|
|
 30 دولار يمكنك تقليل تكلفة تدفئة مكان سكنك(يوجد شتاء فظيع)
|
الثيرموستات thermostat يمكن ان يلعب دور كبير جدا فى
تخفيض فاتورة التدفئة Heat
اذا لديك واحدة من الثيرموستات الظاهرة فى الصور ادناه ننصح
بتغييرها بديجتال لا يزيد سعرها عن 30 دولار وتركيبها ساهل جدا
جدا...
قمت مؤخرا بتغييرى الترموسيتر بعد ان شكيت لصديقى ان فاتورة التدفئة تصل لمئات
الدولارات فى الشهر ...نصحنى بتغيير الترموستات واستخدام الديجتال..
ذهبت لمحلات Rona . واشتريت واحد ب 30 دولار فقط...
طلبت من صديقى لمساعدتى فى تركيبه ليتضح لى ان عملية التركيب بسيطة جدا
ولا تستغرق سوى دقائق معدودة
اليكم الصور لنفس الترموستات الذى استخدمه الان ..
عندما ترحل من البيت او الشقة يمكنك استبدال الجديد بالقديم فى خمسة دقائق...
|
|
 
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: Ashraf el-Halabi)
|
سلام يا اسامة
ياخ انت مالاحظت كلمة "منتهى صنايعيا" دى..
لو فضل صنايعى واحد فى الدنيا مستحيل يكون انا .....
اسئلتك صعبة جدا ..وانا بصراحة سمعت كلام صاحبى وجريت ركبت الثيرموستات
وعملت البوست ....
نحن عندنا هنا نظام التدفئة عن طريق ال فيرناس furnace وهو يشتغل بالغاز
الطبيعى والغرض منه تسخين الماء و بث هواء ساخن لمواسير مخصوصة للتدفئة..
بشتغل كيف؟
الله اعلم
غايتو الا يجينا صنايعى يشرح الحتة ......
حسب فهمى للشغلانه ...اذا حصل انك عرقت فى البيت بسبب السخانه فده معناها
10 دولارات راحت مع العرق داك ..... كل مرة تعرق فانك تخسر عشرة كنجالات ....
الثيرموستات القديم متحجر وغير مطاوع ....اذا ختيتو فى 80 فهرنهايت حيقعد
فى 80 فهرنهايت... الثيرموستات الجديد زى الجوال الذكى ممكن تبرمجه
كدى بجيك راجع ...
مواعيد الوردية قربت
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: النصرى أمين)
|
سلام عادل
فعلا زى ما قال الاخ اشرف انو السبب الرئيسى
وراء التوفير هو البرمجة....
لكن برضو فى عوامل تانية ...
مثلا انا دلوقت عاملو على 23 درجة
القراءة فى العداد تقول ان درجة حرارة المنزل 23.2
والسخان ماشغال فى اللحظة دى ....
شوية شوية درجة الحرارة فى البيت حتبدا تنزل (لانه السخان ماشغال)
لمن تصل ل 23 درجة السخان ما حيبدا يشتغل ..اكرر ما حيبدا يشتغل
حينتظر شوية لغاية ما درجة الحرارة تنزل اكتر شوية على افتراض انو
درجة الحرارة البقراها الترموستات ما بالضرورة تعنى ان البيت بارد
ويجب تشغيل السخان ......بعد ان تنزل الحرارة لمثلا 21 الترموستات
حيطلب من السخان يشتغل ...الزمن الاضافى ده يعتبر توفير ...
فى حالة الترموستات العادى ..عندما يقرا 23 درجة طوالى حيشغل السخان
فى الوقت انو البيت كان ممكن ينتظر شوية ....
فى حالة البرد القارص ممكن الزول يثبت الترموستات على درجة معينة
بالضغط على زر Hold ...فى المثال اعلاه لو درجة الحرارة وصلت 23
الثرموستات طوالى حيطلب من السخان يشتغل ...
