|
|
 Re: الفراغ العاطفى؟؟؟ (Re: محمد صباحى)
|
يأ ابو حميد ، تحياتي ليك ولي الحولك كلهم بما فيهم خالك العجوز ، وصاح هو الدفعة الوراي لكن سمعت كدة إنو دخلوه المدرسة كبير ، وقول ليهو أنور قال أنتو من زمن الخلوة وام صعد الله لكن نحن ناس روضة القلم وكدة ...
وبعد ........
طبعا كلمة فراغ لا توحي بخير وإليك وأقرب مثال لديك هو عند ناس السياسة الفراغ الدستوري ، يعني كلمة لا يحبها الجميع ، حكومة أو معارضة ..ز
ومن الناحية العلمية حسب أهل الفيزياء النظرية لا يوجد فراغ محض في الطبيعة ولكن وجوده مشكلة ...
وفي الحب تتشعب الامور فقد يكون الحب بمعناه الأشمل ، انتماءك للطبيعة وحبك لها وللبيئة التي ترعرعت فيها ومحاولة تغييرها إلى الأجمل ، وحبك لمن حولك من أشخاص أثروا فيك ، وهم الأم ، الأب ، الأخ ، الاخت ، الصديق ، الخال ، العم ، الجار وغيرهم ........
فأي فراغ هذا الذي يباعد الشقة بين الأبن وأمه أو أبيه ، أخوته ، جيرانه وحسب تجربتي الشخصية فلا عاطفة تضاهي عاطفة الأم فهي التي نكشف لها أسرارنا وتصبح أوراقنا مبعثرة على أحضانها الدفيئة ........
وكذلك الحال مع بقية العقد من أب وصديق ،اخ ،اخت ، جار ، زميل ، كل حسب درجته ...
وإن كان ما تقصد الطرف الآخر الذي يكمل الدائرة الكهربائية ويجعل لها القدرة على إنارة المصابيح ، تحريك المراوح فأمر ضروري تحتمه الطبيعة نفسها ، فمن منا لا يرغب في فتاة " طبعا الكلام دة بصيغة الماضي" وعشان ما تودينا في داهية وأي شمارات كما يقال من فريقكم هناك بتصل فريقنا ونروح فيها ! والله أقول ليك حقو أسحب المشاركة دي كلها ، غايتو الواحد يتابعكم يروح في شربة مية زي ما راحو ناس عصام الحضري مع الهلالاب امس ، ولكن أهو قالوا لو عايزين تتعرفوا على الشباب اتكلموا بلغتهم ،
وتصدق يا ابو حميد قبيل وانا جاي الشغل ، شوفت البنات لابسات لبس عجيب ، صاح مستورات وأي حاجة لكن طبعابديت أفكر البنات ديل لما يبقوا حبوبات حايكونو كيف وبعدين بناتهم حا يكونوا كيف ، واعكس الكلام دة على الأولاد يعني بعدين يا ابوحميد سؤالك دة حا يسالوا الناس ديل كم مرة وحا يكون في فراغ عاطفي والله لا ، بالتأكيد حا يكون لكن قدر كيف ما عارف ..
والله يديك بت الحلال كدة ويبعد عنك بنات ...... وفراغ العاطفة .......
تحياتي .........
|
|
 
|
|
|
|
|
| |
انور الطيب
فيس بوك
تويتر
انستقرام
يوتيوب
بنتيريست