|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: adil amin)
|
والله يا أساسي حروفي جبانة بشكل كبير
كتبت مية رد ومسحتهم خوفاً من زعلك ( أو قل عدم رضاك من ردي )
بس والله زعلان ليك لما تكتب
في حق الهلال
وفي حق الكتابة الجميلة ( والمؤثرة ) التي تضحى بها ..
ولا اريد ان ( أتفلسف ) عليك وانظِر عن الهلال والمريخ وليه هم كده
وخليك احسن ... وما إلى ذلك ..
فقط شكلك بهذه الصورة غير جميل
ولا يشبه (حاجاتك) التي أحب ... غض النظر عن القناعة
معليش برضو شكلي نظرت ...
وسأضف الرد دون أن أشاهده مخافة أن امسحه
وحرصاً أن يصلك رأي ما مني بحكم الود الذي أكنه لك ....
| |
 
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: tmbis)
|
وعملتوا ليهو ( حفلة ) ..
فحسب علمي يا ( اساسي ) .. انه الزول في ( حلتكم ) .. لو ماشي ( القضارف ) بتعملوا ليهو ( حفلة ) ..
وبمشي معاهو ( بوكسي ) مليان اقرباء ( من الدرجة الاولى ) .. لحدى ( السو الشعبي ) ..
..
..
مشية اخوك دي لـ( القاهرة ) .. بتكونوا عملتوا ليها ( عرس شهيد ) عديل ..!!
تمبس ..
| Quote: إنت وأخوك الاتنين قومو لفــو كدا .. واللا كدا |
وهم من زمان يعني قاعدين يعملوا في شنو ..!!
| |
|
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: الصادق صديق سلمان)
|
اساسي كدي خلينا من اخوك عليك الله اعملينا دعوة مكربة زي دي
اجمل التمنيات بالفوز للمريخ السوداني والاهلي المصري اما...السوداني علي التوالي
لمباراة الترجي بس عشان نحنا ما عايزين المريخ ينهزم خليها تبقي كده
اجمل التمنيات بالفوز للترجي التونسي وكوارا النيجيرى علي الهلال والمريخ السوداني
يازول انا بتبرك بيك .....
Quote: قال فريق الترجي بحاجة لمساندة قوية لحفظ ماء وجهه في البطولة الافريقية؟؟
والله بالجد
|
اغايتو اخوك ده من شدة كرهو للهلال نسي مباراة المريخ الملعوبة في السودان ، ومشي يشجع
الترجي ، فعلا هلالاب زعلانين ..........
| |
|
|
|
|
|
|
|
|
 Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: رقم صفر)
|
| Quote: وهم من زمان يعني قاعدين يعملوا في شنو ..!! |
أخوهو ما عارفــو يا حميده ..
لكن صاحبك ده .. والله تلقاهـو زمان في (الفات وفات) ما كان قاعد يلف ..
تقول لي يلــف ..
ده النوعية الاتعلمت اللف كبيرة .. تجي تقول لي يمشي القضارف..
قضارف شنو ياهداك الله ..؟
زي دا... كان (لفــه) نفس واحد .. (بيطرش غالي) طوالي.. ويبقى للناس في رقبته
ده كويس .. قال أخوهو قال ليهـو.. ما تشجع الهلال
في واحد أخونا صعيدي بي هناك:
جايب ليهو زهــور .. وحمام رقاص .. وما بعيد يقوم يجيب لينا.. (طاقية) يقول بين الشوطين الناس دي تأكيدا لي أواصر الصداقة .. نقوم نلعب لعبة (القبعة)
يحليلك يا طارق نقد .. والله لو كنت في السودان حسع كان عملت ليهم رحــلة..
| |
|
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: tmbis)
|
يا حميـــده:
زمانك كان عندنا واحد في الحلــة عندو قــرد..
القرد ده امكانيتو عالية جدا ..
وزادت امكانياتو بعد مباراة الهلال الأخيرة ( في التاهل للمربع الذهبي )
شفت المربع الذهبي دي عامله كيف..؟
وتجي تقول لي يمشي القضارف..؟.. وكمان بي بوكسي ..؟
معاك ساعة.؟
ـــــــ
ملحوظة:
نسبة لتعطل خدمة (الوشوش) بكل انواعها واحجامهاومسمياتها.. نكتفي بهذا القدر .. من الدلالات والتلميحات .. فيما يتعلق ..
