(عـافية).. لا أعني (بها) حارس الهلال العظيم أحمد آدم . . عافية حسن.. صوت فريد.. يجعلك تذوب ولهاً في محراب الحب والجمال في زمن صار العشق والجمال عملة نادرة يصوت يرجع بك لسنوات.. سنوات مضت.. كانت (السيادة) فيها لعائشة الفلاتية، منى الخير وفاطمة الحاج هي إمتداد لأصوات يندر تكراراها.. حنان النيل.. البلابل.. . . هل ترد عافية للفن السوداني عافيته... وأعني الإسهام النسائي في الفن السوداني..، . . فتكم بعافية.. ولتكن كل أيامكم عافية.،
02-19-2007, 08:35 AM
الزنجي الزنجي
تاريخ التسجيل: 09-05-2003
مجموع المشاركات: 4141
وراق .. لي عودة .. بالمزيد من أعمال عافية .. بتذكر بوست مشابه لمانا مع إيمان توفيق .. خليني لما اجيك راجع ... نشوف الحكاية بتاعت ( اصوات الدويم والجبل دي )
Quote: يا حنين دي لو اشتغلت معاك يا وراق حا تزيدك عافية
دي مقطعة في أخوك كم قطيعة... ربك يعين ويديك ويدينا (العافية)
Quote: اما عافية نفسها...فهي حسب رأي وسمعي ستفوق عائشة الفلاتية ان هي التزمت بنفس خطها الابداعي منذ النغمة الاولي..
عائشة الفلاتية صوت لا يصدأ.. وبمقاييس عصرها فهي أم كلثوم زمانها.. عافية.. أتوقع لها مستقبل باهر.. فهي ذات إمكانات صوتية هائلة.. وقدرة عالية على التطريب..
Quote: صوتهامليان طرب
طرب وبس.. دا عجوة معطونة في عسل.،
02-19-2007, 09:56 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
العزيز علا الدين ،، تحيات وتشكرات على إبداعاتك ،، بالنسبة لموضوعك العاجل بهناك ،، أنحنا علينا الشيلة من سعد قشرة،، بس على شرط تنزل لينا : عافية : زوروني كل سنة مرة،،
02-19-2007, 11:16 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
أخي وراق عافيه موهبةيقف ورائها الفان الموسيقار احمد المك (مكتشف النجوم ) . هو الذى قدم (نانسي) للمستمع السوداني بعداكتشف فيهاموهبة تستحق العنايه قدمها قبل اكثر من عام في حفل باهر بقاعة الصداقه وقدمها من خلال سهره اذاعيه متميزه وذلل قبل ان يسطوا عليها المهرجين ليجعلوا منها مسخا.. ارجو ان تسمع اغنية ( ياحنين) وهى من كلمات الحلنقي ووالحان احمد المك واداء عافيه ..وهي اغنيه رائعه ستكون ضمن اول البوماتهاوالذى يحمل اسم الاغنيه
02-19-2007, 12:40 PM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
الجنرال أحمد طه.. تحياتي.، بالفعل عافية صوت مميز يأسرك من أول كلمة.. وكما ذكرت فإن أحمد المك رجل بارع.. وموهبة يقف خلها أحمد الملك والحلنقى قطعاً ستكون إضافة لمكتبة الأغنية السودانية.. . . أراك بخير.،
الحيب وراق تحياتي وتقديري عندك شك في إنو ناس الجزيرة اهل الفن وهذا لا يقدح في كونو ناس بحر أبيض ديل سمحين خلاس ويكفي منو سلسلة من العطاء النادر بكل رقة وذوبة التجاني حاج موسى وألق إيمان توفيق تشكر يا وراق . لازم يتطعم بشواهد تؤكد زعمكم أنت والحبيب تمبس ومعاها لنك الحفظ
02-20-2007, 06:37 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
الشواهد موجودة.. الشاب تامبا والحبيب نزار أنزلا أغنية للجميلة عافية.. أما لنك الحفظ فهو مطلب شعبي يا تمبس.. (مطلب شعبي خايف الناس يقروها المؤتمر الشعبي.. ربنا يكفينا شرهم ويدينا خيرهم دا إذا كان عندهم خير). . .
02-20-2007, 07:02 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
بالمناسبة بعد ما جينا البلد دي إتلخبطت علينا الأمور خاصة من ناحية الفن والفنانين وبقينا ما عارفين ده منو ولا دي ميني ولا حتى بيقولوا شنو وهل هم جوا عشان يظهروا ولا عشان يغنوا ولا عشان شنو لكن هذه العافية التي لفت نظرنا عليها والله يديك العافية يمكن تغير راينا شوية .
