تزوير خطير في موقع الكاف يحرم الهلال من استضافة النهائي بالسودان

Quote: لانه لو اثير هذا الموضوع بعد ما يلعب الهلال النهائي ( انشاء الله) بالقاهرة او طرابلس لايوجد له نفع ومن حق الهلال ان يلعب النهائي في ملعبه او في تونس وذا اثار مزمل هذا الموضوع بعد النهائي يكون كلام جرايد ساي ولن يستفيد الهلال شيء

غايتو يا مهند إماإنت ( بوعي ) بتحاول تدور حول الموضوع ..
يا ماخد ليك فكرة غير صحيحة عن قدرتي على ( الاستيعاب )
طبعا الكلام القلتو ده من كتر ما هو بديهي خلينا نعتبرو وكأنو ما اتقال
وأرجع ليك تاني للسؤال :
لماذا إثارة الموضوع في هذا الوقت بالذات ؟؟
لو افترضنا انو الاتحاد الإفريقي قال ايواااا والله يا مزمل كلامك صاح
وفي عملية تزوير حصلت ..
هل ده حيغير من واقع مباراة الهلال المقبلة أمام النجم ؟؟
يعني يقولوا خلاص ..مباراة الذهاب في تونس والإياب في أم درمان ؟؟
بالتأكيد لا ... لانو حتى الصورة ( المتوافرة ) لدي الصدأ ما بتتكلم عن المباراة الجاية .. بتتكلم عن النهائي ..
طيب الهلال لسع ما وصل النهائي ..
ومفروض يكون منشغل تماما هذه الأيام بالاستعدادات لاجتياز المرحلة القدامو دي ..
والمفروض يكون الوطن كلو في حالة ( استنفار ) مع الهلال ..
الصدأ .. وغيرهامن الصحف الرياضية تمارس دورها في مساعدة الهلال
بتوضيح مكامن القصور .. بالاقتراحات ....الخ
واذا تمكن الهلال بإذن الله من اجتياز هذه المرحلة
هنا يمكن لمزمل ( الحادب على مصلحة الهلال )
أن يفجر مفاجأته .. ويعتبرها ( هدية ) مواطن سوداني لنادي يحمل اسم بلاده وصل لنهائي أبطال إفريقيا..
ويقاتل من أجل استرداد حقه المغتصب بفعل التزوير ..


أما وأن الهلال لم يصل للنهائي بعد ..
فإثارة الموضوع في هذا الوقت - كما قلت سابقا -
هو ليس سوى محاولة ( دنيئة ) من شخص ( حاقد ) لصرف الهلال إدارة .. ولاعبين .. وجمهور عن مباراته المصيرية القادمة .
.