|
|
|
 Re: الزومة يتغزل في موظفة مكتب (إهداء إلى جني) (Re: الزوول)
|
السلام عليكم
أراد الزومة ( الشاعر ابراهيم الزومة وليس الصحفي صديق جني)
أن يقضي مصلحة في كريمة
ذهب إلى المكتب فقابله المدير ويبدو أنه سمع به فرحب به ترحيباً شديداً
وكتكريم له أستدعى إحدى الموظفات وأمرها أن تساعده في إتمام إجراءاته
ويبدو إنها كانت جميلة...
أعجب بها الزومة إعجاباً شديداً
ومن خلال الدردشة عرف إنها مخطوبة
فارتجل هذه لقصيدة
ويقول فيها
الزومة اشعارك رتّبا *** وقول صلاة النبي فوق هبة
ما كُتْ ترسّلها تتعبها *** وكُتْ بمشيلها أنا في مكتبها
جات تتقسم قَلْبه قَلْبه *** وموج طَمح فوق قيفو كبا
توبها طَرفو نسيمو هبا *** تسند فيهو يزيدها هيبة
وقفت قائد فوق مسطبة *** والمديرذاتو غَلبو يخاطبها
عودها إختارلو الموالى صَبة *** وقالبو في قارات أوروبا
زي دي بيها الزول يتنبا *** وحديثها زي نضم الأطبا
حَقو بالدولار راتبا *** ومديرها زاتو يكون نايبا
مزروبة مابتقدر تَقربا *** والنفوس بيها معذبا
خالقا الباري مرطِّبة *** والخلوق فوقها متكبكبا
بس لو جايي من برة معلبة *** زي دي كان الزول يشربا
ريش نعام ديسها مغلبا *** وزي سبيب الخيل مربا
العيون نواتها كهربا *** وزي هلال الصوم حاجبا
خيشيمها زي تمرة مرطّبا *** وتضوق طعم قولة مرحبا
واسعادة القال خاطبا *** وفيها سعادة مسجد قبا
نارها في جوفنا ملهلبة *** وذاتها فوق ذاتها هي معجبة
ضميرها زي دبلة خاطبها *** وساقها تابر لى شبشبا
باختصار ياخي مهذبة *** ومابتتعدى محاسن الصبا
زي دي لو فشل الخاطبا *** مو شاكوش .. دي عديلي حربة
........................
وما الناس إلا هالك وأبن هالك *** وذو نسب في الهالكين عريق
| |
 
|
|
|
|
|
|
|
|
Re: الزومة يتغزل في موظفة مكتب (إهداء إلى جني) (Re: ابوحراز)
|
السلام عليكم
ابوحراز
Quote: اها
ان شاء الله بعد دا كلو تكون الإجراءات انتهت
ومايكون صاحبك نسى الشيء الذي أتى من أجله |
صاحبنا الظاهر عليهو ادوهو شاكوش متين خلاهو ما فهم حاجة
مش قال
زي دي لو فشل الخاطبا *** مو شاكوش ... دي عَدييييلي حربة
باقيلك لو ما ضاق الشاكوش ... كان قال كدي ؟؟
تحياتي
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: الزومة يتغزل في موظفة مكتب (إهداء إلى جني) (Re: ملكة سبأ)
|
السلام عليكم
الملكي
Quote: تقريبا هبة دي هبة المهندس
وفعلا ست ابوها تستاهلا برضو
حقو جني زاتو يكون نايبا |
باللاهي
هبة المهندس سخصياً
غايتو كان كدي تستاهل الوصف
لكن قريبك ده ما بالغ يا الملكي؟؟
حَقو بالدولار راتبا *** ومديرها ذاتو يكون نايبا
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: الزومة يتغزل في موظفة مكتب (إهداء إلى جني) (Re: الزوول)
|
| Quote: حَقو بالدولار راتبا *** ومديرها ذاتو يكون نايبا |
لوووووووووووووووووووووووووووووووووول
كانت لعميد كلية كلية الاداب فى سبعينات الفرن الماضى سكرتيرة جميلة لدرجة قف وكان العميل مساوى لها فى المقدار ومضاد فى الاتجاه من حيث عدم الجمال
وكان الخبثاء يطلقون عليه
عميد السكرتيرة!
جنى
| |
|
|
|
|
|
|
|
|
|
Re: الزومة يتغزل في موظفة مكتب (إهداء إلى جني) (Re: الزوول)
|
الزول العزيز
شعرانا ديل زايدين جرسة علي باقي الشعرا
ان شاءالله البنية مرقت من عين ودالزومة
بقولوا الزول السحار لو قال وصفه عينه ما تصيب هههههههه
القصيدة قصتها تشابه قصة عينيك فيهاعلم بتاعة عبدالمنعم ابو نيران البغنيها ود اليمني
غايتو عبدالله محمد خير شال حال ود الزومة في غنية التومات لمن قال
قبلي كم زول مات بالشجن
و قبلي ود الزومة انسجن
في ضفاير اتموجن
و في تويمات اتخرجن
| |
|
|
|
|
|
|
| |
الزوول
ملكة سبأ
ابوحراز
jini
أحمد الشايقي
نصار
فيس بوك
تويتر
انستقرام
يوتيوب
بنتيريست