|
|
 الليلة دايرين كورة قلع وكبع وعجاجها للسماء..!!!
|
كرة القدم او التيوة تلكم اللعبة الشعبية التي يحبها الجميع تاتي فيها لحظات لابد من امتزاج
التكتيك وخطط اللعب مع قوة القلب والرغبة في الفوز وليس الا الفوز..
اليوم يادي الهلال العظيم مباراة تاريخية وانتحارية وعالية الاهمية وضرورة الفوز فيها ودون ذلك القتاد...
وعلي مر الدهور والازمان ياتي الفوز في مثل هذه المباريات بقوة القلب وحمرة العين الكروية ومكابسة الخصم العنيد في كل فج وركن من اركان الملعب الذي يجب ان يتحول بكليتاته الي جحيم احمر ونار منقد
امام الاهلي المصري الذي يجب ان يهزم شر هزيمة ولابد ان يتذوق حنظل الغلب والهزيمة ويااامن...
نتمني ان نري تقفيل لعب وهجمات كما المطر علي راس كل ثانية
نتمني ان نري اهداف هلالية زرقاء تخترق شباك الاهلي العنيد
نتمني ان نري كور باطراف الملعب وعكسات تذكرنا الزمن الهلالي الجميل
نتمني ان نري لعبة الداشنغ الشهيرة تعود اليوم الي مدافعي الهلال لحسم الهجوم الاهلاوي
لكي يذهب المهاجم والكورة الي خارج االلاين
نتمني اليوم ان نري الفاولات التكتكية الغير مضرة,,
نتمني ان نري تهديفات خارج خط 18 ولكن عليها ان تضرب في العارضة(كما فعل تنقا ذات يوم)
نتمني ان نري الملعب اليوم يتحول الي نيران وصاعقة ونار منقد
ونتمني ان نسمع كورايك جماهير الهلال تضرب عنان السماء لتصل الي عمق ميدان التحرير
...
نتمني اليوم ان نري الاهلي مغلوب...ومغلوب فقط لاغير..
|
|
 
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: عبدالكريم الامين احمد)
|
الليلة ما كورة وبس
وما 90 دقيقة وينتهي كل شئ
الليلة حاجة تانية
إثبات الذات
الإنتصار للكرامة
كفاية إستهبال وإستعباط وفهلوة
و
و حقارة
أكتر شئ بحز فى النفس طيبتنا المفهمومة غلط
فى مصر الكناس فى الشارع بيظن إنو افهم من أي سوداني ولو كان برفيسور
والسودانيين فى نظر المصريين مجرد جماعة سذج وطيبين ما أكتر
لي متين حقنا يضيع معاهم
الليلة يا نحن ،،، يا هم
يا نبقي ناس زي بقية الناس ، يا .... مافي داعي
لو غشاك زول للمرة الأولي ، لومو
لو غشاك للمرة التانية ، لوم نفسك
أما لو قعد يغش فيك العمر كلو..... برضو ما في داعي
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: Fadl Karrar)
|
Quote: يا نبقي ناس زي بقية الناس ، يا .... مافي داعي
لو غشاك زول للمرة الأولي ، لومو
لو غشاك للمرة التانية ، لوم نفسك
أما لو قعد يغش فيك العمر كلو..... برضو ما في داعي |
هلا يا فضل
ودقائق عديدة وسنذهب بالاهلي الي غياهب السجن الكروي
وستحبس انفاس جماهيره في قفص ابو الهلال الموشح اليوم بالسوميت
وبقوة قلب توازي ملايين الاحصنة والي هناك يا فضل حيث الدهشة
| |
|
|
|
|
|
|
|
|
 Re: الليلة دايرين كورة قلع وكبع وعجاجها للسماء..!!! (Re: مزاحم الضوي)
|
شوف يا كيكي ..
الكلام البعملو ويقولو فيهو .. بعض المريخاب العاملين فيها موضوعيين .. كلامهم ده خلوهو طرف .. موضوعيتهم دي .. يمشوا ياكلو بيها عيش في مكان تاني ..
نحن عندنا حساباتنا برانا ..
رشيناهم قبل كدا في القاهرة بي صاروخ ريتشارد ... بعدما اتعافنو معانا بي قون لاراش ..
