|
|
|
 Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: على محمد على بشير)
|
العزيز على محمد على بشير
شكراً ليك .. و الله يٌعلي شأنك ...
Quote:
هيثم
عليك الله نزل لينا فى البوست دا كم حاجه حلوه كدا
بنفس مستوى الاغنيه العظيمه دى
والله يجازيك يا اخوى
لانك زكرتنا بالذى مضى
|
العفو يا حبيب و مشكور يا سميع نمبر ون .. مافي مشكلة يا بوعلوة توقعني في البوست دة ح انزل ليك ما يجود به جهازي من أغاني عمار و فااالك طيب .. يا طيب .. و انا زاااتي تذكرت الذي مضى بعد مكالمة في منتصف الليل من ناس كدة إنقطعت أخبارهم لمدة كمطاشر سنة كدة ... و أهو دة العذاب نتحملوا نسوي شنو عاد؟؟؟
خالص الود....
| |
 
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: ياسر الامير ابوجكة)
|
Quote: الحبيب / هيثم
تحية عميقة ،،،، ذكرتنا بليالي بعيدة ، وبفن راق وصوت شجي
لك كل الود ،،، وياحبذا لو عندك كثير اغنيات لهذا الرائع (عمار)
خاصة تلك التي شدى بها للراحل سيد خليفة فأبدع أيما ابداع.
لك ودي
|
العزيز دوماً ود أبوجكة... مبروك الباسوورد و حمداً لله على السلامة....
لن ننسى أياماً مضت لن ننسى ذكراها .. فتلك الأيام لا زالت عالقة بذهني و أتمنى لو يرجع الزمن للوراء حتى نعيدها ..و ليت يكون معنا كل من نفتقده من ذلك الجيل الذهبي من الزمن الجميل ... سوف أحاول أن أنزل بعض من ما أملك من أغاني عمار هنا في هذا البوست .. فقط نرجو الصبر و شكراً يا حبيب .. تحياتي العطرة للجميع بطرفكم....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: omar altom)
|
Quote: يا سلآآآآآآآآآآآآآآآآآم يا هيثم ياخ
عمار السنوسي من اجمل واعذب الاصوات الغنائية ولولاه ما عرفت اغاني سيد خليفة والجابري طريقها الي مسامع الاجيال الحالية التي لم تعاصر حقبة غناء الستينات والسبعينات. شكرا علي الاغنية الجمييييييلة.
احترامي كبير
|
عزيزي omar altom كيف حالك...
الفنان عمار السنوسي من الخامات الفنية الممتازة في بداية أواخر الثمانينات و بداية التسعينات لكن لسؤ حظه جاء في زمن و الفن السوداني يلفظ أنفاسه بالتهجير القسري في تلك الفترة و ذلك لشظف العيش و هاجر عمار إلى دول المهجر بل و هاجرت معه كل الطيور الفنية في بلاد الله تاركة خلفها ذكرى عطرة خلدوها بأسماهم و صارو معلماً بارزاً أينما حلو .. نتمنى لعمار و لكل أهل الفن من هاجروا التوفيق و العودة سالمين ً لأهلهم و وطنهم..
كل الشكر و التقدير...
| |
|
|
|
|
|
|
|
|
 Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: Alsa7afa_30)
|
Quote: هيثم سلام
أنا لي كم يوم أدخل هنا و ما قادر أسمع ولا قادر أحفظ الأغاني في الجهاز
كل يوم أقول بكرة بتشتغل لكن مافي فايدة !!
بقول لي file not found !! |
والله انا نفس (الكذالك) وخجلان اسأل قلت العيب يكون
من عندي هنا لكن بعد كده ما بسكت ما بسكت
نطالب العزيز اللذيذ هيثم يشوف لينا حل في الموضوع
الما قدر عليه ولدنا الصحافة المتخصص بتاع النغم الجميل
على فكرة اول يوم ما نسيناك كانت شغالة كويس
تحياتي الصحافة الفكيت لينا اللعب
تحياتي هيثم وفي الانتظار وللاسرة الكريمة سلام
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: الشيخ إبراهيم الشيخ)
|
الإعزاء الشيخ اللذيذ و حسام الفنان.... آسف لهذا الخلط لكن:
1- الغريبة إنو الشباب القبليكم سمعوا و تجاوبو....
