الدار الاستشارية: إسكان المتأثرين بسد مروي سيحدث انقلابا في البناء حيث ستستخدم مواد لأول مرة

Quote: يا اسعد ياخوى السنه الفاتت و فى واحده من المنظمات المحلية قابلونى بواحده استاذه جايه من منطقة سد (الهنا) ده سمعت منها العجب... دبرست بى عديل كده..غايتو فى بحر تجارب شعبنا مع هذه الحيكومه يبقى سد مروى مثال ساطع على ان انسان السودان لا ياتى اساسافى قائمة الحكومه دعك من زيلها.. عشان كده لم تكن هناك اى خطة عملية لدرء ومعالجة الاضرار التى سيسبها السد مع انو دى من ابجديات التخطيط لإى مشروع تنموى فى الدنيا.. يعنى ما ممكن ترحل ناس كان فتحة عينهم من الصباح بتقع على البحر و توديهم يسكنو فى الصحرا... تغشهم ببيوت حيطانها و قعت قبل ما يتهنو بيها.. تديهم ملاليم قصاد نخيلهم من غير ما تساعدهم بتوفير بنيات اساسية لمشروعات انتاجية تساعدهم على العيش.. مش كده الانكأانك توزع عليهم اراضى تقول انك ح تستصلحها و لا تفعل و حتى الاراضى الكان ممكن تتزرع يكون فى خطاء رئيسى فى شبكة الرى يغلب المهندس و الهندسه... بجيك راجعه

(عدل بواسطة jini on 08-24-2007, 10:15 PM)