|
|
 أمين حسن عمر ..!!! أمين السجم والرماد
|
..
.
سلام أيها الشعب الشتات
سلام يا ناس المعاناة والاغتراب
سلام يا اهل الحزن والاضهاد
سلام يا دمعى المهراق
سلام يا اهلى يا وطنى
****
قد اكون كنت خارج دائرة الزمن والاحداث
قد يكون فاتنى الكثير عن اخبار البلد وخصوصا عبر قناتنا الفاضية
وقد لا تكون الصحف فى متناول يدى
ولكننى قبيل لحظات فوجئت بخبر اراه من عجائب الزمن وعجائب الانقاذ
ورغم انه مضى عليه اكثر من ثلاث ليال
وهو
احالة 1400 شخص من موظف وموظفة
بالهيئة القومية للاذاعة والتلفزيون للصالح العام
يا جماعة 1400 مش 14 ولا 40 ولا حتى 140
وقد شمل الكشف الاتية اسمائهم
احمد سليمان ضو البيت
عمر الجزلى
يسرية محمد الحسن
الرشيد بدوى عبيد
عبدالرحمن عبد الرسول
المخرج .. بدر الدين حسنى
واخريين كثر
يعنى مافى تانى حاجة اسمها توثيق ولا عالم الرياضة ولا غيره
وقد جاء القرار بناء على توصيات لجنة مكونة
من وزير حزب الامه ووزير الانقاذ الحالى لوزارة الاعلام الزهاوى
ووزير العمل ووزير المالية
طبعا تحت متابعة امين حسن عمر مدير الهيئة القومية للاذاعة والتلفزيون
ولقد ضم الكشف كل ذو الخبرات وأثروا الاذاعة والتلفزيون
الاغرب اثناء متابعتى لبرنامج (مع الواجهة ) لاحمد البلال الطيب بصورة مقتضبة
فوجئت ببعض لعجائب
اولا مدير الهيئة يتحدث عن التكنولجيا وان السب هو تحسين اداء المؤسسة .. وتطوير العمل ويسخر من المفصولين الذين اوضحوا بانهم سوف يرفعون شكواهم للامم المتحدة فيعلق ساخرا
الامم المتحدة نفسها عندها برنامج (رى بروفايلنغ) فشوفوا
ليكم حتى تانية تشكوا ليها ؟؟
بالله دا كلام زول مدير هيئة للاذاعة والتلفزيون
من الغرائب ايضاً ان بعض المذيعين كانوا خارج العاصمة
لتغطية احتفالات الانقاذ ليعودا ليجدوا انفسهم فى كشف الصالح العام
بل ان العجيب ان اسمائهم
وضعت فى البوابة وغير مسموح لهم دخول
المبنى !!؟؟
والله عجايب
ويا امين السجم والرماد لو الناس
ديل الامم المتحدة ما بتسوى ليه شئ
ياهم شكوك لرب العباد
ولا عندك راى فى دى كمان ؟؟
اعود
انز الماً
على ما ال اليه
سوداننا
شعبنا
اعلامنا
|
|
 
|
|
|
|
|
|
|
|
أمين حسن عمر ..!!! أمين السجم والرماد (Re: Tabaldina)
|
انت ماعراف ياتبلدينا المدعو بالدكتورأمين حسن عمر (وماعرفين الدكتوراة دي متى تحصل عليها ومن اى جامعة)بيمثل للجماعة ديل فيلسوف اخر زمانه وهو الموسوعة الفكرية والثقافية لهم والمرجع فى كل شي الذى لا يضاهيه حد ، هكذا قال عنه الرئيس الفريق / عمر البشير ابان توليه منصب المستشار الاعلامي لرئيس الجمهورية ، وهو بالمناسبة من اقرب اصدقاء الرئيس ، يعنى محصن تنظيميا وسياسيا واجتماعيا والشكية لغير الله مزلة
| |
|
|
|
|
|
|
|
|
 Re: أمين حسن عمر ..!!! أمين السجم والرماد (Re: democracy)
|
الاخ تبلدينا
تابعت الحوار الذي اجراه احمد البلال في برنامجه مع مدراء الهيئتين الثلاثة حضرت البرنامج مباشرة وقبل ساعتين الاعادة
حرصت ان اتابع البرنامج وكل ما جاء فيه وذلك لاني احسست بنفس الكلام الذي كتبته انت في صدر هذا البوست عند سماع الخبر اول وهلة
لا اخفيك اني غيرت وجهة نظري تماما وقد اقتنعت بالمسوقات التي ساقها بغض النظر عن من قام به هذه الحكومة او غيرها
