نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 سيجائر البنسون والجمل يعودان بقوة لالتهام البرنجى
|
اعلنت شركة اليابان للتبغ المحدودة Japan Tobacco Inc
عن شرائها كل الاسهم فى شركة حجار للسجاير والتبغ المحدودة Haggar Cigarette & Tobacco Factory Ltd
بمبلغ 450 مليون دولار امريكى ...
فى تقرير نشرته الشركة اليابانية بتاريخ 28 يوليو 2011
جاء فيه ان الصفقة ستكتمل فى نوفمبر 2011
وان نصيب حجار من سوق السجاير فى السودان يصل الى 80%
عدد العاملين فى حجار للسجاير 925 عامل
عدد المصانع "اثنان
ممثل الشركة انيس جورج ميخائيل حجار
المساهمون فى الشركة
شركة حجار القابضة
محمد خليل عثمان محمود
طه على البشير جبرالله
عدد السيجاير المنتجة لعام 2010 اربعة ونصف بليون سيجارة
4.5 billion cigarettes
السوق الكلى للسيجاير فى السودان خمسة ونصف بليون سيجارة
5.5 billion cigarettes (اعوذ بالله)
التقرير كاملا فى الوصلة ادناه(من موقع الشركة اليابانية)
http://www.jt.com/investors/media/press_relea.../pdf/20110728_07.pdf
نفس الشركة اليابانية اشترت بنسون اند هيدجيز (يا حليلو ..انا غايتو رسلونى الدكان
زى الف مرة عشان اشترى السيجاير وانا طفل)
نفس الشركة اليابانية تنتج سيجاير الجمل Camel cigarettes
باكتمال الصفقة نتوقع منافسة شديدة بين البرنجى (المحلى) و البنسون و الجمل (يعتمد
على الشركة كيف تريد اعادة صياغة الانسان السودانى !!
|
|
 
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
النصري تحياتي
يعني لا أحد يرغب في شراء وإعادة تأهيل المحالج أو مصانع الغزل والنسيج أو المطاحن أو السكة حديد أو الملاحة البحرية أو حتى الهالكة سودانير ؟ الاستثمار أصبح كريمات وعطور وصابون وشنو ماعارف وعلى الخط دخل السجاير ؟ حكومة السجم دي تستثمر في هلاك مواطنيها وموتهم بالبطيء إلي متى ؟
هل رأيت تقرير قناة الجزيرة القطرية الذي أعده مراسلهم الطاهر المرضي وتم بثه اليوم عشرات المرات عن جوع التلاميذ بالمراحل الإبتدائية؟ وأن الفصول أصبحت خاوية على عروشها بعد أن هجرها (التلاميذ) الجوعى ؟ وعودة التلاميذ من جديد بعد أن قامت جمعية أو جميعات خيرية بتقديم (صحن بليلة) عدس وساندوتشات فطور للتلاميذ ؟ وأن مدير أحدي المدارس ذكر في التقرير أن العدد زاد وأن التلاميذ يأخذون معهم ما فاض من الحاجة لأخوانهم الجوعي بالبيوت ؟ التقرير يتحدث عن ألوف مؤلفة من التلاميذ الجوعي وحتى بالصافية ؟
ماذا يقول المشير ونوابه وحكومته وأحمد الطاهر وشيخ على الإمام (البروف) لربهم في يوم آت لا ريب فيه ؟ ماذا قدموا للصغار والكبار المرضى والجوعى والفقراء ؟
الشفيع
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: ود الخليفه)
|
سلام يا الشفيع
حكومتنا الرشيدة ما عندها كبير غرض فى تلاميذ جوعى .....ما بهممها لو نصف الشعب
مات من الموت وبسبب المرض .....
الحكومة وملايين* المواطنين الذين يستفيدون من وجودها ما بشوفو الناس التعبانه دى
وما بحسبوهم ضمن المواطنين ....
صدقنى يا الشفيع ..الشعب ده حيهب قريب جدا ..
وثورته حتكون مشاترة لم يشهد العالم مثيل لها ...