2- يا حسام هل ممكن تكون المشكلة من الموقع البرفع منو؟
3- لأنه كم مرة حاولت أرفع من سودانيز اونلاين لكن بتجيني نفس كلامك الفوق داك
4- إحتمال الملفات تكون عندي سعتها كبيرة و لو كان كذلك يا حسام الحل شنو؟
5- هل في مواقع ساهلة لرفع الأغاني بحجم أكبر
6- كدي أرجع للأغاني و شوف الكود و أدرسوا كويس و تعال نشوف الحاصل شنو
و منتظرك يا حبيب.... عشان أعيد تحميل الأغاني... و نحل المشكلة دي...
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: Haytham Abdulaziz)
|
الفنان عمار السنوسى
والفنان عبد التواب عبدالله
عادل الصديق
على السقيد
واولا الطيب عبد الله
اصوات تمتاز بالرخامة والعمق
لكنها هاجرت كما تفضلت
عمار السنوسى على نحو خاص كان من جيل سيغير الكثير فى خريطة الغناء السودانى
من حيث التطريب العالى
والجدية فى تناول الغناء
وما زال فى الوقت متبق
لانه ما زال يحمل ذاك الهم
لو عاد الى نتاجه الخاص
يستطيع من خلاله ان يقول (انا هنا )
تحياتى
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: سلمى الشيخ سلامة)
|
Quote: الفنان عمار السنوسى
والفنان عبد التواب عبدالله
عادل الصديق
على السقيد
واولا الطيب عبد الله
اصوات تمتاز بالرخامة والعمق
لكنها هاجرت كما تفضلت
عمار السنوسى على نحو خاص كان من جيل سيغير الكثير فى خريطة الغناء السودانى
من حيث التطريب العالى
والجدية فى تناول الغناء
وما زال فى الوقت متبق
لانه ما زال يحمل ذاك الهم
لو عاد الى نتاجه الخاص
يستطيع من خلاله ان يقول (انا هنا )
تحياتى |
و أضيفي لهم الطيب مدثر و فيصل الصحافة و محمد سلام صاحب الأغنية الشهيرة (إتعزز الليمون) و فتحي حسين و أغنيته الشهيرة (العزيزة) كلها أصوات ندية و تقبلها المستمع بشكل جيد .. لكن و لشظف العيش و حال السودان الطارد آنذاك هاجروا و تركوا وراؤهم إرثاً يتدواله فنانو الشباب اليوم ...
الفنان عمار السنوسي ما شا ءالله عليهو صوتو فيهو تطريب ما عادي و كما قلتِ إذا دلف لإنتاجه الخاص سوف نسمع منه الدرر .. أعتقد أن لديه عمل خاص بإسم (حقو تسأل) و إن شاء الله سوف أقوم بتنزيلها هنا ... و هو يقول فيها (أنا هنا)
لك فائق الود....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: طارق جبريل)
|
Quote: هيثم كيفنك
مع الجمال دة كله
انا ما عارف انت هلالابي كيف
محبتي الاكيدة
|
حبيبنا و ولدنا ود جبريل عساك طيب....
و من الهلال تعلمنا الجمال يا طارق ... فلولا الهلال لما كان هنالك مريخ  و لا شنو؟ و انا وحات المانام و لا اكل الطعام .. لو كنت موجود ساعة ولدنا عاطف القوز سجل في المريخ لخطفته و سجلتو في الهلال .. ليقيني بهلاليته الصارخة .. لكن تسجيلوا في المريخ كان ضربة حظ و نجح في إستثمارها...
مع محبتي الأخوية الصادقة...
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: مزمل أبو القاسم)
|
Quote: الأخ العزيز هيثم عبد العزيز
لك التحية على هذا البوست الرائع
* رحل أبو آمنة حامد مخلفاً في نفوس من عرفوه وعشقوا أدبه الرفيع حسرة لا تنقضي.. ووجعاً لا ينتهي.
