|
Re: حفل وداع الصديق عبد الله شمس الدين توجد صور (Re: hanadi yousif)
|
فعلا ستفتقد القاهرة الصديق الخلوق.. عبدالله شمس الدين مصطفى
سعدت جدا بكسب صداقته.. وشرفت أن نعمل سويا -قرابة العام- فى بحث تابع للجامعة الأمريكية هنا، عن أحد جوانب الشأن السودانى بالقاهرة.
توصل وتجد الكل بسلام باعزيزي... ويا بورداب الخرطوم -السودان- أتاكم فارس كلمة .. وشخص رائع.
سلام ياصاحبي
| |
|
|
|
|
|
|
Re: حفل وداع الصديق عبد الله شمس الدين توجد صور (Re: محمد عادل)
|
Quote: كويس ياقاسم مابتعزمونا ولاتكلمونا خير خيره فى غيرها |
الاخ محمد عادل سلاااااااااام ومشتاقون والله
البرنامج يتبع صديقنا( محمد ادم الحسن) وشخصيا من المدعوين فقط... عزرا مكرر واللوم مقبول ..ولكن الزعل مرفوض وباكر تكثر احتفالاتنا باذن الرب
قاسم
| |
|
|
|
|
|
|
Re: حفل وداع الصديق عبد الله شمس الدين توجد صور (Re: عبدالله شمس الدين مصطفى)
|
العزيز ق.مهداوى وضيوفه الكرام ، وما لبد الولد ، لكنه مُثقلٌ بوزر العودة ، ترتيباتها ، تراتبها و مأزق تلاطم الأحاسيس حول هذه الخطوة فى كبد الظلام . و قولوا واحد ، والله واحد
Quote: العزيز ق.مهداوى وضيوفه الكرام ، وما لبد الولد ، لكنه مُثقلٌ بوزر العودة ، ترتيباتها ، تراتبها و مأزق تلاطم الأحاسيس حول هذه الخطوة فى كبد الظلام . و قولوا واحد ، والله واحد |
شكرا عبدالله ولكنى زى كنتا نايم ولا واقف فى زاويا ضيقة مش كدا
| |
|
|
|
|
|
|
Re: حفل وداع الصديق عبد الله شمس الدين توجد صور (Re: قاسم المهداوى)
|
العزيز مهداوى ، التحية
Quote: ولكنى زى كنتا نايم ولا واقف فى زاويا ضيقة مش كدا
|
.
الله لا جاب يوم زاويتك الضيقة ، وإلآ أن تكن قد أزمعت إرتكاب الحماقات مثلى ، مثل حماقة إختيار هذا الوقت من العام للسفر إلى السودان ، فأنا أقبع الان بأحد فنادق المطار التى تصيب المرء بقشعريرة الرهبة ،التوجس ،الغربة الهائلة ، والتوحد . الخرطوم ما زال يكيلها الرماد ، والتراب الذى كآلنا نحن آل حمّاد ، حتى لإستحالت الرؤية مثلما إستحالت الرؤيا فيها منذ زمان فائت بعيد .
وكأن براثن هذا الوطن الخال ، والذى هو ليس بوالد ، لكنه "بربّى" تأبى أن تفلت قبضتها من حولنا ، وكأننا سنعود على جرعات ، ودفعات ، لا دفعة واحدة .
دمت يا قاسم .
| |
|
|
|
|
|
|
Re: حفل وداع الصديق عبد الله شمس الدين توجد صور (Re: عبدالله شمس الدين مصطفى)
|
وللذين عبرت أياديهم "البيضاء" بحر الظلم والظلمات ، لتواسى ، وتؤآزر ، تطعم ، وتحنو ، تربت ، وتقود من حلكة غياهب الغياب ، غياب من يمنح كل ما تقدم ذكره .
