|
اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟؟
|
دى الاغنية تغنى هذه الايام فى بيوت الاعراس
امه الزرافة انا بعرف اوصافها دى هبله خوافه ونكير مالو ما شافها
يعقبها صراخ من البنات وين انت يا نكير تلقط فى الناس السمحين
لا حول ولا قوة الا بالله
امه وابوهو ناوين الحجة الطايرة تتقده واحادثة فى جدة والدية لهندة
يعقبها صراخ استثمار ساكت يا هندة
امه طويلة طويلة طول شديد اريتها بالحديد { يعنى تصدمها عربية } كرعيها فى الجديد وراسها فى المسيد
اعوذ بالله من غضب الله
وما خفى اعظم راجعة ليكم بالباقى خنقتنى العبرة
ام وضاح
|
|
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
ام وضاح سلام وما تزعلي نحن يا اختي امهات الاولاد من زمان قالوا بنربي ونيضع زمنا ساكت. شوفي جنس المحن دي يخيت؟؟؟
وانت نسيته الاغنيه القديمه بتاعت: تموت امه كان حيه وتنقص اخته الفتيه و البيت يتسجل لي!!
يازول ما تزعلي منهن ديل فارغات يغنوا كدي لامهات اولاد الناس الكبروا وعلموا وشقيوا ياخدوا اولادنا حلوين ويكرهوا امهاتهم؟؟؟ لكن ما تنسي نقول ليهم يهمل ولا يمهل من تفعل ذلك بام زوجها ربنا سيريها في امها.
ولنجعه فرصها للتدحث عن حق الحموات. التحيه لهن فاضلات را~عات قدمنا الكثير وحان وقت جزائهن.
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: Tragie Mustafa)
|
Quote: ام وضاح سلام وما تزعلي نحن يا اختي امهات الاولاد من زمان قالوا بنربي ونيضع زمنا ساكت. شوفي جنس المحن دي يخيت؟؟؟
|
العزيزة تراجى دى ما محن دى مصيبة كبيرة والله والله والله لو كنت مكان الحبيبة صفية ما كنت مشيت الموضوع على كده . كنت اديتهم درس فى الاخلاق والتربية بس خلينى اسمع الاغنية دى . والشريط يصيبك بالدوار والله . صفية يا تراجى دخلت فى غيبوبة عشرة ساعات وضغطها وصل 200/160 على شنو ؟؟؟ تربى وتعلم فى اولادها بعد وفاة والدهم وده جزاها فى يوم زواج ابنها اين الامهات يا تراجى ؟؟ لازم نعمل توعية لبناتنا . وتابعى معاى عشان تشوفى المصائب اجارك الله . نتعب ونشقى فى اولادنا ويكون ده جزانا ؟؟؟؟؟؟
ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
هذه الاغنية كادت تودى بحياة بصديقتنا صفية فى حفل زواج ابنها المهندس اسامة . طلبت منى الاخت صفية ان انشرها بالاسماء كاملة وبالتفصيل الممل ولكن ليست بالضرورة ذلك المهم الهدف من الموضوع . اذا كانت هذه الكلمات تصدر من خريجات من ارقى الجامعات فى السودان خلو شنو للجاهلات ؟؟ واين الامهات من هذه الاخلاق المتدنية . هل نسين البنات ديل انو عندهن امهات مثل اسامة ؟؟
انا وحبيب الروح قاعدين فى السطوح راجين خراج الروح
يا لطيف الطف ببناتنا
امه القصيرة اركبها حميرة اعدى بيها الجزيرة
لا حول ولا قوة
امه مجنونة انا بكره جنونها ان شاء الله تقوم حريقة والمطافى تكون معدومة
ويعقبها صراخ حريقة فى الدفاع المدنى كلو
وما خفى اعظم
ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
تحياتى ام وضاح
أغاني البنات: ترمومتر المجتمع السوداني!
ممنوعة في وسائل الإعلام ومنتشرة على كل لسان فى هذا الخصوص كتبت شذى مصطفى للشرق الاوسط «أغاني البنات»، هو الاسم الذي يطلق على الأغاني الشعبية الهابطة، ربما لأن البنات والنساء هن الأكثر غناء لها فى الأعراس والحفلات الخاصة، رغم أنها تتردد على لسان الفنانين الناشئين لـ«تسخين» الحفلات، لما تتميز به من إيقاع سريع. الاسم جاء مجندرا، وكأن الهبوط في الكلمات والتعابير لا يأتي إلا من النساء. هذه الأغاني محظورة في أجهزة الإعلام المرئية والمسموعة، ورغم ذلك فهي أغان متوفرة بكثرة على الكاسيت، وتلقى رواجا هائلا، ومحبوبة من مستمعيها، من كل الفئات تقريبا بسبب كلماتها الطريفة التى كما ذكرنا في حالة تطوّر وتبدل مستمرين، حسب تغيّر المجتمع.
تلك الأغاني تقول إن اهتمام الفتيات بالدرجة الأولى في الحياة هو الزواج، دون لف أو دوران. وأشهر الأغنيات التي لم يأفل نجمها منذ خروجها قبل سنوات، هي أغنية «أب شرا» وأب شرا هذا، هو شيخ صوفي شهير، دعواته لا تخيب ولا مرد لها، وخصوصا فيما يتعلق بالعثور على زوج لمن جاءت تتوسل وتستنجد به ـ كما يبدو. وتبدأ الأغنية بأنها ـ أي الفتاة ـ آتية إليه حاملة كل آمالها وأحلامها، قاطعة بحرين ورافعة رايتي «استسلام»، لتشرح له كل ما يجول بخاطرها وتحكي آلامها وهواجسها، بل ويقينها أن هناك عملا معمولا لها يحول دون زواجها، وتسأله الى متى ستظل «بائرة؟» ثم تعلن الفتاة استعدادها للزواج سرا من رجل متزوج، وفي النهاية لا تتورع عن الاعتراف بقبولها بالزواج، ولو بزوج أختها، ملقية بذلك كل القوانين والتشريعات خلف ظهرها لتحقيق حلمها الذي تبدو وكأنها ستجن أو تموت دون تحقيقه! وهي أغنية تعكس الخوف من العنوسة، عند الكثيرات من الشابات، خوفا من نظرات المجتمع وتقييمه، لأن الزواج نهاية حتمية وسعيدة لحياة المرأة، وعليها تقديم التنازلات في سبيل الوصول اليه. في نهاية عقد السبعينات بدأ الشباب في الاغتراب والسفر إلى الدول العربية، وبالطبع صار وصف عريس «مغترب» هو محور معظم تلك الأغاني، وترددت أسماء المدن العربية مثل، جدة ودبي وقطر وليبيا والرياض وأبوظبي. ومع بداية التسعينات حيث تحولت وجهة سفر الشباب الى أميركا وأوروبا، دخلت أسماء المدن الأوروبية والكندية الولايات الأمريكية في تلك الأغاني. وهناك أغنية باسم «أوريزونا»، تلك الولاية الأمريكية، إلا أن موسوعة معاوية يس عن تاريخ الموسيقي بالسودان، أوضحت أن لقب «أوريزونا» كان يطلق على ملوك الجعليين في مدينة شندي، ولا ندري الى أي المعنيين ترمي الأغنية!
