|
|
 انا صاحبك فى القهوة ......مش هنا
|
عنوان الاخ بقال الاخير قائمة بأسماء الناس العندي معاهم مشاكل في المنبر جعلنى ادخل فى عالم شعبوله واخرج بما خرجت وجعلنى اسال نفسى ياربى انا عندى مشكلة مع زول فى المنبر ده وبدات ارجع فى نفسى ومسكتها من بقال مرورا بهشام هبانى وراشد وعبد الماجد وعماد وبقية العقد الفريد وحصلت الاختلاف كل الاختلاف فى الافكار وطالما الامر كده لماذا نشخصن الاختلاف ونخرج من العام الى الخاص ..انا متاكد انو كل اختلافتنا حدها الافكار لا ابعد من ذلك ولو اتقابلنا فى اى محفل اخر بنكون اكتر من اصحاب ومثل ما قال الفنان انا صاحبك فى القهوة مش هنا اىىىىىىىى وللحديث بقية
|
|
 
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
بعد كتابة البوست سالنى احد الاصدقاء
انت بالفعل يا وليد مختلف فى المنبر
بتكون مركب وجه مشكلجى وفى الخارج بوجه
اجمل وصاحبك فى الداخل مفروض يكون تعاملك
معاهو بمثل مافى الخارج.....اها انتو رايكم
شنو؟؟؟؟؟؟؟؟
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
بيعجبنى من الطرف الاخر الاستاذ خالد عويس وكذلك كمال عباس
بالاضافة لى نور تاور ديل بجبروك على احترامهم سوا كنت
مختلف معاهم او متفق....ياسر طيفور صاحب قلم مشاكس
لكن محترم دينق بيضرب وبزوغ بلير زول حكمة
البقية تاتى
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
بيعجبنى كما يعجب الجميع هنا د/ معز كذلك الانيقة
تماضر بالاضافة الى عبد الله عقيد ومنصورى وابوريش
كذلك العزيزة بيان زوله حقانية وما بتعرف ده يمين
ولا ده يسار وده المفروض يكون سايد هنا التعامل
على ما يقدم بمكيال واحد على ان يكون الامر بيصب
فى خدمة الوطن والمواطن
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
وليد
مهما كان الاختلاف
فالبعض تختلف معهم وتحترمهم حتى لو لم تحسبهم أصدقاءك
لو افترضنا الاختلاف من أجل السمو بالانسان ..
مثلا أنا لا أختلف معك
ولكنى لست معك فى بعض مفاهيمك ورؤاك السياسية
أحببتك من خلال ما قاله عنك معتصم دفع الله الذى أحبه واحب من يحبه
دعنا نختلف ..
لنسمو ..
| |
|
|
|
|
|
|
|
|
|
Re: انا صاحبك فى القهوة ......مش هنا (Re: معتصم الطاهر)
|
الحبيب معتصم الطاهر
| Quote: فالبعض تختلف معهم وتحترمهم حتى لو لم تحسبهم أصدقاءك |
ايوا نعم وضربت ليك مثل بخالد عويس وكمال عباس ونور تاور
بس ما قلت لى معتصم دفع الله قال عنى شنو ووين؟؟؟؟؟
حكمة الله يا معتصم ناسنا بيعرفونا وبنعرفهم....عندك معتصم دفع الله ده
انا بحبو لله فى الله
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
بحب قرشوووووووووو موت كذلك جاد الرجل الجاد بحب ايضا
سناء خالد والقلب النابض وبنت يقال لها بنت الاحفاد وواحده
اسمها طار منى بس كتبت بوست باسم نور تاور زولة عاديه كان
اتزكرت اسمها بقولو.... كذلك الاخ عبد الرزاق الطالب رجل بتشد
اليه الرحال...............