واظنك قد شاهدت البرنامج من خلال حديثك ولا اري داعي لتفصيله ولكن الخطوط الرئيسية لهذا الامر هي ان المر ليس الصالح العام وانما اعادة هيكلة وهي تفرق كثيرا ولا اخفيك ان لي نزعة تجديدية في امور كثيرة فاعادة الهيكلة يمكن ان تؤدي الي تغير شكل الجهازين الكئيب الذي بدانا نضيق به زرعا حتي ان هناك بوستا في هذا البورد يدعوا الي حصر بث التلفزيون داخل السودان فقط وهذا كمثال فقط لتزمر الكل من التلفزيون السوداني هذا جانب والجانب الاخر ان المساحة متاحة للمبدع بشكل تعاقد مغاير لبث ابداعه من خارج اطار الهيكلة التي وضعت فقد زكر ان هناك عقود خارجية وتعاون ودفاعه الذي ساقه عن ان البعض بعد تحديث النظم الالكترونية التي يعمل بها الجهازين صاروا متفرجين وانحصر العمل الفعلي في اعداد بعينها والغريب في الامر ان عدد الالف واربعمائة الذين تمت الغاء وظائفهم لا يحملون الشهادة الثانوية وهذا امر غريب من الاصل
والامر الاخر هو كم عدد المزيعين الذين شملهم القرار لا يكادو يتجاوزون العشرة والبقية في وظائف فنية وادارية ولا نري ابداعهم الذي زكرت فالتلفزيون اصبح طارد للمشاهد ولتطوير الاداء في نظري هذا الامر مقبول
من عاداتنا التي اصبحت دارجة هي التمسك الاعمي بالقديم ولو به علات الدنيا جميعا لا لشئ الا اننا تعودنا عليها
بالنسبة لامين حسن عمر فهو يعمل الضغط في اسلوبه وعباراته التي يستخدمها وهذا ما اتفق معك فيه جملة وتفصيلا
الليلة انا بقيت كوز عديل كدا
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
لست من مؤيدي الفصل العشوائي عن العمل تحت مسمى الصالح العام خاصة اذا جاء من ناس الجبهة فهو اكيد صالح خاص القصد منه ابعاد من هم غير جبهجية وادخال ناسهم الذين هم اسوأ وأضل وأقل خبرة
ولكني كنت أقول دائما انه لو آل الي أمر هذه البلد فسوف أدخل ناس التلفزيون مدرسة محو الأمية، وكان البعض يضحك ويعتبرها نكتة، وها هو قد اتضح ان الغالبية العظمى منهم، بل بالذات من القدامى الكبار، من غير الحاصلين على الثانوية
مرة اخرى، لو آل إلي أمر التلفزيون فسأدخلهم جميعا مدارس تدريب من الألف باء تاء حتى يعرفوا شوية عن التصوير والإضاءة والصوت، ودعك عن الإبداع فذاك مما لا يمكن تعلمه
والله في، الله حي
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
انا شخصيا متألم لتشريد اكثر من الف اسره سودانيه
ومتألم لافتقاد الخبرات العظيمه
يااخوانا شهادات شنو الشهادات تطير واصلا نحن بلد بتاعت شهادات
وبعدين منو الممكن يصدق كلام من نظام بدأ حكمه للبلاد بغش الناس
ولمادا لا يستمر الغش والتلفيق وما الجديد في دلك
اتقو الله ياناس
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Elmosley)
|
غريب ان يصدر من امثالك هذا الكلام اخ الموصلي
اذا مالحاجة بك للدراسة حتي الان وانت الموسيقي زائع الصيت
اولست تدرس الان
كل ما ينافي العلمية في هذا العصر مدعاة للتخلف
اين غابت النظرة الاستراتيجية للامور فالامر المحتم ان
جيل المبدعين هذا كان سينتهي يوما من الايام في هذا الجهاز
وان كنت اختلف في انهم مبدعين
عندها اين سكون موقفنا
هل نبدا من الصفر ساعتها؟
واطلبو العلم من المهد الي اللحد
؟؟؟؟!!!