أما فتى الأحلام الذي يرمز له عادة باسم «حمادة»، ففي الماضي كان موظف الحكومة يقع على رأس القائمة، والمدرسون، والعاملون في السلك الدبلوماسي، ثم أصبح الطبيب بسماعته والمهندس بالمسطرة على أولوية القائمة، ويليهما ضباط الشرطة والجيش ثم التجار، وتتحرك البوصلة العاطفية غالبا تجاه أكثر الشباب ثراء ودعة عيش، كما هناك رفض تام للمجتمع الريفي فى أغنية شهيرة بعنوان «أنا ما بدور المزارعية». وتأخذ تلك الأغنية بإسهاب في وصف الحياة القاسية في الحقول والمزارع وهموم المعيشة، ضاربة بحلم، أن يصبح السودان سلة غذاء العالم، عرض الحائط!، وكذلك هناك رفض تام لموظفي الحكومة، في الأغنيات الجديدة، وكأنما المقاييس انقلبت بقدرة قادر. ورغم اللهاث خلف عريس إلا أن هناك أغنيات ترفض الزواج التقليدي من ابن العم أو ابن الخال، وترفض أن يجبرها والدها على الزواج من شخص يختاره هو:
كان حقو تسألني يا يابا في أمري
تعرف كمان فكري في شريك عمري
مش حية تدفني في بيت يكون قبري
والله يابا حرام يبقى الزواج جبري..
ولا ننسى ماركات السيارات، حيث للفتاة السودانية قاموس جيد مواكب لكل السيارات، فتأخذ في مدح نوع السيارة التي يقودها العريس أو الحبيب عادة، بدءا فى الماضي من «سيهانبيرد» الكورية الى «المرسيدس» و«المازدا» و«التويوتا» و«البولو» و«الكريسيدا»، وحتى «الركشة» دخلت في الـ«توب تن»! ومن الطريف أن تقرأ في حلقات النقاش على الإنترنت، مطالبات المغتربين والمهاجرين من أصدقائهم المقيمين في البلد، بمدهم بأحدث «أغنيات البنات» التي خرجت الى النور للطرب، وللتعرف من خلالها الى أين وصل إيقاع الحياة!
هناك من يصف هذه الأغاني بأنها هابطة، ليرد عليهم الكاتب الساخر د. فتح العليم عبد الله معلّقا «حقيقة الأمر أن الأغاني والسلوكيات والمعاملات والأخلاق كلها معلقة في حبل اسمه الاقتصاد، فإذا انقطع الحبل هوى كل الغسيل أرضا، فلماذا يتكلم الناس عن هبوط الأغاني ويغفلون باقي الغسيل؟!».
وبعض آخر يرى أن تلك الأغنيات تعكس حقيقة مشاعر الفتيات وأحلامهن بيسر وسهولة، ودون تعقيد أو تنميق لفظي، ولها جمهور كبير لا يحق تجاهله، كما تقول الكاتبة أمل هباني التي تطالب بالسماح ببثها في الراديو والتلفزيون.
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
الاخ الفاضل وليد
مداخلتك قيمة شديد وفعلا ده الحاصل ولكن اين التربية هل يعقل فى امهات يسمعن البنات فى مثل هذه الاغانى ويصفقن ويغنن معاهن والله صفية قالت النساء كلهن يضحكوا ويقولوا شوف عليك الله البنات ديل ؟؟ والواحدة تقول لبتها ان شاء الله يديك نسيبة توريك نجوم الظهر . بدل تقول ليها ام زوجك هى فى مقام امك وتزرع جواها الكلام الجميل .
Quote: وبعض آخر يرى أن تلك الأغنيات تعكس حقيقة مشاعر الفتيات وأحلامهن بيسر وسهولة، ودون تعقيد أو تنميق لفظي، ولها جمهور كبير لا يحق تجاهله، كما تقول الكاتبة أمل هباني التي تطالب بالسماح ببثها في الراديو والتلفزيون. |
اذا فعلا فى كاتبة بالاسم ده انا شخصيا ما بعرفها وما قريت ليها لكن ؟؟ لو قالت كده وبتساعد على نشر الفضائح دى على الدنيا السلام . والاغانى دى جمهورها من نفس مستوى البنات البغنوها . فى بيوت لا تسمح ابدا بترديد مثل هذه الكلمات ابدا .
تبث من الراديو والتلفزيون ؟؟؟؟؟؟؟؟؟؟ ده حرااااام تحياتى ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
الله ارحمنا في بلدي صارت هنالك مقززات السياسة مفروغ منها لان القابعون على كراسي القصر الجمهوري يعرفون اتوا من طرقات شتى ........ اغاني البنات مقززة زي لبسهن الايام دي في قرى ومدن السودان الذي كان السودانيون مشهورين بيهو في الخارج انتهى وشوفوا في الخليج والاغتراب في شنو بس الكورة الايام دي هي مفخرتنا ويا حليل وا خوفي منك
وحتى القمر حولوا النجوم اتلموا فيك اتغزلوا ويا مريا
واشياء واشياء
بس برنامج نجوم الغد فشانا شوية ونلتقي على دروب الابداع والفن الجميل
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: Ashraf El Bagir)
|
الأخت/ ام وضاح تحياتى امهات البنات يتحملن جزء كبير من المسوؤليه فهن اللواتى يأتين بالفنانات الهابطات بل بعضهن ساقطات عديمات تعليم وثقافة .. ويغقدن عليهن العطاء لكى يغنين مثل الأغانى التى ذكرتيها .. لو اتت الأمهات بالفنانات "المعقولات" صاحبات الصوت الجميل الدافئ لما انتشرت مثل تلك الأغنيات لأنها لا تبث من أجهزة الاذاعه والتلفزيون ..اذا هى لا تظهر الا من خلال مناسبات الزواج. للأسف اؤلئك الفنانات أحسن حالا ومالا من فنانات كثيرات جادات ومبدعات .. يمتلكن أحدث موديلات العربات والمنازل والشقق .. وناس حنان النيل يادوب عايشات !! للأسف نحن فى السودان نرفض اشياء ونحن المتسببين فيها .. انظرى الى الطباخين للأسف معظمهم من ذلك الصنف الرجالى الذى لا يشرف الرجال والنساء وتجد صاحب الدعوه انسان ملتزم ومحترم وعلى خلق لكن لا يهمه أن يحضر طباخ من ذلك النوع الذى تجده يتحدث مع النساء بلغة لا تجيدها النساء انفسهن!!____________
السودان يا ام وضاح بلد غريب وعجيب !!!!!!