جو تموها بي الحكم السنغالي .. وياريتك تراجع البوستات الكتبوها العاملين ليك فيها بتاعين الموضعية ديل .. وشوفهم كتبو شنو .. بعد نهاية الكورة
عشان كدا اول قبل كل حاجة .. النوعية البتجي تطبطب وعامله قلوبه مع الهلال دي .. وفي نفس الوقت بتدس السم في الدسم مفترض الناس تكون واعيه ليهم في اي مكان .. هنا وفي الاستاد .. وفي اي مكان ..
للاسف الشديد .. هم الوحيدين الممكن يجينا الضرر منهم اكتر من المصريين وكان بقت على المصريين مقدور عليهم ..
الحاجة التانية:
عارف كورة الليلة دي .. بتذكرني كورة موردة زمالك ..كان الدق فيها .. دق مؤسس .. ( عفص ) تاريخي .. كاوندا .. الجقر .. البريشين .. ومغربي وعصمت .. الزمالكاب .. لما دخلوا الميدان .. عيونهم كانت منططه وقربت تطلع من راسهم .. اتعفصوا جونه الميدان .. شافوا ليهم ارهاب .. من غير كورة لمن ما عرفوا حاجة .. الواحد يقع الوااااطه من الخوف والرجفه .. وما عارف الرماهو منو ..
بعد ده .. اترشوا زي الترتيب ..
اها الليلة عايزن ده .. شغل زي ده ..
ومن حسع دي .. كان الاولاد ديل قعدوا يعملوا في الحركات المايصه وما راكبه عدله دي ..
من حسع يا كيكي .. انا هلال تاني .. ( كو ) فراق الطريفي لي جملو الكلام ده قولو لي خليل معاك..
والداير الدق والغلب .. اليجينا بالليل
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: tmbis)
|
| Quote: والداير الدق والغلب .. اليجينا بالليل |
عليكم الله دا مستوى بتاع مشجعين
قلع وكبع ودق
عشان كدا الهلال دا عمروا ما ح يمثّل الكرة السودانية ولا يجب أن يمثلها
أين الروح الرياضية والنزال الميداني حسب قوانين اللعبة واللعبة الحلو والفير بلاي
غايتو حالتكم يا هلالاب بقت زي حالة مايك تايسون لما حسّ بالهزيمة النكراء تحلّق أمام ناظريه فقام بأجبن وسيلة في رياضة الملاكمة وهي عض أذني خصمه
فما فضل ليكم إلا عض الإضنين يا هلالاب
كمال
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: Frankly)
|
| Quote: عليكم الله دا مستوى بتاع مشجعين |
يا سيد فرانكي ..
رايك شنـو تمشي تشوف ليك طريقة نومه .. من بدري ..
الضر ببتاع امبارح ده الظاهر لي لسه عامل ليك ارضي ..
امشي ارتاح .. واطلع منها ..
بوستاتك المخجله قاااعده .. بتاعت المباراة الأولى بتاعت القاهرة ..
امشي نوم ياخ .. إنت لسه تحت تاثير الصدمة النيجيرية ..
ما تجي تفكها فينا .. نحن ما فاضيين ليك ..
يلالا مع السلامة ..
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: tmbis)
|
Quote: ومن حسع دي .. كان الاولاد ديل قعدوا يعملوا في الحركات المايصه وما راكبه عدله دي ..
من حسع يا كيكي .. انا هلال تاني .. ( كو ) فراق الطريفي لي جملو الكلام ده قولو لي خليل معاك..
والداير الدق والغلب .. اليجينا بالليل |
تمبس ابو خليل بغريك السلام وبقول ليك الكورة محسومة
وماتشيل هم (الليوجيرغا) قالت قولتها خلاص..
ويا تمبس الكورة الفوز فيها مثله مثل كل الاشياء التي تحتاج الي دافع وحماس
وقوة قلب وحمرة العين..
والليلة جميعنا واقفين بكراع واحدة وقلب رجل واحد من اجل الفوز علي الاهلي
الذي يجب ان يرعوي ويخش في علبه
والا ليت الزمان يعود حتي نري برشم اخوان وصلاح دوشكا وحسن حامد
والعوني ومنقستو والكثيرين من الذين يبكون في مثل هذه المباراة ويدشونها
بحماس قادر علي اشعال قنبلة نووية..