دا لو كان في .. ما يتعلق زاتو.
| |
|
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: اساسي)
|
اســـــــــــــــــــــــــــاسي ( بعد الكراسي)
وقبل الكراسي اساسي
وقبل الكاس اساسي
وبعد الكاس اساسي برضو
عارف ليه؟؟
مرمي الله ما بترفع
هو زاتو العقل والقلب الخلاك تشجع المريخ (الماصفوة ولا سيد البلد) ، ما منتظرين منو اكتر من كدا
وهاك كرنقو دا
وجااااااااااااااااااااااااااااك ابوعوج قودوين
والترجي الله يكون في عونو
بس انتو يا المريخاب انستروا، واتاهلوا لي الاربعة
يعني ما ممكن الهلال في الابطال وصل الاربعة وبتقولو عليهو كلامكم دا
وانتو في الكونفدرالية ما وصلتو الاربعةومادين لسانكم
كدا الحقوانا وبعد داك اتفاصحوا
يا وصيف ياوصيف ياسادة
غلبك فرحني زيادة
| |
|
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: Ahmed Mohammed Osman)
|
السمانى
ياخى لو عملت بوست لناس سنة اولى زواج لعمت الفائدة, اواخر فى تسكيت الصغيرات الباكيات كان طلعت الاول ,او اضافة وصفات اعشاب لعلاج الصغار الرضع فى كيفية استعمال اليانسون وماء غريب وعلاج التطريش كان طلعت الاول...
لكن طرقت ليم مجال انت فيه nill,,,لا تعرف تشجع الاهلى ابقوتة فضلا عن المريخ هازم الدولفين ومدحور كورارا العوارا,,او الاهلى بطل القرن الذى مات ودفن
بوستاتك الفوق دى هى سبب نصر الهلال كلما رايت لك بوستا فى الكرة ايقنت ان ابو الهل منتصر لا محالة ,,,
بس الموضوع الاهم هو,,,كتابتك الشترا فى الكرة وتشجيعك اللعوج فييها ,,مما بعث روح النضال النتن فى زمرة ناس فاكنها فى انفسهم على انهم صحفين وهم عمال كوبى بيست اطلقو على انفسهم صحفيون رياضيون,,,فهم فى وادى والصحافة فى وادى والرياضة فى وادى اخر, ديل انطلقو من قاعدة تسمى اساسى,,,كيف زول زى اساسى مابفهم فى الكرة ام دلق ,كيف لهذا الوغد الوليد ان يتجراء على زعيم الكرة وسيد البلد ويكتب بشجاعة لا خوف فيها من بعبع ولا بعاتى,,,مما حداهم وشجعهم ياتون من كل حدب وصوب زرافات ووحدانا, منهم من معلق فى البروفى فايل صورة اسد,,واخر ملعلق ليه صورة فنان مرموق,,ومتصابى مرة بطاقة عضوية ومرة صورة سلام ميت,واخر دارع ليه وجه لاعب عجوز ,واخر كل مطرة صابى اسمو قريب من كدا بالله ,,,اها ديل صحفين رياضيون يشيعون فى دفن الكرة السودانية فى شخص سيد البلد,,وسيدها ماشى وهم يعوون
اسى بقولها ليكم بصراحة من الان احضرو ليكم نايحات وثكالى , لحضور الفاينال فى قلعة الاقمار الكاس دا حقنا حقنا وابو الهل دا بطل افريقيا وسوف نلعب فى اليابان وسوف ناتى ثالث المجموعة وسوف نسمى سيد البلد وقتها سيد افريقيا,,اها موتو بكمدكم وحقدكم وخليكم مع ناس قطن ومحالج وشلف وخلف , عوارا وكوارا ودلفين ودرفين,,
وسوف يتكرم عليكم الزعيم وينقلكم من عالم الوصفاء الى عالم الابطال ..شفتو الزعامة مفعولها يسرى فيكم على رقم حقدكم..هنا تتجلى قدرة سيد البلد,,ووقتها كلكم تاتون صاغرون بركاتك يازعيم
اها
فتكم عافية يا صحفيين البورد
ابو لدن
صحفى رياضى
| |
|
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: humida)
|
طبعا انا من قبيل بعاين ليكم راجيكم تنتهوا شايفكم داخلين ومارقين في البوست عشان اجمعكم كلكم وارد ليكم رد واحد . المفروض الان تكونوا انتهيتوا ما دام البوست صفى علي حميضة وطمبس يبقي مافي كلام مفيد او كلام جديد يتقال وعلي هذا الاساس قررت انه ارد لجميع المعلقين علي البوست من الرشاشات لانه كمان ما من الحكمة اعاملكم كرشاشات كافراد معاملة الرجل العادي او كما يقول القانونين . وذلك لفقدان الاهلية والسبب تشجيع الهلال بدون اي مبررات مقنعة فلا هو حمل كاسات من قبل ولا هو شرف البلاد والعباد ببطولة حتي لو كانت المنافسة علي سكج بكج .
