|
|
 كيف تم الوصول لقرار فتح سفاره سودانيه فى فنزويلا؟ (تفاصيل الاجتماع)
|
(مضابط الحوار)
احد كبار الضباط فى الخارجيه : حرم شيفيز ده ارجل راجل
وكيل الوزاره : ياخى ده ارجل من الرجالة زاتها
الضابط : بالله شوف قوته وعدم خوفه من الامريكان الكلاب ديل
موظف اخر : حقو ندعوه لزياره للسودان
وكيل الوزاره : ياخى ده يستاهل اكتر من كده
يدخل وزير الخارجيه غرفه الاجتماع ..
الضابط : يا سعادتك ..ايه رائك نعمل لينا سفاره فى فنزويلا
الوزير : يا سلام عليكم ..ده الكلام
شوفو لينا زول كدى نوديهو سفير هناك
انتهى
تحيا الدبلوماسيه السودانيه
|
|
 
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
السودان يقرر فتح سفارة له بفنزويلا
الخرطوم :الصحافة
قرر السودان، فتح سفارة له في كاراكاس عاصمة فنزويلا ،وامتدح موقفها
بطرد السفير الاسرائيلي بسسب جرائم دولته في غزة.
واعلن السفير خضر هارون مدير عام العلاقات الثنائية بوزارة الخارجية د
ان دبلوماسيا رفيعا سيتوجه قريبا الي هناك لمباشرة مهامه.
واثنى السفير هارون لدي استقباله أمس رئيس بعثة فنزويلا بالسودان ،على
د موقف كاركاس من احداث غزة وقال ان هذا الموقف يكشف عن اصالة الشعب د
الفنزويلي كما يعبر بوضوح عن استقلالية قرارها .
من جانبه، عبر رئيس بعثة فنزويلا عن شكره للحكومة والشعب السوداني علىد
تثمين موقف بلاده من احداث غزة، مؤكدا ان فنزويلا لا تملك الا ان تكون نصيرةد
للشعوب المستضعفة في العالم كما انها تعد نفسها بلدا صديقا للعالم العربي
والاسلامي، مؤكدا ان بلاده مصممة على هذا الموقف الانساني العادل.
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
ياعشوائين ..كندا الغنيه قامت قبل سنوات باغلاق عدة مكاتب قنصيليات
فى كثير من الدول بسبب التكلفه الباهظه لتمويلها ..بالرغم من الدور
العظيم التى تقوم به هذه المكاتب فى خدمه الدوله ...
انتو يا كافى البلى ما عندكم اى حساب لعامل التكلفه من ايجارات ومرتبات
للعاملين هناك ..
ياخى تكلفة تزاكر سفر للسفير واسرته لكراكاس ممكن تخدم مليون غرض فى
من محاربة للبعوض وصيانة لحمامات المستشفيات وفصول المدارس الملجنه
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
دبلوماسية زعل ..
وسياسه فعل... ورد الفعل ...
وقرارات مثل قرار نميرى "منع المكيفات فى المكاتب الحكوميه" هى الودت
البلد فى ستين داهية ...
اذا كان دبلوماسينا هذا حالهم فى اتخاذ القرارات المكلفه وهم
فى حالة غضب وثوره...كيف يكون الحال لو غضب الوزير منا؟
والوكيل؟
ومدير المدرسه؟
والطبيب؟
وصاحب المصنع؟ والمزرعة؟
نحن...
ومن غير ما نزعل عشؤائيين ..
فالعشؤائيه جزء من جيناتنا المتوارثه..
حماقه وعشؤائيه مع بعض تكفى لتدمير الكره الارضيه
وليست دولة فقيره اسمها السودان
| |
|
|
|
|
|
|
|
|
 Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
هاك
يا النصري
كلام عثمان مرغني في السوداني
حديث المدينة
(العندو قرش محيِّرو.. يشتري حمام ويطيِّرو)!!
عثمان ميرغني
نشرت الصحف أمس خبراً مدهشاً.. يقول إن السودان قرر فتح سفارة في كاراكاس عاصمة دولة فنزويلا!! (وأعلن السفير خضر هارون مدير عام العلاقات الثنائية بوزارة الخارجية أن دبلوماسياً رفيعاً سيتوجَّه قريباً إلى هناك لمباشرة مهامه..).. حسب ما أوردت الزميلة (الرأي العام)..