التحية للأم الحانية المتميزة ، والأمة الكاملة وحدها بروفيسور باربارا هـ بوند ، المرأة الإمام ، الشيخ ، المفتى و الخيّرة ، فما كل دين إلآ هو الإنسان فى جنوحه نحو إنسانيته
| |
|
|
|
|
|
|
Re: حفل وداع الصديق عبد الله شمس الدين توجد صور (Re: عبدالله شمس الدين مصطفى)
|
الاخ عبدالله سلام
وانا بعد كم يوم جائ وراك
المفروض كان ااحضر وداعك بس قاسم
مهداوي حدد ناس بالاسم وانا كنت
قاعد قاسم لي عمل كده
عشان ياسر حرشو وانا عندي خلاف مع
ياسر حانحسمو في السودان في 61
قدام الاصدقاء بعد كده يمكن نفتح
بوست
ياسر عند افضال علي ما بنكرها
برضؤ عندي فيهو راي
اسع برضو عندي راي في قاسم
واحترمت قاسم لمن فتح بوست
العم جمعة
واسع عندي فيهو راي
عبدالله ليك سلامي وتحياتي
تيف تيف
| |
|
|
|
|
|
|
Re: حفل وداع الصديق عبد الله شمس الدين توجد صور (Re: مدثر محمد ادم)
|
Quote: الاخ عبدالله سلام
وانا بعد كم يوم جائ وراك
المفروض كان ااحضر وداعك بس قاسم
مهداوي حدد ناس بالاسم وانا كنت
قاعد قاسم لي عمل كده
عشان ياسر حرشو وانا عندي خلاف مع
ياسر حانحسمو في السودان في 61
قدام الاصدقاء بعد كده يمكن نفتح
بوست
ياسر عند افضال علي ما بنكرها
برضؤ عندي فيهو راي
اسع برضو عندي راي في قاسم
واحترمت قاسم لمن فتح بوست
العم جمعة
واسع عندي فيهو راي
عبدالله ليك سلامي وتحياتي |
الصديقى العزيز مدثر والله سلاااااااااااااامات حقيقى البرنامج يتبع الصديق ( محمد ادم الحسن ) وما انا سوى معزوم فقط ولك العتبى حتى ترضى تعلم كم من البرامج تم القائها حتى لا نفط اى صديق واخرها مع د الفاتح حسين لضيق المكان ... عزرا مكرر واسفى الشديد لك ولكل الاصدقاء
قا المهداوى
| |
|
|
|
|
|
|
Re: حفل وداع الصديق عبد الله شمس الدين توجد صور (Re: قاسم المهداوى)
|
الاخ قاسم سلامات تصحب عبد الله شمس الدين السلامة وكذلك اميمة
وتحياتي لبت الفضل القابضة علي جمر القضية
كنت اتوقع ان اجد اصحاب الحضارات القديمة والجديدة الحاج ( عبد الحليم )
الا زال مرابطا بكفر الطهرمس له تحياتي
والي كل من تبقي من ذاكرة طيبة معاكم له السلام
| |
|
|
|
|
|
|
Re: حفل وداع الصديق عبد الله شمس الدين توجد صور (Re: عوض حمزة)
|
Quote: ]ود المهداوى سلام ....
اتمنى ان يطيب المقام للاخ عبدالله فى ارض الوطن وان يسعد بوجوده بين الاهل والاحباب
جدعة :
ياخى البركة فى الشوفة !!!! |
الصديق عوض حمزة سلاااااااااامات معااااااااااااك اردد بمطاب المقام للصديق عبد الله شمس الدين
هامش ما اظنك شفتنى لانى مدسى من الكاميرا وبس قاسم
| |
|
|
|
|
|
|
Re: حفل وداع الصديق عبد الله شمس الدين توجد صور (Re: قاسم المهداوى)
|
ولا تسألونى أين كنت ، فالحال يغنى عن السؤال فى هذا السودان المحال .
لا شئ هنا سوى الإنسان ، أو ما تبقّى من الإنسان إذا أردت الدقّة ، باقات الأهل والأصدقاء العطرة ، وما دون ذلك شوارع إسفلت تركض فيها فارهات أقرب منها نجم طفل المطالعة ذاك ،
الماء والكهرباء فى رحلة تواترهم ، وتباريهم فى أيّهما يقطع أكثر ، أو أعمق فى عظم المواطن .