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
تبلدينا يا روعة مساك رطباً جنيا
ولا تحزن ولا تيأس من رحمة الله
يا أخي الجماعة ديل من زمان مفروض يمشوا الشارع
عشان مافيهم صاحب مشروع حضاري وكدة
ما أصلوا أمجركم ما بتاكل خريفين
وناس أمين ديل ذاتهم مع المتملق دا يومهم قرب
آل عوض جادين آل
بس والله 1400 يروحوا هوامل دي ما بتتبلع
ويا عطبراوي والله ود الجزلي دا بكرة بلقوا لبه شغلانة
بس الكلام في ال 1399 زول وزولة
يا أخي المساكين ليها رب
بحيراوي
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
سلام جاكم
اساسي..سلامين
أولا اتفق معك أن التغيير قي المؤسسة الإعلامية ضرورة تمليها
التطورات في المجال وخاصة الاجهزة التي تخاطب الجماهير ..ولكن
مربط الفرس هو الطريقة التي تم بها هذا التغيير ..
نعم واحدة من مشاكل التلقزيون مثلا ارى انها الكادر المؤهل ..والمتطور مع فكرة التلفزة التي نشهدها في الفضائيات الاخرى
ولكن كيف تتم هذه النقلة؟؟ووفق أي نظرة؟؟ثم الى ماذا ستتغير برامج التلفزيون ؟؟ وهل ستتعدى تلك الخطوط الحمراء المرسومة التي هي السبب الرئيسي في فقدان التلفزيون لمشاهديه؟؟
في كل الأحوال ليس من السهل تبرير إحالة كم هائل من العاملين الى الصالح العام ..خاصة إذا كان بطريقة أهل الإنقاذ..
** ليس مع المتباكين على عمر الجزلي..مثلاً ..فحواء السودان ما زالت تنجب من هو في قامته وأكثر ..ولكن هل عملية إختيار المزيعين تتم كما يجب ؟؟؟لا أظن فمعروف الكيفية التي يتم بها الإختيار....
ولكم التحية جميعاً
قيسان
| |
|
|
|
|
|
|
|
|
 Re: أمين حسن عمر ..!!! أمين السجم والرماد (Re: Tabaldina)
|
اتفق مع الكثير من النقاط المذكورة أعلاه ... الشهادات ليست كل شئ والخبرة هي الفيصل خاصة في الحقول الإبداعية التي يفترض أن الإذاعة والتلفزيون إحداها... أصابني الغبن بحصول عمر الجزلي على شرف الإحالة للصالح العام ... فاليوم أضحى الصالح العام مثله مثل شرف الاعتقال .. أن يخرج الجزلي بعد كل ما فعله لكونه كبير المذيعين والمذيع الخاص المرافق للرئيس هو أمر يثير الحسرة فعلاً
إن كان الأمر بيدي لأحلت الجهاز بكامله للصالح العام
دمتم
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Elsadiq)
|
عزيزي الصادق نحن لم نقلل من الشهادات ولكن نقلل من تلك التي لا تحمل الا الحبر الدي كتب بها
وليدهب حملة الشهادات هؤلاء الي اي دوله متقدمه فانهم سيجدون امامهم انترفيو غايه في الصعوبه وان لم يمرو فيه او في الاختبار الخاص به فشهاداتهم تروح شمار في مرقه
والتحليل ان الحكومه وبعض مؤيديها يشعرون بقرب التغيير ويريدون ان يضمنوا وجود كوادرهم بكثافة كما حدث داخل الجيش السوداني
وشردوا هؤلاء المساكين
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
الاخ تبلدينا تحياتى والله رغم انى متأكد من نوايا الناس ديل كويس جدا. لكن اصدقك القول لقد كان موفقا جدا فى هذا القرار، من حيث المضمون وما ذكرته عن الية تطبيقه ندرجه تحت تصنيف الخبر. و لااملك الا ان اقول انها كلمة حق اريد بها باطل. تحياتى
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
عطبراوي.
| Quote: تعرف يا تبلدينا لو في حاجة جميلة في القرار ده انه شمل عمر الجزلي ويسرية محمد الحسن، واحمد الله عشت وشفت عمر الجزولي رموه في الشارع بعد كل التملق والدهنسة ولحس جزم الانظمة العسكرية0 |
والله لقد قرأت أفكاري,فرجل مثل عمر الجزلي ده حيمشي وين بس؟ فهوا منافق انتهازي درجة اولى.
الاستاذ الموصلي.
كلامك عن الشهادات ده كلام سليم مية المية, فالشهادات في أمريكا لا تعني شئ حتي اذا كانت تلك الشهادات من اكبر وأعرق الجامعات. طرق التقديم للعمل تتم عبر امتحانات كتابية وشفوية محددة ومخصصة لنوع الوظيفة, وهنا تلعب الخبرة دورا كبيرا في ذلك.
Deng.
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Elsadiq)
|
Dear Elmosley ,
what you think of this ?