الليلة يا تمبس دايرين (قنابل وكبع ركب وحرب)
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: عبدالكريم الامين احمد)
|
هلا بكل الحبايب وكل الحبايب..
وزي ما قلت يا تمبس بالكربون كورة موردة زمالك الشهيرة هي من ترن في الخاطر اليوم..
وكورة اليوم الليلة فيها كلام كثير وبداخلها زي مليون كورة بالجنبة كده..
ونتمني ان يغلي الملعب وتغلي المدرجات وتغلي الكورة في عضمها ويتحول الاستاد الي (نار منقد)
وسنعود اليكم جميعا.
ونتمني النصر للهلال
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: عبدالكريم الامين احمد)
|
غايتو يا كيكى من قمت هلالابية
لكييييييييييييين
الكبع البتقول عليهو دا داير ليهو (مرووووة )
وشوف عينى ناس الكورة الفى السودان ديل كلهن ما عندهن
يعنى يا كيكى انت قايل القصة كبع
القصة عافية
والعافية يا كيكى عند ناس (المصر) ناس اساسا متغذييييين شديد
وما بساهروا ولا بشربوا ( الجكم تكم )ولا بياكلوا بوش
اها العجاجة دى تقوم كيف
غايتو امس سمعت كورة المريخ والمعلق فرحان فى الشوط الاول وقلت بينى وبينى انه ناس المريخ ديل جابو القون الاول لكن شوف عينى (حيتطقطقوا زى الترتيب )
ودا الحصل
اها المروووووة من التلاتين دقيقة الاولى (بح )
نزلوا الشوط التانى والبقى بقى
ما قلت ليك القصة مرووووووووووووة ويا ابو مروووووووووووة
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: سلمى الشيخ سلامة)
|
Quote: غايتو يا كيكى من قمت هلالابية
لكييييييييييييين
الكبع البتقول عليهو دا داير ليهو (مرووووة )
وشوف عينى ناس الكورة الفى السودان ديل كلهن ما عندهن
يعنى يا كيكى انت قايل القصة كبع
القصة عافية |
هلا يا سلمي ومشتاقين والله..
وكونك هلالبية انه الخلود والجمال والدهشة..
ويا سلمي القصة ما مروة
تعرفي انا مرة حضرت مباراة الفريق الضيف دخل لاعب ضعيييف زي (القشة ام روح)
الاستاد كلو قعد يضحك عليهو..
اها زولنا ده من ما خشي استلم ليهو كورة وشاتها في القوون (طير الحدايد بتاعة المرمي)
وبهدل ليك كل الحاجات وعمل عمايل عجيبة خلاص..
القصة في القلب والكورة في القلب لمن يكون (حار بسوي البدع)...
...
تحياتنا يا فيصل نوبي
والشريف كيكي مبسوط منك الليلة (بختك)
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: عبدالكريم الامين احمد)
|
| Quote: واحنا اخوات دي يقولوها هناك لسي حسني مع الاعتقالات المدورة اليومين دي |
عارف يا عبد الكريم ..معا اركب ياله دى ..
نحنا اخوات بتكون راحت ليهم فى شربة ميــه!!
| Quote: دايرين كورة فووق وقلع يا بوب |
باى حاجه يا حبيب بس الناس دى تغلب
وغلب عن جداره..انتا عارف كوره الهلال دى الليله
تحديد مصير بالنسبه لى..لو غلبوا بواصل
تشجعيى للسودان وللهلال فى كورتو...
غير كدا ..بقوليهم جزاكم الله خير  
قلع كوره ..بس غلب عن جداره!!
كوره وقلع ..اتاريك همباتى كبير يا عبد عبد الكريم!!