ولمن فاتهم الاستماع.. فنزويلا دولة في قارة أمريكا الجنوبية.. اشتهرت بكونها دولة بترولية.. لكن ليس ذلك سبب فتح سفارة سودانية بعاصمتها.. فالسبب هو أن رئيس فنزويلا السيد شافيز اتخذ موقفاً قوياً متعاطفاً مع الفلسطينيين في غزة.. فطرد سفير إسرائيل وبعض الدبلوماسيين في سفارة إسرئيل.. وردت عليه إسرائيل بطرد سفيره في تل أبيب..
مع كل الإحترام للسفير خضر هارون -وهو رجل أديب أيضاً– هل تلك هي الأسس التي بموجبها تُفتح سفارات السودان في الخارج؟؟
فـ(سفارة) لا تعني مجرَّد سفير يسافر إلى هناك مع أسرته.. بل تعني متواليات مطلوبات طويلة تختصر كلها في كلمة (على حساب دافع الضرائب السوداني).. مقر للسفارة.. وطاقم دبلوماسي وإداري مع السفير.. وسكن لهذا الطاقم والسفير.. وسيارات لائقة بالسفير وطاقمه.. وكل ذلك بالعملة الصعبة خصماً على ميزانية الفقير لله.. شعب السودان..
وكنت أظن.. وبعض الظن إثم.. أن قرار فتح سفارة للسودان في دولة ما.. له حيثيات أخرى.. ليس من بينها تحيَّة الدولة على مواقفها الدبلوماسية ضد دولة أخرى.. حيثيات من قبيل العشم في تبادل مصالح اقتصادية.. أو علمية أو حتى اجتماعية بافتراض وجود عدد كبير –مثلاً- من الجالية السودانية بها..
وبهذا ربما يجوز لي أن أسأل سفيرنا خضر هارون.. وماذا إذا زالت الغيمة ورجع سفير إسرائيل إلى فنزويلا.. هل سيخرج منها سفير السودان ويقفل السفارة ويبيع سيارته ويعود احتجاجاً؟؟
من الرشد أن نبدو دولة ذات رؤية استراتيجية تفهم أن العلاقات الدبلوماسية ليست حوافز أو جوائز تمنح عند الرضا وتحجب عند الغضب.. فمثل هذا المسلك أول من يسخر منه ذات الدولة التي فتحنا فيها السفارة التشجيعية.. وربما رأوا في تصرفنا ضرباً من الدبلوماسية الجديدة التي لم تسمع بها معاهد الدراسات الدبلوماسية..
هناك قائمة طويلة من الدول التي لدينا معها مصالح ومع ذلك حال قصر ذات اليد من أن نفتح فيها سفارة.. تجنباً لتكاليف السفارات الباهظة.. فكيف نفتح سفارة في دولة فقط لأنها طردت.. وأكرر طردت.. ولم تغلق سفارة إسرائيل.. بل إن بقية طاقم السفارة الإسرائيلية موجود في العاصمة كاركاس..
وبعد يا عزيزي الخضر هارون.. هل ستغلقون سفارتكم في مصر والأردن لأن بهما سفارات إسرائيلية.. ولم يطردوا السفير الإسرائيلي؟؟
على كلِّ حال على رأي المثل السوداني الشعبي.. (جلداً.. ما جلدك.. جُر فيهو الشوك..).. (مال ما مالك افتح بيهو سفارة في كاراكاس)..
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
الاخ جعفر
شافييز يستمد قوته من دعم الشعب الفنزولى.. وقناعته(اى الشعب) ان رئيسهم
المنتخب مستعد لمحاربة الشيطان من اجل الوطن ..
وعندما تامر الامريكان بالتواطؤ مع اثرياء البترول والمنتفعين وقامو بانقلاب
ضد حكومة شافييز ..هب الشعب وفى مقدمتهم فقراء البلاد لاعادة شافييز الى السلطه ..