Program Director: Hana has been in radio and television since 1994. She was a radio and television personality on Sudan Radio and Sudan TV, and a television co-host on the Arab Network of America in Washington D.C. She holds a Bachelor of Laws and International Relations from Khartoum University, and is finishing up her Masters in Law at Howard University in Washington DC, and she has a Diploma of Radio Announcing from the Columbia School of Broadcasting. She currently is the IBN Program Director, and also hosts Youth Talk, Time Out, and A, B, or C programs.
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Elsadiq)
|
Dear Elsadig
That’s good this is good example and I can give you a great deal of many professors names teaching not studying in the USA, but unfortunately they had been fired by our government
(Llsalih Elaam) . So You can know if those people were honest or not in their decision.
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Deng)
|
كلامك عن الشهادات ده كلام سليم مية المية, فالشهادات في أمريكا لا تعني شئ حتي اذا كانت تلك الشهادات من اكبر وأعرق الجامعات.
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
وياربى نحن فى امريكا؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
..
.
نعود للنقاش الثر
والشكر لمداخلات الاخوة ورغن اننى اكتشفت ان هناك بوست اخر بنفس
الموضوع من الاخ منوت الا دعونا نستمر هنا وهناك
دمتم
الاخ د.ياسر
نقول امين يا رب والله ديل كرهونا السودان
وكلمة صالح عام فى القاموس الادارى زاتو
وهى بالاصح لصالح الجهجية ووبس
عطبراوى
كلامك صاح 100% ..عمر الجزولى عمل شوية تطبيل ومدح
للانقاذ ودارت عليه الدائرة
لكن لا يجب ان ننسي الجانب المشرق له فى توثيق
اشياء وشخصيات الان اصبحت فى انتظار دعوات الرحمه
حتى وان اكثر من اتضافة نسيبة الكابلى
عزه
والله يا عزوز انا المحيرنى
كيف كان هناك 2800 موظف وعامل ومهندس
وكدا التلفزيون بقى مخزن تكنلوجى حسب كلام السجم والرماد
امين عمر داك
ديقراطى
يا ديمقراطى هو بالله ما عندو دكتوراه ؟؟
زى كبيرهم الذى علمهم السحرا وشنو الفلسفة العليهو دى ؟؟
لكن عليه جنس برودة دم وبياخه خليها ساى
اساسي
ازيك يا حبيب
لا اختلاف فى اعادة الهيكله وتغيير الشكل
لقنواتنا واذاعتنا الامدرمانية والاقليميات
ولكل اجهزتنا الاعلامية
ولكن هل التحديث يعنى التخلص من الخبرات ؟؟
واين هم هؤلاء المستحدثين واين اكتسبوا الخبرات ؟؟
والمشكلة ان يأتوا بعدد من الكودار التنظيمية الغير مؤهلة فقط لترضيات حزبية وجهوية وعنصرية؟؟
واقولها بصدق
هؤلاء الذين تم فصلهم هم خبرات الاذاعة والتلفزيون
ولا يمكن الاستغناء عنهم دفعة واحدة من اجل 10 جهاز كمبيوتر
ولكن يجب ان يتم هذا بالتدريج واعفاء ممرحل ومخطط له وليس عشوائيا وفجائيا
والدليل العدد الهائل الذى فصل ؟؟
ولتعلم ان من يتحدثون عن عمر الجزولى رغم تطبيله للثورات جميعها
ولا دفاعا عنه ويقولون انه لا يحمل شهادة هذا ليس له اساس من الصحة
لاننا انا وعمر الجزولى كنا منذ ست سنوات كنا انا وهو زملاء
فى تمهيدى الماجستير بكلية الاعلام ومعنا الاخ المذيع محمد عبد الكريم عبدالله ومصدق حسن ومحمد الحافظ من الاذاعة والتلفزيون جميعهم
اما عن قلة عدد المذيعين المفصولين
فانا هنا ذكرت 7 وفى بوست منوت هناك خمسة
وناهيك عن الفنيين والمخرجين
ولا نريد التمسك بالقديم بقدر حبنا للتطور الذى يزيد مع الخبرة
الا تتفق معى
تحياتى
الاستاذ الموصلى
كلمة حق والله ما ذكرت
اعود
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Elmosley)
|
يالحلوين سلالالالالالام
عند متابعتى للقاء امين حسن عمر ومديرى الاذاعة والتلفزيون ذكر مدير التلفزيون أن عمر الجزلى لم يهمش وأنما اوكلت له ادارة المهرجانات الثقافية وكما ذكر المدير انها اهم واكبر ابتلاء من سابقتها وهى ادارة المنوعات ودعا الله أن يوفقه فيها بعد أن عدد المهرجانات القطرية والدولية التى يشارك فيها السودان والمهرجانات التحضيرية بالسودان ولا نجد الا أن نبتهل لله أن يوفقه لكى نثبت وجودنا فنيا بين العرب والافارقة وبقية العالم قولوا امين يامحسنين
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
..