* احتجب الهدندوي العفيف الذي عاش عمره زاهداً.. ومات محتضناً فقره وعفته.. وحب الناس له.
* رحل بصمتٍ لا يليق بمن ملأت كلماته الدنيا وشغلت الناس.
* افتتنت أيما افتتنان برائعته الحلوة (ما نسيناك) حتى أنني جعلتها من ثوابت صباحاتي.. لا يكتمل كيفي إلا بها.. ولا يستقيم المزاج إلا بطبقات صوت الجابري وهي تترنم (جاييييي تعمل آييييييييه)؟
* هي عندي أهم من شاي الصباح.. وأحلى من قسمات حبيبتي (نون) عندما تضحك فتبرز نوناتها البديعة.
* كلمات أبو آمنة تنضح عتاباً وحناناً وحسرة.. (ما نسيناك.. ما هويناك.. جايي تعمل أيه معانا بعد ما بدلتنا.. ما هديناك أحلى ما في عمرنا.. من عواطف.. وما لقيناك)؟
* تضج أنيناً.. وتشتعل عشقاً.. زادها اللحن الجميل طلاوة ونداوة.. (الحنين قلبو بيعيش في شكو أكتر من يقينو.. تستبيهو نظرة حالمة.. تزدهر بالحب سنينو.. قلبو عايش في العيون الشاربة من حبو وحنينو.. وناكرة إنو حتى إنسان يسعى لي قلباً يعينو.. جايي تعمل أيه)؟
* عتاب لا يخلو من مودة.. وقسوة تزخر بالحنان.
* (ما كفاهو العذاب الهو فيهو.. ليه تزيد آلامو أكتر)؟
* سؤال لا يطلب إجابة!
* (ليه عيونو.. العمرها ما خانتك تبكي وتسهر)؟
* (وليه توشح فجرو بالأحزان بعد ما قلبو نوّر)؟
* (أضحى جرح الفرقة في قلبو الحزين من حبو من أكبر).
* (قلبي غافر ليك ذنوبك.. سيبو بس تنشف جراحو).
* (والحنين العاش لحبك بت تسخر من نواحو)!
* (سيبو مرة يغسل أحزانو بالأمل يشرق صباحو).
* (وكيف يطير لي عشو عصفور منكسر.. مكسور جانحو)؟
* (ما نسيناك.. جايي تعمل أيه معانا بعد ما بدلتنا)؟
* مفردات تجعلنا نتوه في عوالم الإبداع وهي ترسم صورة ناطقة لآلام المحبين.. ولواعج أهل الهوى.
* قصدية بديعة.. ترجمها فنان مبدع يملك صوتاً ندياً وحنجرة كساها الجمال.. وبللها الندى.
* أحمد الجابري.. (ما في حتى رسالة واحدة)!
* كتب أبو آمنة أيضاً: كانت معي.. عمري تجمع كله عند اللقاء الممتع..
خطواتها وقع الحداء مموسقا في أضلعي..
وحديثها الممراح..
دوزنة تدغدغ مسمعي..
اللحن في الحرف الذي في ثغرها المتمنع.
* وكتب: وشوشني العبير فانتشيت.. وساقني الهوى فما أبيت..
يد الحرير ارتعشت بكفي.. بكيت.. من رعشتها بكيت..
صبية.. العطر يشتهيها.. أمذنب أنا إذا اشتهيت؟
جدائل الليل على كتفيها تهدّلت حولي فما اهتديت..
أجمل منها ما احتوى فؤادي.. فالعبق الصادح ما احتويت..
حبيبتي أغرودة العذارى.. ورنة الأفراح إن غنيت..
حبيبتي أنيقة العطايا.. تهمى هوى إذا أنا غنيت..
* الرائع أبو آمنة حامد.. رحل دون وداع.. بعد أن أتحفنا بالروائع.. وسال من شعره (بكسر الكاف) الذهب!
* ورحل قبله الجابري بعد أن جمّل مساءاتنا بالروعة.. وكساها بأحلى الأنغام.. وأعذب الكلمات.
