|
|
 السودان فى المرتبه الرابعه فى الامم المتحده
|
فى قائمه اكثر "المتسيبيين" الدبلوماسيين فى الامم المتحده
فى عدم دفع الغرامات المروريه فى مدينه نيويورك ياتى دبلوماسيينا
الافاضل فى المرتبه الرابعه بعد الكويت ومصر وتشاد
Based on statistics supplied by the city
the report said the worst offenders
during that period were Kuwait
, which averaged 246.2 unpaid
tickets per diplomat per year
, followed by Egypt, with 139.6; Chad,
with 124.3; and Sudan, with 119.1.
119.1 دولار فى السنه متوسط الغرامات الغير مدفوعه
لكل عضو من اعضاء بعثتنا الدبلوماسيه
شرطو عينا وعيب عليكم
يجب احترام قوانيين البلدان التى تعيشو فيها....
او اركبو البصات او التكاسى .....
او امشو كدارى , كلها مربع مربعين من المبنى الرئيسى
التفاصيل فى الوصله ادناه
http://edition.cnn.com/2006/US/07/06/scofflaw.diplomats.ap/index.html[/B
النصرى
|
|
 
|
|
|
|
|
|
|
|
Re: السودان فى المرتبه الرابعه فى الامم المتحده (Re: النصرى أمين)
|
النصري
سلام
Quote: شرطو عينا وعيب عليكم
|
يا اخي هم فاضين ,متين من التن و اللخبطه وشراء المعارضين
عشان يتعلموا ولا يتنجروا ولا يستفيدوا شيئا من الشعوب المتحضره العايشين معها دي.
بالله ده سلوك بتاع دبلوماسين....
صحيح الجواب من عنوانه
وصحيح انهم سفراء لبلادنا
عشان كده لازم يعكسوا
لاي مدى نحن متسيبين
ولاي مدى نحن شعوب لا تعرف النظام
ولاي مدى نحن نغرم بمخالفة القوانين.
وهو دليل آخر لمدى الفساد السياسي و التعيين بالمحسوبيه و الواسطه و الولاء الحزبي
وحليل زمن كان السفراء زي ناس (منان)..بالله (منان) ده يا النصري تقول سفير لليوم...
ربنا يحفظه لينا ..ويقدرنا نرجع الزيه لاماكنهم الطبيعيه سفراء لنا.
تراجي.
| |
|
|
|
|
|
|
|
|
|
Re: السودان فى المرتبه الرابعه فى الامم المتحده (Re: Tragie Mustafa)
|
"119.1 دولار فى السنه متوسط الغرامات الغير مدفوعه
لكل عضو من اعضاء بعثتنا الدبلوماسيه"
ســلام يا النصــرى،
119 ticket يا سيــد وليس دولار.
متوسـط التكت فى نيويورك 50 دولار.. يبقى أحسب 50 فى 119 فى عدد السـواقين.
لكن للحق ناس نيويورك ديل صعبين جـدا فى التكتيت! اللافتات عبارة عن شـراك منصـوبـة فى الشـارع (حأصورهم وانشرهم ليك هنا).. يعنى عادى جـدا تلقى لافتـة مكتوب عليهـا ممنوع الوقوف من السـاعـة السابعـة صباحا حتى الخامسـة مسـاء مثلا.. وتعاين لسـاعتك تلقاها الثامنـة مسـاء.. تبركن العربيـة وتمشى لغرضك.. ترجـع تلقاهـم رصعـوك بتكت.. تســأل يقولوا ليك اللافتـة الشفتـهـا دى زاتهـا بين لافتتين يقولوا ممنوع الوقوف فى كل الأوقـات!!
والله لو ما شفت ما تصـدق..
| |
|
|
|
|
|
|
|
|
|
Re: السودان فى المرتبه الرابعه فى الامم المتحده (Re: النصرى أمين)
|
الاخت الكريمه تراجى
احترام القوانين قيم وتعاليم يكتسبهاالانسان من حوله...
اذا وجدت كل الناس من حولك يحترمون القانون تجد نفسك مضطر لفعل
نفس الشئ ...
انشاء الله بعد ذهاب الكيزان نحتاج ان نربى اجيالنا القادمه على
مبادئ احترام الغير والمسئوليه وحفظ هيبه القوانين..
احكى لك هذه القصه
احد الاصدقاء قرر الرجوع للسودان نهائيا
ذهبت لوداعه وجدته يوصى احد اصدقائه بدفع كل الفواتير
المستحقه بعد سفره وان لا يترك اى دين معلق..
سالته لماذا تفعل ذلك ولن تستطيع شركات التلفونات ان تلاحقك
فى السودان ..اجاب هذا دين على ولا اود ان اقابل ربى و ديون الناس
فى رقبتى ...
اها جماعتنا ديل القروش دى دين عليهم يوم الحساب
ولا هى قروش اليهود والنصارى
وحــــــــــــــــــــــــــــــــــــــلال عليهم
| |
|
|
|
|
|
|
|
|
|
Re: السودان فى المرتبه الرابعه فى الامم المتحده (Re: النصرى أمين)
|
كلامك صاح يامحمد
119 مخالفه مروريه فى السنه لكل موظف
يعنى مخالفه كل تلاته يوم ..الناس دى بتمشى وين؟؟
تفتكر لو كانت لوحات العربات ملكهم الخاص كان زاقو من الدفع؟؟
ما اظن .....
طالما ممتلكات حكومه فهى مال سايب ....
ياخى الدبلوماسيين ديل رمز البلد وواجهته الرسميه
على الاقل يفترض يكونو بعرفو الصاح من الغلط
| |
|
|
|
|
|
|
| |
Tragie Mustafa
Abureesh
فيس بوك
تويتر
انستقرام
يوتيوب
بنتيريست