|
لندن ولا حلوة .. ولا حاجة
|
بسم الله الرحمن الرحيم
الاخوة الكرام
تحياتي و احترامي
البلد دي جارية زي الساعة لا ركشة ولا كارو شنو الحكاية
لا زول رائح يقول ليك لو سمحت
كل زول شايل ليهو كتاب و طائر
المشكلة الانا مافهمتها الكي بورد دا كتب عربي كيف ؟؟
والله حكاية
والبقية تاتي
زحل في لندن
كتاب ينزل قريبااو بلوق يمكن
تحياتي للجميع
عدا بت الاحفاد
الفيك اتعرفت تب يا بتي
وعلي قول الاساسي اساسي صحبة النت ام بناي قش وهم صايبر
|
|
|
|
|
|
|
|
Re: لندن ولا حلوة .. ولا حاجة (Re: sudania2000)
|
لندن ولا حلوة .. ولا حاجة ----------------------------------- سودانية الحبيبة أشواق و أشواق إنتي مالك عاملة زي أمي بتكره لندن بشكل خاص..غايتو أنا ما معاكم نهائي في آرائكم دي..
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
سلامات الأخت سودانية
ذكرتيني نكتة, قالو فى وأحد سافر لندن ورجع ومافى زوول أشتغل بيهو,, والموضوع دا حرقو شديد ويوم قاعدين كدا كمية قام قال بدون سبب ياخى ماتزهجونا برانا جاين من لندن
تحياتى
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
دكتورة حمدلله علي سلامتك واهلا وسهلا بيك بيننا ,اشكرك اختي الفاضله علي كلماتك الطيبات وانا سعدت جدا بمعرفتك فانتي اخت عزيزه علينا ارجو ان يطيب مقامك بيننا واعتذر ان لم اقم بواجبك علي القدر الذي اردت لظروف المرض اشكرك مجددا وحبابك الف ودي الكثيف احمد
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: البلد دي جارية زي الساعة لا ركشة ولا كارو شنو الحكاية
لا زول رائح يقول ليك لو سمحت |
سودانيه200 الحكايه الناس دى مشت الكارو يمكن يكون عندهم فى الريف زى ما كنا بنشوف كاروهم ما الخمج فى افلامهم زمان انتى ما مشيتى الريف بتاعهم ولا شنو قالوا الريف الاوربى ده حاجه تانيه وبعدين الناس دى ما فاضيه عشان تقولك لو سمحت ولا يااخت ولا يا فرده
| |
|
|
|
|
|
|
Re: لندن ولا حلوة .. ولا حاجة (Re: Adil Osman)
|
هلا سودانية ولندن شكلها كده نورت والله.. للناظر بابو نمر مقولة شهيرة عندما ذهب الي لندن وعاد سالهو عن جمال لندن فقال والله لندن سمحة الا المجلد اسمح منها والان اظن ان لسان حالك يردد لندن سمحة يا جماعة الا ودمدني احلا منها
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
بسم الله الرحمن الرحيم
السلام عليكم ورحمة الله وبركاته
ألاخت سودانيه,
الحمد لله فى الدنيا دى فى ناس بيتفقوا معاى فى الرأى .....
ياسبحان الله لندن دى فيها حاجه كده تكتم النفس ....
سمعتى قصة الذول الشابك الجماعه نقه طوالى عن الكويت , ولمن سألوه قعدت
فى الكويت وين إنت ,,, قال ليهم انا مامشيت بس الأخوان من هناك بيحكوا
لينا ,,,,,
أها بى كلامك ده ممكن نحكى عن لندن ,,, ماعجبتنى شخصيا لندن دى ...
تحياتى وربنا يسهل سفرك ويحقق ليك الخير ,, وما تنسينا من الدعاء ...
على عامر
| |
|
|
|
|
|
|
Re: لندن ولا حلوة .. ولا حاجة (Re: Ali Amer)
|
وسمح كان لندن ماسمحة..ياتو مدينه بتكون سمحه؟ أقعدي في أي بارك قدامك ومعاك مويتك وكتابك علشان تقري فيه لما تزهجي (ادا زهجتي) واستمتعي بالخضار حولك..وبأشكال الناس المختلفه..والوان الملابس.. وشوفي كيف هي لندن فريده في تكوينها العرقي وفي احتفالاتها الصيفيه.. ولو انتي قاعده هناك كل شهر أغسطس ممكن تحضري مهرجان نوتيج هيل جيت..وده مهرجان سنوي يجدب ملايين البشر من كل أطراف العالم ويستمر ثلاثة ايام.. وممكن تقضي يوم بحاله في المكتبه البريطانيه في يوستن رود في قلب لندن..ويوم تاني في المتحف البريطاني خلف رسل سكوير..وعندك ياحلوه يوم لمتحف الشمع في بيكر ستريت.. وعندك المقاهي الصيفيه..والسينمات والمسارح لو كنتي بتحبي المسرح.. معليش كان نفسي أكون هناك لما تجي انتي واشراقه...لكن معليش حظي ما كويس! امشي بالمساء ليسترسكوير..بتلقي فيه الرسم بالرصاص يرسموك في دقيقه.. وتاكلي شاورمه وأيس كريم.. تحيات من الخرطوم..
| |
|
|
|
|
|
|
Re: لندن ولا حلوة .. ولا حاجة (Re: Muna Khugali)
|
سلام يا سودانيه و انا اقول البلد منوره كده ليه!!!! مرحب بيك. امشي زي ما قالت ليك مني
Quote: امشي بالمساء ليسترسكوير..بتلقي فيه الرسم بالرصاص يرسموك في دقيقه
|
وبعد داك امشي لي london euston و اركبي القطار لي Manchester وجيبي معاك صورتك الرسموها ليك فيleicester square
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
الأخت سودانية 2000
مرحب بيك في مدينة المال والأعمال والجمال لندن - بالله ياسودانية حديقة الهايدبارك براها ما كملت عجبك وإعجابك؟
نحن في الخدمة وأن شاء الله مانخيب ظنك تب بس أدينا سلك ولو ما عارفه الرقم أسألي أي سوداني خاصة في وستمنستر.