* أبو آمنة.. حاشا لله.. (ما نسيناك)! |
الأخ الحبيب مزمل أبو القاسم عساك بخير...
أولاً حمداً لله على سلامة العودة للمنبر و حقيقي لقد أسعدني وجودك هنا أيما سعادة و خصوصاً بعد أن تقابل في هذا البوست اللونين الهلاريخ .. بعد أن كاجرني صديقي المريخي و ود الإمتداد طارق جبريل .. و من ثم جئت أنت لتعبق المكان بهذه المنظومة التي أُعجب بها الهلالاب قبل المريخاب و لا شنو يا أبوعلوة؟ و كمان جاء حبيبنا القرضابي بشعار الزعيم الذي يٌزين صدره .. فمرحى بكم جميعاً هنا,,
تعرف يا أبو نون (الله يحفظها ليكم و يخليكم ليها) عندي إحساس بأن هذه الأغنية يوماً ما سوف تغنيها جماهير الهلال لإبنها (هيثم طمبل ) بعد العودة لكنف والده الزعيم و نحيا و نشوف .. مع تحياتي للعزيز طمبل ...
Quote: * الرائع أبو آمنة حامد.. رحل دون وداع.. بعد أن أتحفنا بالروائع.. وسال من شعره (بكسر الكاف) الذهب!
* ورحل قبله الجابري بعد أن جمّل مساءاتنا بالروعة.. وكساها بأحلى الأنغام.. وأعذب الكلمات.
* أبو آمنة.. حاشا لله.. (ما نسيناك)! |
و ما سطره قلمك أعلاه يا مزمل هو كبد الحقيقة بعينه ... و ما أوصيك يا مزمل ياااخ براحة علينا و قول لي حووصة شيل رجلك من البنزين شوية و براحة كمان على ناس قوون ديل .. لحدي ما نغلب الأهلي ...
مع فائق الود....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: عبد الدائم سيد أحمد)
|
Quote: الأخ العزيز هيثم عبد العزيز
لك التحية على هذا البوست الرائع
* رحل أبو آمنة حامد مخلفاً في نفوس من عرفوه وعشقوا أدبه الرفيع حسرة لا تنقضي.. ووجعاً لا ينتهي.
* احتجب الهدندوي العفيف الذي عاش عمره زاهداً.. ومات محتضناً فقره وعفته.. وحب الناس له.
* رحل بصمتٍ لا يليق بمن ملأت كلماته الدنيا وشغلت الناس.
* افتتنت أيما افتتنان برائعته الحلوة (ما نسيناك) حتى أنني جعلتها من ثوابت صباحاتي.. لا يكتمل كيفي إلا بها.. ولا يستقيم المزاج إلا بطبقات صوت الجابري وهي تترنم (جاييييي تعمل آييييييييه)؟
* هي عندي أهم من شاي الصباح.. وأحلى من قسمات حبيبتي (نون) عندما تضحك فتبرز نوناتها البديعة.
* كلمات أبو آمنة تنضح عتاباً وحناناً وحسرة.. (ما نسيناك.. ما هويناك.. جايي تعمل أيه معانا بعد ما بدلتنا.. ما هديناك أحلى ما في عمرنا.. من عواطف.. وما لقيناك)؟
* تضج أنيناً.. وتشتعل عشقاً.. زادها اللحن الجميل طلاوة ونداوة.. (الحنين قلبو بيعيش في شكو أكتر من يقينو.. تستبيهو نظرة حالمة.. تزدهر بالحب سنينو.. قلبو عايش في العيون الشاربة من حبو وحنينو.. وناكرة إنو حتى إنسان يسعى لي قلباً يعينو.. جايي تعمل أيه)؟
* عتاب لا يخلو من مودة.. وقسوة تزخر بالحنان.
* (ما كفاهو العذاب الهو فيهو.. ليه تزيد آلامو أكتر)؟
* سؤال لا يطلب إجابة!