.
عودة تانى
دز الصاوى
جزء من تعقيبك تجد ردى عليهو فى ردى
على الاخ اساسي
اما عن التصوير والاضاءة والصوت
دى كلها يا عزيزى مسالة امكانيات
والدولة لها اثر فى عدم التطور فى التقنية والامكانيات
حيث صار الهم الاكبر هو المصلحة الخاصة
او تطوير الكادر التنظيمى سواء اقتصاديا وماديا
او علميا وفنيا
ولتنظر لبعض المؤسسات الطبية والخدمية التى تحتاج للتقنية
مثلا كم جهاز لغسيل الكلى فى الخرطوم ؟؟
كم جهاز لرسم القلب ؟؟
دعك من هذا لننظر لمباريات كرة القدم
وذلك التصوير الباهت والاضاءة المنخفضة والاذاعة القصيرة البث والمدى يعنى امدرمان ناس جدة ما بسمعوها ولا ناس كادوقلى والنهود
ولتقارن بين قناة السودان الفضائية وقناة النيل الازرق
ان كنتم تشاهدوناها هناك ؟؟فانك تجد ان قناة النيل الازرق تشمل الاستديو والاجهزة والبرامج التى اعدها تلفزيون السودان
ولكن قاموا ببثها عبر اجهزة حديثة ومتطورة
رغم انها نفس الصور والرقصات التى قام بتنفيذها
هؤلاء المخرجين والفنيين والمذيعين الذين تم اقصائهم
ولكن كان للامكانيات والتحديث اثره وهذا لا يعنى ان تطوير صالح كامل
يعنى ازاله اولئك الخبرات التى يمكنها ان تستخدم الحداثة والتطوير والاجهزة
فى تقديم الرسالة للامام
ولكن كيف نبدا من الصفر بشباب بدون خبرة
واجهزة حديثة
تحياتى
يا بحرنا
فعلا امجركم ما بتأكل خريفين
اما عوض جادين دا منو العوض وليه العوض
وهو وامين صاروا ملوك التطبيل وعمر الجزولى فعلا
عرضوا ليهو وظيفة خارج الهيئة ورفض ومشوهو الشارع
ابويسرا
كما ذكرت نحن نطالب بالتجديد
فى المعدات والاجهزة والاخراج والابداع الفنى
والمادة الاعلامية
ولكن لا نطالب بل نرفض
ازاله الخبرات دفعة واحدة
ولم تساعد الحكومة ولم تمنح الاخريين ليستعدوا لها بل جعلتنا نتسال
من سيقود المسيرة للامام ؟؟
هل هناك جهاز كمبيوتر وكاميرا تفعل هذا لوحدها
وهى التى صنعها الانسان ..
بخصوص الشروط
انا يا ابويسرا _ واعوذ بالله من كلمة انا_ خريج كلية الاعلام
ومن خارج السودان يعنى متطور شوية عن الجوه
وحصلت على ماجستير فى الاعلام
عارف دخلت 3 معاينات فى التلفزيون والاذاعة والصحف القومية وطبعا لم يتم استيعابي فاضطررت للهجرة
فهل معقولة انا بهذا الغباء والبلادة وعدم الصلاحية والجهل كمان ..
