|
|
 خبراء اقتصاديون: السودان مؤهل لحل الأزمة العالمية
|
الوسط الإقتصادي العدد رقم 404 التاريخ 2009-01-27
الخرطوم: سعاد الخضر
اعتبر عدد من الخبراء الاقتصاديين أن السودان مؤهل لتغيير
النظام العالمي وحل الأزمة المالية العالمية عقب فوزه برئاسة
تجمع الـ(77)، ورهنوا ذلك بتقديمه لنموذج للاقتصاد الاسلامي قابل
للتطبيق بمشاركة الخبراء ورجال الأعمال.
وقال محمد الناير الخبير الاقتصادي لـ(الوسط الاقتصادي) إن مقدرة
السودان على حل الأزمة العالمية لن تتم إلا بتقديمه لنموذج للاقتصاد
الاسلامي قابل للتطبيق بمشاركة الخبراء ورجال الأعمال
link
|
|
 
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
بعد كثير من التريث
والتمحيص
والتفكير
والمراجعه
والبحث
اتضح لى تماما انا النصرى امين النصرى افهم من
الاقتصادين ديل خاصه السيد محمد الناير الخبير الاقتصادى
صاحب التصريح
نقول للسيد محمد الناير ..بالله عليك قبلما تقبل على العالم
وتحل مشاكله الماليه ممكن تحل لينا مشكلة ال 95% من الشعب
السودانى البعيش تحت خط الفقر ..
بعد داك ممكن تفتش معانا على شركات حكوميه وشبه حكوميه وخاصه
مختفيه تماما من المراجعه الماليه الحكوميه وجارى البحث عليها الان..
لا احد يعرف ماذا حدث لملايين الدولارات فى بطون الشركات دى
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
وطبعا يا ناير(نخلى البساط احمدى) لانى خبير زى زيك
حافترض ان كل شئ تمام التمام ..
وكل عوامل الرخاء الاقتصادى متوفره ..
لانو زى ما عارف ياناير اذا ما حلينا مشاكلنا
ما بنقدر نحل مشاكل العالم ..
يعنى يا ناير حنفترض انو البلد ما فيها حروب
ومجاعات ..
ورئيسنا لن تطارده احدى المؤسسات الدوليه بتهمة
ارتكاب جرائم ضد الانسانيه
وجبهتنا الداخليه موحده كلنا سودانيين
مافى حاجه اسمها فوراوى ,جعلى ,نوباوى,شايقى هدندوى الخ
كل شئ تمام التمام
مافى اى خطاب عنصرى ( عرقى او دينى) يصل الناس
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: نصار)
|
اخونا النصري
لك التحية
لو كان الكلام عن موارد السودان الطبيعية و قابليتها
للاستثمار و سد الفجوه الغذائية نقول يمكن
لكن نموذج اقتصادي يغتدي به
هذه تجيب جلطه
بس تجربة مزارعي البطاطس قبل سنه
كلهم في السجن لأن النموذج الاقتصادي
جعل 72% من تكاليف انتاج البطاطس
مصاريف تمويل بنكي
وكيف اخبار التعثر الخبيث الذي تحدث عنه
محافظ البنك المركزي وهي عباره عن ديون لهطت من البنوك
بضمانات وهمية وتبلغ قيمتها اكثر من رأس مال القطاع المصرفي
كله في السودان
| |
|
|
|
|
|
|
|
|
 Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
والله يا النصري أنا راي برضو كدا بس من غير حكاية الاقتصاد الاسلامي دي
بالاقتصاد العادي مع إستقرار سياسي زايد توظيف المصادر الموجودة
فعلا السودان واحد من الدول potential وميزته عن غيره من دول أمريكا اللاتينية وبيشترك في الميزة دي مع العراق أنهم متوسطين العالم ودا عندو مميزاته زي ماعارف
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: Hisham Osman)
|
الاخ هيشام عثمان
تحياتي
Quote: الاسلام تناولوا للمسائل الاقتصادية ماجاوز الزكاة والربا في احسن الاحوال
|
أرجو ان تسمح لي ان اختلف معك في هذه النظرة
وعلي سبيل المثال
(1)- قدم الاسلام منظومة محكمة للإجراءات المالية
فيما يعرف لدي جماعة الادارة المالية بقواعد
الضبط الداخلي و الدورة المستندية كما ورد
مجملا في الاية رقم282 سورة البقرة (ص 48)
(2)- في المعلامات التجارية و اسس التمويل قدم
سياسة الفائدة الصفرية و التي تركض خلفها
الدول الان لحل مشاكل التمويل
(3) تجربة بيت المال تقدم نموذج متكامل للسياسة
النقدية للدوله الاسلامية يحل محل النظام
المصرفي الغربي أو الرأسمالي كما هو سائد الان