* (ليه عيونو.. العمرها ما خانتك تبكي وتسهر)؟
* (وليه توشح فجرو بالأحزان بعد ما قلبو نوّر)؟
* (أضحى جرح الفرقة في قلبو الحزين من حبو من أكبر).
* (قلبي غافر ليك ذنوبك.. سيبو بس تنشف جراحو).
* (والحنين العاش لحبك بت تسخر من نواحو)!
* (سيبو مرة يغسل أحزانو بالأمل يشرق صباحو).
* (وكيف يطير لي عشو عصفور منكسر.. مكسور جانحو)؟
* (ما نسيناك.. جايي تعمل أيه معانا بعد ما بدلتنا)؟
* مفردات تجعلنا نتوه في عوالم الإبداع وهي ترسم صورة ناطقة لآلام المحبين.. ولواعج أهل الهوى.
* قصدية بديعة.. ترجمها فنان مبدع يملك صوتاً ندياً وحنجرة كساها الجمال.. وبللها الندى.
* أحمد الجابري.. (ما في حتى رسالة واحدة)!
* كتب أبو آمنة أيضاً: كانت معي.. عمري تجمع كله عند اللقاء الممتع..
خطواتها وقع الحداء مموسقا في أضلعي..
وحديثها الممراح..
دوزنة تدغدغ مسمعي..
اللحن في الحرف الذي في ثغرها المتمنع.
* وكتب: وشوشني العبير فانتشيت.. وساقني الهوى فما أبيت..
يد الحرير ارتعشت بكفي.. بكيت.. من رعشتها بكيت..
صبية.. العطر يشتهيها.. أمذنب أنا إذا اشتهيت؟
جدائل الليل على كتفيها تهدّلت حولي فما اهتديت..
أجمل منها ما احتوى فؤادي.. فالعبق الصادح ما احتويت..
حبيبتي أغرودة العذارى.. ورنة الأفراح إن غنيت..
حبيبتي أنيقة العطايا.. تهمى هوى إذا أنا غنيت..
* الرائع أبو آمنة حامد.. رحل دون وداع.. بعد أن أتحفنا بالروائع.. وسال من شعره (بكسر الكاف) الذهب!
* ورحل قبله الجابري بعد أن جمّل مساءاتنا بالروعة.. وكساها بأحلى الأنغام.. وأعذب الكلمات.
* أبو آمنة.. حاشا لله.. (ما نسيناك)! |
والله يا كايدهم قاعد تبالغ عديل كدا
يعنى اسع احنا نقول شنو ؟
قاعدين نقنع فى ناس هنا كدا انو مزمل ابو القاسم هو على رأس قائمة الصحفيين الرياضيين
فى البلد وصاحب مدرسه جديده فى النقد الرياضى ويمثل كوة امل لشباب الصحفيين بان من كد
وجد ومن اعتمد على نفسه ومن ثم على رب العالمين اكيد سيصل وان طال السفر
تجى انتا كمان تكتب لينا الدرر دى فى الفن
طيب ماكان تخلينا نخلص من حكاية الكوره دى اول ؟
والا شنو
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: ALGARADABI)
|
Quote: مزمل
سلامات
أسة يجوك ناس تاج السر و أحمد الريح و حاتم يقولو ليك الزول ذاتو مافيهو26 ضلعة!!!
تحياتي للأخ هيثم الفنان |
حبيبنا القرضابي المشاكس ... ياااخ عليك الله مشتاقين وييين ما باين ... يعني إلا نقول ليك ما نسيناك .. عشان تجينا... أها كمان مزمل زاااتو ما قصر معانا البوست هلالابي و المعجبين مريخاب طارق جبريل و كمان كاتب (كبد الحقيقة) مزمل الذي قال الحقيقة في هذه الغنية ... غايتو انا قلت ليهو الخوف من بهاء الدين يقوم يكسر ليهو ضلعو كلها .. غايتو الله يستر .. ما تنقطع يا باك...
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: مزمل أبو القاسم)
|
Quote: ياهيثم بهاء الدين خليهو
أبو تريكة كيييييف؟؟؟؟ |
و الله يا أبو نون ... بتاع فودافون دة إلا يحوشوا مننا المانام و لا أكل الطعام ... غايتو عمار مرق دة لو شارك معناها مع السلامة للهلال ...