والله يديك العافية أخوك منزول
02-21-2007, 07:50 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
Quote: بالمناسبة بعد ما جينا البلد دي إتلخبطت علينا الأمور خاصة من ناحية الفن والفنانين وبقينا ما عارفين ده منو ولا دي ميني ولا حتى بيقولوا شنو وهل هم جوا عشان يظهروا ولا عشان يغنوا ولا عشان شنو
يا حبيب أنت في قلب صحراء نجد.. كويس ما أصابك الجنون.. أحمد الله على كده وأسكت ساكت.
Quote: لكن هذه العافية التي لفت نظرنا عليها والله يديك العافية يمكن تغير راينا شوية
والله شوف يا حبيب.. البنية دي عجبني صوتها ومخارج حروفها وتلقائيتها... يا أخي حتى وقفتها.. يعني كلها على بعضها حلوة.. يديك ويديها العافية.،
02-20-2007, 12:48 PM
الصادق خليفة الصادق خليفة
تاريخ التسجيل: 12-13-2003
مجموع المشاركات: 2351
و الله يا وراق عافيه دي و لا اقول اقول ليك أخوك خواف بس هي غناية جنس غنا والله البت ده أول مره شاهدتها في أول ظهور ليها في نجوم الغد قلت البنية دي بتكسر الدنيا واهو ما خاب ظني كسرت ناس كتتتتتتتتتتار .انا طبعاً ما معاهم يا وراق .
Quote: عجبك الطيارة ولا المطار
هههه الخال ده جن ولا شنو ، قول ليه عربية ود كاكين
02-20-2007, 01:10 PM
abuguta abuguta
تاريخ التسجيل: 04-20-2003
مجموع المشاركات: 8276
عافية بلدياتى ..هى غناية...لكن الجكس ما بريدوها قالو فاكاها فى نفسها ومزوداها حبتين...يعنى حرم اغنى منها...ولكن حرم قروية..شديد على قول عمر الفاروق ما بتعرف تلبس...
شكرا ليكم كتير
02-21-2007, 01:07 PM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
Quote: والله البت ده أول مره شاهدتها في أول ظهور ليها في نجوم الغد قلت البنية دي بتكسر الدنيا واهو ما خاب ظني كسرت ناس كتتتتتتتتتتار .انا طبعاً ما معاهم يا وراق .
قلت لي المكسرين كتار.. المشكلة تكسير الكبار.. وبعدين شنو عامل فيها زايغ.. يا أخي أنت أول المكسرين وكمان مسجلها على أشرطة فيديو.. عالم جبانة.
02-20-2007, 03:47 PM
أحمد طه أحمد طه
تاريخ التسجيل: 03-31-2004
مجموع المشاركات: 580
تلقيت اتصال هاتفي صباح اليوم من صديقي الشاعر المرهف عزمي احمد خليل من مهجره بواشنطن .. اعادني لايام كسلاويه ايام الزمن الزين.......واوصاني خيرا بعافيه.
02-21-2007, 00:47 AM
Elhadi Elhadi
تاريخ التسجيل: 01-06-2003
مجموع المشاركات: 9588
السلام عليكم وذوقك راقى يا حبيب وراق ووالف شكر للاخ تمبس لتزودنا بالمادالمسموعة والمرئية الصوت حنيين زى عش العصفور والصورة خليها ساكت عموما انا معاى اخونا محمد كبر قال لى عندوا المفكرة بتاعتو مليانة اشعار معتقة من زمن كان طالب واشعارو ده ما بيديها لى اى زول لكن ممكن تكون متاحة الان وبرضو عندنا واحد تانى كلما ازورو فى البيت مجننا عافية حسن عافية حسن كدى لو عندكم ليهو رقم تلفون بيكونوا حليتو مشكلة كبيرة خلاص
02-25-2007, 06:55 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
Quote: عموما انا معاى اخونا محمد كبر قال لى عندوا المفكرة بتاعتو مليانة اشعار معتقة من زمن كان طالب واشعارو ده ما بيديها لى اى زول لكن ممكن تكون متاحة الان
صاحبك دا قول ليه الزولة دي بدات بداية قوية.. يعني من عيار الحلنقى وإنت طالع .. لو كان ضمن العيار دا أوصيه بطرح بضاعته..
