|
ذينب بت عبد المجيد ومناحة خاصة جداً
|
حاولت ان اهمش هذا الخبر الثقيل قلت وكأنى ما عارف بفك خط الحروف لا بقدر اعيد رسم الحروف
ونكرت انى
مع الزمن بقدر اشوف
كان الخبر
حاولت انكر
انى عرفتك يوم
ولا اتصورت
انك
يمكن تغيبى عن ملامحى
لكن قررت ان اتقبل نبأ رحيلك
بالتجزئة سطر سطر حرف
حرف
ابلع
خبر اتحمل غصب
انك رحلتى
يا نوبية شيوعية فنانة
فيك اقدر
اودر
ملامحى
واحلم معاك
يا خاطرة
يا شاردة
بين الفلجة
ولون القمح يا صوت
فى كورال يا شامخة
فى لمة
يا بت منى
ومنك
كم استلفت شموخ
يا راسخة
يا حلوة بطريقة
مخالفة
يا مجد
يا فلته
يا زولة
يا رائعة كم اتخيلتك
واتخيلت فيك ملامح مجد
انسانة ساطعة كالنجم
يا ريد يا زائل وينك
يا حلم
متلاشى
يا زينب
وينك
ليه قررت تكونى ما فى الموعد لا فى الجدل المستعر لا فى اجتماع الحزب ولا فى فراكشن ولا فى الشارع يا ذينب
وينك
احساسى بتلاشى بلا اذن بتسامى
بلا تفاعل
وينك يا حلم جميل يا مسكن وروعة فى خيال انسان حاول يرسم
ملامح وطن
يا راحلة فى زمن تمنيت فيه اللقيا يا جاحدة كنا سلفناك عمر
لو شاورتينا ادينا
عناوين وريناك فن العشق ومجارات الواقع
غصبن عن
اعلان الموت يا ذينب كنت وين لمن كان مقترح اللقيا والعشق الصارخ لوطن
افتقدك كثيرا
ولن ابكيك
ولى الله
|
|
|
|
|
|
|
|
|