تعرف يا مزمل الحديث معك ذو شجون خصوصاً في الخد و هات و مكاجرة الهلاريخاب مع بعضهم البعض ... و يار يت لو عبدالمولى الصديق معانا بجاي... كان المنبر تلقى عجاجو في السماء....
لك كل الود....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: ياسر الامير ابوجكة)
|
Quote: حبيبنا المسافر عينه قوية / هيثم
هذه الاغنية أثارت فينا كوامن الشوق لأهلنا الطيبين ، وجددت الأمل بالعودة الى الوطن
( وكيف يطير لي عشو عصفور منكسر ...... مكسور جناحو ) ،،، انشاء الله تطير لي عش الاولاد وأنت أيها العصفور منتشي
ومفرود جناحك.
تحياتي لكل العصافير الجميلة وخاصة عمار.
خالص مودتي
ود الامير ابوجكة |
حبيبو ياسر أبوجكة...
فعلاً و الله المسافر عينو قوية و أكل العيش بحب الخفية على قول أولاد بمبا... معليش إنقطعت عن البوست لمشاغل السفر للسودان و هلمجرا... و كما تمنيت لي يا صديقي عاوز أطير لي عش صغاري و أحضنهم علي أحسن من الغربة المن دون أولاد دي ... الله يجمع الشمل ...
مع محبتي الأخوية....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: ترهاقا)
|
Quote: التحية عبرك للفنان الصديق الخلوق عمار السنوسى
والله إفتقدت هذا الرجل كثيرا بعد سفرى من الرياض والايام التى قضيناها فى الرياض
احمد ساطور |
العزيز أحمد ســاطــور....
و لك أضعـافهــا و أنت تمر من هنــا ... و عاطر التحايا للفنان المهذب عمار ... الذي نفتقده كثيراً في زمن "راجل المرا" فذلك الجيل من أمثال عمار لم نسمع منهم إلا درراً نســأل الله لهم جميعاً الصحة و العافية و العودة سالمين ....
فائق الود.....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: انعام عبد الحفيظ)
|
Quote:
هيثم تحياتي
القلبية
لابو النسب عمار بن السنوسي الخلوق الجميل
وتحياتي للؤي الذي افتقدناه كثيرا
ولك بالطبع |
العزيز دوماً الموصلــي....
كيف حالك "و ليك مدة ما بنت يا حبيبنا وييين إنت" ... حقيقي عمار زول فنان بمعنى الكلمة و في بداياته الفنية كان ساكن في القوز و كانت لديه علاقات إجتماعية حلوة آنذاك في القوز و الحلة الجديدة فهو إنسان يعشق الفن حد الثمالة .... رد الله غربته سالماً لإهله و لمحبيه....
و إن شاء الله سوف تصل تحاياك لحبيبو ود شمت الغايب الحاضر.... الذي نفتقده كثيراً هنــا...
و كن بخير....
| |
|
|
|
|
|
|
|
|
|
Re: ما نسينـاك جاي تعمل إيـه معانـا *** الفنان المُبدع عمار السنوسي*** (Re: Haytham Abdulaziz)
|
التحية لك هيثم و التحية لنهرالإبداع المتدفق الإستاذ عمار السنوسي
و اهديكم
من طرف الحبيب
جات أغرب رسائل
يحكي عتابه فيها
وقال ناسينه قائل
ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدّار وخنته
أسأل عني غيري
واحكم في مصير
ياما تشوف دلائل
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل
| |
|
|
|
|
|
|
| |
Haytham Abdulaziz
على محمد على بشير
الشيخ إبراهيم الشيخ
Elmosley
omar altom
عبدالكريم الامين احمد
Alsa7afa_30
انعام عبد الحفيظ
سلمى الشيخ سلامة
طارق جبريل
عبد الدائم سيد أحمد
ALGARADABI
ترهاقا
Sayed Bekab
فيس بوك
تويتر
انستقرام
يوتيوب
بنتيريست