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
الاخت ام وضاح
لك التحية
حزنت كثيرا عند قراءة كلماتك المنقولة عن الاغانى اياها وقطعا لم اسمعها قبلا لاننى منذ عهد بعيد لم ارجع للوطن وما كنت اتوقع ان تكون الاخلاق انحطت لذلك المستوى .... حينما كنت فى الوطن كنت اعشق اغانى البنات فهى على بساطتها وارتجالها احيانا ولكنها كانت تحمل قيما جميلة ورائعة عن الحب والتضحيات وكان اخر عهدى اغنية البلابل "عشة صغيرة كفاية علينا" وعلى ذلك قيسى اغانى البنات ....
من عجب ان تغنى البنات بمثل ما تفضلت حيث انهن غدا سيصبحن امهات وسيشربن من ذات الكاس الذى يتفاخرن به بعد ان نزعن رداء الحياء من حياتهن البائيسة ...
اما نحن اباء الاولاد فامرنا لله فما ان يتخرج الابن - بل قبل ان يتخرج - فهو يدخل فى دوامة الحب ويستنزفك من اجل فتاة احلامه وبعد ان يعمل فعليك ان تنساه بنفس راضية ...
حسبنا الله ونعم الوكيل ...
هذا ليس بسوداننا الذى عرفناه ابدا ....
لك مودتى ...
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
تسلمي يا أم وضاح وربنا يديك الصحة والعافية
منذ الصغر ونحن نشارك في المناسبات المختلفة ولكن لمناسباتنا طعم خاص لكل افراد الاسرة فهي الجامعة لابراز قصائد مدح الاعمام والخيلان ومؤكد بكون نظم القصيدة من احدى الخالات او العمات ..
وما استحضره (وربما لو دخلت الاخت انعام والاخت اشراقة سوف تساعدان كثيرا ) وهي واحدة مما يعرف بأغاني السيرة ( التعبير لمن سار الى عروسته ) وقد نظمت خالتناالمرحومة ماريا للمرحوم السر حيموره قصيدة اذكر منها
أحضر جديدو وأسير معاه ياربي تتم المنى
عم آمال يا ظريف يا مثقف يا عفيف وانت منقذ للضعيف
وعلى هذا المنوال كانت تتمتع القصائد بأبراز الجميل من التعابير والالفاظ وحث المنظومه له القصيدة بأن يكون الافضل على الاطلاق ..
بوست موفق ونتمنى ان نسمع رأي البنات وسنواصل مع يا ام وضاح ..
مودتي
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: قرشـــو)
|
Quote: من عجب ان تغنى البنات بمثل ما تفضلت حيث انهن غدا سيصبحن امهات وسيشربن من ذات الكاس الذى يتفاخرن به بعد ان نزعن رداء الحياء من حياتهن البائيسة ...
اما نحن اباء الاولاد فامرنا لله فما ان يتخرج الابن - بل قبل ان يتخرج - فهو يدخل فى دوامة الحب ويستنزفك من اجل فتاة احلامه وبعد ان يعمل فعليك ان تنساه بنفس راضية ...
حسبنا الله ونعم الوكيل ...
|
اخى قرشو يا ريت لو نحضر اولادنا يتخرجوا ونزوجهم بانفسنا وهم صغار ونشوف اولادهم من منا لا تحب ان ترى ابنها عريس ؟؟؟؟؟؟؟؟ كلنا على الاطلاق انا ام واحس بكل الامهات . لماذا البنات تفكيرهن غير ؟؟ انا واثقة كل ام تحب الخير لولدها وتحب سعادتو . والله نزعن رداء الحياء فعلا وبقينا فى حيره من امر بناتنا فى السودان . ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
لا حول ولا قوة الا بالله و نسأل الله السـلامــة....
الأخت أم وضاح حقيقي شئ مؤسف و نحن كل يوم نسمع أغاني من شاكلة راجل المرا ... فيجب محاربة هذه الأغنية فوراً عن طريق الإعلام و الرقابة من لجنة المصنفات كما حدث لإغنية راجل المرا ... و كل من يتغنى بها يجب أن يغرم غرامة مالية و مصادرة الآلات الموسيقية في ذلك الحفل ... يعني لازم تكون المحاربة جماعية إبتداءً من المناسبات في مجتمعنا ... مروراً بلإعلام المكتوب و المرئي و المسموع مع زيادة جرعات التوعية الثقافية للنهوض بالفن السوداني و الإبتعاد من مثل هذه الأغاني الهابطة ... و نسأل الله التوفيق .....
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: almulaomar)
|
الأخت/ أم وضاح لكت التحيات ولجميع المتداخلين .. الموضوع مهم جداً .. فهو يتعدى ظاهرة الأغاني الهابطـة غلى الخلل المخيف في شكل العلاقة بين الزوجة وأهل زوجها ..أو العكس الزوج وأهل زوجته .. فأنا في إعتقداي الشخصي أرى أن هنالك مشكلة حقيقة تؤثر سلباً على حياة الكثير من الشباب المتزوجين .. وهو علاقة الزوجة بأهل الزوج .. التي بدايتها من أسرة الزوجة التي لم تغرس بداخلها القيم الجميلة والموروثات .. حيث أننا كنا نمسع من كبارنا .. ( أن النسب قشة في العين ) .. وأن النسب له حرمة .. يراعيها أهل الزوج وأهل الزوجة .. ولكن .. يبدوا أن الصور مقلوبة والأشياء ليس هي الأشياء ..