قد يقول قائل منكم ان حديثي هذا فيه مجافاة للواقع ولكن هل في واقعكم كأس يمكنكم ان تشيروا له انكم حملتوه للهلال دعكم ان تقولوا جلبنا للسودان شيئا خارجيا سوي العار والفنار ؟؟ اكبر دليل علي حسن حديثي اعلاه ومنطقيته هو الافراح المهوسة التي تنتابكم الان بعد ان ترآى لكم تأهلكم لدور الاربعة الامر الذي لم يبت فيه حتي الان وهو معلق تحت اقدام فرق تتباري بداية الاسبوع القادم ولكنكم تعبرون بهستيرية مبالغ فيها تصل الحد المرضي الميؤس من شفائه في التعبير عن سعادتكم بفوز الهلال في ثلاثة مباريات داخل ارضه وخسارة مثلها من نفس الفرق خارج ارضه ولو قابلنا كل مباراة اديتموها في دورة المجموعات هذه لوجدناكم انهذمتم اولا خارج ارضكم وعدتم فعادلتم النتيجة داخل ارضكم لوجدنا ان الخلاصة هي صفرا كبيرا ناصع البياض هذا الصفر الذي وصلتم اليه جعلكم تطفقون تهزون او كما يفعل بعضكم هنا بالزعامة والسيادة والريادة والتي هي منكم برئية كبراءة فريقكم وعطالته من الموهبة .
الاخوة المهوسون بامكانية التاهل لدور الاربعة صبركم الله واعانكم علي مصيبتكم وعلي انفسكم والزم الكم وزويكم الصبر وعوضهم الله فيكم بمريخاب من اصلابكم يرفعون عنكم البلاء والابتلاء
هذا قدرنا ان الله ابتلانا في بني جلدتنا ممن يجعلون السراب فتحا ونصرا وريادة
| |
|
|
|
|
|
|
|
|
|
Re: اخي الاصغر يتهمني بالتواطؤ مع الهلال ويتمني عدم تشجيعي للمريخ لعدم الكفاءة ؟؟؟ (Re: اساسي)
|
Quote: فحسب علمي يا ( اساسي ) .. انه الزول في ( حلتكم ) .. لو ماشي ( القضارف ) بتعملوا ليهو ( حفلة ) ..
وبمشي معاهو ( بوكسي ) مليان اقرباء ( من الدرجة الاولى ) .. لحدى ( السو الشعبي ) ..
..
..
مشية اخوك دي لـ( القاهرة ) .. بتكونوا عملتوا ليها ( عرس شهيد ) عديل ..!!
|
يا السمانى انتا حميده دا مالو معاك ؟
لكن اقسم بالله ضحكت لمن عملتها شينه عديل كدا
وفى واحد حدر لى قايلنى بضحك عليهو
الله يجازيك يا حميده
| |
|
|
|
|
|
|
| |
اساسي
adil amin
عمران حسن صالح
abas
tmbis
humida
الصادق صديق سلمان
Badr Edinn Abdul Rahman
رقم صفر
Ahmed Mohammed Osman
abuguta
Mohd Ibrahim
على محمد على بشير
فيس بوك
تويتر
انستقرام
يوتيوب
بنتيريست