أطيب الأمنيات أهديها اليك ايتها الام الرؤوم ،سائلاً لك دوام الصحة والعافية
Mama Doma أمى التى جمعتنى بها هذا الشبكة العنكبوتية ، أهديك اطيب الأمانى والدعوات لك ولاخوتى بالصحة والعافية ***
شوفى الزمن يا يمه ساقنى بعيد خلاص دردرنى واتغربت واتبهدلت ورينى الخلاص ساقنى القدر منك بعيد لأزايا كاس وجرعنى كاس *** يا يمه يا فيض الحنان الماكمل يا يمه يا بدري البشع دايماً يهل يا يمه يا نور الصباح وكتين يطل وأشرى يا (زينوبة)و ولدك فى دروب الشوق كتل محروم من الحب والمحنة وراك همل *** يا يمه يا بحر المودة وكت يفيض يا يمه يا شعلة امل زادت وميض يا يمه يا عنقود كلام منظوم قريض يا يمه يا نغماً حس بالشوق يرن وأفكارى فيهو ..بيرتعن دمعاتى شانو .. بينزلن
واتذكرك يا يمه فى الدغش النسايمو يهبهبن قايمه الصباح متكفلتى وشايلى الحليل على المراح والساعة ديك يا دوبو ديكنا بدأ الصياح والطير صغارو يغردن ،، جبتى اللبن بأنشراح *** واتذكرك يا يمه ساعة الهجير صالاكى نار الدواكى عستيلنا الفطير رشيتى قلتى اكلهو ..خير
وأتذكرك يا يمه يا بسمة الطفل الغرير وكت الخلوق ترقد تنوم وأسهر براى أرعى النجوم والشوق يرف جنحيهو ..بي فوق لى يحوم وأهتف بأسمك فى الخيال طيفك كمان بى فوقى جال وأتمنى لو لحظات يدوم لكنى فجاة القاهو زال *** وأتذكرك يا يمه ساعت الناس يجونا من البلد ناعم ترابا على جسيماتن رقد ريحة التمر فوق الهدوم لون الخدار خانس لبد والشوق أوارو بيشتعل .. كان ظنى فيهو يكون خمد *** واتذكرك يا يمه والناس قالوا قايمين البلد رصو الهديمات ...عدلوا ركبوا اللواري وقبلوا خلونى وحدى بلا انيس كيف انفرادى ..أتحملوا؟؟ شالوا السلام من عندى ليك وأن شاء الله عندك ..يوصلوا *** يا يمه ساعة يوصلوا ويقولوا ليك .. شفناه فى بلد الامان مبسوط ورايق فى امان أنبسطي يا نبع الحنان وأنا حالى بيشهد بو الزمان يا يمه رسلى لى عفوك ينجينى من جـور الزمان .. . تاج السر عثمان الطيب
قريت قبل شوية انو عيد ميلادك كان يوم 19 مارس عقبال 100 شمعة يا هنوية
عمر مهدى شكرا ليك يا غالى وعقبال ما يربطوها لينا سواء انت ما نويت السنه ولا لسه شوية عين فى الجنة وعين فى النار Mama Doma
There are so many words I could try to say to you to let you know how much you mean to me, but really the two most important feelings I want you to know are...
"Thank you" for all your love, and "I love you" with all my heart.
التهانى لكل امراة سوداية و لكل ام سودانية ، و التهانى لامنا الكبري عزة نسال الله لها التوفيق وان تلفظ كثير احزانها وآلامها
03-20-2002, 10:16 PM
bunbun bunbun
تاريخ التسجيل: 02-04-2002
مجموع المشاركات: 1974
التحية لكل أم ولكل انثى وكل عام وهن بخير يا تبلدينا سلام لا فض فوك وذاك القائل اتدري ان هذه القصيدة كانت لزمن الاغتراب في الخرطوم وشتان ما بين غربة الخرطوم ومهاجرنا اليوم ولكن يبقى الكلام الطاعم طاعم لكل زمان وكل ظروف مشابهة &&&& يا يمه ساعة يوصلوا ويقولوا ليك .. شفناه فى بلد الامان يا يمه رسلى لى عفوك ينجينى من جـور الزمان
03-21-2002, 11:08 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
هاهى الاعياد تمضى العيد تلو العيد ونحن هانا قابعون نفتقد حضنك الدافئ وحنانك الفياض وبنده الله انت تعيشى ياامى .. وكل الباقى خلى على هل سيتذكرها الصديق هذا العام وفى هذا اليوم يا ليته يفعل هاهى ..