و يحقق تثبيت قواعد الفائده الصفريه
(4)- كل الدول التي تسمي نفسها اسلامية أو تقول
انها تطبق احكام الشريعة الاسلامية اهملت
قواعد الاقتصاد حسب المفهوم الشرعي لأن ذلك
يأتي خصما علي سلطاتها و تضيف الي جقوق
المحكوم و تقلل من سلطات الحاكم
(5)- ما يسمي بالمصارف الاسلامية هي نوع من البنوك
تتعامل بالفائده مثلها مثل البنوك الغربية
وكان من الافضل اطلاق اسم البنوك الاسلاربوية
وهي اداة لاستغلال اشواق المسلمين سياسيا
والله اعلم
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: osman righeem)
|
الاخ الكريم عثمان رغيم..تحياتي
دعنا نتفق ان الاقتصاد علم يعترف فقط بالارقام لان ميدان بحثه الاساسي هو
الموارد الطبيعة وكيفية انتاج السلع وتوزيع الخدمات , والاسلام كدين ربما
بمقدوره فقط ان يلتقي بعلم الاقتصاد في الجانب السلوكي المرتبط بالنشاط
الاقتصادي لاغير, لذلك الاسلاميون لايجدون شيئا يتحدثون عنه في الاقتصاد
المعاصر , لان نمازج الاقتصاد المسماة اسلامي اغلبها نمازج تراثية لم تعد
ركائزها قائمة في عالم اليوم ,فهو اقتصاد يتحدث عن الخراج والعشور
والجزية والغنائم ودار الحرب ودار السلام, ولايملك رؤية تاصيلية عن
موارد الدولة ونفقاتها وطرق بناء الميزانية ومعالجة العجز فيها,وليس
به اشارة لمفاهيم مثل القطاع العام والخاص ولا عن دور القطاع المصرفي
ولا عن كيفية انتاج السلع, انما كل تجاربه لاتخرج عن محاولات ترقيعية
تدور في عجلة الاقتصاد اليبرالي الراسمالي وسميت اسلامية لمجرد محاولات
لتحاشي العمليات الربوية.
ثانيا يااخ عثمان,نموزج بيت المال هذا كان في دولة اقصي مهامها هو
المرابطة في الثغور وتوفير الامن,ولم يكن ضمن مهامها توفير الوظائف
وخدمات الصحة والتعليم والسكن والضمان الاجتماعي والتصنيع وخلافه, لذا
لايصلح الا علي سبيل استرجاع الزكريات
Quote:
) تجربة بيت المال تقدم نموذج متكامل للسياسة
النقدية للدوله الاسلامية يحل محل النظام
المصرفي الغربي أو الرأسمالي كما هو سائد الان
و يحقق تثبيت قواعد الفائده الصفريه
(4)- كل الدول التي تسمي نفسها اسلامية أو تقول
انها تطبق احكام الشريعة الاسلامية اهملت
قواعد الاقتصاد حسب المفهوم الشرعي لأن |
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: Hisham Osman)
|
الاخ عثمان رغيم
النظام المصرفى والمالى فى السودان لا يستطيع اداره ميزانية مدرسه ثانويه
بعدل ونظام ومساواة خليك من يحل مشاكل العالم الاقتصاديه والماليه ..
لان مدير المدرسه كوز بدقن ..والوكيل قريب الوزير والاساتذه كلهم معارف ومحاسيب
القصه بايظه من اولها
...
احد الاصدقاء عضو فى منظمه طوعيه تعمل فى مجال مساعده المسجونين
بسبب الشيكات الطائره .. (وسجون السودان مليانه بيهم)
حكى لى قصص اغرب من الخيال عن ظروف وملابسات قضاياهم
اظن والله اعلم ان السودان يتصدر دول العالم فى عدد المساجين بسبب الشيكات
الطياره ..
ناس الخبير محمد الناير ومجموعه الخبراء ديل ياريت يشوفو ليهم حل للمشكلة دى
بدل ما يضيعو زمنهم فى حل مشاكل العالم ,,,,,,
ياخ عثمان النظام الشغال فى السودان حرام زاتو نسميه نظام مصرفى او مالى
الشغلانه عباره عن جوطه و فوضى مدعومه بعدم كفاءة العاملين وفساد
اداراتهم ...
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
يا راويه والله نحن من شفع صغار عارفين المعلومه دى
وانو السودان ممكن يكون سلة غذاء العالم
وانو كل المقومات والمصادر لاقتصاد قوى موجوده
اراضى
مياه
معادن
اخشاب
ماشيه
الخ
كلو موجود..
ما منتظرين بيت الخبره يدينا المعلومه دى ..
الجماعه ديل يفهم من كلامهم انو السودان بحالته الراهنه يستطيع مساعده
العالم فى مشاكله الحاليه خاصه بعد فوز السودان برئاسه مجموعه ال 77 دوله
بعدين هم بتكلموا عن "نموذج مالى اسلامى" يقدموه للعالم
طيب مش من حقنا نسال ..