تحياتي لك وأتمنى لك إقامة طيبة.
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
سنسون 2000 كيفيك حبيبة لندن منورة والله واظنك كمان جبتى معاكى باقى صيف من مكان ما الله اعلم هو وين المهم انا رسلت ليكى تلفونى بالماسنجر اتصلى اورسلى نمرتك انا بتصل بيك والله سنسون لندن اجمل منها مافى الا لندن زاتا يلا حبيبة منتطرينك
| |
|
|
|
|
|
|
Re: لندن ولا حلوة .. ولا حاجة (Re: عادل جبارة)
|
Quote: تحياتي للجميع
عدا بت الاحفاد
الفيك اتعرفت تب يا بتي
وعلي قول الاساسي اساسي صحبة النت ام بناي قش وهم صايبر |
الاخت الكريمه سودانيه
حمدلله على السلامه والف مرحب بيكى فى لندن
لكن يابتى مابالغتى?
انتى قعدتى تلومى فينى وتنبشى فى لحمى من غير ماتورينى انك جيتى ولا تدينى تلفون حتى???
اول تلفون منك كان يوم امس بالليل ورجعت ليكى لقيتك مشغوله والبوست ده انتى كتبتيه نهار امس يعنى قبل ان اعرف انك جيتى ولقيت ماسنجر به تلفونك باليل
دحين يابتى فى زول قال ليكى بنت الاحفاد بتعلم الغيب وبتكون علمت انك وصلتى لندن وجاءها وحى ليبلغها برقم هاتفك????
اى نعم انكى ابلغتينى من قبل انك ستأتى يوم خمسه لكن تانى ما اتصلتى فينى ولا عبرتينى وقبل ما تعطينى تلفونك قعدتى تلومى فينى وتقولى كلام كبير والفينى اتعرفت الخ.....فهل الصداقه انو نكون ستر وغطاء على بعض ولا محاوله للاساءه لهذا الصديق امام الاخرين واظهاره كأنه اى كلام ولا يفهم اصول الضيافه ولا يعرف الواجب
عموما ياحبيبه نحن الواجب بنعرفه للغريب قبل الصديق لانى فى المقام الاول سودانيه وتربيت فى بيت يعرف اصول الضيافه ومن قبيله الجعلين التى هى معروفه بأكرام الضيف وفوق كل ذلك مسلمه ودينى يأمرنى بأكرام الضيف
تحياتى
وفى امان الله
لا اله الا الله
| |
|
|
|
|
|
|
Re: لندن ولا حلوة .. ولا حاجة (Re: bint_alahfad)
|
Quote: لندن ولا حلوة .. ولا حاجة |
الأخت العزيزة سودانية، طبعاً إنت ما شفتي حلاوة لندن لأنك.. ما قابلتي أختك بت الأحفاد.. وده (كلام زعل ما بتقصدوا.. تررم)
أكيد بعد ما تتقابلوا الدنيا ما حتسيعكم.
المهم لازم تجهزوا أفكاركم ومشاريعكم لأعمال الخير في رمضان وهو على الأبواب ونحن منتظرين منكم الكتير.. كما عودتمونا دائماً.
ومتظرين إعترافك بأنو.. لندن حلوة.
| |
|
|
|
|
|
|
Re: لندن ولا حلوة .. ولا حاجة (Re: Elawad Eltayeb)
|
الأميرتان
سودانية 2000
وبت الأحفاد
سلام بحجم مال وول ستريت تجيبوا لي منو دولار بريطاني
ماهو إمريكي تحية لندن الماحلوة بدونكم أبـــــدا.
وماتنسوا دائر كفر لعب بيهوا بيركااام في يونايتد.
،،،،أبوقصي،،،،
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
الجميلة الروعة روعة الروعة
كم جميل ان نكون أصدقاء
ليلة السبت اضفت علي حياتي ما لا ينسي
اهديك حنان ما اظنو كان ولا يمكن يكون في الوري
اجمل النساء قلبا قالبا روحا و
ياريتني اقول فيك الكلام الما انكتب
بحبك يا بت النت
والله النت الجمعتني بيك دي الا اعمل ليها تمثال
كوني بخير
وكوب اللبن يدور ويدور ليبقي الجمال فينا عشقا
والعطاء رمزا للحياة
كوني بخير يا كل الخير
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
اها شفتي كيف ياسودانية؟!
انا برضو لمن مشيت أول ايامي القاهرة قربت اكتب بوست عنوانه (( القاهرة الزيط من الله))
اها قمت بعد داك ياستي عرفت ليك الدروب ولميت ليك في ناس ماجدة ومني وحتلت حتلة واحدة ... وقضيت شهر من أروع الشهور المرّت عليّ ...
فاستمتعي بوقتك بعد ماتخبري المداخل وانعمي بصحبة ناس ماجدة وبختكم ...
