقرة التلفزيون .. التلفزيون و بس يا دكتور ..
Quote: و للا انك كبرت و بقى ما عندك صبر على الهجيج و السكسكة..
بالعكس يا دوب أحلوت يا سيف .
Quote: غايتو أنا متفق معاك أنو شروق دي صوتها من النوع الحماري
و الله صدقت يا دكتور ، و يا ريت أي واحد من عرابينها يوصل ليها الشعور الصادق دا ..
Quote: لكن في حكاية المذيعة دي فمعليش ..يا خي خلي الشباب يفرفشوا و ينبسطوا.
يفرفشوا ينبسطوا يعملوا السبعة و ذمتها على كيفهم حرية حدها السما ، بس يحترموا عقولنا و حقنا في المشاهدة .. شكراًو تحياتي للمدام و العيال ..
01-23-2008, 02:52 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: أتابع الله و الرسول ، لكن هو كان تابعني حيلقى نفسو هناك في الجمب السجن ديك !!
والله أنت مبالغة ياعصام،،
عاوز تجيبو لينا قريب موش كدا؟؟؟ جزاك الله خير،،
نقدم في خطة أسكانية خور طقت ،، أمير دي خليناها،،
عفوا رواد البوست ،، بنتكلم عن مقابر قديمة جنب السجن الكبير بالأبيض ، وهي مقابر أنيقة موشاة بالأزاهر وقبور أسمنتية راقية ، وسياجها من شبك حديدي عمري ماشفت زيو في السودان،،
01-23-2008, 02:21 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عصام دهب
Mustafa Mahmoud
مجاهد عبد الرحمن
نجوان
جمال السنوسي
أبو الحسين
حيدر حسن ميرغني
عبد الدائم سيد أحمد
ismeil abbas
طلحة عبدالله
فيس بوك
تويتر
انستقرام
يوتيوب
بنتيريست