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
اقلام بتعمل فينى عمايل غير عاديه
ابوجهينة....ده زول غير عادى فى زمن غير عادى
دكين صاحب قلم متمرد والرجل عندو مستقبل حقيقى
الملك او ناجى سبحان المعبود بقعد الكلام تقعيد صاح
هشام ادم بيمتلك ناصية الحديث وبيمتلك اشياء اخره لا اود ان اقولها
هى تقول ما اود قولو
شايننق ستار...اها دى صاحبة قلم عجيب بس بخيلة شديد والبنت دى لو
واصلت فى الكتابة وحات ربى بتوقف البورد ده على كراع واحده
نادية انيقة الكلمات وانيقة ال.... زولة مسالمة وصافية الدواخل
شيرى.....عاوز اتكلم عنها كتير بس اختفت
عزاز...حينما تكتب لا اجد ما اكتبه لان اى كلام ما بيطول ما تكتب
عشان كده بدخل فى بوستاتها وبخرج فرحان طربان
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
Quote: وانا بدورى برد عليك وبعطيك اجابة صادقة انا
يا عزيزى تابع لجميع ما زكرت ديل كلهم اصحاب اتجاه وانا بسعدنى كثيرا
ان اكون ضنيب لهم....اظننى اجبت على سوالك |
ما قلنا قبل كده ليك ضنيب العنز لا بيهش ناموس ولا بيغطي فقوس ... وعجبي
| |
|
|
|
|
|
|
|
|
|
Re: انا صاحبك فى القهوة ......مش هنا (Re: ادريس خليفة علم الهدي)
|
اها قالو البتجى واقعة من السماء بتتحملها الارض
حسى الزول ده مالو؟؟؟؟ على حسب علمى اننى فى البوست
ده ما قدمت الا كل خير.....مش بيكون جميل لو اتعاملنا
على حسب المكتوب امامنا...يعنى لو مختلفين فى بوست معين
فليكن الاختلاف مكان الاختلاف فقط ويكون الرد فى البوست على حسب
ما موجود فيه نتمنا ذلك
| |
|
|
|
|
|
|
|
|
|
Re: انا صاحبك فى القهوة ......مش هنا (Re: ادريس خليفة علم الهدي)
|
المهم ورقنا خضرتنا وقلنا قررررر ضحك
اقلام بتعجب لى امرها صاحبنا الفوق ده واحد منهم
والبقية من دون زكر اسماء حتى لانفتح جبهة
مشاكل هنا ...المهم هم معروفين وبيجو ناطين
بالحيطة ساى وبكونو مبسوطين لمن يقدمو اساءة
طازة مع انو الشغلة بترجع ليهم وبتعكس للبقية مدى
انحطاطهم وتغمسهم فى ساقط القول...برضو بنتمنا ان
يعيدو النظر فى خطابتهم
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
Quote: اقلام بتعجب لى امرها صاحبنا الفوق ده واحد منهم
والبقية من دون زكر اسماء حتى لانفتح جبهة
مشاكل هنا ...المهم هم معروفين وبيجو ناطين
بالحيطة ساى وبكونو مبسوطين لمن يقدمو اساءة
طازة مع انو الشغلة بترجع ليهم وبتعكس للبقية مدى
انحطاطهم وتغمسهم فى ساقط القول...برضو بنتمنا ان
يعيدو النظر فى خطابتهم |
مثل سوداني:
صنيب العنز لا بيهش ناموس لا بيغطي فقوس
| |
|
|
|
|
|
|
|
|
|
Re: انا صاحبك فى القهوة ......مش هنا (Re: ادريس خليفة علم الهدي)
|
الاخ وليد
سلام من الله عليكم
شكراً لكم
* واصل في فكرة البوست ...
* فكرة جيدة أن نتحدث عن إحترامنا لبعضنا وإن اختلفنا في وجهات النظر
وإن اختلفنا في اختياراتنا
فلكل منا خياره ولكن يبقى بيننا الإحترام والود.
ليس من المعقول أن يطلب مني أحدهم أن أترك خياري لأنه لا يعجبه.
وليس من المعقول أن أحجر على الآخر رأيه إذا لم أتفق معه في الرأي.
قلب المؤمن له قدرة على المسمامحة عند الاختلاف.
فالمؤمن لا طعان ولا لعان.
ولنجرب أن نحترم بعضنا
ولنجرب أن نستفيد من آراء الد خصومنا.
صدقوني سنستفيد من تجارب الآخر مهما كانت.
فلننشر التسامح بيننا..
والإحترام..
تحياتي
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
الاخ
وليد قسم
لك التحية اخى
اخى رغم اختلافى فى الراى معك مليون فى المائة
وانا اعرف نفسئ تماما لا اتفق معك مهما كانت الاسباب ولكن اقدر
موقفك فى قضيتك التى تعتبرها هى الاساسية وتدافع عنها
اتمنى ان يظل الاحترام موجودا بيننا دائما ...