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
عارفة يا سودانية اذا ما عندك برنامج مسبق فى لندن بتوهى
احسن حاجة فيها تبعدى عن السودانيين ...كلام يجيب الهواء مش
لية لانهم غير يعزموك شاى او وجبة عشاء فى بيوت يضيعو ليك اجازتك
وانصحك تمشى حتاتك براك تداقشى زى تور الجر اشترى كرت الباص والمترو
بعد داك ما يهمك والبسى جزمة واطية ...حدددى برنامجك بتستمتعى
لو دايرة الريف الطبيعة امشى لى بنات عمر بخيت فى سوانزى وكارديف
لو بتحبى المطر الما بكسر البيوت امشى مانشستر
بس مهرجان نوتنغ هل القالتو ليك منى خوجلى دة ما تفوتيهو بيكون اخر احد من
شهر 8 يوم السبت للاطفال الاحد للكبار والاتنين اجازة....بس بيكونو مواصلين شيلى
كاميرا بيها افلام كتيرة وبطاريات من الان.... ما تفوتى المهرجان بتاع النوتنغ هل
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: عارفة يا سودانية اذا ما عندك برنامج مسبق فى لندن بتوهى احسن حاجة فيها تبعدى عن السودانيين |
Quote: لو دايرة الريف الطبيعة امشى لى بنات عمر بخيت فى سوانزى وكارديف |
ياربى اميرة وامانى ديل ماسودانيات ولا احنا فينا مشكلة كلام غريب سودانية سلامات وين انتى منتظرينك
| |
|
|
|
|
|
|
Re: لندن ولا حلوة .. ولا حاجة (Re: ماجدة عوض خوجلى)
|
سلامات
انتو القصة شنو حكاية ما تعرفي سودانين دي نصيحة من السودان مبارياني شوو الحكاية
مال السودانين هنا؟ ماجدة جاياك جاياك اصبري اكمل الجري الجاياهو دا
وحاتك بري السنين بجيك صادة
نقول كدا قربنا
تحياتي لكل الجمال عندكم
وتسلموا
| |
|
|
|
|
|
|
Re: لندن ولا حلوة .. ولا حاجة (Re: ماجدة عوض خوجلى)
|
عارف كلامى حا يفهم خارج سياقو ودة الخفتة منو وقلتة حا يجيب لى الهواء الاخت ماجدة ادام اللة ظلك
انا فسرتة ليها لية للسودانيين لانو قلت ليها حا يعملوها ليك عزومات جوة البيوت كان شاى كان وجبة ودة الفهم العام للسودانيين للكرم
وما كنت داير البت تتوة بين حيطان اربعة
اما بخصوصو امانى واميرة حاشا ما قصدتة انهم احسن منكم بل قصدتة انو لو دايرة تمشى برة لندن يعنى الاقاليم وشكلك كدة يا ماجدة بت لندن
لماذا تجتزوا الكلام ............ على كل كامل اعتذارى اذا فهمتى كلامى خارج سياقو
وشكلو سودانية فهمت نفس الشى وطلعتنى غلطان على كل انسى كلامى كلو من اصلو ولكم العتبى والاحترام
| |
|
|
|
|
|
|
Re: لندن ولا حلوة .. ولا حاجة (Re: Ishraga Mustafa)
|
ربنا يجعلها ليك اجازه سعيد بموضوع السودانيين ...قبل ما اقول اى حاجه لازم ااكد انى بحب السودانين و ونستهم جدا ...خاصه و انى زوله *"طرباقه" جدا
بس لما ازور مدينه "اى مدينه" لاول مره ما بمشى لاى سودانيين....لانهم ح يكرمونى غايه الكرم السودانى و ح يعزمونى عشاء او شاى .و من عشاء الى عشاء ...تنتهى الاجازه و اكون "و الحمد لله " اتفرجت فى بيوتهم كلها...و ما شفت حاجه للبد و اكل البلد... و اهم حاجه موضوع الاكل ...السودانيين ما بيحبوا يجربوا اكل جديد...ح ياكلوك اكل المصريين و التراك و الشوام ...و ده طبعا اكل لذيذ جدا جدا ....لكن موجود فى الخرطوم. امشى جربى اكل صينى...هندى...يابانى...جربى ال calamari او الsushi او الlobster حتى لو جربتيها قبل كده الحجات دى....اكيد فى حجات تانيه ما جربتيها استمتعى بالاجازه
*"طرباقه" معناها كلامى كتير
| |
|
|
|
|
|
|
Re: لندن ولا حلوة .. ولا حاجة (Re: smart_ana2001)
|
واحد زيك .. مكنكش في السودان و ميت موت .. الله وداهو بعثة لحتة إسمها : فازينشسراينبال لوفنتهايمينزكس ( و ما تحكيها معاي لأني سمعتها كده من صديق الموج ) . المهم .. أسبوع أسبوعين .. تلاتة .. شهر .. و الزول ما نطق كلمة عربي .. مافي زول يفتح معاهو خشمو .. ولا بيعرف اللغة الفازينشسراينبال لوفنتهايمينزكسية لغية لسانو خلل . يوم مرق لابس زي ديشيليون بالطو من البرد .. و قعد يلف في الحديقة القدام البيت .. فتر .. قام قعد تحت شجرة كده .. فررررررررررررر .. يجيك عصفور يرك فوق راسو في الشجرة ديك .. الزول عاين ليهو مسافة .. و فت قام فاتح حضنو : ود أبرق .. ياخي بالغتتتتتتتتت .
دحين شوفي ليكي ود أبرق أو أم قيردون مع " روعة " دي , يخلو ليك لندن طاعمة شوية . قال لندن ولا حلوة ولا حاجة .. يعني عليكم جنس حنكشة واحدة .
