|
|
 صاحبى الفلاشا الموهوم
|
حقيقة...هو ليس صاحبى صحبة شديدة (بمعنى اخر ليست صداقة لحام ستالين او اكسجين) ..
يعمل فى نفس الجهة التى اعمل بها ..
لاقيته كثيرا من قبل ...ولكن الاسبوع الماضى جمعتنى به الظروف
وجلسنا نتحدث لساعات طويلة ....
اثيوبى ..عمره 32 عام ..وسيم المقاطع(يشبه الممثل Will Smith من غير الاضنين الكبار)
ثورى جدا فى مفاهيمه وافكاره.. ويكاد "يفحمنى" فى المواضيع التى تطرقنا ليها..خاصة موضوع
مقتل المهاجرين على يد رجال الشرطة الكندية..
لم يزكر لى اطلاقا انه فلاشا ولم تاتى الكلمة على لسانه اطلاقا ..
لكننى "افترضت" طالما هو يهودى اثيوبى فهو بالتاكيد فلاشا ..
طيب الوهم وين؟
الوهم انو يعتقد ان قبيلة الامهرا(التى ينتمى اليها) اصلهم يهود
(وان نسبة اليهود تصل الى 80% منهم ) وانهم فاتحى البشرة و ليسو سود وان اختلاطهم
بالسكان المحليين نتجت عنهم السمرة التى تتميز بها افراد القبيلة اليوم ....
وكدليل قال لى ان امه التى هاجرت الى اسرائيل(وتعيش الان هناك) فاتحة اللون (ًwhite)
ما عارف شفت الفيلم ده وين قبل كده!!!
|
|
 
|
|
|
|
|
|
|
 Re: صاحبى الفلاشا الموهوم (Re: النصرى أمين)
|
وعند سؤالى حول عدم اقامته فى اسرائيل والعمل بها.,.
اجاب انه لا يقبل ان تتم معاملته على اساس انو
مواطن من الدرجة التانية...
الفلم ده اكيد انا شفتو قبل كده....
وين
وين
وين
| |
|
|
|
|
|
|
|
|
|
Re: صاحبى الفلاشا الموهوم (Re: النصرى أمين)
|
سلامات يا نصري
اظننا كنا مع بعض او صادف اننا كنا في نفس السينما و هي بتعرض في الفيلم ده 
المشكلة في الناس خاتفين اللونين ديل انهم ما قدامهم غير انو اللون الكاكاوي ده هو نتيجة
لاختلاط ابيض مع اسود و ليس هناك خيارات اخرى مقبولة . و المشكلة الاكبر هي انهم ممكن يكونوا
مقبولين كجزء من الجماعة لو اختاروا الاسود و لكنهم قطعا لن يكونوا مقبولين لو اتهوروا
و قرروا يختاروا الجانب اآخر.
في حل تاني و اظنوا بيشمل زولك ده و برضو بيشمل ناس تانيين كده و هو انو الوان البشرة
في العالم و اقصد الالوان الاصلية تشمل الى جانب الابيض و الاسود و الاصفر و الاحمر تشمل ايضا
اللون البني كلون اصلي و ليس نتيجة لاختلاط اسود و ابيض .
فيما يخص الاثيوبيين في فترة ما قبل التاريخ و طبعا نحن كنا معاهم و كان اسمنا الاثيوبيين
اعتقد أن هذا اللون كان موجود منذ ذلك الزمان و اظن أن في كتاب Nubia corridor to Africa
بروفيسر آدامز تطرق للمسألة دي .
عموما كدي شوف ويكبيديا قالت شنو عن ال Brown Race
http://en.wikipedia.org/wiki/Brown_people
| |
|
|
|
|
|
|
|
|
|
Re: صاحبى الفلاشا الموهوم (Re: النصرى أمين)
|
سلام ياسيف
Quote: المشكلة الاكبر هي انهم ممكن يكونوا
مقبولين كجزء من الجماعة لو اختاروا الاسود و
لكنهم قطعا لن يكونوا مقبولين لو اتهوروا
و قرروا يختاروا الجانب اآخر. |
تعرف الزول الاحمق فى السودان بقولو عليهو ابو الدقيق(الفراشة)
لانو من الحماقة برمى نفسو فى النار(او هكذا يظن صاحب المثل)
جماعتنا ديل فعلا حمقاء لكن فرقهم من ابوالدقيق انهم ما برموا
روحهم "هم" فى النار ...
بعدين يا سيف اخوى اللون البنى محجوز من زمان ..والحاجزنوا
ناس كتار زى 900 مليون نسمة ومستحيل يدونا فرصة معاهم
اسمهم الهنود (ومن جاورهم من بنغال وسيرلاكان وافغان وغيرهم من سكان تلك المناطق)
وحتى لو تنازلو لينا عن اللون ده ....اركب طيارة وطير فوق سوق اديس اببا او اسمرا او
امدرمان او الخرطوم او القضارف او دنقلا واختطف ليك 300 الف مواطن حتلقى كم منهم لونه بنى زى
الهنود المنافسين ؟
الجماعة ديل ناس سود وحقو يقرضو على كده
| |
|
|
|
|
|
|
|
|
|
Re: صاحبى الفلاشا الموهوم (Re: النصرى أمين)
|
يا على يا حبيب
الفيلم ده شغال من زمان ...
انا شخصيا جيت مارى بهناك لا الوى على شئ
خمونى الجماعة ودخلونى فيهو ..
دخلت ليك..لقيت ليك معظم اهل السودان محكرين بهناك..