والطرقات مغطّاة باللوعة والحزن والأسى و ...الغبار ، لو كانت الدولة قد أولت الماء والكهرباء قليلاً من همّة (الشوارع ) للهجت ألسنة القوم بمحمدة وشكر (الوالى) لكنها لم تفعل ، حتى قال خبثاء المدينة أنها حكومة (بتاعة شوارع).
والمناخ أيضاً يدلى بدلوه فى مأدبة الشواء الآدمى هذه ، فالجو نار ، وخانق موت ، أصحو فى منتصف الليل ، ألهث بحثاً عن دفق الهواء ، ولا هواء . حلقى جاف ، أغرق فى بركة من العرق ، تسرّبت منى كل السوائل أثناء النوم حتى صار جسمى جافاً كما النهر الموسمى ، أشرب عشرات الجالونات من الماء البارد ، لا ...أكرعها دون أن تمرّ بحلقى حتى علّها تطفئ جذوة اللهب الداخلى فما تنجح . أشرب وأشرب وأشرب ، ويهرب الماء ، ويهرب و ....يهرب . لا فائدة ، فالجسد مسام نهم للخروج ، وكأنه غربال رمل ، أو (مصفى شاى) (الواحد صار أزراااااق زى الغنماية ) لكن كله يهون بس ورونى كيف أحبس الموية جوّاى وما تطلع بالشكل ده .
وغير كده البلد لذيذة ، فيها شوارع ظلط كثيرة ، وتصوروا الحكومة قرّبت (تسفلت) طريق المطبخ حقنا . وعشنا ، ياما حنشوف . دمتم يا الهناك فى أماكن الأشياء الـ " سااااااقطة" .
| |
|
|
|
|
|
|
Re: حفل وداع الصديق عبد الله شمس الدين توجد صور (Re: عبدالله شمس الدين مصطفى)
|
اخى عبدالله شمس الدين
كم هو جميل ان تكون بين اسرتك الكريم التى افتقتدك كثيرا نحن ممنون لك بكل ما قدمته لاصحابك وابناء وطنك فى قاهرة المعز سوف نفتقدك كثيرا بلا شك وخاصة انك احد الرموز التى تعمل دون كلل او ملل ودون ان تظهر ذالك لغيرك من المكابرين اتمنى ان يطيب لك المقام فى هذاالوطن التراب التى تبدو الاشياء فيه حتى الان ضبابية حتى النخاع وعبرك نهئ الاخت اميمة الفرجونى التى غادرتنا دون ان تقول كلمة وداع سلامات يازول يارائع سلامات عوافى
رجاءا راجع ايميلك مع خالص الود محمد الطيب
| |
|
|
|
|
|
|
Re: حفل وداع الصديق عبد الله شمس الدين توجد صور (Re: محمد الطيب محمد)
|
عزيزتى جدا عبد الله شمس الدين حمدا لله على سلامة الوصول ونحن كما تركتنا ... تتثاقل خطانا جيئا وذهابا بين ممرات تلك الامكنة وزهرة البستان ذلك المستقر اكرم .. ياسر .. نايبت .. قاسم محمد الطيب ... محمد ادم..وبقيه الناس الرابه تغنى المدينه خاوية فقط بقايا ذكريات ولكن حتما سنلتق يوما ما او قل قريبا قاسم
| |
|
|
|
|
|
|
Re: حفل وداع الصديق عبد الله شمس الدين توجد صور (Re: Mekki M Alhassan)
|
Quote: وهى أيضاً قد حزمت حقائبها ، وعادت ،
التحية لأميمة العذبة الباسلة . |
الأخ المحترم جدا عبدالله شمس الدين...
ودبلدي...
والله القاهرة فقدها كبير...
لكن السودان بيك أحتفى...رغم كل المصاعب...
لك تحياتي النواضر...
طبعا أنا زيارة وبس...
انشاءالله نشوفكم قبل ما ارجع القاهرة.
وتحياتي واشواقي لجميع بورداب القاهرة
حتى نلتقي...
خالص المنى.
| |
|
|
|
|
|
|
|