ام بسبب انى ضد الكيزان .. مجرد سؤال اطرحه على نفسي دوما
تحياتى
واعود
غضبا
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
أخوتي الأعزاء تبلدينا أساسي عطبراوي موصلي
أنا في حيرة ودهشة من الأتجاه والطريق الذي يسير فيه هذا النقاش لأننا أنحرفنامن مناقشة البديهيات والأساسيات وتجاوزناها للشخصيات الذين لم يكن ويسمح لهم بالبقاء الا لتجاوزهم هم نفسهم لهذه الاساسيات التي لامساومة وتساوم فيها والا
من يهن يسهل الهوان عليه مالجرح بميت أيلام
الاساسيات والبديهيات للتذكرة علها تنفع الذكري
الأعلام بجميع أنواعه من صحافة وأذاعة وتلفزيون وندوات ونشرات ...الخ هي السلطة الرابعة ما معني هذا؟
أخوتي معني هذا ببساطة متناهية هي جزء من ثلاث سلطات أخري تغذيها وتتغذي بها والأالموت والهلاك نتيجة أسقاط وسائل الحوار واملاء شريعة الغاب والسلاح
أولهما السلطة التشريعية
ثانيهما السلطة التنفيذية
ثالثهما السلطة القضائية لفض أي نزاع ينشب بين السلطتين السابقتين اذا ما حدث ولحماية حقوق الفرد أذا ما تظلم منهما
والأساسي في هذه السلطات الثلاث كما جاء في عالم الديموقراطية Annals of Democracy أسمعوني جيدا لأننا هنا سوف نفترق فراق الطريفي لجمله
تجديد الرضا عبر أنتخاب حر مباشر كل فترة زمنية معينة متفقا عليها مع قصرها للفرد بأن لايبقي في منصبه هذا أكثر من دورتين
Reproduction of Conscent through free Election every agreed period with term Limitation
لماذا؟
ببساطة شديدة تحسبا ومنعا لتسلط الفرد أو الجماعة علي الآخرين هذه تجربة الدنياوالبشرية منذ أن قتل قابيل هابيل و كما يقول شاعرنا الفحل محجوب شريف التاريخ مدون لمن أراد أن يناطحه بلوي عنق الحقيقة أما أنا فلا
والاعلام الحر هو حارسنا الامين علي السلطات الثلاث الأخر
ولا يستقيم الظل والعود أعوج
وهذه نكبتنا ومصيبتنا الكبري
بربكم من من قادتنا عرب ومستعربين جدد له شعبه الرضا عبر أنتخابات حرة نزيه وأعلام حر غير موجه
سادتي هل أحتاج أن أذكركم أن ننظر جنوبا لنري كيف في الاسبوع الماضي سقط دانيال أراب موي في أنتخابات حرة نزيهة رغم تشبسه اليائس بالحكم
هل أستطيع أن أذكركم بأن تلفزيون كقناة الجزيرة أقام الدنيا ولم يقعدها الا الآن لاصراره علي الأجتهاد في بث الحقيقة من أطراف مختلفة متناحرة وأن أختلفت مع حكوماتهاومع بعضها البعض
وكيف أن مذيعنا السوداني الزبير نائل قد ذهب من تلك القناة بلا ضجيج في مناخ حر لا كالذي نسمعه الآن من تباكي علي الاشخاص
People come and people goe and Institutions remain
هل أحتاج أن أذكركم أن الذين أسقطوا الرئيس القوي الأمريكي السابق نيكسون هما صحفيان مقمورين لم يسقطاه بالسلاح والدبابات وهو الرئيس المنتخب بواسطة شعبه بل أسقطاه بنشر معلمومات تدينه في المحاولة فقط هو حزبه بالتأثير علي نتيجة الأنتخابات مما أجبر السلطة التشريعية بالتدخل وفتح ملف التحقيق بواسطة أحد قضاة محكمة الأستئناف العليا مما أجبره علي الاستقالة بعد أن خان وغدر بالأمانة التي منحها له شعبه وهي
To Uphold Defend and Preserve the constitution
سادتي القضية واضحة كفانا تباكي وللنجتهد بتغيير حالنا والطريق واضح لالبس فيه الا عند عماة البصيرة
سادتي
I Rest My Case
ودمتم
أخوكم د.متوكل
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Mutwakil Mahmoud)
|
الاخوة الرافضين للقرار
اوافقكم تماما علي دوافعكم
ولكن لم يذهب من نستطيع ان نبكي عليه
....................
وما حاتكلم عن اشخاص او شهادات ..او عن اجتهاد فلان او طول فترة اشتغال علان بالتلفزيون..لكن نحن ، كمشاهدين ، علينا بالنتيجة - المظهر...اذا كانت مقبولة فهم مظلومين ..او كانت سيئة فلا يجب ان نرفض التغيير لاعتبارات عاطفية ..ولا اعتقد انو في واحد يقدر يقول انو المظهر كان مقبول
...................
حسن النية او الاجتهاد او عدم الحيلة ليست كافية لتبرير الاخفاق في العمل العام...ايا كان موقعه..وياريت بعد ما ترجع الديمقراطية نكون اتخلصنا من اسلوب التعاطي مع المرافق العامة من خلال الحكم علي الاشخاص او علي سبيل المكايدة السياسية
.......................