طبعا انت لا تعرفنى ولكننى حاورتك عدة مرات فى القرية المجاورة ....
تسلم اخى
| |
|
|
|
|
|
|
|
|
|
Re: انا صاحبك فى القهوة ......مش هنا (Re: عاصم ابوبكر حامد)
|
عاصم ابوبكر حامد
لك عاطر التحايا اخى والف اهلا وسهلا بيك هنا
وهنا وهناك انا بعتبرهم واحد متل الجريف شرق والجريف غرب
وده النموزج الببحث عنه اختلف معاى فى الافكار واتفق معاى
فى الحب والاحترام اكرر ترحيبى الشديد بشخصك واتمنا ان تفيد
وتستفيد
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
tmbis
زول عسل عديل كده ما بحب المشاكل لكن المشاكل بتحبو
وبتجى ناطه ليه براها صاحب قلم سنين رجل موضوعى
محمد حامد جمعة
رجل شجاع ومقدام يجيد لغة الدواس محترم زكى لماح
كوستاوى
رجل طيب الدواخل سريع الغضب بيختلف مع الافكار اكثر من الاشخاص
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
الأخ وليد 500
أولا تحياتي أخي
وتشكر على البوست الجميل
ما أجمل أن نختلف في الأراء ويظل الود والإحترام بيننا
بعض الأخوة هنا يصرون على :
حفر حفرة لدفن أراء الغير ليرى رائهم النور فلابد لنا
أن نعي جيدا أن إختلاف الراي لا يفسد الود والأحترام بين الناس
واصل أخي فالموضوع جميل
لعلنا نصل لما نصبو إليه
ابو شهد
| |
|
|
|
|
|
|
|
|
|
Re: انا صاحبك فى القهوة ......مش هنا (Re: محمد خليل إسماعيل)
|
Quote: بعض الأخوة هنا يصرون على :
حفر حفرة لدفن أراء الغير ليرى رائهم النور فلابد لنا
أن نعي جيدا أن إختلاف الراي لا يفسد الود والأحترام بين الناس
|
لك التحية اخى وعزيزى محمد خليل
البعض اتوجد هنا من اجل اثارة المشاكل لا لشى خلاف ذلك
واى اختلاف فى القرية دى بيفسد الود عشان كده بيتوفر عدم الاحترام
بين الاعضاء......نتمنا ان ينعدل الحال
تشكر ابو شهد وسعيد جدا بتواجدك ها هنا
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
| Quote: جعلنى ادخل فى عالم شعبوله واخرج بما خرجت وجعلنى اسال نفسى ياربى انا عندى مشكلة مع زول فى المنبر ده |
العزيز الحبيب / وليــــد
لك التحية والود
لم أقرأ إلا فاتحة البوست فقط
الناس مواقف .. ومباديء ..وبيني وبينك
موقف أحفظه لك في أغوار قلبي موقف مشرق ..
وموقف نبيل .. وربما أكثر من ذلك عندي ..
لذا تجدني أخي أنساق خلف إسمك .. وكلما توغلت
في أعماق نفسك أجدك أكثر إشراقا .. وأكثر
شفافية ..
بعض الشخوص تكون أكبر عندنا من الكلمات وأنت منهم
بعض الحروف عندنا تكون أكثر ملامسة لدواخلنا .. وخلف
هذه الحروف يقف قلب كبير وعقل كبير .. هو أنت ..
ولو كانت سجية السودانيين تقبل بتلقائية الخاطر
الخوض في عبارات الحب .. لقلت مايجيش في وجداني
تجاه رجل أحببته في الله ولله ..
لأنه رجل .. يعرف ماذا يقول ومتى يكون ذلك ..
لن تنسى حروفك عيني ..
لك التحية والود
ومحبتي
=
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
السلام عليكم و رحمة الله و البركه..
اما بعد...
كيف يا زميل.. و كيف حال بقية الزملاء في الجوار...
شكرا لحديث المدح اعلاه... دا حلقا ما عندنا ليهو رقبه...
ما بخيله والله.. لكن لا تسعفني الهترشه الا عندما اتخاصم مع نفسي والآخرين...
من اذنك يعني... عندي سؤال لي ادريس خليفه علم الهدي...
خبارك يا زول... انشاء الله مافي زول داس ليك علي صباع...