كنا في مناسبة زواج لأقربائنا .. وكان الفرح في كل مكان .. وفجأ بدأت الغناية في تلك الأغنية الغريبة .. التي إستفزت الوالدة ربنا يطراها بالخير ... العجوز القاعدة بره .. قاعدة للأزه والمضرة .. يانكيرة أديها طله ..
فالوالدة .. إنفعلت وقالت لهم يابات ماتخلو عندكم أدب .. اسع ده غنى شنو .. ده كلام فاضي .. ضحكت في غضبة الوالدة وقلت ليها .. ماتخافي بعدين بعرس ليك واحدة رطانيـــة .. عشان يغنوا بالرطانة وماتفهمي حاجة ..
شكراً أم وضاح .. الموضوع مهم ومتشعب .. ويحتاج إلى سبر أغواره ..
تحياتي ، خالد الأرباب
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: Khalid Saeed)
|
Quote: فالوالدة .. إنفعلت وقالت لهم يابات ماتخلو عندكم أدب .. اسع ده غنى شنو .. ده كلام فاضي .. ضحكت في غضبة الوالدة وقلت ليها .. ماتخافي بعدين بعرس ليك واحدة رطانيـــة .. عشان يغنوا بالرطانة وماتفهمي حاجة ..
|
يا ود الارباب خالد ليه تعرس ليها واحدة تغنى ليها كده بالرطانة حاربوا الزواج من مثل هؤلاء البنات والمحترمة ما عاوزة ليها تفتيش واضحة زى الشمس . ونحن وانت وكل من كتب هنا نتحمل مسؤولية محاربة هذه الاغانى السيئة والمسيئة لكل الامهات . حدثتنى جارتى بان الاعراس تانى حتكون شباب بس اذا كل الامهات يطلعن غضبانات من الاغانى السيئة دى وكل واحدة تقول ليك ديل قاصدنى انا عشان ولدى بيفتش فى عروس بيورونى من هسه البحصل ليك شنو ؟
والله مهازل يا شابات خافن الله فى امهاتكن . لك الود ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
الاخت.أم وضاح ,
ذكرتينى غنية الموصلى
بكتب ليك رسالة طويلة يا امى بكتب ليك رسالة طويلة بى دمى اقالدك فيها يا امى .. واضمك ساعة فى حضنى .. يا امى .. وحاتك لا بخت عنوان وما بكتب اسم انسان وما برمى الجواب فى بريد وما بديهو لى زولا كمان فى ايد كفاية اريد .. وانقش فى جناح الريح كلامى الدايرو يوصل ليك يخلى الريح .. تترتر .. فى المسافة عروس تحيل كل الصحارى بروش مضفرة بى سعف بلدى مرسلة ليكى يا امى
أنا ديما بأقولها الزوجة يمكن أن تتعوض بس الأم واحده ,حقيقة مجتمع لايوقر كباره لافائدة ترجى منه. قال المصطفى صلى الله عليه وسلم ( ومن لم يوقر كبيرنا ولم يرحم صغيرنا فليس منا )
نعم لحملة قومية للتوعية لابنائنا وبناتنا لك ولكل أمهاتنا كل التبجيل والتقديس والأحترام
مودتى
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: بكتب ليك رسالة طويلة يا امى بكتب ليك رسالة طويلة بى دمى اقالدك فيها يا امى .. واضمك ساعة فى حضنى .. يا امى .. وحاتك لا بخت عنوان وما بكتب اسم انسان وما برمى الجواب فى بريد وما بديهو لى زولا كمان فى ايد كفاية اريد .. وانقش فى جناح الريح كلامى الدايرو يوصل ليك يخلى الريح .. تترتر .. فى المسافة عروس تحيل كل الصحارى بروش مضفرة بى سعف بلدى مرسلة ليكى يا امى
|
يا سلام يا ود الجيلى الهمام ده الكلام السمح البستاهلنوا امهاتنا وحقيقة ليس منا من لا يحترم صغيرنا ويوقر كبيرنا ولى قدام ايد على ايد تجدع بعيد لك الاحترام ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
الأخت أم وضاح.. تحياتي ليك و للأخت صفية. الحقيقة ما حدث في بيت العرس دا , إن دلٌ على شيء فقد دلٌ على إنو للأسف عروسهم دي جاية من بيت يفتقد أبسط قواعد الأدب و الذوق. ياخي نحنا من صغار علٌمونا إنو النسابة عين شمس..و إنو النسيبة أُم و ليها إحترامها و تقديسها...و في أي مناسبة زواج..يتم تخصيص مساحة محددة لأهل العريس حتى يتم إحترامهم و إستضافتهم على أكمل و أحسن وجه. أما أم العريس دي فليها مكانة خاصة و تُستعرض قدامها كافة أشكال البروتوكولات و المراسيم المَلَكية. ما أأخذه على أسرة العروس هو عدم وجود كبير... يعني معقول ما كان في خالة و لا عَمٌة و لا أخت كبيرة تزجر الغناية دي و تديها قروشها و تخليها تمشي؟!!أو تطالبها بتغيير الأغنية ؟؟؟ ما كان في زول عاقل يجي يعتذر لأم العريس و يطٌيب خاطرها و يقول ليها نحن كنا مشغولين بضيافتكم و ما إنتبهنا للكلام السخيف دا؟؟؟ و بالمناسبة يا جماعة...الغناية زاتها ما ممكن تسترسل و توصف الأوصاف دي كلللللها ما لم تجد تشجيع و إستحسان من الجمهور.. إخصي عليكم يا ناس العروس.... و ربنا يكون في عونك يا صفية..ولدك ربيتيهو ل نسيبتو!!!