اما رئيسنا المبجل يستمد قوته من الاغنياء والمنتفعين واصحاب النفوذ والمصالح
معظم مؤيدى البشير لديهم مصالح من نوع ما نتيجه لبقائه فى السلطه
شافييز ما عندنا فيهو كلام
لكن الفيهم عرفناها
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
الاخ الدرديرى
اظنك تقصد بعلامات الاستفهام غموض الكلمات
اليك التفسير
الجماعه "الدبلوماشيين" ديل كانو زعلانيين جدا و مفقوعين من احداث
غزه ..ولمن قام "الفحل" شافييز بطرد السفير الاسرائيلى من فنزويلا
جماعتنا ديل ملصو القمصانين ونزلو الساحه للعرضه عرايا
والنسوان تزغرد..
اييييييييييييو.. والجلد بالسياط ...
شايف العلاقه كيف بين الدبلوماسيه الانقاذيه و اغانى الحماسه ؟
هى علاقه قريبه جدا
تقريبا اسمين لشئ واحد
وكلما يكون الدبلوماسى بتحمس اكتر و بعرف "يعرض" بكسر الراء
كلما تدرج فى السلك الدبلوماسى
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
مثال اخر لعشوائية حكام السودان
قبل سنوات اكتظ ميناء بورتسودان بالبضائع والحاويات بسبب
سوء نظام التخليص وضعف امكانيات الهيئه...
قرر رئيس الجمهوريه حل المشكله بصوره "حماسيه" متفرده
قام بتعيين "الحماسى" يوسف عبدالفتاح رامبو رئيسا للجنه
معالجه الاشكال ..
اها ..
اخونا رامبو وفى زمن قياسى فضى الميناء من البضائع
حماسة ساكت ..
يقال انو كان ينادى لسواقين الشاحنات باعلى صوته
ارح ..
ارح ..
يلا يا ..
اتحرك ..
سوق ..
امشى ....
لا جمارك ..
لا تخليص ..
لا رسوم ..
وخسرت الدوله بلايين الدولارات من الجمارك المستحقه ...
حماسه ساكت المشكلة اتحلت ..
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
يبدو ان حماسة المسئوليين الحكوميين يستمدونها من الملهم
رئيس الجمهوريه فهو مصدر الايحاء الحماسى والفحوله
اليس هو القائل
شلناها بالقوه والدايرها يشيلها بالقوه ..
البجينا مشمر بنلطع ريهو عريانيين
وناس فلان وعلان تحت جزمتى..
وجلد الكديسه..
وحرم ..
وعلى بالطلاق ..
وقريبا
بتحمر لى ليه؟
طالعنى وراء الشجره ديك
وكان راجل اقطع الخط ده ...
ونخشى ان تكون النهايه على نظير
الصهاينه والامبريالين والعملاء والخونه يركبو هنا
(مشيرا لاصبعه الاوسط)
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
اخ النصرى
زارنا قبل 7 اشهر فى مقر عملنا رجل اعمال فنزويلى و برازيلى واخر لا اذكر جنسيتة
وفى الحديث المتبادل بيننا شكا زميلى من مشقة الحصول على تاشيرة الى فنزويلا وعدم وجود خط طيران مريح الى كركاس
فاذا بزائرنا الفنزويلى يخبرنا ان ما يسمى بمجلس اتحاد اصحاب العمل اوصى قبل عام مضى بتمتين العلاقة مع السودان
وفتح مكتب تمثيل لفنزويلا فى السودان وبالعكس ليسهل من مهمة رجال الاعمال واخبرنا ايضا انة وقبل حضورة الى السودان
علم ان البلدان قد قررا الاتفاق على السعى فى هذة الخطوة وهو يامل فى القريب العاجل ان يتم فتح هذة المكاتب(سفارات)
لتذلل هذة العقبات .
الاخ النصرى
انا لا امانع فى ان تترك لخيالك العنان ون تحلم كما تشاء
ولكن ارجو شاكرا اخى ان تصيغ حلمك حتى لا تتعرض فية لافراد يتفانون فى عملهم (كالدبلوماسيين) الذى ذكرتهم
وارجو ان تروض بيت احلامك حتى لا يخرج منة ما يعكر الصفو ويزيد الغبن ليس الا .