فائدة تانية ..القراءة الديجتال سليمة ودقيقة ..الترموستات الجديد
يقرا درجة الحرارة بكسر من العشرة مثل 23.2 او 23.5 او 23.9
ودى حالة تنعدم فى القديم
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: النصرى أمين)
|
يا جماعة
و الله البرد في منطقتنا شديد السنة دي
غايتو اول مرة تبرد كده في شهر 11
طيب لو جاء شهر يناير وفبراير
الحيحصل شنو؟!
انا غايتو يا النصري
مشغل
التدفئة
حقت الأرضية, وحقت الكهرباء تحت
الشبابيك, ومشغل عيون البوتجاز الأربعة
ولابس سيوتر.
درجة الحرارة حاليا في المؤشر خارج النافذة
19 تحت الصفر.
في شهر فبراير بتنزل لحدي 35 تحت الصفر.
بس في نوفمبر الحالي!, أصلا ما كان بتصل للمستويات دي.
طبعا الشمس فارقناها من شهر 10.
الله يستر السنة دي.
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: عبد الخالق امن الله)
|
سلام عبدالخالق
Quote: انو الديجتال تيرموستات اذا عايز توصلو مكان القديم لازم تغير
التوصيلا في الجهاز نفسو
لان القديم توصيلتو بتختلف |
انواع الديجتال التى تباع لدينا فى محلات مثل Canadian tire
Home depot
Rona
home hardware
معظمها بتشتغل مع معظم انواع الدفايات Furnace ...
اعتقد ان السيستم واحد فى كل دولة ...فالبشتغل فى كندا ما اظنه حيشتغل فى
النرويج مثلا ده اذا افترضنا انو الجهاز الكندى يباع هناك ......
بالنسبة لينا لو الواحد مشى المحلات دى ممكن يشيل ثيرموستات ديجتال وهو مغمض
لانو النظام واحد ونادر جدا تكون المواصفات مختلفة ...
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: النصرى أمين)
|
بوست جميل و خفيف الظل
جسم الانسان بيفقد حرارة من السطح الخارجي (مساحة السطح الخارجي للانسان) و لازم الاجهزة الداخلية للجسم تفرز حرارة مساوية للحرارة التي يتم فقدها
و اي اختلال يشعر الانسان اما بسخانة او برودة
كذلك المنازل او البيوت تفقد حرارة في الشتاء و عشان كدة لازم تكون كمية الحرارة ال بتطلع من اجهزة التدفئة
مساوية للحرارة التي يفقدها المنزل او البيت في الساعة ... ولا احب ان ادخل في معادلات
كمية الحرارة التي تفقدها البيوت تعتمد علي درجة الحرارة الخارجية التي قد تصل الي 50 تحت الصفر
عشان كدة الثيرموستات بيلعب دور مهم في حفظ المعادلة بين الطقس المعتدل في البيت و الصرف الكهربي
حاجة تانية مهمة هي انو برمجة الثيرموستات تختلف من بيت لاخر مثال اسرة يذهب اغلب افرادها للعمل و الاطفال للمدارس يعني البيت فاضي
من الساعة 7:30 صباحاً و حتي 3:30 بعد الظهر من الاثنين الي الجمعة الانسب في هذه الحالة برمجة الثيرموستات علي ان لا يعمل بكثافة خلال هذة الفترة
لانة خسارة مادية قد تصل الي مئات الدولارات في السنة حسب حجم البيت و اذا كان صاحب البيت عاقل و مُدَبِر
يبرمج الثيرموستات لكي يعمل بكثافة بعد الساعة 2:00 ظهراً عشان عند العودة من العمل يكون اليد دافيء و تكون هناك برمجة خاصة بيومي السبت و الاحد
كنت اتمني انو يكون عندي وقت اكتب اكثر لكن الرغبة اكيدة و الوقت ممحوق
لك عزيزي النصري و لضيوفك بالبوست (البردانين) كل الود
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: Elhadi)
|
Quote: الإتزان الحرارى لجسم الإنسان
يحتاج الإنسان للحفاظ على درجة حرارة ثابتة لأنسجة الجسم تبلغ 3ْ7 م، ويمثل التغير فى هذه الحرارة
ببضع درجات خطرًا يهدد صحته، بل حياته.