Quote: وبرضو عندنا واحد تانى كلما ازورو فى البيت مجننا عافية حسن عافية حسن كدى لو عندكم ليهو رقم تلفون بيكونوا حليتو مشكلة كبيرة خلاص
يا حبيب قول لصاحبك دا... دي تلقاها عند غافل.. التلفون دا ما ساهل .. وبالمقابل عليه أن يجتهد عسى ولعل يجد الرقم المنشود
02-26-2007, 06:59 AM
عبدالمنعم خيرالله عبدالمنعم خيرالله
تاريخ التسجيل: 08-28-2006
مجموع المشاركات: 688
يا حبيب شكرا ليك للرد لكن يا حبيب الغرض ما انقضا بالنسبة لاخوناالشاعر العظيم الحلنقى دا ما فيهو غلاط والكلام عندو كمل ,لكن برضو اخونا كبر ما هين والثقة فى اعمالو كبيرة مع العلم لحدى هسة انا ما قريتا . اما بالنسبة لاخونا بتاع التلفون انا معارف انت بتقصد انو ما بستاهل ولا انت دايير تسرق اللعب وليك اجمل الامنيات يا حبيب
02-26-2007, 07:54 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
بما أنني أثق في ذوقك.. عليك بالإطلاع عليها أي أشعار أخونا كبر.. فإذا أعجبتك، ساعتها سأقوم بإجراء اللازم (إنت اللازم قايلو شنو.. بس أكتب كم بوست دا من ناحية ومن ناحية أخرى اقول لواحد عنده علاقة بالزولة دي والله شعر أخونا كبر دا كويس..)..
Quote: اما بالنسبة لاخونا بتاع التلفون انا معارف انت بتقصد انو ما بستاهل ولا انت دايير تسرق اللعب
يستاهل ونص وخمسة.. لكن يا منعم صاحبك دا عايز يلقاها بااااااااردة.. الشغلانة ما بالسهولة دي
Quote: تلقيت اتصال هاتفي صباح اليوم من صديقي الشاعر المرهف عزمي احمد خليل من مهجره بواشنطن .. اعادني لايام كسلاويه ايام الزمن الزين.......واوصاني خيرا بعافيه.
الجنرال احمد طه تحياتي.، أرجو من الشاعر الرقيق عزمي أحمد خليل أن يتعاون مع عافية..
02-21-2007, 02:59 AM
إسماعيل التاج إسماعيل التاج
تاريخ التسجيل: 11-26-2004
مجموع المشاركات: 2514
لنا.. تحياتي.، يا حبيبة عايزة تجيبي لينا الهواء مالك.. يا حليل الغناء السمح والجميل.. ويا حليل ناسو تصدقني أنا الآن أفكر في كتابة بوست عن مساهمات الأنصار في فن الغناء السوداني.. طبعاً مساعدة العم دكتور مهدي فرض عين (مش العين المنطقة الساكنة فيها). تخريمة: الحكاية شنو البوست داير يقلب سياسي ولا شنو.. دا كله من عمر الفاروق.
02-25-2007, 07:56 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا الهادي : تحياتي.. لو عايز تعرف إنو سارة دي ما غنّاية شديد أسمعها في نفس الحلقة لمن غنّت " يا صوتها " .. زمان شبكتونا البت دي صوتها من شدة ما سمح وردي إختارها لتكون ضمن كوراله ولكن ما تم إسبوع إلا ولقيناها خارج الكورال .. يبدو إنو وردي أضانو الموسيقية نضيفة زيي كده
02-25-2007, 08:05 AM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
Quote: والله البيشوف أسماء المتداخلين في البوست ده يقول عافية دي غنّت في موقعة كرري ..
ما عندنا حظ .. ما حضرنا الغنا في موقعة كرري ففي غناء حروب التحرير والدفاع عن الوجود تعزف موسيقى الأروح .. مازالت هضاب كررى تحتضن جمال ذكرى تحسر عندها الرؤوس .
غنوا .. فالغناء يزيد إحتمالات الخروج من المآزق.
02-26-2007, 10:59 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
إسماعيل وراق
الزنجي
nazar hussien
tmbis
انعام عبد الحفيظ
أحمد طه
مجاهد عبد الرحمن
منزول محمد توفيق
الصادق خليفة
abuguta
Elhadi
عبدالمنعم خيرالله
إسماعيل التاج
lana mahdi
عمر الفاروق
محمد عبدالرحمن
Mohamed Abdelgaleel
saadeldin abdelrahman
ناجى أحمد البشير
خالدة البدوي
فيس بوك
تويتر
انستقرام
يوتيوب
بنتيريست