| |
|
|
|
|
|
|
Re: لندن ولا حلوة .. ولا حاجة (Re: Emad Abdulla)
|
وشكلو سودانية فهمت نفس الشى وطلعتنى غلطان على كل انسى كلامى كلو من اصلو ولكم العتبى والاحترام
العفو يا سيدي وفهمتك بس القصة كلها انا بشاغل في ناس لندن
وانا لندن شفتها الساعة 7 م وطلعت منها 7 ص يعني سواد ليل ولو ان ليلهم غير بهيم زي بلادنا
المهم انا قاصدة اشاغل ناس لندن المكسرين في لندن
ولمن ارجع لندن بجرب كل الحاجات دي
بس باين القصة ح تجر
واقوم انسي الحنينة السكرة تب
واشوف لي لجؤ ولا عريس
اشراقة ح اتصل عليك بس قولي لي بتين فاضية
الماجدة ماجدة
لسة انا مضغوطة حبة لكن ع وشك
الويك اند معاك اذا الله هون
تسلمي
و
تسلموا
ووشكرا
العمدة شفت ليك أهل العوض اتحنكش
قول غباء حضاري
ما نحن مفطومين في هوي العزة
تحياتي
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: اما بخصوصو امانى واميرة حاشا ما قصدتة انهم احسن منكم بل قصدتة انو لو دايرة تمشى برة لندن يعنى الاقاليم وشكلك كدة يا ماجدة بت لندن |
تحيانى عمر يااخى انا واللة لازعلت ولافى حاجة بتزعلنى بالعكس انااميرة اخت عزيزة جدا انت قلت الكلام بيجيب ليك الهواء وانا بس حبيت انفذ ليك رغبتك وكمان قلت اغظيك زيادة واقول لسودانية تعالى بسرعة عموما حصل خير واتاكد انو مافى اى حاجه ، طبعا انا من ناس لندن لى فيها 15 سنه واتاكد انى عمرى ماعزمت زول غدا ولاعشا ولا شاى فى البيت كلو والله العظيم بيكون برة البيت وانت هسة لو جيت زيارة هنا اتاكد اننا هنعزمك برة البيت ، تحياتى ليك سودانية انتى مالك مابتردى على تلفونك .
| |
|
|
|
|
|
|
Re: لندن ولا حلوة .. ولا حاجة (Re: ماجدة عوض خوجلى)
|
الاخت ماجدة
اللة لا جاب الزعل بس انا حبيت اديها جزء من تجربتى لانى جيت السنة الفاتت اجازة
فى مثل هذة الايام استمتعت جدا بى نوتنغ هل وبى كارديف وسوانزى اكرمونى بنات بخيت غاية الكرم يوم شكرهم ما يجى
انا بتكلم عن الغالبية واكيد الكلام ما بيكون معمم على الكل
والاعتذار لسودانية
حقيقى انا ارتحت لى لندن لو ما الظروف المفروض الايام دى اكون هناك بس ربك ما هون
لك التحية اول ما اجى بديك خبر ........تحياتى للجميع فى لندن من جدية لحدى عيسى
عبداللة وداعة لا
| |
|
|
|
|
|
|
Re: لندن ولا حلوة .. ولا حاجة (Re: معتصم دفع الله)
|
ياخي بلد ما تلقى ليك فيها لوري فحم حايم .. ولا زغاريد فرح .. ولا نسوان مارقات لي بكاء .. دي بلد لا حلوة ولا حاجة
سلام يا امير الود
تحياتي واحترامي
زيد عندك
لا شافع ببكي عايز لبن
لا زول بشاكل
مبتسمين ع طول
واخر ذوق وادب
بعقدوا
والسرعة الشديدة دي مشكلتي هنا
ونحن ناس تمشي كما يمشي ال.......
تحياتي
تلفوني الا اكون داخل السيشن لكن برد طوالي وانا لاقية اتكلم
تحياتي ماجدة
ستو تلفوني فاضي زي السودان مس كول بث
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: لندن ولا حلوة .. ولا حاجة |
إحتمال. رغم انه صيفها حنون وعنده ذوق..
إيه رأيك الصيف الجايي نستضيفك في كندا .. وبرضو التحذير الفوق.. تجنبّي عوازيم السودانيين.. لانه ح يعملوها ليك محشي ومكرونة.. وملاح ويكة.. وتروح عليك الشلالات.. والمعالم الكندية..
تمشي وتجي بالسلامة يا بنية..
| |
|
|
|
|
|
|
Re: لندن ولا حلوة .. ولا حاجة (Re: نجوان)
|
Quote: إيه رأيك الصيف الجايي نستضيفك في كندا ..
|
نجوان يا رقة الكلمة وذوق التعبير
والله يا ريت
تصدقي في بالي اهاجر هناك
بس مكتولة بحب الحنينة السكرة
تحياتي
وتسلمي
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
العزيزة سودانية
كيفك انتي واحوالك
بصراحة خجلانة منك لكن ما دام بديتي لوم مع بت الاحفاد فانا احسن ارميه فيها برضو
لانه انا كنت في لندن اجازة الصيف ورجعنا قبل اسبوع وبصراحة قضيت وقت جميل مع كثير من البودراب
وسألت بت الاحفاد عن البورداب اللي هنا بس نست تقول لي عنك وانا بصراحة عشان الفترة طالت بالبعد عن البورد
ما كنت عارفاك وين لكن والله هسه ندمت انك هناك وانا ما لاقيتك
لكن انشاء الله بتتعوض شهر 12 انشاء الله (برد شديد)
تقبلي تحياتي وودي لكي يا غالية
| |
|
|
|
|
|
|
Re: لندن ولا حلوة .. ولا حاجة (Re: Hozy)
|
Quote: بالمناسبة اثني على كلامك
لندن ما حلوة ولا حاجة بالجد
بس الجوووووووووووووو واااااااااااااااااااااااااااااااااااااااااااو (في الصيف) |
هوزي وسودانية مالكم يا بناتي شانين علي لندن الهجوم
ياهوزي حمتي لمن شباشبك اتقطعت وتقولي ما حلوة؟
جيبي الصور و خلي الناس تحكم
التحية ليك سودانية ولندن منورة بيك
ويا هوزي ما نشوفك انتي و زيكو معتبين بي جاي
والله فرصة جميلة انو التقينا هوزي وزيكو وكانت ايام جميلة
ويا هوزي والله ما نسيتك وبرسل ليك الحاجات
| |
|
|
|
|
|
|
Re: لندن ولا حلوة .. ولا حاجة (Re: عبدالله وداعه الامين)
|
هوزي
سلامات
والله الحكاية انو جارية في شغل مرهق اخلص وافضي القي البلد فاضية
المهم انا تمنيت لقائك بس المرة الجاية انشاء الله
بت الاحفاد ما فيها لوم انا بشاغل ساي والبت اخدت الحكاية جد
حلوة القلب والصوت لا عليك راجعالك
اها لندن تكون بقت اشني بعد انتي مشيتي منها يا هوزي
تحياتي لزيكو وربنا يحفظكم
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: واشوف لي لجؤ ولا عريس |
الأتنين زي بعض الي حين
عمر سعد يا ظريف..كيفنك.. خوفك من سودانيه تضيع ايامها بين الجدران الصامته خوف ليه مبرراته..والتحذير كويس عامه..في كتير من الناس بتفتكر من وجهة نظرها انه دعوات البيت أفضل..بيفتكروا عيب يعزموا الزول بره.. كأنهم ما عارفين انه الزول ده جاي لآيام معدود..وكمان شبعان من الجدران الصامته ولا المتداعيه.. الحاجه التانيه الفسحه في الأسواق! بيموتوا في حاجه اسمها سوق!
