|
المريخ هو الزعيم و هل في ذلك شك
|
لم يعجبني حال الاشقاء من الهلالاب و المريخاب و ما وصلو اليه من شقاق بسبب الالقاب و لذا قررت ان ابحث جاهدا عن احقية لقب الزعيم هل هو لهلال الملايين ام للمريخ الزعيم و بعد وجدت ان كلمة الزعيم مصدرها الفعل زعم يزعم فهو زعيم و مافي زول ح يعترض علي الزعم اللغوي دا غير عبد الله الطيب او فراج الطيب و الاثنين قد انتقلا الى بارئهما و لهما ما يشغلهما في عالمهم الغيبي ذاك اذن من كثر زعمه فهو زعيم و الزعم هو الادعاء بلا دليل وفي بحثي المضني وجت ان المريخ هو الاكثر زعما فالمريخاب يزعمون انهم هم الصفوة وغيرهم هم الكرور و الشماسه و ناس برد من دون دليل على ذلك و يزعمون انهم الرواد برغم ان مشاركتهم في اي بطولة لا تاتي الا بعد ان يسبر الهلال غورها و يروض منافسيه و يخلق سمعه قوية للاندية السودانية تكفي ليفوز بعدها وصيفه بكاس مانديلا و سيكافا و دبي و كل االكاسات المدوخه بعد ان يجد الطريق ممهدا(الخيل تجقلب و الشكره لي حماد) وارجو من الاخوة الهلالاب ان يتحلو بالروح الرياضيه و ان يتنازلوا عن لقب الزعيم بطيب خاطر و ان يمدونا في هذا البوست بكل الزعومات التي تثبت زعامة المريخ
|
|
|
|
|
|
|
|
Re: المريخ هو الزعيم و هل في ذلك شك (Re: abas)
|
Quote:
ده حال الخريخياب
جنهم سرقة
وحاكونا حاكونا
|
والله الشىء العارفو انا انو الضلالاب هم بتاعين السرقة والقرصنة واللف والدوران .. المريخ هو الزعيم من قديم الزمان جوا قالوا لا الهلال هو الزعيم ولامن اقنعوهم بانو اللقب اصلا مفصل للمريخ وبالتالى ما عندهم فيهو طريقة مشوا بى هناك ل ..(على احمد) قام لحن ليهم اللقب وعملوهو سيد البلد طيب ياخ عملتو شنو يعنى امشوا افتحوا مختار الصحاح تلقوا انو اصل كلمة سيد البلد من سيد القوم وسيد القوم هو الزعيم .. يا عالم ...
حاشية : على احمد هو الاسم (الشاعري) لصلاح ادريس رئيس نادي الهلال ...... قال ملحن قال ......
| |
|
|
|
|
|
|
|