تم تصوير الفيديو قبل عدة ساعات خلف احدى المراكز التجارية.. الغرض من هذه الكوشة الالكترونية مساعدة الناس التخلص من اجهزتهم القديمة وتجميع الاجهزة و معالجتها فى اماكن مخصصة لل Recycling
(اذا لديك انترنت سريع غير الرقم الى 720 او 480 لمشاهده فيديو عالى الجودة)
09-03-2010, 08:45 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
سلام محمد الامين قبل شهور كنت ابحث عن لابتوب مستعمل لاحد الطلبة فى السودان... لقيت اعلان فى كيجيجى عن لابتوبات باسعار خرافية ..بس العنوان فى منطقة صناعية .. مشيت .... لقيتو جملون ضخم جدا جدا ... يديره قوم يبدو انهم من شرق اوربا او يهود....
المكان عبارة عن مركز لتجميع الاجهزة القديمة...
الجماعة الشفوت ديل مشغلين ليهم مجموعة من الطلبة عفاريت كمبيوتر.. يشيلو و يولفو فى الكمبيوترات ... عندهم الالاف من قطع الغيار ...هارد ديسكت ..زاكرة..فيديو كارد ...U name it النتجة مئات بل الاف من الاجهزة الجيدة جاهزة للاستخدام ... كمثال لقيت شاشة 19 بوصة LCD ب 40 او 50 دولار .. لابتوب IBM Dual Core بحوالى 100 او 120 دولار ... وشوف عينى شفت كميات من الكمبيوترات مربطات مع بعض جاهزة للشحن البحرى.. انا متاكد الجماعة ديل طارو السما من وراء متابعة الكوش .... وبعدين ياخ وبصراحة كدة فى زمننا ده مافى حاجة كوشة .. اى شئ ممكن الناس تعيد استخدامنا وتستفيد منها .. ويمكن احكى فى البوست ده قصتى مع الشركة التى تعالج مراكز الصرف الصحى للفضلات الانسانية .. قصة ستجرى لها دموعك ....
09-04-2010, 01:07 PM
أسامة البلال أسامة البلال
تاريخ التسجيل: 12-04-2009
مجموع المشاركات: 3061
عضم بس .. ناشفين نشاف.... هم عكس الامريكان... الامريكى عاده بيمارس عادة البقشيش فى حياته اليومية جماعتنا ديل ..البقشيش عنده اماكن محددة .. فى الاخر بقينا زيهم.. مافى بقشيش فى طلبة البنزين ..ولا فى البقالة .
سلام خالد فهمى ... مريت على الكوشة قبل يومين لقيتها فاضية .. ما عارف الحصل شنو ...
سلام عبدالعزيز
Quote: هذه كوشة بالجد جد.. كل ما فيها عفا عليه الزمن..
يا خى معقولة!! نسبة كبيرة من قراء البورد(فى نظرى) لسه بستخدمو شاشات CRT (شاشات ابوكرش) والاقلية تستخدم LCD النحيفة .... نفس الشى برضو فى التلفزيونات ..كثير من الاعضاء لسه بحتفظو بالتلفزيونات القديمة ...ومنهم من لم يرى البلازما فى حياته ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد الأمين موسى
Elhadi
خالد فهمي
Abdlaziz Eisa
munswor almophtah
أسامة البلال
فيس بوك
تويتر
انستقرام
يوتيوب
بنتيريست