وأنا كنت عايزه اليوم داك أضيف ليك "وكمان السوق" بس الحمدلله ما عملت واسه ما دام انا اتذكرت يا سودانيه..امشي امباكمنت..أقعدي في جناينها وفيها كمان مسرح صيفي لطيف جدا بيقدم عروض مختلفه للماره ولعاشقي المسرح والموسيقي.. ومن هناك برضهواركبي البوت في جوله جوه التيمز..هاتنبسطي..التذكره زمان كان قيمتها 5 جنيه ولا عشره مافاكره..تلف بيك ساعتين وترجعي..وممكن تقعدي في السايد التاني وترجعي في نهاية اليوم.. وما تنسي لندن آي..مافيها شيء جذاب شديد في رأيي لكن لازم تمشيها..لانه مشروع اللفيه التالته مع اشياء اخري..انا مشيتها مع قرايبي دعوني ليها..عارفه عامله زي الأسانسير القزاز..بس امشي شوفي لندن كلها بالليل..
كده من اقتراحات الجميع عملت ليك ميزانيه تايت..بتاعة 300-500 جنيه ليكي بس..ومن فضلك بدون شوبنج..أها هاتمشي ولا تقعدي تحسبيها بالسوداني وتغيري رأيك؟ احتمال أحصلك هناك..
| |
|
|
|
|
|
|
Re: لندن ولا حلوة .. ولا حاجة (Re: Muna Khugali)
|
الراقية جدا
منى
واللة انا جيت اجازة شهر 8 الفات لكن مجدى اسحق ما عمل فينى عمايل حلوة جدا جدا
اول حاجة انا اكلت كمية فول فى مدرسة الاميرية ما اكلتو هاهاهاهاهاهاهاها
تانيا اشتغلتة كترة شغل نضيف حيط وشيل قاربش دلع لى وسخ وكدة هاهاهاهاه
وكترة حاجات مشينا رميناها فى وين كدة ما عارف انا لو كنت اشتغلت الشغل دة يومية
فى لندن كنت رجعت بلدى بى 1000 جنية استرلينى لكن كنت شغال بى بطنى (فول) والمبيت
هاهاهاهاهاهاهاهاهاهاهاها فضحت ليك مجدى مش هاهاهاهاهاهاهاهاها
وفى لندن عبد الللة وداعة زاق منى الا جدية تسلم عزمتنى هى والبروف
خسارة ماكنت بعرفك لانو برامج الميوسيك شو دى كنت بفتش ليها بالفتاشة والمسرحيات برضو كنت بفتش ليها البركة فى النتونغ هل رهيب قرب خلاص لو عندى اجازة كنت جيت قتلتو هاهاهاهاهاهاهاهاهاهاهاهاهاهاهاهاهاهاها
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
سودانيه ازيك خساره ما اتقابلنا..انا لحدى اول امس كنت فى لندن ..حاليا انا فىleeds
يا ريت لو تجى عندنا عشان نبرمج سوا لانو اختى شغاله ومافاضيه لى لندن طبعا ما احلى من امستردام , لكن فى الصيف لذيذه يا منى خوجلى انا عملت زى ماقلتى قعدت فى بارك وقريت فى كتابى ا لحلف ما يكمل .. تحياتى حليمه
| |
|
|
|
|
|
|
Re: لندن ولا حلوة .. ولا حاجة (Re: ماجدة عوض خوجلى)
|
ماجدة ازيك
عاد اليوم زوغت من الحصة وشفت ليك حاجة في البلد الانا فيها
وسالت صاحبتي الخواجية قالت لي يو هاف تو بي اندبيندات
اها بالاندنبدات دي مرقت ورحت كم روحة ومكنكشة في خريطة ما مفهومة
يا بت القصة شنو
الخرتوم بتروحني اما هنا اعمل ايه
أهل العوض بث
الوش تعمل : ) وتشيلي المساحة البينهم وبث
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
كامل عبدالماجد ودكتور الزين عباس عماره عندهم قصدتين جميلات فى لندن مدحا وقدحا وايضا بروفيسر عبدالله الطيب حتى لا انسى ارجو الرجوع للمؤانسه اما الزعل فطالما انوا زعلانه منى ومن بت الاحفاد فانا رضيان بالزعل
| |
|
|
|
|
|
|
Re: لندن ولا حلوة .. ولا حاجة (Re: Waly Eldin Elfakey)
|
أحلي حاجة هنا عندكم النوم لا محتاجة مكيف ولا مروحة
ماجدة الحكاية شنو.... اربعة تلفونات ما رديتي
وكذلك بت الاحفاد حيرتونا
والله خطة منو وعمر تمام التمام نفذتها بحزافيرها
اي اضافات يا منو؟؟
البداية دعوة سماية
وحكاوي انا مشتاقة للسودان وخليتي السودان كيف يا سودانية
وانا لا مشتاقة ولا عايزة كسرة اللهم اغفر لنا
تحياتي للجميع
وتوقيع اكيد
لندن زي العسل
حلوة
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: ماجدة الحكاية شنو.... اربعة تلفونات ما رديتي |