ومن أجل الحفاظ على درجة الحرارة هذه فى الحدود الملائمة لحياة الإنسان يتمتع الإنسان بجهاز معقد
لتنظيم درجة حرارة جسمه يقوم بتحديد درجة حرارة الأجزاء المختلفة للجسم ، وإتخاذ الإجراءات
الملائمة لتعديلها بما يكفل الحفاظ على الصحة والحياة.
فجسم الإنسان يقوم بتوليد الحرارة عن طريق حرق المواد الغذائية داخله، لتوليد للطاقة التى يحتاجها
الجسم البشرى للقيام بوظائفه الحيوية، وحتى لا تؤدى هذه الحرارة إلى إرتفاع درجة حرارة الجسم،
يعمد الجسم إلى التخلص منها فى الحالات الطبيعية وفى حالة زيادة درجة حرارة الجو، بينما يحاول
الحفاظ عليها من التسرب فى حالة إنخفاض درجة الحرارة المحيطة بالجسم.
والجسم يكتسب الحرارة ويفقدها بطرق عديدة، فاذا تساوت كمية الحرارة المكتسبة مع المفقودة كان
الجسم فى حالة (اتزان حرارى) أما إذا زادت إحداهما على الأخرى تتزايد الضغوط على جهاز التنظيم
الحرارى للحفاظ على درجة حرارة ملائمة ويزداد الشعور بعدم الراحة الحرارية .
وهناك عدة متغيرات تؤثر فى الاتزان الحرارى للجسم وبالتالى شعوره بالراحة: |
منقول من
http://www.egyptarch.com/abbasphd1,3/phd2/ch2s03.pdf
هناك كلام كثير و هناك زمن قليل ... العندهم زمن ممكن يبحتو و يفيدونا
و النصري بَحَات و بيعرف مصادر المعلومات ... و نحن بانتظاره
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: Hamid Elsawi)
|
نصري والخوة الاعزاء
نحنا في اوربا الغربية لدينا انواع كثيرة من الاجهزة وانظمة مختلفة
عشان كدا انا قلت لازم تعرف كيفيت التوصيل
اما لو في كندا نوع واحد دا موضوع بيكون ساهل
تخريمة
يا نصري طالما انت في كندا كنت عايز استقسر
منكم انا في الحقيقة متخصص في مجال التدفئة ولدي خبرة في هذا المجال في اوربا
وعندي فكرة الي الرحال لي بلدكم دا بس كنت عايز اعرق اذا في فرص للعمل
وشكرا
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: ناصر فراج)
|
Quote: 200 دولار بس الله يكون فى عونك انتة شغال بنظام تشغل الدفاية خمسة دقائق وتبطل ولا شنوء ياخى نحنا نص حطب والنص التانى كهرباء ما اقل من 600 دولار بشيل حالك مع ناس لارفيك
الله يكفينا شر جليد السنة دى. |
كلو شئ يا ناصر ولا شيل الحال مع ناس لارفك الأمراء. إنت عارف أنا خلطت كنت في البداية ناوي أكتبها كرونات لكن تاني تذكرت إنو أخونا النصري ما حينقش لي موضوع الكرونات فحصلت اللخبطة. حقيقة فاتورة شهر أكتوبر جاتني 2000 كرونة رغم إنو شهر أكتوبر ماكان بارد شديد وما إستهلكناكهرباء كتير فربنا يستر من الجاي.
تحياتي للأسرة وعبرك لناس لارفك
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: أسامة البلال)
|
يا حامد خلى الاستهبال
Quote: العندهم زمن ممكن يبحتو و يفيدونا
و النصري بَحَات و بيعرف مصادر المعلومات ... و نحن بانتظاره |
يا اخونا حامد ده مهندس ميكانيكى ومجاله تصميم
اجهزة الدفايات الصناعية الضخمة...
قال فى انتظارى قال ....
زول يقدر يفرتك السخان ويركبه من جديد ويقول ليك
النصرى منتظرنك .....
النصرى يخربه كان بفهم فى الحاجات دى ...
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: النصرى أمين)
|
سلام عبدالخالق
فى حكاية الشغل انا عندى قناعة خاصة احتمال كتيرين
هنا ما مقتنعين بيها .....