بالنسبة لصفقة السجاير اعتقد ان السبب الرئيسى وراء بيع شركة رابحة
زى حجار هو انفصال الجنوب ......
وجود الشركة فى الشمال والجنوب فى وقت واحد فيهو جهجهة ووجع راس للمالكين
وحيكونو عرضة لتقلبات السياسيين واهواءهم .....
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
سلام يا ود الخليفة
زمان البرنجى ده كان من اردأ السيجار فى السودان
وما بشربه الا المقطعين ...
المنافسة كانت حادة جدا بين البنسون والروثمان...
وشوية المالبورو كان بعمل شوية شغب ....
البرنجى كان رخيص بصورة شاذة وبرضو ما كان مرغوب
الكلام ده استمر على ما اظن لغاية منتصف او نهاية السبعينيات
صعوبة استيراد البنسون فسحت المجال للبرنجى to make an statement
ومن ديك وعييك
اتفتحت على حجار ..
ده كله وانا عمرت ما سجرت ....
يازول الف حمدلله على ترك التدخين
اعتقد ربما كان ده احسن قرار تتخذه فى حياتك ...
فالسيجارة عبارة عن غبى من ناحية ونار من ناحية اخرى (اوكما قال احدهم)
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
سلام يا راوية
رمضان كريم عليك وعلى باقى الاسرة
عليك الله لو بتعرفى انيس حجار ده كلميهو بى (خاصة بعد ما يستلم الملايين)
لو داير اى خدمات .....
حسابات ...عندى
ادارة ...عندى
تكنلوجيا ...عندى
لغات ...عندى
عضلات تبش ..عندى ....
علاقات عامة ...عندى ....
سواقة ..عندى
عامل نظافة ...عندى
عامل صيانه ..عندى
تخطيط مدن ...عندى ..
لو كمان ضمانى لقائمة اصدقائه فى الفيس بووك تبقى عجوة معطونه فى عسل ....
بس بشرط بعد ما يقبض الكاش
تحياتى للوالدة
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
Quote: لو داير اى خدمات .....
حسابات ...عندى
ادارة ...عندى
تكنلوجيا ...عندى
لغات ...عندى
عضلات تبش ..عندى ....
علاقات عامة ...عندى ....
سواقة ..عندى
عامل نظافة ...عندى
عامل صيانه ..عندى
تخطيط مدن ...عندى .. |
عيني بآردة.
يا أخي احبطني، هسّع انا جيت جاري قايل البيرة ام جمل رجعت.
يا النصري ما تكلّم اليابانيين ديل يشيلو ابو تمرة معاهم.
ود الخليفة بيكون متذكرو (ابو نخلة). تقول لي الكتكت اردأ أنواع
التبغ!!!؟. ابو تمرة دي السجارة الوحيدة البتشتريها مخمّسة، وهي
اردأ من دخان العُشر...
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
بالتاكيد يا راوية
الاقباط فى السودان كلهم مهذبين ولطيفين
بالنسبة للامكانيات ...طلعنا من السودان بشهادة محاسبة
وادارة ...
جينا هنا بقينا بتاعين كلو
الحاجة الرسبت فيها وحازة فى نفسى ...شهادة بتاع فنى محاربة الافات pest control
exterminators ..لو حصلت عليها كنت دلوقت شغال رش تقيل bed bugs فى الفنادق والمجمعات السكنية
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
| Quote: ود الخليفة بيكون متذكرو (ابو نخلة) |
دقيقه دقيقه دقيقه
متذكر شنو يا ود المدير؟
ابو نخله الوحيده المتذكرا اسم لاشهر اجزخانة في امدرمان
للعم كمال سينا طرفه مع انيس حجار
قال ليه عارف الفرق بيني وبينك شنو؟
انت انيس وانا سينا
انت غنيان وانا زول مسكين
وانتو بتلفوا السجاير وانا بفرتقو
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
النصري يا دفعة
رمضان كريم وتصوم وتفطر على خير
.
.