ولا انسى ان اهديها لامى دومه ، وانا اتذكرايضا تلك الرائعة رحمها الله وغفر لها فمنذ السنوات الاولى ونحن بالمرحلة المتوسطة ، كنا نشرب شاى الصباح باللقيمات على نفحات الصباح وتلك الام ليلى المغربي ولن تاتى ام او انثى تلقيها مثلما تفعلين الا رحمها واسكنها فسيح جناته يوم ،،فى الغربة يوم فى الغربة .. ماشى براى وشاقى الحّى لقيت وحيدة زى امى ترضع فى وليدها صبي ويعصر فى ضريعها شديد ،، يناتل فوقه يصرخ وى وجيتها قريب ..!! لقيتو ضريعها ضرع امى دارى غزير أظنو لبّي
وقفت شوية واتأملت فوقها كتير لقيت فى وشيشها اغرب شئ !! عيون أمى وقت ما تغوص جفون الليل تفتش لى وفى حدقاتو تلقانى .. احفظ فيه أشعارى ويدمدم بقصيدة لى .. وأشوف فى قمره وش امى وأشوف دمعاتها فى شلاخها ،،جاريات لـّى بقيت كن شفتو بادى هلال .. تجرى الدمعة من عينى وأتذكر دموع أمى .. يقالدنى يوادعنى يشابن لّى وتنقص دمعة من شلاخها ،، ترقد لى فوق خّدى
مافى احن من أمى والله مافى احن من امى أجيها صغير.. أجيها كبير تفلينى تقردن لى تحجينى وتوسوس لى :- تكبر لى يا ولدى وأشوفك ضاوى مثل الضى تحجينى وتشيل كبرى ،،واشوف اولادك يفرحوا بي احجيهم اوليهم ينوموا العافية فوق أيدى
يوم اسمع كلامك داك أحس بالعبرة تخنقنى وتحسي جوابي فى عينى وأقع فوق حضنك الدافئ وأسلم ليك فوق رأسك وأضمك انت بين ايدى وأحقق ليك أمنيتك مهما تقسي تصعب لي أوديك مكة ..الفين مره كن الالف يبقي شوى
وكن كبرك..؟؟ أساهر الليل اشيلك بين ايدى وتكبري لى .. تحضرى عروسي واولادى ويفخروا بيك متل ما كنت تفخرى بي ولو ما الدنيا فوقها شوى اكاما الدنيا فوقها شويه متل امى أكان القمري يبقى حدّى ويعيشلناس ضلام فى ضلام يفتشوا شمعة بس للضى
شمعة بتفنى زى أمى عشان بس نورها يفضل حّى أكان ما جيتها من بطنك.. أكان ما جيتها من بطنك أكان الدنيا حتى الاخرة ضاقت بي عشانك انتِ يا أمى وعشان بابوك متسمى وابوك العارفه ما زول نئ عشانك انتِ .. قلبي كبير وضيو كتير .. وماخد من شمعتك ضّى بنده الله انت تعيشى يا أمى وكل الباقى خلى على عشانك انتِ يا يمه وعشان ما أنتِ نور عينى تشيخى ،، تعيشى بيناتنا واشوفك غيمه ماشه علّى غيمة بتقصد المحتاج .. وفضلة خيرك يبقى هو حى وخيرك يغشى كل الناس .. من الماشى بالعكاز لى عند البيحبى حِِّبّي
وأشوفك فى عيون الناس .. عبيراً صافى جاى نقي أحس نسامه فى جوفى تخش بسهولة فى رئتيى شعرى القلتو يمه حزين .. شعرى القلتو يمه حزين وكلو مآسـى مرت بي الا غناك يا أمى زفره ونبضة نبضة وزفره زفره ونبضة فى دمى وبسمه عريضة فى شفتى .. . Ohhhh..my God this poem made me cry every time i read,,, i hate this alienation.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
bunbun
yasiko
فيس بوك
تويتر
انستقرام
يوتيوب
بنتيريست