الشغل هنا كندا "هبطرش" بالمصطلح السودانى
وعلى قفا من يشيل على قولة اخوانا المصريين ...
الشرط الوحيد ليهو انك تكون تجيد ما تدعى انك تجيده
وانك صنايعى ماهر وحريف عندك خبرة عملية وعرفة ودراية
حقيقية بتفاصيل وخصائص الوظيفة ......
البلد دى محتاجة لعمالة مهارة ومدربة وليست حاملى شهادات
جامعية ......
على حسب علمى ان تخصصات فى مجال التبريد مرغوبة ومطلوبة فالبلد
شتاءها قارص و صيفها يلحم ....شركات التبريد والتسخين كتيرة جدا جدا
تحاول سد الطلب الشديد ...... انا متاكد انهم لا يمانعون فى تعيين اى شخص
يمكنه قيادة عربة الشركة والذهاب لصيانه سخان او مكيف الزبائن ......
يمكنك ان تتصفح مواقع بعض الشركات هنا ومراسلتهم فالكثيرون منهم لا يمانعون
فى استيراد العمالة المدربة من الخارج ...
الخيار التانى ان تحضر بنفسك وتشوف سوق العمل ...
واذا احتجت لمساعدة اكثر يمكنك الاتصال بى ..
وبالتوفيق
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: معاوية المدير)
|
معليش يا الهادى والله ما قصدت افطك...
Quote: والله يا النصري طقتنا صقيعة أخير منها الشعلقة في دفارات الحاج يوسف ..
ياخي الواحد جوة العربية بكدكد عديل من البرد
لا حول الله ده شنو ده هو ؟؟ |
اوع تقول لى البرد ده فى حائل!!!
ولا جيت معانا بجاى ..
الزول المستهبل داك ان شاء استرديت حقوقك منو!!!
ولا انا بهلوس برة من راسى ...
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: حسين نوباتيا)
|
سلام اسامة
| Quote: شوف لينا حلول أخرى |
خايفك تبقى زول صاحبنا...
كان ساكن فى شقة فواتيرها كلها مدفوعة ضمن الايجار(تدفئة..كهرباء .ماء الخ)
اها بكون فاتح السخان للنهاية وقاعد بالعراقى (العراقى من قدمه بقى زى الابرى الابيض)
اها شاءت الاقدار يسكن فى بيت وعليه دفع كل الفواتير ....
اول فاتورة جاتو بعد شهر خلتو زى المجنون .....
حسى انت لو عندك عراقى او تى شيرت ارميهم فى الزبالة وابقى زى ناس البلد
بكونو قاعدين فى بيوتهم بملابس شتوية زى ال sweater ....
لو دخلت بيت اى كندى مستحيل تلقى الثيرموستات قاعد فى 23 او 24 (سنتيقريد)
زينا كده ...
باختصار الحل فى العراقى ..
| |
|
|
|
|
|
|
|
|
|
Re: 30 دولار يمكنك تقليل تكلفة تدفئة مكان سكنك(يوجد شتاء فظيع) (Re: النصرى أمين)
|
والله يا معاوية زكرتنى حادثة فى فانكوفر
واحد صاحبنا كان ساكن مع ابخل سودانى فى امريكا الشمالية...
مشيت ازورهم فى البيت لقيت صاحب العمارة بحاول يقنع زولنا البخيل
انهم يصل ليهم التلاجة البايظة ....البخيل يقول ليه
Its Ok, dont worry about it
اتضح انه التلاجة معناها ميز و مشتروات وصرف....
عدم التلاجة معناتها توفير ...
وبرضو تقول لى خلى ليهم الثيرموستات الجديد؟؟؟
| |
|
|
|
|
|
|
| |
أسامة البلال
Adil Hamza
Ashraf el-Halabi
احمد محمد بشير
عبد الخالق امن الله
Hamid Elsawi
Elhadi
ناصر فراج
أسامة عبد الجليل
معاوية المدير
حسين نوباتيا
فيس بوك
تويتر
انستقرام
يوتيوب
بنتيريست