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: mamkouna)
|
Quote: ياخي نحنا من صغار علٌمونا إنو النسابة عين شمس..و إنو النسيبة أُم و ليها إحترامها و تقديسها...و في أي مناسبة زواج..يتم تخصيص مساحة محددة لأهل العريس حتى يتم إحترامهم و إستضافتهم على أكمل و أحسن وجه. أما أم العريس دي فليها مكانة خاصة و تُستعرض قدامها كافة أشكال البروتوكولات و المراسيم المَلَكية.
|
والله بالظبط كده من صغار اتعلمنا احترام النسابة من كل الاطراف زوج الاخت اخت الزوج ابوهو امه خالاتو عماتو . ولكن كل الوازين انقلبت يا ممكونة ارجعى كم سنة للوراء وشوفى الاعراس كانت كيف ام العريس واهلها بحضروا ليهم بيت الجيران كله ينزلوا فيهوا بشنطهم والناس كلها تحت امرهم . يا ريت يا ممكونة الناس ترجع للورا شوية وتراجع نفسها فى كل الطقوس بتاعت العرس. وانا مسرورة شديد بمداخلتك القيمة . ولك الود ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
كتبت العزيزة آمال:
Quote: سؤال ليك يا ابا ساندرا ماذا تفعل لو كنت جالس فى مناسبة وسمعت هذه الكلمات يتغنن بيها البنات؟؟
عاوزين ردة فعلك
|
كنت - زي ماقلت ليك- حا أصعد المسرح وأمسك المايك وأطلب الهدوء ثم أقرأ عليهن الأبيات البائسة بهدوء وتركيز حتى أضمن أن تتغلغل إلى امخاخهن ثم أطلب التعليق من أكثر واحدة كانت منتشية بالغناء الهابط الصفيق ، ده لو سميناه غنا , وأسالها عن درجة رضاها لو كانت المقصودة أمها ولو كانت المقصودة هي لو صارت أم لعروس أو عريس ، ده لو صارت يعني ,
يا ها دي ردة فعلي
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
سلام اختي امال
فعلا ما حدث شيء موسف لكن
في راي الشخصي هذه الاغنيه رغم بشاعتها.. فهي للاسف تعبير حقيقي لما يدور في نفوس الكثيرات من بناتنا ولكن ليس كلهن..هي كما قال البعض تعكس واقع الحال في مجتمعنا لذلك , يجب علي امنا العزيزه ان تهون علي نفسها.. مع الاخذ في الاعتبار ان لها مليون حق في ان تغضب و تحزن علي نفسها وعلي كل ام في مقامها.
صحيح انا لو في مكان ام العروس لن اسمح ان يتم غناء هذه الاغنيه في زواج ابنتي , احتراما لنفسي وابنتي اولا,واحتراما وتقديرا لام الزوج , ثم احتراما للمجتمع باكمله.
صدقيني رغم جرح ام العريس فاني اريد ان اقول لها, ان المشاكل التي تبذربذورها في ايام الزواج الاولي سوف تترك اثرا كبيرا وسيئاعلي مستقبل العلاقه بين هذين الزوجين.. وهذا ما لن ترضاه هي في المقام الاول رغم جرحها.. , حرصامنها علي استقرار ولدها... لذا اتمني ان ان يتم تدارك الامر من الجانبين والله يهدي النفوس.
وصدقيني يا اختي الكثير ممن لم يتفوهن بكراهيتهن لام الزوج صراحه..لكنهن مارسنها فعلا ..و علي امهات مسنات, ضعيفات , افنين زهره شبابهن في تربيه الولد,...هذا واقع الحال في كثير من المجتمعات للاسف .
عموما اتمني ان تسير الحياه بين هذين الزوجين بصوره طيبه, واعتقد ان ما حدث من فعل ورده فعل , اوصل الرساله المطلوبه لمن اساء والله يهدي النفوس.
سلام
(عدل بواسطة سلمي النصري on 08-04-2007, 00:44 AM) (عدل بواسطة سلمي النصري on 08-04-2007, 00:47 AM)
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: وصدقيني يا اختي الكثير ممن لم يتفوهن بكراهيتهن لام الزوج صراحه..لكنهن مارسنها فعلا ..و علي امهات مسنات, ضعيفات , افنين زهره شبابهن في تربيه الولد,...هذا واقع الحال في كثير من المجتمعات للاسف.
|
صدقتِ يا أختي، والغريب هنالك جامعيات يسلكن هذا السلوك الغير لائق فيصدق عليهن القول: (القلم ما بزيل بلم) ضاربات بالقيم والأخلاق عرض الحائط وناسيات أن واقع سلوكهن يؤكد أن كل إناء بما فيه ينضح. فالسلوك المشين في النهاية هو دليل على تربية غير سوية وعلى أخلاقيات تحتاج للتقويم. وما أتعجب له أن بعض الأزواج يجارون النساء في هذا الظلم على أمهاتهم فيا عجبي. وهو سلوك غير مقبول ومدان لو صدر من أي من الطرفين رجالاً ونساء. ويجب أن نكون قدوة لغيرنا في التعامل مع الأنساب وحتى لو خرجوا عن المألوف علينا بضبط النفس تجاههم وإبداء الإحترام والتسامح الذي يعكس نوعية تربيتنا وأخلاقنا وقيمنا السودانية العالية.
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: وما أتعجب له أن بعض الأزواج يجارون النساء في هذا الظلم على أمهاتهم فيا عجبي. وهو سلوك غير مقبول ومدان لو صدر من أي من الطرفين رجالاً ونساء. ويجب أن نكون قدوة لغيرنا في التعامل مع الأنساب وحتى لو خرجوا عن المألوف علينا بضبط النفس تجاههم وإبداء الإحترام والتسامح الذي يعكس نوعية تربيتنا وأخلاقنا وقيمنا السودانية العالية. |
والله اخى العوض ما قلت الا الحق والمصيبة فى القلم ما بزيل البلم دى حنقولها ونسكت ؟؟؟ نحن ما عاوزين نقولها ابدا عاوزين نورى ان القلم فعلا بزيح البلم ونفتخر بكل الامهات .
تحياتى ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: مع الاخذ في الاعتبار ايضا, بان الكثير من غير المتعلمات كن يمثلن ايضا قدوه رائعه في مناحي كثيره في الحياه, اذن الامر في راي مساله تكامل بين التعليم وحسن التربيه.