ذكرتني بحكاية "جحا و بياع الزيت" ... (ما عارفه لييه... و عذرا مقدما لانو احتمال كبير قصة جحا ما اكون عندها ايتها علاقه بلديك و الاحتمال الاكبر انو القصه ما فيهاديك من الاساس...)
قيل...
"لسبب ما أراد جحا أن ينتقم من بياع الزيت.. فسأله هل زيت القربتين اللتين علي ظهر الحمار واحد؟؟
بلتأكيد.. اجاب البائع... فقال جحا ينبغي ان اتأكد من ذلك...
دعني افتح هذه القربه اولا ... نعم زيتها طيب.. امسك بأحدي يديك فمها حتي افتح القربه التانيه.... آه زيتها طيب ايضا.... هات يدك الاخري و امسك هذه ايضا... مد البائع يده الي القربه التانيه و امسك بفمها ايضا.... جاءه جحا من الخلف و سأله ما تراني افعل بك الان؟؟
افعل ما شئت شرط ان تعينني علي اغلاق القربتين و انقاذ زيتي...
عليه
لاتكون ضيق الافق الي هذا الحد...و تخرب للناس بوستاته سبه بلا سبب...المسأله مسألة تكتيك و ليس الا....
و يا وليد.. تحياتي... و شكرا تاني لبوست راقي و كلمات مهذبه...
مديرة خدمات ما بعد البحار...
س.ع.ع
| |
|
|
|
|
|
|
|
|
|
Re: انا صاحبك فى القهوة ......مش هنا (Re: ShiningStar)
|
الاستاذة مديرة خدمات ما بعد البحار
تحياتى تحية زول مستعجل راكب ليه ركشة
من محظة البلابل عاوز يحضر ليه حفلة فى محطة كرور بامبدة
والفنان ثنائى النغم والاغنية لقيت اختك فى الحيطة وحالا
حالا حبيتا والكورس المعاهم يقول وبلغتا وبلغتا شفتى الاستعجال ده كيف....
اها استعجال زولنا الفوق ده مثل استعجال اخونا العاوز يحضر الحفلة دى
نحن بصدد فتح باب للحب وهم على ما هم عليه انغلاق كامل شامل
ما علينا سيدتى المهم انا سعيد بتواجدك هنا مع انو كلامى مجغمس
لكن فرحان ببزوغ شمسك هاهنا......شفتى بزوغ دى كيف خارج اطار الجغمسة
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
لنا مهدى زولة مقتنعة بما تحمل وهى نموزج حقيقى للانصارية
المعتزة بانصاريتها....لا ادرى لكن بنات الامة بالاف البنات..
علم وادب وزوق وجمال وتحضر......
رايح اترك المساحة دى كاملة لى لنا فهى تستاهل ذلك
...............................................................
................................................................
..................................................................
.................................................................
| |
|
|
|
|
|
|
|
|
|
Re: انا صاحبك فى القهوة ......مش هنا (Re: waleed500)
|
وليد
طبعا شهادتى فيك مجروحة ياابن عمى الطيب قسم السيد !!
بس برضو حااقولها !!
انت زول ود اصول ورجل قلبك طيب كقلب ابيك وامك واشقائك النبلاء جدا
كن بالف خير وليبقى اختلاف الرأى لايفسد للناس احتراما وبعض ود ان امكن !!!
| Quote: نادية انيقة الكلمات وانيقة ال.... زولة مسالمة وصافية الدواخل |
اولا كمل مكان النقط ..........!!
ثانيا مسالمة دى هناى هناى كده .. تقصد عويرة يعنى ؟!!
| |
|
|
|
|
|
|
|
|
|
Re: انا صاحبك فى القهوة ......مش هنا (Re: نادية عثمان)
|
بتنا بت عثمان
والله بريدك شكلا ومضمون
واظننى كده اكملت مكان النقط....
وتشكرى على الحديث الطيب يا بت عمو الطيب
ومسالمة متل لى فى المسالمة غزال يعنى الشغلة
كلها جمال فى جمال وتبرى انتى من قولة عويرة
خال ايمان
| |
|
|
|
|
|
|
| |
waleed500
معتصم الطاهر
ادريس خليفة علم الهدي
القلب النابض
عاصم ابوبكر حامد
صلاح شكوكو
فيس بوك
تويتر
انستقرام
يوتيوب
بنتيريست