سودانية سلامات كيفك انت كويسة ... عليكى الله البالغ منو انا برضو والله انا من شدة مازعلانه منك امس اليوم كله مصدعة ، سودانية انا عملت معاك مواعيد ضربت ليك تلفون واتفقنا اننا نتقابل فى ايجور روود قدام باركيليز بنك وقلت الساعه 2 كويسة معاك واتفقنا اوكى ولو حصل اى اى شئ طارئ بينا التلفون كويس انا بناءا على كدة قمت عزمت 2 من صحباتى على الغدا اوكى واتصلت بيك الساعة اتيين الاربع وانا فى السكة ختيت ليكى مسج لانك مارديتى قلت انا فى السكة واحتمال اتاخر عليكى دقيقتين تلاته لكن مااكتر ووصلت بالضبط اتيين الا دقيقة والاتنين التانيين وصلو 2 واحد منهم اميركية والتانية سودانية لكن جاية زيارة انتظرناك لغاية الساعة اتنين ونص ودى طبعا مابتحصل انو انسان يتاخر عن المواعيد قدر كده نص ساعة ،لمن اتصلت بيك لقيتك لسه فى البيت وحتى ماعارفه انتى طالعة متين وبنسالى المعاك احنا طالعين متين ،استغربت والله شديد من الموقف صحيح انتى قلتى انك مابتعرفى السكه لكن كان فى امكانك انك تقولى لى الكلام دة من اول منرة بالرغم من انو لندن من السهوله انو الانسان يتحرك فيها طالما ماعنده مشطله فى اللغة او كان ممكن تتصلى وتقولى انك هتتاخرى كان مابيكون فى اى مشكلة هسه جاية انتى تقولى حيرتونى هسه الحير التانى منو فينا ايه رايك فى التفاصيل المملة دى تانى تقولى شنو كدة.
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: عارف كلامى حا يفهم خارج سياقو ودة الخفتة منو وقلتة حا يجيب لى الهواء الاخت ماجدة ادام اللة ظلك
انا فسرتة ليها لية للسودانيين لانو قلت ليها حا يعملوها ليك عزومات جوة البيوت كان شاى كان وجبة ودة الفهم العام للسودانيين للكرم
وما كنت داير البت تتوة بين حيطان اربعة
اما بخصوصو امانى واميرة حاشا ما قصدتة انهم احسن منكم بل قصدتة انو لو دايرة تمشى برة لندن يعنى الاقاليم وشكلك كدة يا ماجدة بت لندن
لماذا تجتزوا الكلام ............ على كل كامل اعتذارى اذا فهمتى كلامى خارج سياقو
وشكلو سودانية فهمت نفس الشى وطلعتنى غلطان على كل انسى كلامى كلو من اصلو ولكم العتبى والاحترام |
ينصر دينك يا ماجدة
ياخ اجمل حاجة لمن زول كبير كدا زي عمر سعد دا يتجرس
ياخ وانت طولة اللسان ليك شنو؟
بعدين البجيبك لندن شنو انت ذاتك عشان تتفاصح
الزول دا ما تشتغلي بي كلامو يا سودانية
دا لقيناهو ضهب في حفلة كدا وعمل بعرفنا ونكرناهو
اتمنى ان يطيب لكي المقام اكثر سودانية ولكي التحايا
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: تحياتي عبدالله وخالص الود
والله طعلوا ناس لندن اي كلام و اهو حبس انفرادي |
تسلمي سودانية ويديك العافية
تعرفي الامس الليل كلو حايمين بين كوينزوي وادجوار رود
ورجعنا بيوتنا بعد 4 صباحا وكان معانا الاخ الحبيب عضو البورد
حسام يوسف وهو في زيارة من دولة بلجيكا الى المملكة
سلامتك من الحبس الانفرادي دا والبلد والجو حلو ما تسجني روحك
بالمناسبة انا جار بنت الاحفاد الهيتة بالهيتة
وشايف بنت خوجلي ما قصرت في وصف المناطق المفترض تشوفيها
بس شكلها نست غرينتش و حدايق ريشموند الجميلة
والله يا سودانية البجي لندن سايح بستمتع اكتر من الناس المقيمة فيها
لانو الجري كتير وشقاوة الحياة كتيرة
ربك يسهل وتستمتعي بي وقتك هنا
| |
|
|
|
|
|
|
Re: لندن ولا حلوة .. ولا حاجة (Re: عبدالله وداعه الامين)
|
سلام وشكر
الهيتة بالهيتة دي الترد ع تلفوني بعدين افكر اصلها بلا هيتة
Quote: عموما ياحبيبه نحن الواجب بنعرفه للغريب قبل الصديق لانى فى المقام الاول سودانيه وتربيت فى بيت يعرف اصول الضيافه ومن قبيله الجعلين التى هى معروفه بأكرام الضيف وفوق كل ذلك مسلمه ودينى يأمرنى بأكرام الضيف
تحياتى
|
انا بيوت بيوت ما تبعي
خليني في الانفرادي احسن
لا تلفونات ولا بيوت بيوت
لندن اي احسن
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: الهيتة بالهيتة دي الترد ع تلفوني بعدين افكر اصلها بلا هيتة |
Quote: انا بيوت بيوت ما تبعي
خليني في الانفرادي احسن
لا تلفونات ولا بيوت بيوت
لندن اي احسن |
انه يوم الاحد في بريطانيا !!!