|
امهاتنا اختى سلمى ما متعلمات ولكن احترام النسابة عندهم من اهم الواجبات والله امى لها الرحمة والمغفرة الا ان توفت بتقيف لما تشوف جدتى لابى وكل مطالبها تلبى على الفور وهذا ما علمتنا له . ولم تاكل مع نسيب اى ازواج بناتها فى صينية الى ان توفاها الله , فى احدى المرات اصرينا عليها انا وابو وضاح له الرحمة وكانت معنا بابو ظبى قالت ليهو باكل براى امشى اكل مع اولادك كان فعدت معاى لبكرة ما باكل هو اصلا خشمى ما بنفتح عشان اكل . شوف الاحترام ده . وبرضوا ما نطلم جانب البنات البحترموا امهات الازواج وهن كتيرات . تحياتىلسلمى النصرى وكل المتداخلين . ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
كدي النقول ليك البنينة دي ( عديلة حنة العريس )
جديدك يــا عشــاي فرحنــا *** شاهد الله الكريم في بيتك اتريحنــــا ابواتك يدخلوأم حديدا زخمة *** وتور الخلوة ابوك عثمان سريع النهمة
عروستك يـا عشاي عاجبانــا *** أماتــك عفـافــا ما انطرن في خيانــة ابواتك يدخلو الفي الشباح زعلانة *** ركابين بليلة العيش نجض في الدانة
أمك يا عشاي خاتية العفن والنبة *** البيت النقر فوقو الصرامة اتربى قرن الجنزبيل خالك لقفة القبة *** صابون للعفن جدك قبيل من تب
ابواتك تلوب ما فدو الدانة *** المجنون يطبو ويرقعو الخربانة وا كدر اليخاصمكم بضوق الهانة *** أحمد ربي انا الفي طينتهم خلاقانة
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: كدي النقول ليك البنينة دي ( عديلة حنة العريس )
جديدك يــا عشــاي فرحنــا *** شاهد الله الكريم في بيتك اتريحنــــا ابواتك يدخلوأم حديدا زخمة *** وتور الخلوة ابوك عثمان سريع النهمة
عروستك يـا عشاي عاجبانــا *** أماتــك عفـافــا ما انطرن في خيانــة ابواتك يدخلو الفي الشباح زعلانة *** ركابين بليلة العيش نجض في الدانة
أمك يا عشاي خاتية العفن والنبة *** البيت النقر فوقو الصرامة اتربى قرن الجنزبيل خالك لقفة القبة *** صابون للعفن جدك قبيل من تب
ابواتك تلوب ما فدو الدانة *** المجنون يطبو ويرقعو الخربانة وا كدر اليخاصمكم بضوق الهانة *** أحمد ربي انا الفي طينتهم خلاقانة
|
ده الكلام السمح يا ود السمحين ابشر بالخير يا علاء الدين يا اخو البنات
لك الود ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
تسلمي يا ام وضاح
حقيقة بوستيك ده رجعنا لزمن الكلام الجميل وكنا بنحفظ العديلة ونحن بنسمعها من خالاتنا وكل واحدة حافظة بيت بتشارك بيه اثناء الحنة قبل ما البنات الصغار يدقو الدلوكة ويغنو اغاني السيرة ..
العديلة ليك عديلة الدائم وأخد بت الرجال العزهم باين ..
يا نمر الشوام الفي عينو شرار وده الكسر الباب وخلى العطرو يجارا ..
يا مطر الرشاش الماك شافعينا وكان كمل العيش بالرز يكفينا ..
غني وشكريه الليلة يا الراسي .. واختو بتقول انا اخوي تاج راسي .. ابوك كتبة حمول ولي عرضو مو ناسي وجدك والد ابوك يطيع العاصي ..
نخلي انعام تتمها ليك من الحاجة حنانة ..
كلو تمام وحاجة تمام وناس حيموره ناس النظام
مودتي
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: كنت - زي ماقلت ليك- حا أصعد المسرح وأمسك المايك وأطلب الهدوء ثم أقرأ عليهن الأبيات البائسة بهدوء وتركيز حتى أضمن أن تتغلغل إلى امخاخهن ثم أطلب التعليق من أكثر واحدة كانت منتشية بالغناء الهابط الصفيق ، ده لو سميناه غنا , وأسالها عن درجة رضاها لو كانت المقصودة أمها
|
ده كلام الاخ ابو ساندرا
اتصلت بى صديقتى نوال وطلبت منى ان انشر هذا الكلام باسمها نوال قرات كلام ابو ساندرا وحكت الموضوع لصديقتها التى تعانى من ان ابنتها كثيرا ما تجدها تشارك فى مثل هذه الا غنيات وقالت ليها الليله كلامك ده يا نوال وقع لى فى جرح عندنا عرس بت اختى بكرة والبت دى الما فهمتها القراية لحدى الجامعة انه الكلام ده غلط انا بسوى براى ابو شنبات الفى سودانيز اون لاين بس بطريقة مختلفة شوية وكلمت ابنها وزوجته واتفقت مع زوجة ابنها الفاهمة الرايقة بت الاصول ده شكر نسيبتها طبعا اتفقت معاها لما بتها وصاحباتها يغنوا غنا النسيبة وينبذوها هى طوالى تقعد فى الاغنية وتشارك فيها باعلى صوت عندها وهذا ما حصل اخت زوجها رمت الدلوكة واتشعبطت ليك فى زوجة اخوها الليلة ظهرت على حقيقتك يعنى كنت بتمثلى علينا وعلى امى والاحترام داك مشى وين النبذ ده كله فى امى خلى اخوى يجى لو فعدت فى البيت معانا تانى يكون اخوى ما منه فايدة تنبذى امه كده وكلام كتير الا مسكوها منها جاتها حاله بتاعت هستيريا ونادوا الاخو بالصراخ وهوطبعا عارف والام بالاتفاق مع زوجة الابن ولما عرفت الكلام ده انهارت تماما وبكت كتير وقالت والله انا ما وقفت فى كلمات الاغنية دى الا لما شفت زوجة اخوى بتغنى قلت دى بتشتم فى امى انا الليلة الله اكبر عليها . وفعلا بدأت فى محاربة هذه الاغنية وبدات بالجامعة وبيوت الاعراس . والفضل لابو ساندرا والتحية ليك من صديقاتى نوال وجارتها سعاد والبت المفعوصة العايدة لرشدها ميسون لك ولاسرتك التحايا وتسلم يا ابو البنات ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: وكلمت ابنها وزوجته واتفقت مع زوجة ابنها الفاهمة الرايقة بت الاصول ، ده شكر نسيبتها طبعا اتفقت معاها لما بتها وصاحباتها يغنوا غنا النسيبة وينبذوها هى طوالى تقعد فى الاغنية وتشارك فيها باعلى صوت عندها |