وخلونا ننتظر ونشوف
اذا طلع الجداد احسن من القدام..كانت رمية من غير رام
واذا حصل العكس ..يكون للاعتراض حجة ودليل
........................
pool system كتبت قبل فترة في ال
استفتاء عن التلفزيون بعنوان : مظهر تلفزيون السودان.....ارجو من الاخوة الدخول والتصويت
ودمتم
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
ياوليد الكوز جامعات امريكا ولاالجامعات الكرتونية بتاعكم التي يدرس فيها معلمين لايرقوا لان يصيروا بياعين تسالي فيها. . امين حسن عمر قاشر بحتة الماجستير الجابوه من جامعة مغمورة في امريكا. لااعتقد انو المشكلة شهادات
بالنسبة لتشريد المبدعين. هل يحمل البشير غير شهادة الثانوي وعلي عثمان غير شهادة البكالوريس.
الاستراتجية والتخطيط يتاتي عبر اسس علمية متكاملة
بعد دراسة وتحليل كامل للمشكلة وللحديث بقية
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
الحبيب تبلدينا يا رزين
والله من أول يوم وانا اعاين للبوست ده وأزوغ وأقول معقولة تبلدينا يكيل بهذا المكيال؟ لكن معاك حق يااخي واللـه ناس حكومة الانكاد الوطني ديل مش يخلوك تمرق من قميصك وبس ديل يخلوك تمرق من روحك عديل كده..
عندي سؤال للاخوة الذين يتحججون بعدم وجود المؤهلات لهؤلاء المساكين من السادة الاذاعيين،وسؤالي هو:هل يملك سيدنا عمر حسن أحمد البشير أي مؤهل ليحكمنا؟ ومعروف شهادة محو الامية السياسية لرئيس الدولة هو أن يكون حائز علي أصوات الجماهير مصدر الشرعية..
حاجة تانية في السودان شخصية معروفة وهو الدكتور علي شمو الذي توصفه صحف الجبهةفي الخرطوم بالخبير الاعلامي الدولي والغريبة ان هذا الخبير الدولي كان علي رأس أدارة الحيشان التلاتة ولم يفعلها..
فالمسألة يا سادة ماعندها أي علاقة بالتطور ،فان كانت كذلك فليحال اخانا رئيس الجمهورية(مصدر سلطة وشرعية أمين حسن عمر)لاعادة الهيكلة برضو وبعدين باقي الناس هين..
وصحيح واللـه الماعندو ضهر ينضرب على قفاهو
ودمتم
كبر
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
..
.
اخى العزيز الصادق
عفواَ ان اتيت متأخرا
اولاً
اتفق معك تماماً فى بحث والاشارة الى بواطن الخلل
ولا شك ان التغيير يقود المسيرة الاعلامية للاحسن وبغرض التطور
ولكن لنبحث عن بواطن الخلل ..واين هو ؟؟
هل الخلل كما يظنون فى يسرية محمد الحسن
وعمر الجزلى
واحمد سليمان ضوالبيت
وشادية خليفة
والمخرج بدر الدين حسنى ..الخ
ام ان الخلل فى المعدات والاجهزة .. واختيار المادة الاعلامية الموجهه؟؟
ودعونا كما اوضح الاخوة ان لا نتحدث عن شخصيات بعينها
والتى صارت محور الحديث وقد يكون السبب هو
تاريخها وما قدمته من انجازات فى المسيرة المتواضعة للرسالة الاعلامية فى السودان
فانت كما ترى ان المواد الاعلامية ( مسيسة) وتكون مفروضا فرضا على مقدم البرنامج
الا ان كانت ماده ثقافية ثابته او غنائية
ثم ان هذه الدولة التى اتخذت القرار بقيادة امين حسن عمر ماذا قدمت لهؤلاء بغرض التطوير ؟؟
اين الاستديوهات الحديثة واين الكاميرات والتغطية الخارجية
اين الدورات العلمية ؟؟ بل هل السؤال
هل ستكتفى ادارة امين حسن عمر بالمتبقى من الكوادر ؟؟
ومن هم المتبقى ؟؟
اعادة ه الهيلكه تعنى نوع من التنظيم الادارى ؟؟
وبلا شك غدا سنرى كشوفات ووظائف بالعشرات تملاء تلك الخانات؟؟
كما رايناهم هءلاء المتحجبات فى غرف الكمبيوتر ؟؟
عفوا لا اعترض على الحجاب والزى الاسلامى ولكن هذه حسب مشاهدتى للبرنامج
وعندما تتم هذه الاعاده ويبدا الحوجة لكوادر اخرى
لن تكون مؤهله فاين لها بالتاهيل ؟؟ وعلى يد من ؟؟ وباى معدات واجهزة متطورة ؟؟
مع ملاحظة ان ما يقال عن ان هؤلاء لا يحملون - جميعهم - شهادات علمية
هذه مجرد بروقاندا وسبب لتبرير الفصل التعسفى
واقول تعسفى لانه ليس من البامكان الاستغناء عن 1400 دفعة واحدة
ولكن كان يمكن ان يكون فصل مرحلىى مجموعة تلو الاخرى حتى يستلم
الاتون القيادة
تحياتى
قيسان
شكرا لتعقيبك ففيه الكثير المريح
ديما
هكذا نتفق ..معك
الصادق ..