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: تحياتي يا دوك
القصة هنا نسبية
ناس ماشة ع الديسكو
وناس ماشة ع الويزر
خلينا بس نتفرج احسن
تحياتي يا ذوق |
اختي العزيزة سودانية
البلد دي طولت فيها و بداية جيتي هنا الواحد شاف ايام الله لاوراك ليها يا اختي العزيزة! البلد دي جميلة من برة لكن قاهرة من جوة ! طولي بالك غير كده بيكون من الصعب جدا العيشة هنا! اجدد ترحيبي بك يا اختي هنا
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
الاحبس الانفرادى براك سويته لنفسك التزمى بالمواعيد ياحبيبه وانتى مابتجيك اى عوجة عبدالله كيفك انت كويس امس احنا برضو كنا حايمين بين اكسفورد استريت والغدا فى ايجور روود وسودانية الله يديها طولت العمر دى مااداها طولة البال كان مفروض تكون معانا لكن هى اتخرت عن المواعيد ذى نص ساعة وبعد كده كمان بتقول حيرتونا عليك الله الحير التانى منو اتخيل انسان مواعدك الساعه اتنين لغايه الساعة اتنين ونص ماظهر تضرب تسال منو بكل هدوء يقول ليك اااانا بيجرة كدة لسة فى البيت طيب بتتحركى من البيت متين بجرة اطول من القبيل تسال جنبها احنا هنمرق متين والله العظيم ياعبدالله الجرة براها اخدت ليها كده كم ثانية المهم قالت بعد نص ساعة ولاحظ قبلها فى نص ساعة زايدالطريق بيكون تاخير قدر شنو واكذب تانى مااشتغلنا بيها ومشينا السوقنا المهم كملنا برنامجنا ، جايه هسه تقول حيرتنونا ، يابتاعة التاخير قريب الساعتين انتى.
| |
|
|
|
|
|
|
Re: لندن ولا حلوة .. ولا حاجة (Re: ماجدة عوض خوجلى)
|
Quote: الاحبس الانفرادى براك سويته لنفسك التزمى بالمواعيد ياحبيبه وانتى مابتجيك اى عوجة عبدالله كيفك انت كويس امس احنا برضو كنا حايمين بين اكسفورد استريت والغدا فى ايجور روود وسودانية الله يديها طولت العمر دى مااداها طولة البال كان مفروض تكون معانا لكن هى اتخرت عن المواعيد ذى نص ساعة وبعد كده كمان بتقول حيرتونا عليك الله الحير التانى منو اتخيل انسان مواعدك الساعه اتنين لغايه الساعة اتنين ونص ماظهر تضرب تسال منو بكل هدوء يقول ليك اااانا بيجرة كدة لسة فى البيت طيب بتتحركى من البيت متين بجرة اطول من القبيل تسال جنبها احنا هنمرق متين والله العظيم ياعبدالله الجرة براها اخدت ليها كده كم ثانية المهم قالت بعد نص ساعة ولاحظ قبلها فى نص ساعة زايدالطريق بيكون تاخير قدر شنو واكذب تانى مااشتغلنا بيها ومشينا السوقنا المهم كملنا برنامجنا ، جايه هسه تقول حيرتنونا ، يابتاعة التاخير قريب الساعتين انتى. |
يعرفوها سودانية كيف يا ماجدة كان ما عرفوها من مواعيدا
| |
|
|
|
|
|
|
Re: لندن ولا حلوة .. ولا حاجة (Re: ماجدة عوض خوجلى)
|
Quote: وسودانية الله يديها طولت العمر دى مااداها طولة البال كان مفروض تكون معانا لكن هى اتخرت عن المواعيد ذى نص ساعة وبعد كده كمان بتقول حيرتونا عليك الله الحير التانى منو اتخيل انسان مواعدك الساعه اتنين لغايه الساعة اتنين ونص ماظهر تضرب تسال منو بكل هدوء يقول ليك اااانا بيجرة كدة لسة فى البيت طيب بتتحركى من البيت متين بجرة اطول من القبيل تسال جنبها احنا هنمرق متين والله العظيم ياعبدالله الجرة براها اخدت ليها كده كم ثانية المهم قالت بعد نص ساعة ولاحظ قبلها فى نص ساعة زايدالطريق بيكون تاخير قدر شنو واكذب تانى مااشتغلنا بيها ومشينا السوقنا المهم كملنا برنامجنا ، جايه هسه تقول حيرتنونا ، يابتاعة التاخير قريب الساعتين انتى. |
أسد انتي والله يا سودانيه..علي أقل من مهلك! ما يستنو..يعني هم كانوا منتظرين في شارع تراب ولا في المحطة خقت بصات مايو.. مامنتظرين في أدجوارد رود!
بس بيني وبينك يا ماجده..سودانيه تخترم لقبها تماما وتعشقه..نعمل غير كده وتطلع من المله يعني؟ تكفر؟ خدي راحتك يا سودانيه علي الأخر..وسيبك انتي من المواعيد المظبوطه..هي كلها شهر وترجعي..لو جيتي في المواعيد بيصعب عليكي تعيشي تاني في السودان..أخلاقك تخسر والله..
عارفين عادي..تدي الناس مواعيد الساعه واحده...يجوك 5 وكمان يشاكلوك
ويا عبدالله أنا فعلا نسيت حدايق ريتشموند..لكن هي اسه ما بتقدر تمشي براها..مين يوديها علشان روخها تترد ليها؟
ووالي الدين وحليمة تو برضه هناك.. ياما انت كريم يارب..ده كان بيكون خراب بيوت ماخصل! يعني كنت أنهب ولا اسرق علشان أفسحكم؟؟ صحيح واحشني.. وكان نفسي أشوفكم..بس الميزانيه تقييييييله والخرطوم واحشاني أكتر الله حلو موش يا جماعه؟؟
| |
|
|
|
|
|
|
Re: لندن ولا حلوة .. ولا حاجة (Re: Muna Khugali)
|
تضرب تسال منو بكل هدوء يقول ليك اااانا بيجرة كدة لسة فى البيت طيب بتتحركى من البيت متين بجرة اطول من القبيل تسال جنبها احنا هنمرق متين والله العظيم ياعبدالله الجرة براها اخدت ليها كده كم ثانية المهم قالت بعد نص ساعة ولاحظ قبلها فى نص ساعة زايدالطريق بيكون تاخير قدر شنو واكذب تانى مااشتغلنا بيها ومشينا السوقنا المهم كملنا برنامجنا ، جايه هسه تقول حيرتنونا ، يابتاعة التاخير قريب الساعتين انتى.