الشعب السوداني دا كلو ح ادخل الجنة باذن الله وكمان يستاهلوا شهادة شكر وتقدير
للتعب الشديد التعبوا في الدنيا دي ( العرض دا لبورداب الداخل فقط )
.
.
لفت انتباهي صورة البروفايل العمرها 27 سنة ( 1984م )
انت دا منو المتلصق في مستر رسل دا ( على يسارو)
طبعا عرفت محمد الفاضل ولسع منفزر في الرياض
حافظ بتاع الجمالاب لسع بنفس الضحكة الهبلاء
واظن يوجد في الصورة ايضا ابراهيم سليمان
تحياتي
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: عبدالله ود البوش)
|
يا ود الخليفة ما تؤاخذ معاوية المدير ده
الزول قديم قدم الكسرة..
ياخ ده شطب راسى لمن قال لى انو متزكر وهو شاب ملاعب الجولف فى عطبرة
التابعه للسكة حديد وكان ذلك فى الاربيعينات من القرن الماضى ...
غايتو نحن جلينا بشوية من الطرماى بتاع ابوروف لكن متزكر بتاع الباسطة
فى الكورنر فى ودارو جنب نقطة البوليس ومتزكر قصة محمد قبينة المشهورة
مع بتاع الباسطة لمن قال لىهو انا باكل وانت تعد ولمن انتهى بديك قروشك ...
الغريب كمال سينا اصلا ما قابلتو مع انو من نفس المنطقة ودالبنا وبيت المال...
لكن اخوى الاكبر منى كانو صاحبه ودفعتو اظن ...
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: إبراهيم عبد الحليم)
|
سلام عبدالله
الصورة للصف الثانى تجارة بكلية الدراسات الاضافيه
بمعهد الكليات التكنلوجية 1984
الناس الفى الصورة كلهم ناس مساء ...
والقاعد على يسار استاذ رسل ده اسمه محمد كمال ..
الغريب الزولة ده اليوم كله ماسكة سيجارة ..
لايتوقف عن التدخين ابدا ...
لكن الله اعلم اذا كان بتاع برنجى لانو كان شايف روحو كويس
وشغال فى احدى البنوك الرئيسية وهو طالب
فغالبا بكون بسجر مارليورو ولفوق
ابراهيم سليمان من ناس الصباح وقد سعدت بلقاءه فى كل زياراتى
للدوحة ولو داير تشوفه ومعاهو بقية ناس المعهد فى الدوحة تعال
لمجموعة اسمها معهد الكليات فى الفيس بووك
لكن ابراهيم شكلو كده كان حنكوش ساى ايام المعهد لو لاوزت ليهو ببرنجية
بفقد الوعى مش زى المجارمة ناس ترارى ومجينقة والمغيرة وكاو ...
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
سلام نوفل
Quote: بالنسبه للبرنجي
دا لو وقفوهو ولا غيروهو الموضوع بحتاج بعدين لمستشفيات واطباء نفس وعلاج نفسي لي نص الشعب السوداني |
ما هو ده زاتو القصدناهو باعادة صياغة الانسان السودانى ...
زى ما شايف ...ناس الجبهة اعادو صياغة الشعب بحيث ان اصبح يشوف السارق بسرق و ما يقول بغم
يشوف المسئول بينهب ولا يتحرك قيد انملة (اخيرا لقيت فرصة استخدم المصطلح ده)
الشعب السودانى اتغير واتبدل بفضل المشروع الحضارى ....
الشركة اليابانية ممكن براحة تنزل بنسون فى السوق باسعار منخفضة ومنها تلقى العميان
شايل المكسر ...وشوية شوية تبدا تغير فى خارطة السجاير حتى يجى يوم البرنجى يطلع بره
الشبكة تماما وتكتمل حلقات اعادة صياغة الانسان السودانى
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: abas)
|
النصري أخوي من قبيل مستنيك اسألك من دكان الباسطه القلت لي جنب ودأرو
غايتو أنا متذكر في نفس الشارع اشهر محل حلويات الدانوب ودا باقي لي رهاب رهاب
العم المرحوم كمال سينا من أولاد ودنوباوي ورحل في الثمانينات للثوره ح 8
انيس حجار كان مصدق ليه بي كرتونة سجاير شهريا ما عارف وقفت بوفاته ولا لسه
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: النصرى أمين)
|
سلام ودالخليفة
انا اختصرت القصة شديد فى تلك المداخلة
اليك تفاصيلها
كانت هناك عربية باسطة بالرتينة فى سوق الشجرة ونقطة البوليس
فى صينية ودارو ..