أهلآ يا آمال وياسلام على جارتك نوال وصاحبتها أنا ماكنت قايل كلامي حايتنفذ بتلك البراعة المدهشة دي أم واعية ومفتحة ومتفتحة
عليك الله يا آمال سلمي لي عليهن نوال وسعاد وميسون وزوجة أخوها و أخوها وأمهم البارعة
أها ، لقيتيني كيف يا أمول ؟
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
اها والله لقيتك خطير عديييييل كده وما قلت لى رايك شنو فى كلام صاحبتى فى نفذنا كلام صاحبكم ابو شنب انتوا قايلننا عشان ما مشتركين فى الموقع ده ما مستفيدين والله مستفيدين اكتر منكم انتوا بتركزوا على الشكل ونحن عشان ما عندنا طريقة نشاكل بنركز على الفايدة من كل المواضيع وكلام ابو ساندرا يكونوا النسوان صاحباتكم المشتركين معاكم مروا عليهوا مرور الكرام لكن نحن عشان بنركز استفدنا منه على طول رايك شنو يا ابو ساندرا ؟؟؟ وبسلموا عليك وبشكروك وحتى ميسون قالت ليك تسلم يا عمو والله يخلى ليك بناتك وما قادرين يحفظوا اسمك ولا شنو بس يقولوا لى صاحبكم ابو شنب تسلم يا ابا ساندرا ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
كتبت امال
Quote: انتوا قايلننا عشان ما مشتركين فى الموقع ده ما مستفيدين والله مستفيدين اكتر منكم انتوا بتركزوا على الشكل ونحن عشان ما عندنا طريقة نشاكل بنركز على الفايدة من كل المواضيع وكلام ابو ساندرا يكونوا النسوان صاحباتكم المشتركين معاكم مروا عليهوا مرور الكرام لكن نحن عشان بنركز استفدنا منه على طول رايك شنو يا ابو ساندرا ؟؟؟
|
راي انو صاحباتك ذكيات واكتشفن ازمة البورد احسن مننا
بس تعليقهن إقتصر على نساء البورد دون الرياييل وعايز اقوليهن نساء البورد أفضل من { رياييله } بمليون درجة طيب عشان أكون دقيق ، معظم نساء البورد أفضل من بعض الرياييل
يا آمال صاحباتك ديل نادرات فحافظي عليهن جدآ وبلغيهن سلامي وإحترامي وياريت تنقلي لي رأيهن فيما نكتب
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: علاء الدين حيموره)
|
ام وضاح ونستمر فلا عزاء للامهات... تعالي احكي لك القصه دي..... واحد سودانيه طبعا للاسف مغتربه في السعوديه,وملتصقه جدا بامها وزوجها يعلم ما بينهم من ارتباط وثيق,وفجأه جاءت الاخبار ان امها ماتت!! اشفق عليها الزوج العطوف كيف يبلغها بالخبر ولم يقوى فادعى لها بانه بلغ بخبر وفاة والدته ولازم يسافروا حالا السودان.عملت فيها حزينه لاجله وقالت له كلمتين فراغات كده...وبعدها انطلقلت للاسواق..تفكر في الاجازه الجاته على غفله(وخمت لك خم مبالغ فيه من المشتروات) اظنها القبيحه لم تصدق ان تفكر سوى انها انتهت من هدايا ام زوجها للابد...واتصلت بالحنانه وحجزت وذهبت للكوفير..وكل هذا وزوجها يفترض يحتاج مواساتها في امه...لكن هي اهتمت بكيف تستعرض لناس السودان ولم تنجح في اخفاء فرحها باختفاء آمه من الحياه!! ووصلت بيها الوقاحه ذهبت لتغير ذهبها لانها ما بترجع بنفس الذهب الجاءت بيها من آخر اجازه!! المهم كله ده و الرجل في نفسه مذهول منها,ويقول بالله ده الحال قلت ليها الميته امي!! المهم يازوله وصلوا السودان واتجهوا لمنازلهم ويبدو انهم غير بعيدين من بعضهم....وبعد اقتربوا من الحله وصف هو لبتاع التاكسي انهم يمشوا على اتجاه بيتهم هي ماكان عندها مانع على الاقل تفش شوقها لامها وتنزل الشنط ودي اهم حاجه) وبعدها وبعدها تتجه للعزاء..وما ان اقتربوا من بيت اهلها حتى رات الصيوان المنصوب..وهي جايه معنكشه بذهبها ومتدخنه ومتحننه و المتوفيه امها!! وطبعا اتكتحت بالتراب بعد داك!! الرجل الفاضل انتظر ايام العزاء وما قصر قام بالواجب وعندما حان ميعدا سفره جضر اليها مودعا ومعه ورقة الطلاق...وقال ليها تبقي مجنونه لو افتكرت بنسى لك ماذا كنتي تنوي فعله في عزاء امي لو فعلا هي المتوفيه....وما بتعيش معاي تحت سقف واحد من تنوي ان تتدخن وتتحن وتغير ذهبها لوفاة امي!!فاوقع في يدها وعرفت شناعة ما فعلت بعد فوات الاوآن.
لك التحيه ام وضاح ولكل الامهات اللائي يتفانين في تربية ابنائهن ويستحقن كل احترام.
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
اشكرك يا اخت ام وضاح على طرق هذه القضية الهامة لماذا تتعرض هذه الأغان لأم العريس واخواته وتحتقرهن وتسئ اليهن؟ وفي نفس الوقت لا تتعرض لأبو العريس واخوانه بالإساءة؟ في تقديري الإجابة على هذا السؤآل قد تفتح الطريق لمعرفة الأسباب الإجتماعية والإقتصادية التي ادت الى انتاج هذا النوع من الفن ـ اذا جاز ان نسميه فنا ـ وقد يفسر اسباب ظاهرة كره النسيبات التي يصعب التعبير عنه بشكل مباشر، فيجد الفتيات هذه الأغان وسيلة جيدة للتعبير عما بدواخلهن ..
محاربة هذا النوع من الاغان لا تتم بمحاربة المغنيات اللائي يتغنين بها ولا بمحاربة الفتيات اللائي يرددنها، وانما بتغيير الواقع الإجتماعي الذي ساعد هذا النوع من الفن على الإنتشار، وايضا بتثقيف المجتمع والأسر بضرورة احترام النسب والمصاهرة وكل يبدأ بأسرتة ..
الفتاة التي تقبل برضى وتستجيب بطرب لهذا النوع من الغناء تنسى انها ستمر بكثير من الأدوار في مستقبل حياتها بدأ من صاحبة العروس واخت العروس واخت العريس والعروس نفسها وام العريس وام العروس، ولو هؤلاء الفتيات والنساء علمن ان دورهن سيجيئ يوما ما في السب والإساءة اليهن لما تجرأن مثل هذا الفعل المشين بالإساءة لأمهات الناس واخواتهم ..