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: bob)
|
| Quote: كوره وقلع ..اتاريك همباتى كبير يا عبد عبد الكريم!! |
هلا يا بوب وعذرا علي التاخير
اخوك بنقل في الثلاجة عشان كهمباتي لازم الاعصاب تكون في ثلاجة
وقول معاي يارب
ودي كورة تاريخية يا بوب والاهلي ده انا لابد ليهو ومنذ مباراة لاراش الشهيرة
وداير لي فيهو يوم
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: nadus2000)
|
| Quote: ان شاء الله شفت النزال الميداني....وسر بالك |
هلا يا نادوس
مثل فرانكلي يا صديقي نادوس
لن يسر بالهم طالما الهلال يودي مثل هذا الاداء الرجولي العالي الفن
وسيحترق (فرانكلي) غيظا كما احترقت روما ذات يوم..
ونتمني له الشفاء العاجل
ونحن اناس قلوبنا رحيمة نسعي لكي يلتحق مثل اخونا فرانكلي بقطار الجمال
والذي نفسه بغير جمالا لايري في الهلال شيئا جميلا
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: bob)
|
Quote: اها اليوم جاك يا كيكى وليك الحــق!!
تعمل العايزو...!!
بلا اهلى بلا بطيخ!!
سيـــــــــــد البلــد |
هلا يا بوب
ومبسوط ومبسوط ليك يا هلالي يا جميل
وايوه يابوب اليوم جاني في محلي
وجاني شايل النسيم في الليل يوشوش في النجائل
ثلاثة اهداف زي السم خلت الكيشة الحضري يشرب وما يروي
هزيمة الاهلي حاجة لاتوصف ويستاهل دستة
والعجبني يادوب الاداء
والحرفنة والفنيات وتوزيع اللعب
وعمر بخيت والبرنس
وداريو كان الذي كان مرتين
وكرنغو
ورتشارد قلب الاسد
وكل الاهلة جمهور وادارة ولعبية سابقين
ضرب ضرب وضرب...ثلاثة ابادية لاترحم..
| |
|
|
|
|
|
|
|
|
 Re: الليلة دايرين كورة قلع وكبع وعجاجها للسماء..!!! (Re: عبدالكريم الامين احمد)
|
يا كيكى
بدون قلع وبدون كبع ولبع!!!!!!
الهلال مدرسة ولو كره الحاسدون
مدرسة عريقة وعريضة بعرض الوطن
الكبير!
الشعب السودانى كاد أن ينسى طعم
الفرحة وجماهير الكرة السودانية
كادت أن تفقد الثقة فى فرق عريقة!!
ماكان يحيرنى فعلا فى الأيام الماضية
شماتة البعض فى ما كان تصوره لهم
أنفسهم المهزومة من هزيمة يتوقعونها
ومتأكدين منها!!!
العار العار,,,, العار يا كل من كان
يمنّى النفس بهزيمة قاسية للهلال!
مليون مبروك لهلال الملايين ولا نامت أعين
الإنهزاميين والمهزومين .
مبروك يا هندسة
مبروك لكل أهل القبيلة الزرقاء ومزيدا
من الإنتصارات والبطولات فهذا هومكاننا الصحيح,,
كورة قمة,,, عرض خرافى وهلالنا فوق فوق فووووق.
| |
|
|
|
|
|
|
|
|
|
Re: الليلة دايرين كورة قلع وكبع وعجاجها للسماء..!!! (Re: أيمن الطيب)
|
Quote: بدون قلع وبدون كبع ولبع!!!!!!
الهلال مدرسة ولو كره الحاسدون
مدرسة عريقة وعريضة بعرض الوطن
الكبير! |
مرحب يا ايمن
والف مبروك..
وفعلا يا صديقي بالفن الممذوج بالقوة الرجولة وحرارة القلب
تم تطويع الاهلي وتلقينه درسا لن ينسي يا ايمن..
والهلال مدرسة للفن والكورة ذات المعاني المربوطة بالوجدان..
مبروك يامان وهلالنا فوووووووووق شديد
| |
|
|
|
|
|
|
| |
عبدالكريم الامين احمد
Fadl Karrar
Rakoba
على محمد على بشير
معتز القريش
مزاحم الضوي
tmbis
Frankly
فيصل نوبي
سلمى الشيخ سلامة
bob
محمد الامين احمد
Tragie Mustafa
احمد معتصم الطيب
إيمان صالح
nadus2000
أيمن الطيب
mohmed khalail
فيس بوك
تويتر
انستقرام
يوتيوب
بنتيريست