محمد قبينة قالو جاء لبتاع عربية الباسطة واتفق معاهو انه ياكل من
الصينية و سيد العربية يعد ...فى النهاية لمن قبينة يشبع ويقيف
يدفع لصاحب العربية حق الباسطة المستهلكة ...
بدا قبينة ياكل وبتاع الصينية يعد
....ا ..2...3...4....5...6 والشغلانة جرت وطولت ...
اها سيد العربية بدا اتلخبت فى الحساب وطلب من قبينة يتوقف ...
قبينة قال ليهو يازول نحن اتفقنا ولا رجوع من الاتفاق ...
بتاع عربية الباسطة اعصابه باظت وقام جارى لغاية نقطة البوليس
فى ودارو ..وجاء معاهو عسكرى لسوق الشجرة ..لمن وصلو لقو قبينة لسه
مدور فى الصينية .....
القصة دى غالبا اختلقها اصحابه (ومن ضمنهم اخوى الاكبر) فهم كانو يحبو
يشاغلو بعض .......نحن كنا اطفال نسمع قصصهم ونستمتع بيها جدا
الدانوب وبتاع باسطة تانى اسمه شنو كده احمد المكى ....
كانو متنافسين شديد ....الدانوب اقرب لودارو
واحمد المكى اقرب لسوق امدرمان ....
| |
|
|
|
|
|
|
|
|
 Re: سيجائر البنسون والجمل يعودان بقوة لالتهام البرنجى (Re: النصرى أمين)
|
يا عباس غايتو بس
القروش عند سيدها والناس تريدها
اليومين الفاتو كنا عاملين برنامج بالصورة دي
الزول المعاهو في الصور قشر بيها شديد
وهسة نزيل الصورة دا جزء من الدعاية ليهو
وتعليقو الذيذ عليها في الفيس بوك
عشان كدا نكلم ليك أكرم
لانه وصل خلاص وممكن يتوسط عند أنيس حجاربعد الصورة دي
__________
بمناسبة الكيف وأم درمان
في راجل كان بيقيف في شارع الهجرة جنب بيت الاستاذ الفاضل سعيد الله يرحمه
بيبيع تسالي
وعندو كمية من أنواع التسالي
عندو تسالي أسود لي هسة تاني مالاقاني زيه
| |
|
|
|
|
|
|
|
|
|
Re: سيجائر البنسون والجمل يعودان بقوة لالتهام البرنجى (Re: Rawia)
|
يا راوية انا ما متزكر بتاع التسالى الجنب بيت الفاضل سعيد
لكن على بعد 3 دقائق فى اشهر فوال فى امدرمان وقتها اسمه الجان ..
الجان كان بالاضافة لبيع الفول المظبط بالجنبة كان برضو يبيع مشروب البيزيانوس ....
البيزيانوس انتاج مجموعة حجار القابضة ....
طبعا البزيانوس بياع هنا باسم cream soda
ولو مشيت السوبرماركت ابحثى عن cream soda انتاج شركة ال Fanta (عادة تكون فى عبوة واحد لتر)
وهى بدون لون تشبه الموية ....
فى رمضان رهيبة بشكل
جربى و ما حتندمى
| |
|
|
|
|
|
|
| |
ود الخليفه
Rawia
معاوية المدير
عبدالله ود البوش
نوفل عبد الرحيم حسن
إبراهيم عبد الحليم
abas
فيس بوك
تويتر
انستقرام
يوتيوب
بنتيريست