ملحوظة:
فى اعتقادى الشخصى والله اعلم ان الصحيفة علمت بما يدور من اتفاقات بين البلدين فارادات لنفسها (مانشيت جزاب)
فكتيت ما كتبت .
تقبل تحياتى
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
الاخ هشام
Quote: ولكن ارجو شاكرا اخى ان تصيغ حلمك حتى لا تتعرض فية
لافراد يتفانون فى عملهم (كالدبلوماسيين) الذى ذكرتهم |
ياريت لو كنا نقدر نتحكم فى احلامنا وتطلعاتنا..
وريت لو كنا اقتنعنا بسوء حالنا ومصابنا ..
ياريت لو وصلنا لقناعه انو الانقاذ افضل ما يمكن ان يقدمه الشعب السودانى
ياريت... وياريت
لما احتجنا ان نصبو لوطن سامى عالى بين الامم
وطن يتقدمه عمالقتنا وليس اقزامنا ..
وطن لا يمشى فيه الظلم بين الناس متفاخرا ..
يتهدل ويتبوبر انو سيد الموقف ..
وطن لا يسوده الفساد و الرشوه والمحسوبيه
ساحاول اخ هشام الحلم بوطن عادى نرضى فيه
بكل ما يقدمه قادتنا رغم عجزهم ووهنهم
شكرا على المرور
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
Quote: ياريت لو كنا نقدر نتحكم فى احلامنا وتطلعاتنا..
وريت لو كنا اقتنعنا بسوء حالنا ومصابنا ..
ياريت لو وصلنا لقناعه انو الانقاذ افضل ما يمكن ان يقدمه الشعب السودانى
ياريت... وياريت
لما احتجنا ان نصبو لوطن سامى عالى بين الامم
وطن يتقدمه عمالقتنا وليس اقزامنا ..
وطن لا يمشى فيه الظلم بين الناس متفاخرا ..
يتهدل ويتبوبر انو سيد الموقف ..
وطن لا يسوده الفساد و الرشوه والمحسوبيه
ساحاول اخ هشام الحلم بوطن عادى نرضى فيه
بكل ما يقدمه قادتنا رغم عجزهم ووهنهم
شكرا على المرور |
الاخ النصرى
دى انشاء ساى تم ترديدها من قبل ورغم تكرارها
لم ارى اى اعتزار للاخوة الدبلوماسيين بين سطورها
| |
|
|
|
|
|
|
|
|
|
Re: كيف تم الوصول لقرار فتح سفاره سودانيه فى فنزويلا؟ (تفاصيل الاجتماع) (Re: النصرى أمين)
|
Quote: الاخ النصرى
دى انشاء ساى تم ترديدها من قبل ورغم تكرارها
لم ارى اى اعتزار للاخوة الدبلوماسيين بين سطورها |
يا اخ هشام
انا اخر واحد فى البورد ده بعرف يكتب انشاء وبلاغه وشعر وادب
ده كلام من القلب من زول قلبه على بلده من الدمار والانهيار الذى
يمر به على يد الانقاذ..
بلد بنشوفها بتدمر قصاد عيونا ونحلم باصلاحها ..تجى تقول لى
انشاء وبلاغه ...
بعدين شنو حكاية الاعتزار دى ؟
ياخى لو دبلوماسيين الانقاذ لوحدهم العشوائيين وحماسيين نكون اسعد
ناس .. على الاقل شرهم نصه بره ونصه جوه ..
البلد كلها عشوائيه وفى طليعتهم جهابزة الانقاذ..
والانقاذ لكى تستمر فى الحكم استعانت بكل عشوائى ومنفعى ومصلحجى ووضعته
فى منصب قيادى على حساب الكوادر المؤهله
امشى اى مكتب خدمى فى الخرطوم واحكم بنفسك ...
| |
|
|
|
|
|
|
| |
Ali Sirelkhatim
جعفر محي الدين
ahmed haneen
Hisham Amin
فيس بوك
تويتر
انستقرام
يوتيوب
بنتيريست