لقد صورت كثيرا من الدراسات ان الرجل هو العائق الأكبر امام تحرر المرأه وعدوها الأول والسبب الرئيسي في إضطهادها، ولكنني اعتقد ان الجهل هو العدو الأول للمرأه وللرجل في آن واحد، ولو تحالفا في برنامج حد ادنى للقضاء عليه لتمكنا من القضاء على الكثير من السلبيات الإجتماعية التي تصاحب الجهل والخرافة والتخلف بما فيها هذا النوع من الغناء، ولتمكنا من رؤية اعداء آخرين يجب هزيمتهم ايضا، ولعرفا ان مهام بناء المجتمع المعافى القائم على الديمقراطية و حقوق الإنسان واحترام القوانين والمؤسسات تتصاعد اهميتة وترفع من سقف تحالف الحد الأدنى القائم بينهما من اجل الإنسانية التي ليس لها نوع بيولوجي محدد ..
الصاوي
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: elsawi)
|
Quote: لقد صورت كثيرا من الدراسات ان الرجل هو العائق الأكبر امام تحرر المرأه وعدوها الأول والسبب الرئيسي في إضطهادها، ولكنني اعتقد ان الجهل هو العدو الأول للمرأه وللرجل في آن واحد، ولو تحالفا في برنامج حد ادنى للقضاء عليه لتمكنا من القضاء على الكثير من السلبيات الإجتماعية التي تصاحب الجهل والخرافة والتخلف بما فيها هذا النوع من الغناء، ولتمكنا من رؤية اعداء آخرين يجب هزيمتهم ايضا، ولعرفا ان مهام بناء المجتمع المعافى القائم على الديمقراطية و حقوق الإنسان واحترام القوانين والمؤسسات تتصاعد اهميتة وترفع من سقف تحالف الحد الأدنى القائم بينهما من اجل الإنسانية التي ليس لها نوع بيولوجي محدد ..
|
لنقرأ كلام الاخ الصاوى عدت مرات لقد ادلى واوفى له التحية والتقدير ام وضاح
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
أم وضاح / تحياتي
يلا انا ببدأ بجزء من الرؤية الاقتصادية وافراز الظرف في تحول أغاني البنات لاشباع رغبتهن في الظفر بمن هو متيسر الحال .. ولما كان الشاب هو المقصود بالتودد في أغلب الاغاني كانت العربة هي ميزة في وقت من الاوقات وذلك في نهاية السبعينيات وبداية الثمانينيات فجاءت أغنية العربية ..
العربية العربية يا السائق العربية
عربتك المرسيدس جات شاقة بيت العرس وانت لقطة ما تنهبش
عربتك الحمراء وجنب فندق الزهراء والخاينة جارية وراه
عربتك الاوبيل جات ماشة نص الليل والليل كلامو كتير
الى آخر الكلمات التي تعبر عن حب الفتاة لمن لديه عربية ,,,
باللفت باك ياعلي وبركب معاك يا علي ( اللفت باك واحدة من ماركان الكرونا )
الى ان تقوم بينا العربية تودينا للسادة ..
يلا نشوف الظاهرة الاقتصادية كأحدى اركان التاثير على أغنية البنات ...
مودتي
بس من المؤكد لم تضحى العربية ميزة اليوم تميز العني من الفقير ..
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
Quote: زى ما قالوا واحد فى مناسبة زواج عنده عربية حاجة كدة وعنده اربعة موبايلات وبشحد فى سيجارة .
|
عندما جاء الوجيه مجدي قادما من اجدى دول الاغتراب وينقط في الغنايات بالمال الغير محسوب ... تحولت احدى أغنيات الزار وفصلت الكلمات لمجدي ...
علب السجار يا مجدي شفى للرجال يا مجدي..
الى آخر الاغنية....
ولكن عندما افلس مجدي تحولت الكلامات الى
خايب الرجال يا مجدي شحاد السجار يا مجدي
اذن هذا طابع اقتصادي بحت تجسد في كلمات ركيكة ومضمون ركيك مؤكد مجدي كان بالركاكة دي وحبيبتو اركك منو ..
ومدينا بالنمازج يا ام وضاح ..
تسلمي ولك كل الود
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
بصراحة ما عارفة كيف واحدة تطاوعها نفسها على كلام زي ده ؟؟؟ بس المشكلة دي من بدري جدا والاغاني دي سمعناها قبل الانقاذ يا عوض طبعا المشكلة دي من الجانبين يعني الزوجة والنسيبة كل طرف بيحاول النيل من الطرف التاني ومسكين الزوج واقع في النص بين المطرقة والسندان لكن للأسف بعض الشباب وخصوصا عديمي الخبرة في النساء وكيدهن ينطلي عليهم دهاء زوجاتهم وشخصيا اعرف الكثيرين منهم ينخدعون بدموع التماسيح دموع زوجاتهم ولا يصدقون فيهن أي كلام لا من الأم ولا من الاخت وفي نظرهم انهن لا يمكن ان يكذبن وهن أكذب خلق الله يقلبن الحقائق ويلوين عنق الحقيقة
انتبه ايها الزوج فزوجتك ليست دائما على حق والأم لا تعوض ورضاها من رضا الله وانتبهي ايتها الزوجة احترام ام الزوج من احترام الأم وكلاهما في نفس المكانة
| |
|
|
|
|
|
|
Re: اخوانى الفرسان اخوان البنات / اخواتى حراير البورد / هل تقبلون لامهاتكم/ن هذا الوضع ؟؟؟؟؟؟؟؟ (Re: essam&amal)
|
تعرفي يا أستاذة ام وضاح
البنات ديل كان بغنو الى عهد قريب أغاني جميلة بستمتع بيها الولد قبل البنت ..
حبيبي تعال نتلم مادام الريد اختلط بالدم وانا ذنبي ايه شيلوني الهم حبيبي المنقة والتفاح حبيبي عسل والناس مساخ بهاجر ليك عشان ارتاح بستناك انا في البحر محل الطير هاجر رحل أنت من هنا ولا من زحل بستناك انا في الكبري وبضحي ليك انا بعمري عشان وحيد سحبو مني
...... الخ
لكن ايقاع الزار وتحول الكلمات الى اغاني بنات ادى الى مسخ المعاني الجميلة والتعبير عن مشكلة البنت ونظرة المجتمع ..
منتظر المشتلة يا ام وضاح ..
مودتي
| |
|
|
|
|
|
|
| |