جزء منهم جاتو دعوة من المدرسة الاولية
وجزء سمع من مثقفينا وادبائهم ..
وجزء من ثقافة الاغانى ..
وجزء من رجال الدين ..
وجزء من ثقافة البيت
وجزء لانو الشارع كده ..
وجزء لقيته مربط جوة السينما ومجبور على الحضور
يا على الفيلم ده شغال من زمان شديد
| |
|
|
|
|
|
|
|
|
|
Re: صاحبى الفلاشا الموهوم (Re: النصرى أمين)
|
صاحبى ثورى جدا فى افكاره..
يعتقد ان "البيض" سبب كل مشاكل العالم ..وعلى افريقيا
ان تنهض من رقدتها وتطالب بحقوقها المنهوبة ..
****
قلت له اننى استطيع ان اعرف الاثيوبى من بعيد اذا فقط
نظرت الى سيارته ..قال لى كيف ؟
قلت له لان معظم الاثيوبيين يضعون شعار بلدهم فى مؤخرة السيارة او
تحت المرايات ..
قال لى لاننا شعب نحب بلدنا ولا بد ان نحبه ..
| |
|
|
|
|
|
|
|
|
|
Re: صاحبى الفلاشا الموهوم (Re: النصرى أمين)
|
Quote: صاحبى "الفلاشا" موهوم بانه سليل جنس متفوق
يمتاز ببياض البشرة |
الأخ النصرى،
سلام..
ما فهمت مصدر الوهم..
هل هو كذب وتوهم أن أصل الأمهرا يهود؟
أم لأنه أتخذ لون بشرته كدليل على أنه من اليهود (لأن لون الأخرين فاتح)؟
أم لأنه يعتقد أن اللون الفاتح أو الأبيض متوفق.. (لم ألاحظ من حديث بتفوق الأبيض على الأيود)
وكلام صاحبك صحبح، فإن الأمهرا أصلهم يهود، والإمبراطور هيلاسلاسى هو سلسل الملك سليمان.
| |
|
|
|
|
|
|
|
|
 Re: صاحبى الفلاشا الموهوم (Re: Abureesh)
|
المكرم / النصري امين
كلام أستاذ أبوريش ده صحيح
| Quote: وكلام صاحبك صحبح، فإن الأمهرا أصلهم يهود، والإمبراطور هيلاسلاسى هو سلسل الملك سليمان. |
بس ببقي أصح لو أتكلم عن الاسرة الامبراطورية الاخر أباطرته هيلاسلاسي
ديانتهم كانت المسيحية على مذهب الارتذوكس لكين الارتباط التاريخي بالديانة اليهودية ( العهد القديم )
أتبقي في كتير من شعارات الامبراطورية الأفله ودائما كانت نجمة دؤد السداسية على بوابات القصور
حاليا طائفة اليهود الإثيوبيين قليلة مقارنة بالطوائف الاخري
ومعظمهم هاجر لإسرائيل والأتبقي منهم بضع ألاف كل مره بتظاهروا عشان يسمحوا ليهم
بالهجرة لارض الميعاد في كلام الامهرة فلاشا يعني غريب وما الغريب العادي الغريب ( المنبوذ)
عشان كده صاحبك ده ما حيقول ليك أنو فلاشا ولا حيقبله منك
( إثيوبيان جوش ) ممكن مع ملاحظة انو بياض البشرة عند الاثيوبيين ما مرتبط بالفلاشا ولا بالمهره
كتير من قوميات إثيوبيا فيها البشرة الفاتحة جنب الى جنب مع السمراء زي التجراى والقوراقي
بس ماظن كلهم بعتقدو نفس إعتقاد صاحبك ده
الحته البلاحظة برضوا حته اللون دي ما عامله ليهم هاجس شديد تتصل بالشخص نفسوا يعني الاسمر
فيهم ما مهجس من المسألة دي ولا السمره بتحاول تفتح لون بشرتة والبيضاء مهما كانت بياضه برضها
ما شائفه بياضة ده ميزة أو تفوق
تحياتي
| |
|
|
|
|
|
|
|
|
|
Re: صاحبى الفلاشا الموهوم (Re: النصرى أمين)
|
سلام ياابوريش
وعبدالناصر الخطيب ..
احتمال يكون كلامى ما واضح شديد ...لكن الشئ القصدتو
انو صاحبى الفلاشا خلافا لكل الاثيوبيين البنعرفهم ونقابلهم يوميا
يفتقد لعنصر "الكفاية الذاتية" فالاثيوبى (اى اثيوبى) فخور بنفسه
ووبلده وهويته وثقافته وديانته..لا يتطلع الى جهات اخرى و لابتملى
عينه حضارات وامم اخرى ولا يهوى فؤاده لبلدان بعيدة .....
الاثيوبى العادى لا يهتم كثيرا بالوان الناس واصولهم..
هو فقط معنى بان الجميع اثيوبيين ...
وانهم يحبون بلدهم ويفتخرون به ..
صاحبى الفلاشا (على الصعيد الاخر) يرنو قلبه وفؤاده الى قوميات بعيدة
ويحس ويشعر (كما بدا لى) انه جزء منها وانتماءه ليها يفوق انتماءه لبلده
اثيوبيا ...
ده مصدر الوهم يا ابوريش ....
وبرضو زكر ضمن حديثه ان غالبية الامهرا يهود ....اها يا عبدالناصر
مش ده الوهم ماشى بكرعين ..
تحياتى لكما الاثنين
| |
|
|
|
|
|
|
| |
Ali Sirelkhatim
Abureesh
فيس بوك
تويتر
انستقرام
يوتيوب
بنتيريست