النموذج ده طبقتو فى السودان فعلا؟
وهل نجح ؟
اذا نجح
مالو حالة البلد مبشتنه كده؟
go Cardinals go
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
| Quote: خبراء اقتصاديون: السودان مؤهل لحل الأزمة العالمية |
يا النصري يا خوي
أكيد نموذج السودان الإقتصادي مؤهل لحل الأزمة المالية العالمية حلاً نهائياً وشاملاً، بس قول لي كيف؟
بمجرد ما يطبقوا النموذج السوداني بحذافيره على الإقتصاد العالمي
حيكون ما في أي زول فاهم أي حاجة عن أي حاجة
وبذلك ما في أي زول ح يعرف في مشكلة ولا مافي
وبذلك تكون اختفت المشكلة الإقتصادية العالمية من الوجود
تماماً
ياخ ده حل نموذجي ما عارف انت معترض لييه
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: Elawad Eltayeb)
|
يا العوض اخوى
Quote: بمجرد ما يطبقوا النموذج السوداني بحذافيره على الإقتصاد العالمي
حيكون ما في أي زول فاهم أي حاجة عن أي حاجة
وبذلك ما في أي زول ح يعرف في مشكلة ولا مافي
وبذلك تكون اختفت المشكلة الإقتصادية العالمية من الوجود
تماماً
|
غالبا تكون دى التوصيات التى خرج بها الخبراء السودانييون
فى مؤتمرهم التداولى الاخير
ياخى انت خبير اقتصادى احسن منى انا زاتو
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
النصري أمين
Quote: اعتبر عدد من الخبراء الاقتصاديين أن السودان مؤهل لتغيير
النظام العالمي وحل الأزمة المالية العالمية عقب فوزه برئاسة
تجمع الـ(77)، ورهنوا ذلك بتقديمه لنموذج للاقتصاد الاسلامي قابل
للتطبيق بمشاركة الخبراء ورجال الأعمال.
وقال محمد الناير الخبير الاقتصادي لـ(الوسط الاقتصادي) إن مقدرة
السودان على حل الأزمة العالمية لن تتم إلا بتقديمه لنموذج للاقتصاد
الاسلامي قابل للتطبيق بمشاركة الخبراء ورجال الأعمال |
أهلية السودان لتغيير النظام العالمي وحل الأزمة المالية العالمية مرهونة ومشروطة
بتقديم السودان نموذج للإقتصاد الإسلامي قابل للتطبيق بمشاركة الخبراء ورجال الأعمال
وهذا ما أكّد عليه الخبير الإقتصادي محمّد ناير
أنّ مقدرة السودان على حل الأزمة المالية مشروطة
ولن تتم أو يمكن تحقيقها إلا بتقديم السودان موذج للإقتصاد الإسلامي قابل للتطبيق بمشاركة الخبراء ورجال الأعمال
فالخبر يضع شروطاً حتى تتحقّق الأهلية للسودان
مناقشة الخبر يجب أن تتم داخل إطار هذه الشروط التي وضعها الخبير الإقتصادي محمّد ناير
هل يمكن للسودان تقدين هذا النموذج أم لا؟
الإجابة على هذا السؤال هو مفتاح النقاش حول هذا الخبر
فهم أو ربط الخبر بأي مدلولات أخر, يعد خروجاً من السياق العام له ومحدوديته وشروطه
تحياتي كمال
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: النصرى أمين)
|
Quote: أهلية السودان لتغيير النظام العالمي وحل الأزمة المالية العالمية مرهونة ومشروطة
بتقديم السودان نموذج للإقتصاد الإسلامي قابل للتطبيق بمشاركة الخبراء ورجال الأعمال
وهذا ما أكّد عليه الخبير الإقتصادي محمّد ناير
أنّ مقدرة السودان على حل الأزمة المالية مشروطة
ولن تتم أو يمكن تحقيقها إلا بتقديم السودان موذج للإقتصاد الإسلامي قابل للتطبيق بمشاركة الخبراء ورجال الأعمال |
الاخوة الكرام
هـل قدم السودان نموذج للحـكــم والدولـة الإسلاميـة قابل للتطبيق حتى يستطيع تقديم نموذج للاقتصاد الاسلامي,
هـل في السودان أي نشـاط سوى التعتيم والقروض بدون ضمانات والتعدي على المال العام والعمارات المنهارة والطرق بدون مواصفات والاستحواذ وتمكين ذوي الولاء دون الخبرة ؟؟؟؟؟؟؟؟؟
أحمـد الشايقي
| |
|
|
|
|
|
|
|
|
|
Re: خبراء اقتصاديون: السودان مؤهل لحل الأزمة العالمية (Re: أحمد الشايقي)
|
الاخ احمد
السودان لا يقدم سوى نماذج للظلم والفساد وسوء الحكم ..
ولو كل زول قدم نموذج واحد فقط لامتلات صفحات المنبر بها وناءت
___
الاسلام بريئ تماما مما يفعله هؤلاء المفسدون
وزى ماقال القيادى الاسلامى يسن عمر الامام
"""السودان شلت عليه الفاتحة""""
دولة راقده فوق عنقريب الموت ويقولو ليك نحل مشاكل
العالم
حلو مشاكلكم فى الاول...
باقى العالم ملحوق و فى انتظاركم
| |
|
|
|
|
|
|
| |
Abureesh
نصار
osman righeem
Rawia
Hisham Osman
Elawad Eltayeb
Frankly
فيس بوك
تويتر
انستقرام
يوتيوب
بنتيريست