تانى جيناك يا حبيب
هناك فرق بين الهيكله والصالح العام
ولكن هل اصبحت الهيئة القومية للاذاعة والتلفزيون شركة خاصة ؟؟
فلتخصخص ولنرى بعدها هل سيبقى الكادر المؤهل ام سيغادر ؟؟
وهل سيبقى امين حسن عمر وعوض جادين ؟؟
هذا اذا لم تخصخص لواحد تحت لواء التنظيم
السنجك
سلام يا اخونا ليك وحشة
آليه التطبيق هذا ما تحدثت عنه ؟؟ وهنا مربط الفرص
دينق والموصلى
اختلف معكم كثيراً؟؟
وهذا كلام غريب ما تقولون وما تتحدثون عنه
بخصوص الشهادات العلمية ولا مقياس لها فى العالم الغربي؟؟
دا كلام صراحة ما منطقى يعنى واحد لو خريج اعلام زى حلاتى
ممكن يقدم لوظيفة طبيب وبقدرة قادر انجح ويتم تعينى؟؟؟
كدى راجعوا الكلام دا تانى ؟؟
تحياتى
ولنا عودة
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Tabaldina)
|
ياتبلدينا
برضوا ما رديت علي مداخلتي
مازلت مصرا علي أن فاقد الشئ لايعطيه
الاعلام يجب أن يكون حر غير موجه وحينئذ سوف يكون البقاء للأصلح ذوي شهادات أو غيرهم
أنا لاأقبل أنصاف الحلول تذكر أن الاعلام بأنواعه هو السلطة الرابعة
ولايستقيم الظل والعود أعوج
ومن يهن يسهل الهوان عليه مالجرح بميت أيلام
ودمت
أخوك د.متوكل
| |
|
|
|
|
|
|
|
|
|
Re: أمين حسن عمر ..!!! أمين السجم والرماد (Re: Mutwakil Mahmoud)
|
تبلدينا
يعني ما رديت علي
الكلام ما عجبك ولا شنو؟
..............................
انا برضو بصر علي انو نحن ما لازم نهمل التعامل مع الجزئيات
انتظارا للحل الكلي وهو زوال الحكم الشمولي
بمعني انو التلفزيون جزء من مشاكلنا الكتيرة والتي علي رأسها الحكم الديكتاتوري الشمولي
فلو اتعاطينا مع الجزء دون النظر للكل حنكون موضوعيين اكتر
ودلت التجارب علي انو من الصعب جدا تحقيق كل البرنامج في خطوة واحدة..والحرب الاهلية شاهد علي ذلك لأنو نظرتنا العدائيةالساخطة للآخر تمنعنا من قبول حتي ما يمكن ان يكون تمهيدا للحل
...........................
اعتقد اتفتح موضوع كبير يتجاوز التلفزيون وما صدر من قرار بشأنه
وبعض مداخلات الاخوة تنبع من السخط علي الحكم القائم حاليا
دون الاخذ في الاعتبار المصلحة العامة
وده شئ خطير اذا لازمنا مستقبلا ، بعد ان نحصل علي استقلالنا ، فيجب التفريق ايها الاخوة بين المعارضة الجادة ، وبين المعارضة الساخطة
........................
القرار في محله ...حتي لو جاء من اناس نتمني رحيلهم اليوم قبل باكر...وحتي لو كان الفريق الجديد ما كويس ..ما حنكون خسرنا شئ
لانه لم يكن هنالك شيئا بالاصل لكي نخسره
........................
لنا عودة
...
..
.
| |
|
|
|
|
|
|
| |
Yasir Elsharif
atbarawi
اساسي
Elmosley
البحيراوي
ابو يسرا
Elsadiq
gessan
Dima
alsngaq
Deng
waleed500
عزيز
Mutwakil Mahmoud
Kabar
فيس بوك
تويتر
انستقرام
يوتيوب
بنتيريست