|
|
 بمناسبة الارشفة - بوست رمضاني غير قابل للنقض او الاستئناف
|
تعرفوا بكري ده بكون قاعد مقزع في الكومبيوتر وفاتح الموقع يلقى ليك الكعة لي رب السما شي بالشومة وشي بالمطوة او البنية او الشلاليت يقول يا ربي ده سودانيز اونلاين ولا هردبيس اون لاين
طبعا الشكلات كيمان نبدا بي كوم الجندرة وديل زعيمتهم ديك الما بجيب اسمها ( بالمناسبة هي زولة باين عليها قلبها ابيض) دي زولة مبرمجة على حاجتين : انك تشتغل النسوان او تشكر الحزب الشيوعي ، بالله الله يقدرك وتقول حاجة في بنات آوي الا وتجيك طايرو تجندر ليك في نص الطريق
اما بقية اخواتنا ( خاصة المتزوجات وشغالات) ديل شايفين ان نحن الرجال ديل كوم بلا واتبالوا بيه _ غايتو انا عافي ليهم
الكوم التاني ديل ناس الارهابات وديل طرائق قددا
منهم ناس العنصرة ودي طبعا النغمة الجديدة في الارهاب الفكري يعني في جماعة كدة لو قلت للواحد انا ج وقبال ما تمها ينط ليك ( جلاابي يا متخلف ، يا عديم الضمير ويا بائع الرقيق والدقيق) وانت تكون قاصد تقول ليه ( جايب ليك امانة من اهلك في الخليج) والا اذا قلت ليه انا شا سريع ينط ليك ويقول ليك ( شايقي يا عنصري يا... وما يخلي كلمة في القاموس الجديد) وانت تكون ققاصد تقول ليه انا شايفك امبارح في الحفلة خالط
اما كوم السياسة فده يفتقر لكل السياسة والكياسة (وكل زول شايف فريقه احسن فريق) وفي ناس مؤيدين للحكومة مكايدة لي ناس المعارضة
وهلم جرجرا
وبكري يعاين ويضحك ويقول ليهم
اتشكالوا .. بكرةبأرشفكم
ورمضان كريم
|
|
 
|
|
|
|
د.محمد حسن
ismeil abbas
Muna Khugali
فيس بوك
تويتر
انستقرام
يوتيوب
بنتيريست