غايتو جنس حالة كرمكم عرفناهو تب يا ناس لندن يا اي كلام انا فاهمة حاجة يعني هشان اتحرك براي واصل في مواعيد البت مشكورة مضيفتي قالت ح توصلني ليك وهي ماشة بعربية فيها نافيقيتر يعني القصة كلها ضاربة راس وبعد داك ملومة بمواعيد انا اكره فكرة المواعيد السودانية اصلا ومواعيدي مميزة بس ناس يعزموك وما يجوك ويشيلوا حالك يعني انا كنت مولودة هناك انا هثرو ساقوني منو بعربية وصلت البيت عملت مواعيدك دي اطلع براي كيف نحن ما عندنا بت بتحوم براها يودوك ويجيبوك زايقة براك يا ماجدة زي اختك تعالي في بلد بفهمها تعرفي مواعيدي وشكرا ع الاشادة
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
والله لندن حلوة حلا.. كل شيء مرتب، وبمواعيد، وجاهز في سيلوفان.. كل بناية لها قصص وتأريخ واساطير تنبت عند كل ناصية كل الناس هنا أنف واحدهم في كتاب يلتهم سطوره تشاغلاً عمن حوله، ومن اشتغل بالناس... كل ساعاتي التي أمضيت هنا- نحو شهر أو يزيد- تعلمني في كل دقة شيئاً جديداً.. كل ساعة تمر تغسل عني اوحالاً علقتها في الخليج وفي وادي النيل كل يوم يمر يمترس حبي لأصلي الذي يميزني عن سائر السالكين في اوكسفورد ستريت.. كالخال في "شقة" بهي الطلعة --- راجع ليك---
| |
|
|
|
|
|
|
Re: لندن ولا حلوة .. ولا حاجة (Re: serenader)
|
والله لندن حلوة حلا.. كل شيء مرتب، وبمواعيد، وجاهز في سيلوفان.. كل بناية لها قصص وتأريخ واساطير تنبت عند كل ناصية كل الناس هنا أنف واحدهم في كتاب يلتهم سطوره تشاغلاً عمن حوله، ومن اشتغل بالناس... كل ساعاتي التي أمضيت هنا- نحو شهر أو يزيد- تعلمني في كل دقة شيئاً جديداً.. كل ساعة تمر تغسل عني اوحالاً علقتها في الخليج وفي وادي النيل كل يوم يمر يمترس حبي لأصلي الذي يميزني عن سائر السالكين في اوكسفورد ستريت.. كالخال في "شقة" بهي الطلعة --- راجع ليك---
أتفق معك تماما لكن مشكلتي انا مدمنة هدؤ عجبتني اكثر المناطق الريفية تحياتي واكيد حلوة وشكرا
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: وفى لندن عبد الللة وداعة زاق منى الا جدية تسلم عزمتنى هى والبروف |
يا وهم اسمها زاغ مش زاق
ومافي زول زاغ منك وانت لاقيناك في حفلة ضهب يا ضهب
والله البركة في دكتور مجدي اللما من البرد و اكلك فول
ياخ سودانية مشتهية الفول وما لاقياهو تقول فول
لو كنت انا كان بيتك القوا
سودانية عمر دا نزلي هنا وقولي ليهو ما يجي معتب بي جاي ياخ
| |
|
|
|
|
|
|
Re: لندن ولا حلوة .. ولا حاجة (Re: عبدالله وداعه الامين)
|
Quote: اها وانا سودانية انت جنسك شنو؟؟ ما تقول لي لاجئ |
بشرفني كثيرا أن أكون لاجئه وبأسباب معترف بها.. مش أخير من اكون سودانيه وما عندي موقف معروف والأصل يا سودانيه الأنسانيه وقدرتها علي التعلم.. والتحرك للأمام.. ومن ضمن التعلم الأنساني احترام المواعيد.. ومعروفه مادايره ليها مكابره..احترام المواعيد عند السودانيين في السودان تقريبا مافي..والدليل واضح هنا.. ولا يدخل في هذا الحقيقه مافي زول يجيبني..ولا انا ما اتولدت في لندن الماعارف يكلم الزول العازمه..وبقول ليه اسف..مابعرف أصلك براي.. ممكن تجي تسوقني
اقامه سعيده في لندن وفي هذا البوست..
| |
|
|
|
|
|
|
Re: لندن ولا حلوة .. ولا حاجة (Re: Muna Khugali)
|
مني يا مسيخة ما عندي مواعيد مشكلة خاصة بظروف محددة شوفي ليك موضوع تاني اما اللجؤ فدي قصة تانية ما عايزة ادخل فيها عشان بشاغل في زول تاني وما انتي جنس مساخة وتلقي حجج خليك في قندهار والله حيرتونا عالم جبانات اقامتي زي العسل مع الروعة و العسل و كل البروقرام تمام التمام بس يا ناس لندن اي كلام لووووووووول
| |
|
|
|
|
|
|
Re: لندن ولا حلوة .. ولا حاجة (Re: sudania2000)
|
Quote: اها وانا سودانية انت جنسك شنو؟؟ ما تقول لي لاجئ |
اعتقد ان هذا الكلام موجه الي.
للتوضيح و منع انشار الشائعات كما يحدث في هذا البورد وجب توضيح الاتي
اللجؤ ليس عيباً و لا شئ مشين و لديه قواعده و قنواته القانونية و العُرفية ، ومع ذلك لست لاجئً ياسيدتي
انا طبيب و اعمل في هذة البلد
| |
|
|
|
|
|
|
|